敏華冰廳 (德福廣場1期)

營業中

休息中

愛上暗然銷魂飯💛💛敏華冰廳推介指數: 💛💛💛💛💛~~~~~~~~~~~~~今日唔使排隊，之前喺呢度食過早餐，覺得好好食，所以今日都去咗呢度食lunch！💛💛暗然銷魂飯呢個真係好好食嘅叉燒蛋飯，呢個但係留心，而且叉燒笑得非常香口💛上面仲有好甜嘅糖漿，再加埋叉燒嘅肥瘦適中，仲係好Juice！將隻蛋黃撈埋啲飯一齊食再加埋叉燒汁同埋豉油💛真係諗到都仲係流晒口水！

由於多數食肆都只係做到10點，9點鐘就last order。呢間敏華好在遲截單，我遲放工都有野食。我好鍾意呢度個豬潤米粉餐，但試過好幾次，呢度食物係唔錯，不過部份員工態度奇差。之前試過落單無人理，要佢落單時話你好催佢，問佢野唔答。今日佢話A7A8A9餐無哂，又唔解釋咩材料無哂，咁我咪問散叫豬潤米粉得唔得，結果個肥肥哋阿姐仲話：都話無哂咯！邊有得散叫。大佬，我點知你咩無哂呀～咁我咪話諗吓，就比人黑面，然後阿姐走咗。到我諗完叫落單，無人理，今日好彩，有個經理見我枱面無野問我落單未。但我想話啲阿姐態度真係好差，唔止一次係咁。有人話茶記唔好要求咁多。但呢度係70蚊一個餐的冰室，唔應該係咁囉!

在德福廣場搵地方食早餐，見到一早九點幾敏華已經有好多人排隊，諗住應該都唔錯，就去排埋一份。排隊喺麵包櫃隔離，啲麵包確實係好吸引，每一個都脹卜卜，新鮮熱辣咁樣。主要係雞尾包同埋菠蘿包，可能時間尚早，未見到有其他麵包。入到去餐廳，左手邊餐牌全部都係早餐，有成十幾樣，睇真啲其實都係果幾樣。主要就係火腿通粉/沙嗲牛肉麵/五香肉丁，配搭雙蛋/雙腸/火腿。三款面三款配菜夾埋就已經9行🤣。另外有火腿蛋多士，雙蛋多士。比起一般茶餐廳少選擇，豬扒牛扒雞翼紅腸午餐肉炸魚……通通都冇！基本上8成嘅人都係食沙嗲牛肉，另外兩成就係火腿通粉餐或者散叫西多菠蘿油。沙嗲牛肉麵配腸仔，多士多烘（即係燶啲）我鍾意佢配安佳牛油，多士真係軟熟，外脆內軟，連個麵包皮都唔硬。腸仔就係一般廚師牌雞肉腸。沙嗲牛肉麵就其實係朋友嘅，我嗰碗係沙嗲牛肉米。米粉好好味，牛肉都算足夠，只係比較鹹。雖然呢間餐廳選擇比較少，但食物質素幾唔錯。杯咖啡係即磨咖啡，幾香，不過好細杯。$40 嚟講都可以收貨。講吓餐廳環境先，都坐得幾迫，本來比張四人枱，但係唔可以坐對面，唔識嘅四個人係每pair 坐一邊，大家都望住塊膠板，張枱又好細，感覺好侷促，諗住起身走

今日食評有✍🏻 敏華@九龍灣德福試食指數⭐️⭐️⭐️⭐店舖衛生⭐️⭐️⭐️侍應態度⭐️⭐⭐️⭐️((每項5⭐️為滿分)) · 近期係比較易肚餓🤰🏻我哋宵夜時段去咗敏華1️⃣五香肉丁公仔麵➕炒蛋➕火腿➕厚多士➕熱檸茶五香肉丁公仔麵 ⭐️⭐️⭐️⭐/5好香嘅五香肉丁令人無法抗拒炒蛋夠滑及火腿正常，係比較油厚多士烘得幾烘得幾好，加分2️⃣夠薑豬肝牛肉米粉➕腸仔➕厚多士➕熱杏霜夠薑豬肝牛肉米粉⭐️⭐️⭐️⭐/5個名改得好，真係三大舊薑放入碗度😂賣相欠逢但證明真材實料豬肝牛肉「yip」得算入味，夠嫩腸仔正常但較油飲品正常·二人116·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

一直覺得敏華冰室的奶茶好飲，這日有空就與朋友來個下午茶之約。下午2點多来到這裡，人不算太多，剛好有位不用等。坐定後點了一份特餐蔥油猪扒煎雙蛋飯，一份下午茶榨菜肉絲雞翼公仔麵轉米粉，還有重點凍的熱的兩款奶茶。熱奶茶小小一杯，口感相對偏澀，反觀凍奶茶很滑且大杯，個人还是喜歡凍奶茶多點，好飲又抵飲。蔥油豬扒煎雙蛋飯的豬扒大大塊，份量十足，嫩滑多汁，蛋黄流漿，沾在飯上有非常誘人想食的感覺。榨菜肉絲雞翼米粉，湯底是我喜歡的味道，夠濃厚，榨菜肉絲的份量很多。總的來說，食物美味，份量相宜，難怪開到越來越多分店。

今日食評有✍🏻敏華冰廳@九龍灣試食指數⭐️⭐️⭐店舖衛生⭐️⭐️⭐⭐侍應態度⭐️⭐️⭐️((每項5⭐️為滿分)) · Late dinner 時段有好多set都冇我哋點咗個茶餐及炸中雞翼湯米1️⃣茶餐中的五香肉丁公仔麵好味腸仔煎得剛剛好，炒蛋夠滑件包有𤎖底同夠厚附送熱檸茶一本2️⃣ 炸雞中翼湯米忌廉雞湯湯底顏色有點嚇人但味道ok炸雞中翼好味得來好邪惡·二人盛惠98抵食·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

樓面不斷大叫外賣號碼，其實行多兩步就可以唔洗大叫，另外堂食碟飯嘅飯量少到女仔都唔夠食，杯凍奶茶完全無味，所有員工無人主動招呼客人，要人叫寫嘢執枱先有人行埋嚟，食物越嚟越差

以前黎食都好好食，但依家睇個樣都覺得難食燶邊叉燒都冇燶過...失望但比普通茶記係好食但係對唔住$69呢個價食個沙嗲牛都好又有煎蛋火腿多士仲要平10幾蚊食其他抵好多

敏華真係長期飯堂咁濟, 不過今次唔係食豬扒,雞扒之類既野啦!! 今次係食另一個,叫暗然銷魂飯, 其實就啫係叉燒煎蛋飯, 另外2個人,一人叫多一個菠蘿油!!!好驚人既食糧!!暗然銷魂飯食太陽蛋, 仲要多汁,正呀!!!2個人呀ma ,人碗邊夠,所以叫左2碗,一人一碗唔好掙,撈均晒啲蛋同汁真係好正呀!!其實係個飯黎之前, 因為太肚餓啦,忍唔住叫左個菠蘿油其實食完個菠蘿油係未至於飽,但係都唔餓嫁啦嫁而最後飲返杯凍奶茶,咁就完左個lunch,正

尼間係我去過咁多間敏華冰室最好食嘅一間！唔怪得成日咁多人排隊超級雜扒飯（$54）～有腸仔，午餐肉，雞扒，猪扒，雞扒皮煎得好香！雞肉好嫩口猪扒係厚切夠香！其實佢都有餐包杯茶飲（$66）

又係食敏華, 呢間應該係我食得最多嘅冰室, 水準食咁多次都係保持到嘅, 而且佢用料的確維持到水準, 所以我早餐都好喜歡食佢, 近排由於疫情關係, 連午餐或者晚餐都會係食佢, 我就唔會覺得悶嘅雖然我食嘅嘢冇乜變化。今日呢個鐘數係好古怪嘅, 四點半到去食tea, 當然就要叫個菠蘿油啦, 一樣香脆可口另外就叫咗個煎雞扒飯, 一如以往雞扒大大塊, 蔥油又香, 雞扒飯雖然呢得慢咗啲, 因為佢係即叫即煎真係好好食熱辣辣。另外我叫咗個檔奶茶不過唔記得咗影相, 佢間間嘅凍奶茶都一樣咁出色, 日常當飯餐真係唔錯

平安夜到了今年好無聖誕氣氛夜晚又無得出街食飯唯有下午出去食一餐敏華間中都會黎食佢D野一向都保持水準呀如常地點左~五香肉丁意粉餐配雙腸炒旦鍾意佢個五香肉丁有D茶餐廳用既肉丁好差食落味道差好遠而且呢度既湯底唔淡啱晒我口味炒旦就唔駛講一向都滑(我唔好炒旦既都讚)腸仔就正常呀

今早和朋友去了德福的敏華冰廳食早餐，本人叫了一個通粉早餐加一個熱茶走⋯⋯前身係一間卜歷史悠久的冰廳，送上來的，竟然係一杯加咗淡奶，沒有糖而煉奶放在側邊的熱奶茶⋯⋯之後送來的通粉⋯朋友和我點的是一樣的通粉，但送來的份量非常懸殊⋯⋯於是問負責帶位的同事杜小姐，佢嘅答案竟然係：你朋友嗰碗的份量放多咗！之後就走咗去。在現今的社會經濟環境下，咁嘅食物質素和服務態度實在和趕客無分別。

以前去茶記係為咗方便同快捷，味道一定係大眾化架啦，但依家敏華變咗集團式經營想去營造果種氣氛，真係好難同做唔到。今次食佢地既早餐時，限聚令根本唔存在，逼到一個點呀，就算對面條友唔識既都照安排，衛生情況令人擔心喔茶走算係甘啦，啲杯係新既，但比起以前果杯細咗好多好多呀，8啖就飲晒甘滯，但又唔想飲凍野，不過不失啦。 首先上杯茶走係正確做法，跟足一般茶記，再上多士，但大家都見到塊多士係點，唔多介紹啦。個麵湯太多，油太多，無肉丁。38蚊一個早餐甘樣真係好貴喔

一般茶記都唔會抱太大期望，但呢間比到我驚喜先黎個丁米，米粉係新竹米，唔會好快索曬D 湯攪到D 米粉發脹曬，相反，就算浸耐左佢都好彈牙，而個肉丁我覺得可以再辣同濃味少少。另外佢都有炒蛋多士，蛋好滑有蛋香，而個多士都好好食，脆得黎又軟熟，真係好複習。