敏華冰廳 (又一城)

營業中

休息中

今日叫左兩個歺，店員服務很差，早上冇乜人，我地要求坐另一個位置，被拒絕，叫左一個煎雙蛋/炒蛋（叫左呢個）配火腿拼歐式軟多士，冇乜特別，正常，另一個四川榨菜肉絲湯米，冇乜料，兩杯熱奶茶，一杯茶走，下次唔會再泥

叫咗個咖哩雞扒飯,等咗35分鐘完全無反應對面台遲我10分鐘入座、落單（叫咗豬扒飯）、食完嘢, 我碟飯都仲未出現,追咗好幾次都話做緊做緊.我追咗第三次先見佢哋問廚房,先見到佢哋開始整,好明顯係完全唔記得咗同無真心去幫我追.飯終於到, 嚴重地失望. 簡直係唔好食. 服務又羞, 野又唔好食, 一定唔會再食.我等緊嗰時,聽到有人搵到鐵線係碗叉蛋飯. 如果你唔想等40分鐘為咗食啲唔好食同有鐵線係碗飯的話,就千其唔好去敏華冰廳.

好耐無去飯黯然义燒飯。加杯熱奶茶。售價$75。個义燒好軟身，易入口，好味。隻荷包蛋好食。混入白飯，非常滋味。地方潔淨。個人誠意推介，如果想尋回食神電影中的黯然义燒飯，香港地只有敏華冰廳。

今日係九龍塘學完車好肚餓，3點半想食個tea,就去左festival walk 最高果層（Level 2) food court果度搵。見到有敏華冰廳就諗住入食個常餐頂頂肚。我同朋友被安排一個卡位，點知個卡位要同人地share, 坐得好唔舒服，好窄，仲衰過普通2人位。環境坐得唔舒服都算，食物先係重點。我叫左個沙茶牛肉米粉常餐，盛為$60！常餐都收人咁貴，心諗實有佢過人之處啦點知！米粉個湯勁多水，搞到好淡，得幾片牛肉😢成個賣相勁差👎🏻 方包，火腿，炒蛋都係普普通通啦🥺 你問我值唔值$60，一定唔值囉！垃圾

又一城早餐既選擇唔係好多，去左foodcourt 果邊睇下有咩揀，見倒有敏華，又未食過佢D早餐，就去試下。一入門口，侍應就show左張指引，係話點餐係自己電子點餐，scan QR code, 仲話定野飲個價錢開頭係show 正價，但order 之後就會變返岩既價，可能好多人問，所以佢地就寫定先。佢早餐既選擇都係一般既腿通，五香肉丁，沙牛麵之類，我就揀左忌廉雞湯腿通加多士同太陽蛋。佢個太陽蛋無敵多油，成個碟都係油，但又整得好好食… 多士都好食，烘得好之餘又鬆軟，個腿通有雞湯味就冇咩忌廉味，都OK，不過美中不足就係食完之後好口渴。

星期天的下午茶時段，等了約十分鐘，可以入座，二人搭枱位，前邊人龍應該是三、四人罷。餐廳滿座，疫情下，坐半邊的卡位，不情不願也要坐店員粗聲粗氣的說用QR Code點餐，點了黯然銷魂飯，其他想食既大多售罄，如牛、豬潤米粉，本想罷食，聽到蛋撻新鮮出爐，點了兩個。$75包熱飲的黯然銷魂飯4件叉燒/一隻煎蛋，單看賣相已經一啲都唔吸引，蛋差不多全熟，篤穿也只是微微的流心，叉燒有微焦香，偏瘦，有少少鞋，豉油好咸，說好的用金鳳米煲的白米飯，也沒有特別，整體一般。出爐蛋撻$14/2個新鮮出爐，熱辣辣，蛋香，皮鬆化，合格的。叉燒飯跟餐的奶茶奶味多於茶味，熱度足。叉燒飯跟餐飲收$75，質素一般，有點不值。

假期客人較平日多，可能餐廳人手不足，在排隊等位時已被呼喝式招呼。客人企出小小都被鬧，阻住做野。入座後掃碼點餐，食物飲品都好快到，唯掃碼點餐不能點蛋撻，向第一位侍應查詢，叫等等；向第二位查詢，話兩個鐘都吾會有，完全無人手整蛋撻。不明白為什麼不直接暫停供應，令客人等完一輪先知無得吃。😰

成日外賣都漏單/錯單，今次就入漏咗個餐飲，通粉變咗意粉。個外賣往往紮左兩個結，所以睇唔到有冇漏嘢，唯有信啦。老實講，食物係 ok 的，不過D外賣單可唔可以跟足少少。

放學同frd去festival walk食lunch，見到間敏華就去試下，排隊嘅人都應該唔算太多，等咗10min左右，入去之後嗌咗個沙爹牛肉麵，味道都算係唔錯，算係幾好味。

八點晚飯時間特登過嚟幫襯，要叉燒冇叉燒，要羅宋湯冇羅宋湯（話要投訴先至有即係唔老實）連最基本嘅食材準備都做唔好，簡直失望！管理層麻煩做好食材準備以免客人山長水遠嚟到，一場失望一肚火

今早8:30諗住去食過早餐才睇早埸，試吓再叫早餐牌上推介的义燒魚柳湯粉，點知待應答話义燒未到！噢my god,同一答案已經是無數次!為什麼要show在早餐牌上呢？

跟親愛的一起填滿這個早上第一次一起去看電影🎬在商場裡找了家茶記在下也是才知道 已經多年沒有來又一城了每次來都變了好多 或許只是在下不記得啊坐下來我們還有30分鐘左右能好好嘆我們的早餐（好rush😅)跟親愛的一樣 點了個沙茶牛牛公仔麵🍜麵質熟度在下都滿意重口味的我略嫌沙茶醬不夠😆大吃的我覺得牛牛能加底就好了（抱歉在下對一家茶記要求太多）跟餐飲料在下點了杯熱咖啡☕️忘了叫他走奶怕是今天吸收太多奶的話會拉肚子吃完麵後我們乖乖在等著蛋撻出爐由於我們時間差不多了所以催促了店員一下嗯⋯⋯我們的新鮮蛋撻等了又等上枱時已經過了黃金時間在下好久沒有吃到真的真的剛出爐的蛋撻難道真的要在老餅店才能遇上嗎不過沒關係只是沒了在下喜歡的視覺享受蛋撻的奶味很重很重附上奶油的香味 蛋身好滑溜不過蘇皮拉太多 令它反變得不夠鬆化（如果他們是自己拉的話）整體而言不過不失吧早上能跟愛人吃剛出爐蛋撻真好

食過咁多間敏華 又一城呢間真系最好服務評價我比🌟🌟🌟🌟🌟樓面員工超細心同超有耐心我地改左好多次食品但樓面員工仍然很有禮貌地立即處理我地要求 見到我地有小朋友系度 仲主動問我地需唔需要碗仔 百忙中仲可以有呢種服務 真系好難得 值得點名讚揚 （副主任馮先生）食物品質我比🌟🌟🌟🌟🌟我叫左一個炸菜雞翼麵 我慢慢食完碗麵再食雞翼竟然仲可以系熱 無另一間敏華可以做到呢個水平 明顯系即炸同預先炸定既分別同其他敏華分店相比真系一個天一個地

年初四到又一城商場，購物與下午茶，商場人流不算太多，但相對個多月前的冷清場面，好得多了！希望疫情早逝，大家回復正常生活！下午茶在新店開張的「敏華冰廳」，冰廳裝置走懷舊風格。我們的簡單下午茶：馬來三叔公咖吔多士~~脆多士夾著甜甜地的咖吔醬，溶化中的甘香牛油，雖然很魔鬼，却很可口。熱奶茶，棒的。我們一齊分享這份美味「魔鬼」，一面等待尚有9分鐘出爐的酥皮蛋撻。9分鐘很快過去，出爐的酥皮蛋撻登「枱」了！很晶瑩的蛋面，十分吸引！横切面看到厚厚的香甜蛋漿。我喜歡水皮與油皮結合的酥皮多於曲奇蛋的蛋撻。