摩豆

營業中

休息中

經朋友推薦，知道旺中好多好野食😄😄朋友仔話童年時期成日食一款橙味朱古力，為左懷念依個味道，佢又帶左我去食返個個甜味。不過今次更特別！就係去左「摩豆」食「橙味朱古力雞蛋仔」！💙❤️👭其實通常食物加左橙，都會好大陣熟悉既水果味，亦有伏既預感⋯不過今次幾surprise!因為原來依款橙味朱古力同雞蛋仔真係幾match😍😍個橙味唔係話好出，而朱古力因為熱溶既關係好多醬，好味💕💕想有新鮮既感覺，值得一試！

品質越嚟越差, 未曾見過咁核突嘅格仔餅, 好似中咗輻射咁。 服務員態度差勁, 攞上手已即時同服務員講得核突, 零反應。 無意更換,真係 貼錢買難受。攞上手發現紙袋與之前不同,懷疑被騙去錯咗鋪頭。

#ccbfoodiary-難過時吃一粒雞蛋仔 告訴自己生活是甜的🤧-今日同朋友放工經過旺角中心 見到間一直都好想試既雞蛋仔 特別既係有好多唔同口味 甜又得鹹又得 不過我都係鍾意食甜多d😋 於是揀左甜黎試下 買完等都係5分鐘-🍴積及橙朱古力雞蛋仔 ($24)一攞上手熱辣辣🤤 食過有d唔太熱麻麻地 但感覺上加左好多色素 因為橙得有d誇張🙊 但食落口感唔錯 好脆 而且雞蛋仔好鬆軟 好重朱古力味 攞上手仲係會有d朱古力醬 雖然賣相麻麻 但味道確實唔錯😋-✅Rating: 7/10-摩豆 (旺角)📍旺角彌敦道688號旺角中心一期2樓SA27A

耳生伺服-望圖真係好流心呀.呢排搵四圍搵食 主要都係睇下有冇優惠今次呢間都唔例外仲比我望到佢有流心雞蛋仔 即刻試試.呢日好多人（可睇圖）排左大概10分鐘⭐️流心蜂蜜雞蛋仔$24一拎上手 好好好好熱一食落口.......😱軟過毛巾呀（可睇影片）👎🏻完全冇用風筒吹 勁失敗🤦🏻‍♀️真係$10質素都脆過佢🤦🏻‍♀️唔脆基本上直接負皮.講埋流心效果😭又係呃我既 望圖係流過劉華（可睇圖）但事實係入面都有小小蜂蜜漿只係因為入面有粒蜂蜜爆珠 （可睇圖）冇期待 冇失望 有期待 好失望🤔食落味道 其實唔差 甜甜地香蜂蜜味.但唔脆 直接負皮希望下次用心d啦.#hkfunfoodrecord以身試伏#hkfunfoodrecord窮遊香港.#摩豆 (旺角)地址：旺角彌敦道688號旺角中心一期2樓SA27A.⭐️評分：味道：1/5環境：-/5服務：-/5抵食：3/5 既然唔好食 有優惠都唔多講啦.

流心蜂蜜雞蛋仔$24呢隻口味好創新，見店長推介，又話多人撰呢隻味，幅相又咁靚，諗住一於試下啦🙈拎到手，一咬，外層脆卜卜，入邊煙靭，幾有嚼口！中間有粒蜂蜜啫喱，有少少甜甜地，但就唔似店鋪貼出黎張相咁爆晒漿咁🙈真實與相片不符🤣味道都好普通，無乜太大驚喜。同埋底層既雞蛋仔未吹一吹就擺咗入個袋，所以外層變到腍晒😭無咗脆卜卜既感覺🙁味道的確有少少失望，不過間小店勝在勇於創新，因為我見佢每一段時間都會出啲新口味，唔錯👍味道就另講啦🤣味道🌕🌕🌕🌑🌑推薦🔥🔥🔥

呢間係旺中既小店，主打係賣雞蛋仔，格仔餅同手調飲品，佢既雞蛋仔口味都非常創新，有斑蘭，積及橙朱古力，羅宋湯，流心蜂蜜，宇治金時，鳳梨酥，伯爵茶 & 肉鬆蝦乾格仔餅亦都不例外，有宇治金時，金莎朱古力 & 玉桂蘋果，太多口味樣樣都想試，真係好難揀，最後我揀左積及橙朱古力雞蛋仔等左一陣就有啦，攞上手熱辣辣的，成底都係橙色同佈滿朱古力粒，咬落去好脆，味道同積及橙朱古力係一模一樣，所以覺得有d甜，同一d蛋味都食唔到，粒雞蛋仔係空心既，只得外脆完全沒有內軟既感覺，食食下覺得自己似食緊薄脆多d我欣賞佢既創新，但雞蛋仔原有既蛋味係最基本的，如果沒有蛋味既雞蛋仔怎可以稱得上做雞蛋仔呢？

My friend and I were just wandering around Mongkok one night and looking for some street food as dinner. We searched online and found this little shop which is located in a mall.It was quite hard to find since the mall consists of many small shops, including this one. You really have to know your way around.Nearby this small shop, there are also many other shops selling small bites. Turns out it is almost like a food court here, with many young people standing around and eating food from differe

do u rmb chef lemon’s egg waffle? softer than a towel. 淋過毛巾。呢間的雞蛋仔正是。 先唔講佢唔脆，就連個蛋漿都整得唔好味，食落沒有蛋味。this is exactly how i feel eating the egg waffle. Lets not talk about cripsy or not, u wont know it is made of egg when u eat it.我買的是朱古力雞蛋仔，無論係朱古力味定蛋味都唔夠。I bought the chocolate waffle. it lacked both the taste of egg and chocolate.好失望，希望店主進修下廚藝very disappointed. could the owner please taste the food before selling it.

呢間小食店有多款有特式既格仔餅同雞蛋仔，今次點左蜂蜜流心雞蛋仔外皮:完整又香脆餡：每粒雞蛋仔入面都有一至兩粒既流心蜂蜜珠珠，有d似份子料理，一咬就爆開味道：蜂蜜味好出，但略嫌唔夠蛋香味

旺中而家變咗個美食天堂😍有好多美食🍟🍙🍦🍡，例如:雞蛋仔，薯條，撈面😍🥰眼花繚亂😎🤣今次就食咗雞蛋仔😋實在有太多味道選擇啦!!🤤🤤🤤而今次我就揀咗原味朱古力😜等候時間大約三分鐘😥，因為佢新鮮整😎 熱辣辣新鮮出爐😜🤤雖然每一粒雞蛋仔內都唔會滿曬朱古力🤔，但平均2粒雞蛋仔裡都有朱古力味道，🥰☺️😍同埋最重要係拎上手都 熱辣辣🤤🤩同埋朱古力味道唔會好甜😋恰到好處☺️!

💯💯雞蛋仔。格仔餅‼️Lol 每次係面臨揀雞蛋仔定格仔餅既時候都好似站在人生交叉點？兩樣都好鐘意食！但兩樣都係好飽肚既美食，好多時候只能2選1。呢間小食店主打唔同口味既雞蛋仔🥚,格仔餅🥞! 呢度既雞蛋仔口味愈出愈多!記得岩岩開既時候最出名係Jacob orange flavour! 積及橙!而家既口味多到連斑蘭，土鳳梨酥味雞蛋仔都有!!!店舖樣樣都落足料! 粒粒雞蛋仔都有滿滿既餡料!呢間小店既格仔餅都唔會比佢出色百變既雞蛋仔被比下去, 佢既格仔餅除左足料仲好厚底!餅底同餡料加埋係要大口大口食先咬得哂！咬落仲要係脆脆的,好鬆化的! 我食過🍎蘋果肉桂味, 🍫金莎榛子味, 宇治金時，始終覺得原味最好食! 由於係即叫即做, 所以想食就要比D耐性!!

旺角中心內的一家創意小食店😋班蘭雞蛋仔 $20間鋪有好多口味的雞蛋仔揀👍🏻 有蜂蜜、朱古力等等...班蘭少見啲，所以幾有興趣，揀左嚟試下。新鮮出爐熱辣辣🔥 外面係脆嘅！不過唔稱得上口感好好，我覺得偏向實淨多啲😅 食落個餡都就好香！班蘭味好出！唔係滿滿蛋糕既感覺，但都唔算一陣風～後記：成$20一底雞蛋仔，認為性價比不算高... 如果喜歡班蘭既朋友仔都可以一試既，但如非必要都唔會encore喇😅

由細到大都鍾意食雞蛋仔雞蛋仔真係唔係香港嘅小吃咁耐你講覺得最好味嘅朱古力雞蛋仔就係呢間Modos既積及橙朱古力雞蛋仔佢嘅積及橙朱古力真係同平時食積及橙朱古力既味一樣而且出爐係香噴噴熱辣辣👍🏻

哩間雞蛋仔開左好幾年仍然大排長龍，就知道係實力派雞蛋仔嘅口味好特別，例如斑蘭同流心蜂蜜等，都係我食過再食嘅選擇佢嘅雞蛋仔就食得多喇，今日就一於試埋佢嘅格仔餅金沙朱古力格仔餅一聽個名就知係好邪惡，格仔餅即叫即整，等咗大概10分鐘左右就已經有。格仔餅好有蛋香，厚度亦都適中，好脆入面就夾雜着濃濃嘅榛子醬，但係金沙外層嘅花生粒就好少啦，令整體嘅口感唔夠豐富，變咗係一般嘅榛子醬格仔餅不過味道就唔錯嘅，只係更多醬嘅話會更好

叫左個斑蘭雞多仔，只有好微的斑蘭味 (因為冇蛋香味） 明明睇到之前d人comment話好煙韌，但事實如圖般唔夠漿，冇乜餡，何來煙韌。外面只係硬，又唔係脆。 真係好失望呀。 只此一次，下次唔會再食