摩豆 (已結業)

昨晚與男友到花園街辦年貨，經過時發現大排長龍，便走去望下有咩攪作，原來是一間專做雞蛋仔及格仔餅的小食店！見meun 好多款，剛好又口痕痕😂男友見小女流晒口水咁便叫我選擇一款，興奮的我考慮了一陣便決定點選芝士雞蛋仔！因為是即叫即制，等了約10分鐘拎上手熱辣辣，香味撲鼻，急不及待嚐一口，果然蛋漿香濃可口，最讚就係芝士味勁濃郁，如果有拉絲效果更吸引呢，不過25蚊真係貴左D他反而覺得有點過量，蓋過了雞蛋仔原有的味道及沒有外脆內軟之口感，而且有點油！

返工已經好大壓力，放工仲要返學，唔食返d甜野平衡唔到，又見好耐冇食過雞蛋仔，所以就買左底啦。抹茶控既我梗係揀宇治金時啦!!買既時候佢講明等候時間，大約等20 分鐘我既雞蛋仔就到手啦！！外脆內軟，好好味，抹茶味重，雖然唔係粒粒雞蛋仔都有紅豆餡，但粒粒都好飽滿，絕對唔係空心雞蛋仔旺角既雞蛋仔舖應該仲多過7-11, 不過黎間真係好有特色，有好多新奇口味，下次試下其他味先！！

久聞了這間新派雞蛋仔有多款口味可供選擇，餡料有鹹有甜，價錢亦按類別有平有貴，亦有同樣多款口味的格仔餅！今天先試試雞蛋仔！看到有多款合心意的口味，例如朱古力，蜜糖流心，芝士及宇治金時，但今日突然心血來潮想試平日較冷門會選的口味 — 積及香橙味朱古力雞蛋仔！其實我從少便對香橙味的食物有所抗拒，但又覺得淨甜味餡料比較膩，一於試試這個香橙積及有何特別，它是店舖的人氣No.3。職員說要等25mins，時間亦預計得相當準確！熱辣辣的雞蛋仔橙味和朱古力出奇地夾，是兒時積及朱古力的味道，趁熱食相當可口！$23略嫌貴了點，但已決定下次會試玉桂蘋果格仔餅！

由於之前食過覺得好正同一試難忘，而且距離食晚飯仲有啲啲時間，所以我們再去咗旺角花園街嘅「摩豆」買格仔餅嚟食！同上次一樣我們買咗蘋果玉桂格仔餅，但一攞到手就見到同上次有啲唔同，蘋果肉嘅份量比之前少咗好多，格仔餅亦比較腍身咗啲，無之前咁酥脆鬆軟！所以今次再食，令我們覺得比較失望！

工作辛苦又一天，星期五又到happy Friday 啦～放了工當然要試好野啦～去完太子食過晚飯後就同同事行下街當運動下，順便食下旺角依間同事話幾好味Modos的格仔餅先～二人各試一款格仔餅。小弟我就試蘋果玉桂格仔，新鮮制作的格仔餅再加上蘋果玉桂真係甜絲絲飽滿外型都吸引。下次一定要其他格仔餅先得

經過Modos，突然很想吃雞蛋仔。Modos雞蛋仔的味道很多種類，有最基本的原味，甜味的有朱古力、流心蜂蜜、土鳳酥酥等等，鹹的有肉鬆肉乾、芝士、香濃羅宋湯，這次我就來試試味道比較新奇的積及橙朱古力雞蛋仔。人唔多，我地大約等左10分鐘就有得食啦！一拎到上手，不禁「嘩」左一聲，因為佢既顏色比我想像中橙好多，唔知係咪落左色素呢，上面一粒粒朱古力，主要集中係成個雞蛋仔個中間，可見朱古力既分佈並不平均。急不及待拎一舊黎食，一開始就感覺到好大陣橙味(呢舊未有朱古力)，外層未能做得好脆身，內裡可能因為蛋漿落重左，未能好好把握空心與實心既比例。再食多少少開始有朱古力味，就覺得朱古力味有少少蓋過橙味，整個組合不太夾哈哈😂這間的話，我會比較推薦羅宋湯味👍🏻

摩豆由最初旺角總店開到十九區都有分店，可想而知香港人對呢款Comfort food 的需求有多大？早前終於一試摩豆雞蛋仔～呢間店係專門做奇怪的口味，愈覺得無可能的就愈多人試！一人想試土鳳梨酥口味的，但賣光了，最後退而求其次揀了伯爵茶口味。需要先落單俾左錢，之後憑收據去領回食物，因為是即叫即做，如人不多大概需要五至十分鐘，人多另計。等了十分鐘終於出爐，熱呼呼拿在心上，雞蛋仔質感比較挺身，內外口感脆卜卜，甚至有點界手，不像平時的雞蛋仔入面會軟身，蛋香亦不算太強。伯爵茶口味有點似某種包裝檸茶，愈食愈正！好鐘意！

吃過晚飯後經過花園街，見到雞蛋仔就心癢想吃，作飯後甜品！門面有新鮮感，賣的不是傳統雞蛋仔有很多創新味道，由於不想太膩，決定試試班蘭味！班蘭雞蛋仔賣相吸引，金黃色的烘面加上班蘭綠色，令人聯想到新加坡的班蘭蛋糕，垂涎欲滴！一咬，外脆內軟，但並沒有班蘭的味道，令人失望！朋友說吃到綠茶味，我吃到的有微微的橙味(?) 可能是這部機器上一手是弄了這些味道吧！

今晚我們行去旺角洗衣街食晚飯之前，經過花園街見到間賣多款創新口味嘅格仔餅同鷄蛋仔店！款式種類超多，我們選擇咗蘋果玉桂格仔餅同宇治金時鷄蛋仔，由於係新鮮即叫即整，所以食落特別軟熟同熱辣辣！蘋果玉桂格仔餅一攞上手就聞到陣陣嘅玉桂香味芳香撲鼻，格仔餅係窩夫餅底，質感極之鬆脆，蘋果粒都幾大粒，味道唔會過甜，蘋果餡料嘅份量超級多，多到流晒出嚟，真係幾抵食！宇治金時鷄蛋仔嘅鷄蛋仔質感好香滑軟熟，食落有好香濃嘅抹茶味，入面有粒粒香甜紅豆，餡料相當足料，令到口感更加豐富！總括：可以將傳統嘅小食格仔餅同鷄蛋仔創作出咁多款特色味道，真係創意十足！

話說被網上的介紹片所吸引，作為朱古力控兼金莎Fans的我，終於走去試了金莎朱古力格仔餅，雖然一件售價$28，但厚厚的一件吃下去根本不能再吃晚飯，當晚購買時沒有人龍，但等候時間也接近20分鐘，等了又等，終於接到熱辣辣和脆脆的格仔餅，金莎朱古力醬香濃，但整體有點膩，還是喜歡吃原粒金莎多一點😚格仔餅和雞蛋仔的口味選擇也算多和創新大大件有份量可能經過客人意見，金莎醬塗薄了，但依然有點膩，適合2個人共享～

之前已經留意到呢間雞蛋仔，但由於價錢偏高，又少人，所以一直未食，今次見冇人排除等就食，但即叫即做都要等一陣。除了有成11款雞蛋仔之外，還有其他野食。就係雞蛋仔既朋友-格仔餅，也有4款口味選擇。另外，還有飲品選擇。流心蜂蜜雞蛋仔 $23，我點了人氣推介no.1都幾大底，尺寸同平時一樣，但幾重手，用料十足。拎上手已感動到脆卜卜的邊位，幾吸引。幾油下，雞蛋仔夠熱夠脆身，每粒都好鬆軟有陣性，好綿密足料，幾香蛋味。雞蛋仔黎講做得好好味。重點就是流心蜂蜜，原來係平時飲品的爆珠，說好的流心呢？ 至多可以叫爆醬，但唔係流心。咁最盡只值$15普通好味雞蛋仔，但就唔算咩特色口味、冇特別效果。爆珠有淡淡蜜糖味，令雞蛋仔濕潤冇咁乾。最後有點失望，有點被fake。

之前各大傳媒曾經報導過這家賣新口味的雞蛋仔和格餅店。小妹也試過為了他們的雞蛋仔排了超過一小時。orz不過可以說是值得的。因為真的足料好吃！最近接到新消息說店家出了新的味道！於是趁著放假便急不及待去試了！XD今次試的是蘋果玉桂格仔餅和宇治金時雞蛋仔。下午時間，店外等候的人不算太多。等候時間不算太久，因為即叫即整，都係等10-15分鐘左右。首先出爐的是蘋果玉桂格仔餅。離遠已經聞到陣濃烈的玉桂味！接過手還是熱熱的。格餅是窩夫底！外面十分鬆脆！裡面則是軟軟的。還有大大粒的蘋果粒，口感十足！餡料入口有驚喜，與一般的玉桂蘋果批味道很不同！除了蘋果的清甜味道和肉桂香味之外，還吃到一陣會令人不自覺地流口水的酸味。沒錯，就是檸檬。店家在餡料內加入了檸檬汁中和味道，令格餅的味道不會過甜。接著出場的是宇治金時雞蛋仔。一樣接過手能聞到陣陣的抹茶味。口感外脆內軟。咬開之後可以見到入面是滿滿的抹茶紅豆餡，絕對沒有偷工減料哦！味道方面，抹茶味十分濃郁，還帶了一點茶的苦澀味。與紅豆的甜味互相配合，十分好！總結：很喜歡今次的新口味！價錢和質素成正比。抵食!而且份量十足，當作下午茶的話也很足夠。

自從睇完某雜誌食評講述 其金莎朱古力格仔餅的魔力後便想一試 可惜總是排很長的人龍終於難得 遇到沒有人龍的時候當然去試一試啦先不說味道 $28格仔餅會否定價過高？？？等了十分鐘 終於等到了！賣相真的不是太好.....好吧！人不可以貌相！一咬！嗯........ 自問吃得甜的我 也覺得吃不消！太甜太膩了！吃了一半便要放棄$28這個賣相 這個味道物非所值！只怕沒有下一次了！

到花園街購置萬聖節裝飾，途經這間小食店，記起看過雜誌介紹其玉桂蘋果格仔餅，便儘管一試。最後怕中伏故試試最穩陣的金莎朱古力。等了約三四分鐘即到手。格仔餅本身的質感是脆而薄，不好吃。金莎朱古力即 Nutella 醬加極少量的果仁碎。Nutella 本身配搭什麼食物都好吃，但不覺得有花心意在研製產品上，無驚喜。如果這是一塊賣約$10-$15 的格仔餅，尚可接受，但這是 $28 元啊，完全不值一試。另外，在等候期間他們正在返貨，看到店員把一包一包用透明膠袋裝著的奶黃色液體搬入店內，猜想他們是用已經調配好的面粉糊，而非使用自家製的配方。同樣，如果是僅賣十元八塊的小食店當然無可厚非，但一份格仔餅賣二三十元不止，太沒有誠意丁吧，與其花錢在廣告宣傳上，不如花在品質上。被廣告吸引來的客人如我只會試一次便不再回頭。當然速食經營的老闆們可不在意，賺了一轉就再搞其他。希望用心經營的小店能維持下去吧。

旺中最近開左幾間小食店，之前上網都見過有介紹摩豆嘅格仔餅。金莎朱古力格仔餅($28)，超多朱古醬，好邪惡呀！格仔餅係脆身嗰種，唔似一般食落成口麵粉，好有蛋香。金莎朱古力醬，棒子味濃郁，但又唔會太甜，再加上果仁碎，誠意之作。