搖茶飄香

係附近打完羽毛球，唔想行，求其搵野食，就入左呢間野試下~~晚上7點幾8點，竟然得3個客.....都有d心感不妙~但算啦，入左去就俾次機會佢。點左個香鹵雞翼米線。左叫冇5分鐘已經上枱了~一黎到望左一眼，已經.....覺得唔對路，食左一啖我已經同男朋友講要blacklist呢間野。d湯係同水冇咩分別....完全冇味!!d米線食落口，都係冇味.....d雞翼不過不失啦，有3隻~但整體黎講，都冇咩味......珍珠奶茶﹕跟餐的。味道本身都正常，但d珍珠好難食，點解個心會係硬架!!!?仲要好多粒都係咁......=.="男朋友叫左咖哩獅球飯﹕比我果個麵好味，個咖哩汁都幾辣(個人認為)，獅球有4個~獅球咬落去都唔會話太硬，都正正常常既~~跟餐既飲品加$4轉左刨冰，都好大碟下~~服務方面...個老闆娘自己就坐係度，成日就點個疑似係做暑期工既waitress做野，而個waitress都唔太醒目....黎左碟刨冰，又唔俾匙更，叫佢俾匙更，佢又俾得一隻......個老闆娘都發火......到最後都係老闆娘出動拎多一隻俾我地....全程都不斷聽到個老闆娘鬧果個waitress....總之...冇下次......…查看更多

落單時, 老闆娘好唔耐煩, 佢不是行來落單,而是在遠處眼都唔望你, 你講呀!我講得好清楚,佢回應我,聽唔到，我唯有再講一次。之後佢回來, 掉低餐具, 係 “掉低”, 唔係放低,都算了。我叫豬軟骨麵,D豬軟骨得2小件, 真係好細舊, 同少少好散嘅肉碎, 看一看價錢牌要31元一個餐, 加一杯飲品, 唔通因為通脹來了。味道亦一般。到埋單,佢話要34元, 我話餐牌寫31, 佢好唔耐煩咁話餐牌 “甩色”, 語氣好似係我唔啱咁,跟著又話剛剛加了價 。我話加了價但d餸真係好小, 我講時都唔係惡,但她好大聲咁話, 你知唔知D野幾貴!之後大力掉D找錢!我以後都唔會幫襯佢, 今時今日咁嘅服務態度!…查看更多

今天叫外賣，20分鐘之內送到，熱騰騰的，解決到飢腸轆轆的我。香菇肉燥飯+熱檸檬薑母=$32 (份量+價錢+味道>抵食過大xx)香菇很入味，有三件，肉燥份量很多，肥瘦適中，不會有太多肥肉，飯有一大碗，最欣賞他們的心思，雖然是外賣，飯仍可整成一個碗形，而且是不會散開的，汁是最惹味的，肉底有兩片生菜。非常美味…查看更多

我喺附近住咗幾年,尼間野係花都嚟講我比較喜愛o既一間~雖然而家啲飲品ma ma地,(曾幾何時啲飲品係好飲的)可能水吧經常換人,攪到水準不穩啦~但佢啲麵o既湯底真係好味wor!仲有佢啲豬扒,雞扒醃得唔錯,蜜餞雞翼同五香牛肉麵都好好味架!麵食我多數叫烏冬~最主要個湯底真係令我上癮!!…查看更多

真係要寫!由於係上水食到悶悶地,就搵到黎fanling食~見呢度有人話佢既蜜瓜雪香好飲就黎試下啦~嘩點知...蜜瓜雪香黎到,勁水勁稀囉~最離譜係佢連上面d餅碎都冇,我問個老闆娘~佢仲話要加$添~!咁咩叫雪香呀?我再叫左杯百香果優格好酸!又唔甜~應該加左d益力多~我仲以為係yogurtor有粒粒果肉既添?跟餐+9蚊,特飲再+2蚊胚芽奶茶我男友叫既~反而ok喎!肉燥拉麵$17單叫d肉燥一般啦~仲有隻旦比你~但d拉麵就好硬囉~硬到成條面可以係直既!改自家墨魚麵啦仲要+5蚊添~嘩又係咁.....硬到.....唔好係度再叫麵喇於是男友就叫左肉燥雞扒飯跟餐連野飲$36佢話d肉燥多肥膏~但d汁ok!而d雞就略鹹!好喇我再叫左個是日既下午餐鹽酥雞$22跟普通野飲/單叫就17蚊嘩!真係最離譜喇呢度...我見佢都幾大件...都覺得同出面唔同嫁喇咁食左1件細既..冇咩特別..阿士麵線既好食好多囉!再食多件餸麵食...嘩~咬唔開既??再食!e????????唔係喎睇真d!乜生既???????????!!!!!!!!!!有冇搞錯?我即刻叫個老闆娘黎佢居然同我講d雞係咁既色嫁!!!!!!我話唔係喎,,明顯大件得滯炸唔熟啦~跟住我男友話..佢頭先食果件都係..不過佢冇出聲........................激死跟住個老闆娘就話咁我炸返比你啦~我話唔洗啦我唔要啦~佢話咁幫我cancel啦~咁算啦~埋單佢居然話杯野飲要收我正價17蚊~本應tea係22蚊...我話有冇搞錯呀>??佢話因為d雞tea set同散叫係唔同份量既~咁我話你杯野飲都係同份量既姐~我可以跟麵果個餐價既姐!跟住佢仲同我嘈..最後黑哂面好唔滿意咁話算蹬算啦怕左你~收返你跟餐既飲價!有冇搞錯!!!!!我應該影相告佢去食環署!睇佢仲收唔收我$!賠比我就差唔多!以後唔黎食佢呀!離哂譜!p.s其實個侍應仔都ok..但老闆娘太過份!d藉口真係呃3歲小朋友都唔得啦!…查看更多