影片
以上資料只供參考, 請與餐廳確認詳情
揚食屋是一家值得推薦的餐廳，無論是從價錢、環境，還是食物質素、賣相、份量和味道都表現優秀。首先，價錢合理，特別是午餐套餐，讓人以實惠的價格享受到高質素的美食。餐廳的環境沿用前身西餐廳的格局，寬敞舒適，搭配悠揚的日式音樂，令人感到放鬆。食物質素上，柳橙芒果爆住烏龍是一道非常開胃的前菜，甜甜酸酸的口感在炎炎夏日特別受歡迎，冰涼感十足，讓人透心涼。椰菜絲沙律搭配青瓜和蟹子，清新爽脆，令人耳目一新。而迷你日式餃子味道不錯，這樣的前菜搭配，非常醒神。主菜日式生薑汁炒豚肉丼，生薑汁偏甜，但薑味適中，豚肉鮮嫩可口，搭配的山形米口感極佳。總的來說，揚食屋是一個理想的聚餐場所，無論是個人me time還是朋友相約，都能享受到美味和舒適的美食經驗。
繼續閱讀
order左忌廉漢堡扒蛋包飯同咖喱炸豬扒蛋包飯70幾蚊仲有免費嘢飲，食物質素都幾好，喺九龍灣呢個地段係幾抵食了汁裏面嘅紅蘿蔔同薯仔炆得好腍好入味我自己就唔食紅蘿蔔嘅，因為有好大浸草青味，呢碟嘢就冇呢個問題。☺️炸豬扒冇油益味，漢堡扒冇雪味，女仔食飽到傻🥹舖位都幾大，坐得舒服重點係雖然係QR code落單，但係佢唔收服務費😁👍🏻而家到處都係QR code落單都收服務費，淨係呢樣嘢都已經食得好舒服。
繼續閱讀
淘大商場地下有好多餐廳，一個人黎到見到呢間價錢同選擇都幾啱心水，又唔使等位就入咗去～雖然樓面唔多佢地都幾忙，但服務都幾周到同有禮貌👍👅厚燒玉子鰻魚丼鰻魚好長好大條，賣相幾吸睛🤩雖然肉唔算厚，不過一分錢一分貨嘛！玉子就好厚好大嚿，軟硬適中，微甜有蛋香味😋鰻魚汁另外用個碗仔上，自己鍾意加幾多都得👍晚市大約$60起，唔駛加一，豐儉由人，都係一個唔錯嘅選擇👍#揚食屋 #日式快餐 #鰻魚丼 #玉子燒 #玉子鰻魚丼 #讚歧烏冬 #燒牛丼
繼續閱讀
同事話淘大有間好好食既蛋包飯，試左兩次！好食！讚！芝士漢堡扒蛋包飯蛋包飯既蛋好嫩滑，入口好似想溶化禁，日式咖喱甜甜地好好送飯，一口接一口禁狂食，真係好好食！不過個漢堡就一般，我本身好鐘意食芝士，但芝士同漢堡可樂唔太夠熱，加上啲油會覺得好漏⋯之前食過牛角蛋包飯，都係飯好食，配菜一般⋯壽喜燒牛肉烏冬本身食左蛋包飯以為壽喜燒會比下去，但壽喜燒湯好好飲，甜度適中，加上有少少彈牙既烏冬，真係好好味！如果鐘意食壽喜燒，呢個係唔錯選擇！總括都好好食，會再來！
繼續閱讀
個格局似廿一堂/灣仔已結業嘅五目屋🤔🍅招牌牛肉配讚歧烏冬（番茄湯） $58好鍾意佢嘅蕃茄湯咩原因令到湯底咁好飲？應該係因為昆布！係加左昆布！粗烏冬好味，都幾彈牙少少似吉x家嘅烏冬（PS好耐無食，到應該係6/7年前食嘅質素我有一絲期待佢係肥牛點知真係茶記牛肉片🤣唔韌、都淋嘅仲煎香左，ok的朋友話蕃茄湯底多數係落茄膏但我覺得好好飲XD我係咪劣食專家XD🐽吉列豬扒豚骨湯拉麵$68非常酥脆嘅吉列豬扒日式餐廳有茶記飲品嗌，好有趣凍檸檬茶、熱奶茶無收加一服務費
繼續閱讀