挽肉と米

每人一個set 🐮現烤牛肉漢堡扒(3件)🍚現煮白飯(免費任添)🥣味噌湯🥚雞蛋(一隻)唔夠飽仲可以額外再加漢堡，我地叫咗杯檸檬梳打🍹係出面比完錢先入座，如果第一次去店員會同你介紹，佢個櫃桶入面都有張建議食法同啲配料嘅擺位：1️⃣就咁食2️⃣加蘿蔔泥+自家製柚子醋3️⃣配搭生蛋個人就鍾意第二種食法，可以令到件漢堡食落無咁油膩，同埋個柚子醋酸酸地好開胃🙂‍↕️基本上佢好快就會上第一舊漢堡，係差唔多食晒嘅時候佢就上埋第二舊，其實都幾急。食完兩舊之後應該未整得切，所以都要等咗一陣，但反而咁樣佢啱啱烤好，漢堡啲肉汁仲鎖晒係入面🤤整體黎講係抵食嘅，百幾蚊有三件漢堡，質素唔差🙈但如果要排好耐先食又唔太值，所以建議book咗位先（不過就算book咗都係要等一陣先入到）未有時間去日本食嘅可以係香港食住先🤣…ดูเพิ่มเติม

就算訂好位，都要係門外排隊區等位，等候時間唔長，好快就安排我地去選餐區選餐，入座後店員會先講解一下，全程好貼心👍。挽肉只有一個套餐其他都係散叫，套餐包括現烤牛肉漢堡扒三件、免費任添嘅白飯、味噌湯、雞蛋一隻。建議食之前先就咁食一啖白飯先，日本米果然唔同啲，好香口🍚。漢堡扒會分段上，每次食完先會上另一件，確保每件熱辣辣，漢堡扒肉質好juicy，又夠厚實啖啖肉，我比較喜歡連同蘿蔔蓉和自家製柚子汁配搭嚟食，清新得黎又唔膩。最可惜係最後一件漢堡扒燒耐左，炭燒位置比較苦，有啲失望😕。免治牛肉薯仔沙律：細細份，好綿🥔。味噌青椒：係10月的期間限定，話係日本人氣食法，原片新鮮青椒夾著漢堡扒與味噌一口咬下，係清新嘅，但冇咩特別吸引，感覺一般。生薑梳打：店員推薦話係自家製，薑味濃，幾解膩🍹。…ดูเพิ่มเติม

一個星期前喺網站訂咗位，所以一到尖沙咀挽肉と米就唔使排隊，輕鬆入座。:)餐廳主打日式漢堡扒飯，環境簡約舒適，裝潢走現代風，座位寬敞，令人感覺放鬆。服務方面，店員態度親切，對第一次來嘅客人會細心講解餐點，令人感覺好貼心。今次試咗漢堡扒飯套餐，包三塊漢堡扒、一碗味噌湯，白飯仲可以任裝！漢堡肉煎得香口又多肉汁，配上來自日本嘅白飯，味道一流，食落好滿足。整體食材新鮮，味道唔錯，加上舒適環境同高質服務，絕對係一間值得推薦嘅日式餐廳，未試過嘅朋友可以一試！…ดูเพิ่มเติม

去咗海港城嘅挽肉と米，作為金會員真係好處多多，一早book位唔使喺門口排隊，準時到即刻入座，方便到爆！入到去侍應好細心，會介紹食法同步驟，例如攞雞蛋、進食次序，甚至推薦唔同做法，仲有上肉時再講解點樣食得最好，服務貼心到飛起！👍 店內環境同日本分店差唔多，設計簡約時尚，兩個炭爐最搶眼，聽聞店主為符合消防條例花咗心機保留呢特色，氣氛熱鬧又有型。今次試咗招牌漢堡扒，肉質juicy到爆，煎得香脆外嫩內，配雞蛋同米飯，味道層次豐富。一般人食三至四件已經夠飽，份量實惠！🍳🍚 價錢方面，148蚊就可享用一餐，性價比超高，捧腹而歸絕對值回票價！💰總之，挽肉と米係肉食愛好者嘅天堂，服務好、食物正，強烈推薦一試！⭐️⭐️⭐️⭐️⭐️…ดูเพิ่มเติม

今次第二次過嚟食，因為朋友未食過，就陪朋友再嚟試吓。第一次印象好好，肉質好鮮嫩，有驚喜的。但係唔知係咪第二次食嘅關係，感覺水準差咗少少，件漢堡扒好似冇之前咁Juicy咁。套餐每人包三件漢堡扒，一隻生雞蛋，廚師會分開三次上，見你食完一舊，就會立即上第二舊俾你。都要讚賞廚師嘅眼力。面對着個火爐，都係有啲特色。不過食過一次之後，第二次確實冇乜新鮮感。因為有會員可以訂位可以試吓。如果要排隊，就一定不會黎。…ดูเพิ่มเติม