拾號公社

營業中

休息中

琴日同班朋友行完街搵野食，路過見到呢間拾號公社d西餐幾吸引就決定試試。我地一行6人 無book位既關係，只得outdoor，好彩琴日都唔算熱。我地叫左碟和牛、車打芝士薯條、豬手、廚師腸拼盤、煙三文魚沙律同焗牛肉磨姑。6條友仔坐低第一件事就係like & share 拎免費Hoegaarden一杯😂呢間食店本drinklist係主打手工啤，不過我酒量淺，一杯免費啤就夠晒數。講番d野食先，和牛好正，個伴碟有d岩鹽，如果想濃味就輕輕點下好喇！薯條我覺得必食，每條薯條都比車打芝士包圍住，食到停唔到口呀！！豬手一黎到，個侍應姐姐倒少少油再點火，真係不得了呀。個豬手好夾口，佢仲有3個唔同醬比我地點黎食(呢個豬手要一坐底就叫，因為製作需時)。至於廚師腸就不過不失，不過腸隔離既沙律菜加醋就好好食🤡臨尾個牛肉焗磨姑，十分juicy，個姑唔會好草青味👍🏻。屯門區有呢種西餐真係極少，所以下次同朋友一定會再黎食。

之前見到有網友介紹呢間拾號公社，見到啲po講到好好味，所以同幾個朋友黎試試Gathering一下。叫左隻鹹豬手，一黎到就火焰🔥燒燒佢，個豬手味道岩岩好，而且肉好爽，一啲都唔靱。日本和牛勁juicy，我無掂隔離啲岩鹽都覺得夠晒味！個廚師腸拼盤都勁好味，仲有三個唔同既醬任我掂。呢間小店仲有好多唔同手工啤，每款啤酒隔離都寫晒入口味道，唔怕叫錯口味唔岩飲👍🏻👍🏻我地9:00後入座，食滿$300蚊仲有全單9折呀！下次一定會黎encore!

今晚上完堂,同閨蜜去咗依間食好西🍻🍻此店除咗有上下層外，外出也有座位啱曬放狗狗同放毒嘅朋友😆 室內裝修幾型格㗎😎走歐美風，播放輕鬆樂曲，感覺舒服😌 -芝士蒜蓉焗波士頓龍蝦伴牛仔柳$258.00~餐湯味濃，配邪惡😈嘅酥皮牛角包😋~擺碟好靚，龍蝦雖然唔算大，但也爽口、彈牙👍-🥩煮得啱啱好，🐮味十足👍-脆口薯味波波🥔 意大利醋🥗🤤 -巴馬臣火腿配黑松露芝士蘑菇長pizza$148.00🍕~ 好驚喜🤩 材料超多，火煺鹹味啱啱好有油份， 餅皮做得好好，餅邊鬆脆可口，食落卡滋卡滋，好滿足- 士多啤梨/菠蘿梳打@$38.00🍹👩‍⚖ 估唔到屯門居然有可以chill吓，食物質素有咁上下嘅🍽， 還有多款手工啤酒， 下次可以約埋三五知己，齊齊啤一啤🍻🍻ps~ 喺facebook share + 打咭，有🍺送🤪

V city 附近開咗幾間新餐廳今次幫襯係拾號公社西餐加pub嘅配搭所以食嘢、飲酒、傾計都OK😘餐廳出邊仲有條內街可以有露天茶座嘅feel，都幾relax！👍🏻餐廳好似都係新開張所以如果喺Facebook打卡就有免費啤酒送👍🏻✨餐廳有多種本地手工啤酒下次真係好有興趣飲陳皮啤酒😊但係估唔到餐廳原來有花茶🤣🤣🤣啱晒鍾意養生嘅我👍🏻✨餐廳環境都舒適樓底好高所以都坐得好舒服冇壓迫感！Menu好吸睛，每樣野都好似好好食🤩有set dinner 只要叫一杯飲品就會送湯同埋牛角包特別想讚下牛角包🤩夠熱和香脆，都有好多層👍🏻至於龍蝦牛扒都新鮮龍蝦嘅蒜蓉醬非常惹味牛扒七成熟都啱啱好都有水準👍🏻另外叫咗大蝦凱撒沙律大蝦都新鮮，肉質彈牙沙律醬汁同配菜都OK！因為好鍾意食沙律如果份量再多啲就更加正🤣🤣🤣

今日行完V city但又唔想喺商場入邊食，不如出去逛一逛，不用五分鐘就比我搵到一間叫拾號公社（Cafe Bar) 睇門面都不錯，就入去晚餐吧。餐廳環境分兩邊有室外及室內，室內裝修走歐美風，地方乾淨整潔。$250已經可以食到芝士蒜蓉焗波士頓龍蝦伴安格斯牛仔柳和飲品一杯，再送蕃茄雜菜湯及牛角包🥐，龍蝦爽口彈牙安格斯牛柳肉質軟淋，再配上黑醋沙律丶炸薯旦。另點了一份黑松露什菌芝士意大利飯，配料非常多有車厘茄、什菌丶黑松露丶奶油芝士整碟飯炒出來香氣四溢，正宗意大利口味。店員細心介紹去Facebook 打卡.比like.Share就可以送一杯啤酒，我們還叫了兩杯特飲薄荷朱古力咖啡及芒果特飲。兩人食飽飽滿足地回家了

The Chicken wing stuffed with mushroom and cheese is the best of the town. It is an excellent companion to the Hong Kong hand-crafted beer! Price is fair and location is just next to that of Tuen Mun MTR Station. It is an excellent place to have friend gathering!

挪威三文魚沙律三文魚沙律一共有四片既三文魚，上面已經淋有黑醋醬汁，但不會太多以致三文魚的鮮味被COVER掉，味道不錯下面是沙律，份量不算多，但勝在夠新鮮芝士黑松露焗大蘑菇一來到便聞到很香的芝士味和黑松露味道，蘑菇大約有手掌這麼大，而芝士是在上面鋪滿了整個大蘑菇！！被一起烤香後，香味和味道都是一等一的好味道！！美國中碼生蠔這個生蠔足足有手掌的那麼大，上面還有海水浸著我習慣吃生蠔是連海水一起吃下，這樣才是真正的原汁原味！的確值回票價美國特級安格斯西冷七成熟的安格斯西冷，份量真的非常大肉質嫩滑，薯角亦是很香脆！裡面是粉粉的肉，不會過老，廚師控制火侯控制得剛剛好

本身今日想拍下拖, 點知比老公甩底！好彩有朋友住得近又肯陪我, 我平日成日去街市v city 都係一條小街見到間餐廳, 成日都見到有人排隊, 一直想試好耐, 今日兩姐妹就好好去chill下！坐底唔夠15mins ,間餐廳就爆場,未食已經好期待！本menu整得好靚, 每一道菜都非常吸引, 真心簡左好耐都未決定到, 最後我地order左芝士蒜蓉焗波士頓龍蝦伴安格斯牛, 青口, 同辣肉腸天使面, 跟餐仲有牛角包同湯,牛角包非常鬆軟！我同朋友最like龍蝦同扒,兩個share份量岩岩好, 牛肉肉質幾靚, 而龍蝦都好新鮮！滿足一晚！

西鐵站旁的型格工業風西餐 ~拾號公社之前上網睇到評論有好多手工生啤飲， 今日專登約埋啲女仔朋友嚟食飯！餐廳裝修型格，戶外戶內樓上都有位！有多款啤酒，少有嘅手工啤，生啤，果茶都有！幾個女孩，點了豬仔骨，肉很嫩，外皮有點焦香，BBQ醬香濃，好大份好足料！芝士釀雞翼，外皮烤到金黃色食，釀滿了芝士好邪惡！芝士薯條，薯波即叫即炸新鮮熱辣，送酒小食一流水果茶亦很足料，很健康！屯門揾個氣氛好又啱女仕既地方 飲酒食嘢真係好少， 最緊要人流唔雜，人均消費二百多元實在很難得了！

收工時間最想就係可以好好放鬆一下，新墟呢間拾號公社就岩曬，時間尚早，可以靜靜地坐下休息～裡面用木製既椅子同牆飾，配上金屬枱，好有個性既風格。頭頂仲有好多霓虹裝飾，色彩繽紛，活潑得黎仲非常有格調！餐牌用上漸染色技術，成間店都非常有藝術氣息。酒櫃裡既酒都排得整整齊齊！大蝦配凱薩沙律 $98大量既凱薩醬，絕不手軟。麵包粒夠脆，沙律菜新鮮，清爽可口！大蝦彈牙爽口，食落冰涼有肉感，蝦殼亦除得乾淨俐落。千島海鮮長Pizza $132長薄餅非常足料，上面有好多羅勒葉（九層塔）增添香味！薄餅上枱時已經平均切好6件，食既時候非常方便！千島醬夠多，薄餅唔厚唔薄，焗得非常脆身，食落卜卜脆！芝士仲做到拉絲，非常吸引！下次一定會試埋其他薄餅～最後食到飽一飽咁走，仲坐左好一段時間，心情非常放鬆，不錯既店舖！

今日一支公悶悶地，就去左屯門覓食餐廳設有戶內及戶外餐廳播放著狂野有節奏感的音樂色彩繽紛嘅餐牌🌠 黑松露粟米湯 + 牛角包 🌠只要惠顧套餐再以正價加配飲品， 就會送餐湯及餐包，味道不錯🌌 薄荷朱古力牛奶 $37🌌薄荷葉味香濃， 味道清清涼涼， 飲落去好舒服， 朱古力味唔算重，加埋牛奶落去，飲管成心形，幾特別🌌 芝士蒜蓉焗波士頓龍蝦配安格斯牛仔柳 $258🌌龍蝦肉質結實彈牙， 芝士蒜蓉汁味道正，香味不錯伴菜有炸薯波及黑醋沙律菜安格斯牛仔柳肉味香濃， 一次即開， 加少許岩鹽及胡椒，味道即刻出哂嚟， 肉質都算鮮嫩，不錯總括而言， 呢度嘅環境氣氛可以， 食物都唔錯😛👍🏻

近排返半日就放工，所以就喺屯門站附近食埋個lunch先返屋企。V city雖然都有好多食肆選擇，不過都食到悶悶地。今次就去咗V city附近嘅一間特色餐廳，如果唔行入啲會比較難發現。呢度嘅好處係有室內同埋室外位，我見室外嘅位連狗仔都可以陪主人一齊食，啱晒愛狗之人。室內嘅裝修都幾特別，同埋我見有好多手工啤酒。雖然我唔飲酒，但係我覺得幾有特色。午市套餐都有幾多選擇，由$58至$108都有。本來想食和牛漢堡，不過近排食得多熱氣野，所以最後點左個海鮮忌廉扁意粉。$72包埋沙律、餐湯、牛角包同埋餐飲，仲要免加一真係幾抵。餐湯係南瓜湯，飲得出係自家製，同埋用南瓜打出嚟，真材實料。另外，我幾鍾意食佢個牛角包🥐。海鮮忌廉扁意粉：之前食過呢間餐廳嘅茄汁意粉，我覺得佢地整嘅意粉都幾有水準。今次食忌廉汁真係好味好creamy ，自己係屋企就整唔到。而扁意粉都好煙韌，軟硬適中，唔會過淋。忌廉汁既杰度剛好掛上扁意粉，配埋海鮮，真係Perfect match。我見隔離枱點左個Pizza，賣相都幾靚好似幾好食，下次食lunch嘅時候會試下。

今晚同朋友行完一田過附近試下依間拾號公社。外面有露天部分可惜落雨濕濕, 入面滿座, 失望之際店員告知有上層, 好彩早一步到, 落單嗰陣基乎陸續也full house!做緊facebook share送啤酒 🍻不過病左唔飲得酒所以無得享用依個優惠😭先來一客西湯, 是新鮮蓉打岀的湯, 滿滿黑松露香氣! 牛角包鬆脆, 唔揸牛油一樣香噴噴德國腸茄容天使麵! 個汁酸酸甜甜恰到好處, 好開胃呀, 天使麵做到爽口條條分明, 好快就清哂~再來龍蝦🦞伴牛仔柳, 如圖一樣賣相好靚, 龍蝦仔望落唔算大但原來都夠飽肚! 牛仔柳見到有d生但食落剛剛好, 依碟真係充滿驚喜, 其實我更喜歡菜沙律的酸伴汁, 開胃之餘減輕肥膩感最後芝士焗青口, 美味完結

返工咁辛苦，放工就梗係要搵朋友鬆一鬆啦，屯門呢一間手工啤酒嘅餐廳，正正合乎晒我哋嘅要求，點解因為啤酒夠冰凍又好飲，而且又可以有戶外地方俾我哋食到煙，真係夠晒爽呀。我叫咗個安格斯牛柳意粉，牛柳鮮嫩，而且肉質紮實，又重口味，意粉一啲都唔林身，好有咬口，而且配上蘆筍，炒得好香好入味，但係唔知係咪因為我好肚餓呢，覺得如果再大碟啲就好啦。我哋仲叫咗個黑松露野菌薄餅，同一般圓圓嘅薄餅好唔同架，佢個底唔會好薄，但係十分之脆身，好似食緊多士咁，上面鋪住滿嘅芝士同埋黑松露，一入口，口內散發住黑松露嘅香氣，而且芝士仲可以拉絲架，啱晒我呢個鍾意食芝士嘅芝士控。送啤酒，點可以冇鹹豬手啊，但豬手好犀利可以做到火焰豬手，外皮趣得來又吾硬，而且又唔乾身，為咗呢個豬手，啤酒都飲多兩杯啊。

屯門都有人細嘅餐廳，喺新墟，寧靜嘅小巷，發現依家可以飲到啤酒，又有精緻美食嘅餐廳。而且裝修時尚，仲播放着流行嘅音樂，令人身心舒暢。今日我叫咗呢一個鹹豬手，話一上枱真係好震撼呀，服務員就同我即場點火，火焰鹹豬手啊。外皮趣銀，唔會太林身，而且保留左肉嘅肉汁，食落爽口彈牙，而且配上三種唔同嘅醬汁，有茄汁，芥茉醬，仲有Wasabi醬，每一種食落口都有唔同嘅滋味，仲有一啲嘅炸薯粒，新鮮炸起架，配上一杯手工啤酒，真係同朋友有無盡嘅話題要傾呀。仲有呢一個就係煙三文魚蟹子南瓜汁意大利粉，三文魚正嘅玫瑰花甘，邊捨得食呀好似藝術品啊最後南瓜汁香甜，融入左已被意大利飯裏面，而且配上粒粒蟹子，每一啖都10分滋味。