拾味山西刀削麵館

營業中

休息中

之前已經去過分店銅鑼灣，呢間刀削麵每一碗都係新鮮即削而且麵團都係經過店家精心研究的，麵條相當有咬口彈牙 1️⃣麻辣牛筋腩刀削麵 $60麻辣汁非常香口濃味味道偏辣，一碗入面有齊晒筋同腩肉位，牛筋非常軟腍，而牛腩就好入味，餸菜的面頭仲要加入左一大堆的蒜粒同辣椒醬，所以重口味人士一定要試呢個另外麵底方面預設的清湯湯底我轉咗做酸辣湯底，湯底的酸味較重，重點仲加入咗酸菜，酸菜醃得非常入味，每一粒都爽脆酸甜2️⃣拾味冷刀削麵+雞腎 $69 熱日炎炎有時想食下凍野呢到都有得揀冷麵！拾味冷刀入面包含咗青瓜絲、粟米粒、千島醬同擔擔醬，餸菜方面就揀選左清爽的雞腎，經過攪拌後每一條麵條都掛滿醬汁好惹味凍豆漿、凍蜂蜜柚子茶

店名: 拾味山西刀削麵館地址: 灣仔灣仔道212-214號怡康大廈地下A號舖灣仔站A3出口，行7分鐘環境: 4/5價錢: 5/5味道: 4.5/5呢間刀削麵店除左灣仔之外，係銅鑼灣都有分店，係開放廚房可以見到師傅即叫即削，十分新鮮，環境都幾闊落，坐得幾舒服😚熱拌刀削麵+豆漿❤️❤️❤️❤️❤️$63+$6一餸嘅話就$63，加一款餸+$10今次就叫左豬頸肉同上海餃子🥟之前食過已經知道佢地份量好大，今次就選擇左2個人食1碗🙈之前食過冷拌，今次就試熱拌，熱拌麵嘅溫度同囗感啱啱好，擔擔醬十分惹味🔥又唔太辣，同麵撈埋食一流🥳豬頸肉外面十分之脆，入面肉質爽口，肥瘦得宜😆餃子🥟係白菜餡，入面嘅豬肉半肥瘦，食落更滋味😌刀削麵彈牙有咬口，口感啱啱好👍🏻

同朋友黎食，兩個share一碗刀削麵，再瘋狂加餸，份量絕對夠2個女仔食，仲要有剩，抵食！.🔸麻辣豬軟骨刀削麵💥$10就可以加多個餸，我地仲加左金錢肚、牛筋、魚腐、東坡肉、紫菜，紫菜既份量多到完全睇唔到d麵，值得加🫢 呢到全部餸都係麻辣味，但唔食得辣既都唔洗驚，揀少辣都食到，唔會好辣👍🏻.🔸熱豆漿（跟餐）⭐️豆味幾重，又香滑，幾有驚喜既豆漿🙈.🔸 紅油抄手😆有6粒，辣味唔算太勁，餡料都算多～

第一次食刀削麵，原來都幾好食，一試愛上。原本以為和牛肉麵的麵差不多，這間的刀削麵好厚切，是師傅親手搓的手工面~入口軟而不粘，越嚼越香。麵條勁道爽滑，好大碗，最後太飽未能清光~☁️ 麻辣牛筋腩刀削麵$60 +豬軟骨$10湯頭清甜配彈牙麵條。要了麻辣牛筋腩，餸分開上。牛筋超正，好軟滑，熬到淋哂~!!有濃濃牛肉味!!即使不點底下的麻辣都好夠味。另外加了豬軟骨!!有醃製過，本身都好香，肉好軟易咬，肥瘦均勻，不會乾柴嚡熠熠。有三大舊，軟骨位都煮至好軟易食~倒了麻辣汁落刀削麵度一齊食，喜歡嗜麻辣的，超級推薦!!☁️豆漿$10✨臨走時見到廚房姨姨係度包餃子，下次如果再經過，一定會再食!!!樓面啲姨姨態度都好好!!

平時間中都會食呢間，良心小店，而且價格相宜👍🏻佢係真刀削麵，可以睇到師傅喺廚房削麵，不過今次冇留意😅一直都幾鍾意佢個菜肉雲吞，大大粒，味道、雲吞皮厚度都剛剛好，有時唔想食太多麵，會叫淨菜肉雲吞，都唔錯👍🏻刀削麵中間厚兩邊薄，好煙韌好好咬，口感幾特別😋佢有好多款麻辣嘅餸，以前有食過，太辣😅（我weak😂）今次試下花雕醉雞，好香花雕味，少許醉，鹹味適中，幾唔錯😋口痕叫左個越式春卷，炸得好鬆脆，點埋甜辣醬一流👍🏻

早左放工，去港島等Hubby收工，所以係附近搵食😗咁岩見到有間山西刀削麵，好多款式選擇，一於試吓喜愛食辣嘅我點會錯過😍❤️麻辣豬耳+大腸輕輕炸過嘅辣椒籽配埋生蒜同辣椒油，超麻香🤤加上爽脆豬耳同軟lum lum 嘅大腸，真係無敵👍🏻❤️口水雞呢個口水雞幾出色，佢嘅辣度剛剛好，唔會死辣之餘仲可以食到雞本身嘅肉味，雞皮仲要爽滑，連平時唔鐘意食雞皮嘅hubby都忍唔住食曬😆雞肉都好嫩滑一場來到當然要試吓最聞名嘅刀削麵啦，果然非同凡響，口感超煙韌配上清清甜甜嘅湯底，忍唔住一啖接一啖😋❤️檸樂食辣野最爽莫過於配一杯又凍又gur 嘅可樂😝

🥢 消暑冷刀配手撕雞 $69 🆗
消暑冷刀跟咗粟米、青瓜同黃金芝麻醬。一上檯有少少嚇親因為好似又大碗咗😂麵底依舊彈牙，青瓜都相當脆口，但手撕雞帶少少梘水味🥲🥢 雙倍牛展熱拌刀削麵 $73 🆗餐廳係用電話落單，唔小心加餸嘅時候撳錯咗，最後加咗兩次牛展😂😂😂就算已經扣咗底，份量都係見到已經飽咗，但牛展都帶些許梘水味🥸🌟評價 𝗥𝗮𝘁𝗶𝗻𝗴𝘀🌟
食物 𝗙𝗼𝗼𝗱 6.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10
服務 𝗦𝗲𝗿𝘃𝗶𝗰𝗲 7/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 9/10
整體 𝗢𝘃𝗲𝗿𝗮𝗹𝗹 7.375/10-🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽

支持下小店，呢間餐廳主打刀削麵，之前食過一次覺得OK，今次試埋佢其他主食先😝估唔到菜飯都幾好食～我一向好鍾意食菜飯，感覺上健康啲，又有野咬下，冇白飯咁單調同悶。蔬菜爽口，食落係新鮮嘅，帶點咸味。飯軟硬適中 ，粒粒分明。估唔到手撕雞係配花生醬，呢個配搭好似比較少見，對於我嚟講幾有新鮮感，味道不俗。雞肉質地OK，呢個價錢嚟講，我收貨了。店員服務態度都唔錯，幾有禮貌，落單快手，呢間餐廳都幾近我，會繼續支持👏🏻

如果喺開灣仔區返工嘅朋友仔，放工真係可以考慮下黎呢間刀削麵麵店，選擇多，又健康，而且以晚餐黎講價錢都算合理當晚同朋友二人放工去，一人叫咗一個麵食同埋一個菜主要以麵食為主，價錢由$48-$63，而且份量超多，以一個女仔嘅食量係會食唔晒嘅酸辣萵苣絲：好清爽，香濃蒜味，而且口感脆口溫泉蛋水餃刀削麵：好鍾意佢嘅湯底，濃味得黎又有爽口，有大量嘅木耳，水餃肉餡飽滿溫泉蛋雲吞刀削麵：味道都唔差，湯底同水餃麵係一樣嘅

好耐冇食刀削麵，朋友帶我去灣仔*拾味*食番碗刀削麵😮‍💨。小店主打刀削麵、菜飯、小食等等。。。刀削麵可選湯麵、冷拌、熱拌。亦可選多餸、少餸、多醬、少醬、走醬。。自由度相當大👍🏿。🫧拾味冷刀🫧朋友選了手撕雞、多擔擔醬、多青瓜絲、多粟米粒。上枱一刻真係「嘩」一聲😲，非常澎湃。大熱天時整番碗涼浸浸麵真係好爽😬。 🫧麻辣牛展刀削麵🫧為食妹👧🏻選了牛展加埋牛腩，少少辣、走蔥、走蒜、麵條爽D。刀削麵有嚼勁😮‍💨，好岩我口味。牛展牛腩夠軟腍👍🏿。+$6配熱飲/凍熱豆漿熱檸茶走甜、濃D、多檸檬🍋

今日去咗食一個麵餐，有手撕雞、豬頸肉同埋拉麵。麻辣手撕雞，麻辣好夠味，辣得好過癮，辣另上，可以自己調配難度。豬🐽頸肉，切片切得好薄，皮好脆，好味😋拉麵夠晒彈牙。湯底加咗麻辣味，有種麻香嘅感覺。

今日去咗一間喺灣仔比較隱蔽的山西刀削麵，因為由中環去，所以要搭叮叮，入到去已經見到啲侍應招呼好好其實我哋都好鍾意食麵，刀削麵嘅好處就係佢放喺啲湯度耐少少，都唔會令你覺得佢有啲從化嘅感覺。我哋嗌咗一碗麻辣刀削麵，揀咗魚蛋同埋牛肚，另外揀咗一個口水雞Ping上海餛飩鋪上面，因為我哋每一個面併咗二樣嘢，其實我哋基本上係嗌咗四個餸！其實晏晝去都幾多人，佢參考嘅都有好多唔同嘅套餐俾你配搭，所以呢我覺得都係值得係嗰度食lunch嘅！唔過$160就買單！

🫶🏻上完堂經過呢間餐廳，見晏就2點都斷斷續續有人入去食野，咁岩肚餓就入去試試。一睇 Menu 先知呢間餐廳可謂山西刀削面專門店，湯底、熱拌、冷拌整法既刀削面都有 😮 👅 擔擔醬熱拌刀削面 + 豆漿 ( $ 79 )實在太多選擇，思前想後，最終叫左個熱拌刀削面，畢竟市面上有湯底既刀削面多，而熱拌既少見又特別啲。上枱個下都有啲驚訝，一碗都頗大份 🤩 魚腐 + 豬頸肉餸底配擔擔醬，要求多蔥多醬，結果餐廳真係出左好多比我 🤣🤣刀削面長長一片，進口軟而不爛，口感有勁道，味道食落甜甜咸咸，配上鬆軟甘香既魚腐及豬頸肉，唔經唔覺就食哂碗面 🤪 跟餐點左杯豆漿，清甜可口 🥛呢碗面十分適合鍾意濃味美食既朋友，鍾意清淡既話可能湯面更合適 😇😇▫️◾️▫️◾️▫️◾️▫️◾️▫️◾️▫️◾️▫️◾️▫️拾味山西刀削麵館 (灣仔)📍灣仔灣仔道212-214號怡康大廈地下A號舖

炎炎夏日唔知點解好想食麵🍜麵館嘅選擇同配搭非常多，刀削麵嘅話可以揀冷刀削麵、熱拌刀削麵或者湯麵，另外仲可以轉拉麵、米線、菜飯等等。麵館好受OL同學生嘅歡迎，經過不妨試下。------------------------------涼拌海帶絲 $25海帶絲口感爽脆，調味入味略帶微辣，完全冇腥味。------------------------------豬頸肉熱拌刀削麵 $63熱拌麵嘅溫度同口感啱啱好，而擔擔醬惹味得黎唔會太辣🤪熱拌麵掛上擔擔醬好易入口。豬頸肉肥瘦得宜而爽口。刀削麵係即場削，爽彈而有咬口，要咀嚼多一陣🤣刀削麵份量真係好多，可以兩個人share一碗。

今日返工超忙，唯有喺附近搵餐廳食個快飯，我自己係好鍾意食湯麵嘅人，就揀咗呢間餐廳作為Lunch!越南春卷炸得唔錯，間唔中都會想食啲香口野。重點係唔會食到成口油，配甜酸醬無得輸，更加惹味！餐牌上寫着刀削麵自由配，有多款配料可以選擇。第一次食刀削麵，口感煙韌，比普通麵線更有厚度，而且更飽肚，幾有趣嘅口感。另外再加左雲吞，以肉味為主，個皮唔會太厚，唔錯。湯底唔會過分濃郁，我飲好多啖都無好膩既感覺。豆漿正常，無特別，唔會過甜或過淡，用嚟配搭一碗湯麵啱啱好呢。