拾味山西刀削麵館

營業中

休息中

夜晚，肚餓，獨自要來一啲刺激嘅食物。行經呢間係灣仔道門口細細嘅小店。獨自嚟一碗牛展刀削面。先上咗牛展，之後等咗呢碗刀削麵有成15分鐘食得出佢係人手削，麵條好大塊而且非常有咬口。確實大碗非常飽肚。

嗌左一碗紅燒肉雲吞豬肚湯刀削麵，紅燒肉足足有兩大舊另外雲吞三粒（肉餡多，高質既菜肉雲吞），餸主動另上，味道都清應該無乜味精（至少我食完都無覺得口渴）另一碗大腸熱拌刀削麵，大腸份量都幾多，應該有十幾舊，熱拌上邊個啲肉醬味道有啲怪怪地，唔係我地平時食開個種，但撈完又唔差既，刀削麵質地超級Q😋😋單點咗口水雞🐣，望落紅油同辣都唔夠，要自已加枱面上既辣椒油，但個雞都幾滑幾香雞味，只係個汁唔多似口水雞🙈黃💛店內都有好多文宣以及收銀機個邊有面牆貼哂夠薑既文宣卡，另外學生有野飲送！抵食⭐️⭐️⭐️⭐️⭐️啲麵份量勁大，正常食量應該三個人嗌兩碗岩岩好！服務⭐️⭐️⭐️⭐️啲姐姐態度都幾友善，有講有笑咁價錢⭐️⭐️⭐️⭐️一人一個麵50幾蚊一定夠食夠飽

前前後後去過拾味4次，分別試過係灣仔同新鋪銅鑼灣堂食，同係Openrice 訂外賣(仲有優惠添)。灣仔店一入鋪頭就見到幾張枱同直望會見到廚房，見到有個師傅係到即埸削麵，另外，店鋪入啲嘅左手面有張長 bar枱，岩哂一個人去食😂。坐落咗，店員會遞上 menu，另指枱上嘅 Q R code，話客人可以 scan早完自己落單。我見餐牌上除咗有店鋪最出名嘅刀削麵，仲有菜飯同撈麵。第一次梗係試吓刀削麵啦，佢提供有多款餸菜，我見有口水雞，因為平時比較少食同唔識整，所以叫佢。最最最特別係 - 一般嘅口水雞係偏辣帶點麻，拾味居然可以叫 走辣 口水雞刀削麵! (事關我唔食得辣) 另叫咗杯杏霜，加濃上菜啦~ 刀削麵熱辣辣，每條麵嘅粗幼，厚度不一，口感上會比較硬身(特別厚嘅部分)，好有口，湯底為鹹味湯配上蔥花點綴。唔好睇佢就咁一碗淨麵咁，其實佢好大碗，超飽肚。之後就上口水雞，咁到底走辣口水雞係點？外表帶點紅色，雞件上有幾粒花生同芝麻。咬落去啲雞好滑口，唔嚡。估唔到啲口水雞味道真係唔辣，但仍keep到鹹香味，暫時認為最正嘅走辣口水雞，岩哂唔食得辣又想試吓乜係「口水」味嘅你試吓。杏霜高質，其他餐廳比較少有。

又到Lunch既時間，公司是自由食飯時間，多數揀下午茶時段食平點，諗梗食咩好，上網見到山西刀削麵館，黃店，一於試下。2點多時段去到，唔算好多人，不過我唔係堂食，係外賣。餐牌，都幾多配搭及選擇。上海雲吞刀削麵，$45，外賣自取85折，$39。上海雲吞刀削麵，好大碗，湯底濃郁，上海雲吞有4粒，每粒都好飽滿，菜肉餡料十足，菜多肉少的比例，味道清爽，即叫即削刀削麵，麵身中厚邊薄，口感富彈性有嚼勁，份量頗多，食到好飽。見好多人食口水雞，下次有機試下先，支持小店。

$58 熱拌刀削麵，配青瓜手撕雞擔擔麵醬夠晒辣🥵 唔食得辣既人要考慮食其他，或者要叫飲品啲麵削出黎都幾長，成碗麵好大，夠晒飽肚啊。👍🏻麵條好煙韌，食到尾甚至𡁻到個嘴有啲攰。哈哈😝 成肚都係麵粉 好滿足！

本身鍾意食刀削麵，上openrice睇吓邊度有刀削麵食。見佢係黃店就過嚟試吓。麵好好食，湯底亦唔錯，但有點兒略貴，如果四十幾蚊就可以接受。宜家兩餸一麵加豆漿要$62左右。不過譚仔都要咁試下價錢，所以拾味都可以一試，俾多選擇俾自己。

晚上8時，還未食飯，只得1小時，未能華麗晚飯亦不能求其了事，由時代廣場行到灣仔，經過了數間大店，最後衝入拾味刀削麵。以為小店一間，打開門就就發現人多，舖亦大。擔心跟人搭檯，好在有向牆吧台，安全位置。點了牛腩熱拌刀削麵，點完餐後才發現原來可以掃碼落餐，入面重可以有好多個人選項，多醬，走醬，另上都有。體貼。等咗陣，賣相比相像差，平時食熱拌有好多芫茜，芽菜，但今碗就得幾點，但牛腩就多，多過點餐相片。牛腩煮得稔及入味，麵質粗厚，有咬口，炸醬及汁底略為太杰身，自行加醋調稀一下。食後感，不大驚喜但可以一試

刀削麵大碗得黎又好食，餸既話推薦口水雞！口水汁好香口又唔會太辣同行三個人，好食到再叫多左個外賣同埋侍應姨姨服務態度好好，講野有禮貌又有交帶，充滿人情味～總體黎講係間值得推薦既黃店，之後係灣仔諗唔到食咩又可以黎啦～

嚟幫襯過好幾次，次次午市都好多人。分別試過刀削麵、年糕同埋米線，始終覺得佢地嘅米線最好食，夠挺身有口感。上次試嘅口水雞好食啲，今次嘅醉雞唔夠入味，有啲可惜，不過店員幾好禮貌同招呼，值得加分。

第二次黎拾味!!🤤好掛住上次個麻辣冷刀 (轉米線)今次黎係再食冷線!!試左燻蹄口水冷線(少辣)同豬肚絲麻辣冷線(少辣)😋燻蒂同豬肚絲都比上次既雞絲好雞絲撈左會無咩口感 而燻蒂同豬肚絲 都厚身 有咬口😍少辣既冷刀對我就岩岩好食落好舒服🤤口水比麻辣會多少少酸味🤏🏼夏天重會開胃啲👍🏽👍🏽分量就都係有啲多~下次米線都可以扣底!!🙈大家黎可以試下電話SCAN 枱個QR code 落單 方便人又方便自己果日見樓面得2個 又要落單覆單入單 拎野食野飲....加油呀!!會多多懲罰💛

今日同朋友夜晚來到平時lunch 好多人排隊既黃店, 拾味試下佢地既刀削麵。夜晚唔洗排隊，一去到就有位啦！叫左推薦既手絲雞拾味冷刀削麵，佢既手絲雞幾好食，再配埋青瓜絲，千島醬同擔擔醬，所以有少少辣，但係最好食都係佢個刀削麵，好有咬口，凍凍地撈埋啲汁好好食，加上佢分量超多！讚👍另一碗麵就係熱拌刀削麵配牛腩，牛腩好大舊，唔係好韌。佢都有啲擔擔麵醬，但我個人覺得冷拌比較好食！要留意熱拌係冇湯架！麻辣燻蹄：非常之辣，食唔到辣既朋友記得要嗌小辣！燻蹄既肉質都唔錯！

夏天要食辣!! 黃既米線鋪已經唔多 要好食既重難....呢間係有驚喜 山西刀削麵係黃 都夠驚喜🙈一場黎到點都要試刀削麵 但其實我同朋友都唔好刀削麵 重見隔離果碗好大碗 即刻扣個底先scan QR 落單真係好方便 又唔洗覆單一submit 好快就有得食😍😍第二碗就係口水雞麻辣撈米線超好食！米線係有咬口個麻辣味 係好。豐。富 。 有啲花生香,,,除左平時啲麻辣 係多左啲野加埋青瓜 又好fresh!!!!係辣左丁丁啦刀削麵就配左麻辣豬大腸朋友一開波就落哂啲麻辣落個湯度。。辣到我其實都唔係好食到咩味我會建議大家唔好做呢件傻事慢慢加會好啲....雖然佢扣左底 但都係好多同埋刀削麵有啲太厚,,,唔太係我杯茶大腸有啲太肥 但量都係多單都係文宣！要好好記住今次食左咩辣同咩分量 下次要再試其他野😋😋

認證黃店一入門口就有文宣又有夠薑卡賣呢度有好多唔同嘅配搭有熱有凍有乾有湯任君選擇亦都有好多餸揀除咗正常嘅餸同水餃之外有手撕雞/豬軟骨/牛展。。。今次叫左牛展熱伴刀削麵 $58(可以用QR code自己落單)份量都幾大碗個碗底會有少少湯等啲麵唔好太乾熱拌就係用炸醬拌佢個炸醬都幾辣下唔同譚仔嗰種炸醬啖啖肉我覺得呢個炸醬冇咁膩牛展好香牛味好有口感刀削麵厚身好煙韌唔會太硬約唔會太林呢個價錢 咁嘅質素 好正常**留意單底今日去嘅時候全場爆滿

成日覺得特登過海就一定要食好啲，所以一直都冇的起心肝試呢一間我都bookmark咗一段時間嘅刀削麵專門店～呢度嘅餐牌真係花多眼亂，又有湯麵、冷麵、熱伴麵、菜飯等等。餸菜又有勁多選擇，麵條又可以揀刀削麵拉麵或者年糕，口感又可以爽啲或者淋啲，我地幾個女仔真係好似揀老公咁揀左勁耐🙈.any wide and chewy noodles lovers out there?? i’ve found you one of the best knife cut noodles in town 👅 love how they shave the noodles right after you place your order - has an interesting texture and bounce with the noodles & trust me, its really really good 🤤 definitely check this place out if you’re craving for some good chinese noods 🍝.《麻辣牛腩刀削麵》$52 😋😋😋《

呢間位於灣仔既山西刀削麵店，聽聞話星期六好多人嚟排隊食，所以有日我特登嚟試！我就大食少少，叫多左餸，叫左一餸一小食🤣！口水手撕雞主要有麻辣味道，又香又麻，條脷真有點痹，食落都幾惹味😋！菜肉雲舌都幾大隻又足料，菜同豬肉比例適中，唔會話只食到菜👍🏻！刀削麵因為係手工製作，所以粗幼不一，賣相唔靚，但食落真好滑，有少少煙韌。份量睇落好少，但因為每條麵都比較厚身，所以食完都有點飽😂！湯底比較清，我個人覺得濃味D會更好，但可接受！呢間麵店雖然唔太起眼，但食物質素都唔錯，而且呢間舖係極度深黃，係附近既不妨去試下啦！