拮街小食

《拮街小食 - 西環》堅尼地城除左多Cafe之外，仲有不少環境好chill既Bar添🥰前幾日約左朋友去呢邊飲野聚會，臨去Bar前朋友帶左我去食啲野，原來呢頭都有不少小食店咼😌我一直以為呢邊食野個價位會偏高添😆💁🏻‍♀️生菜魚肉魚肉用左鯪魚肉製作，細細條易入口，個湯清清地，食落好舒服😌💁🏻‍♀️炸大腸十分惹味既小食，點甜醬同芥末醬就最適合👍🏻個芥末醬都幾攻鼻，不過辣得幾開胃，而且炸得好香口💁🏻‍♀️滷水拼盤估唔到呢度有港式滷水串串食，選擇有好多，有牛柏頁、雞腎、紅腸、生腸、魷魚等可以揀番自己鍾意既串串再叫店員幫你切，個醬汁配上麻油好惹味😋推介生腸👍🏻好味💁🏻‍♀️炸燒賣魚旦除咗普通嘅魚蛋燒賣之外，呢度仲有得炸架，炸燒賣配椒鹽又係經典既配搭，飲完酒食醒酒一流😋💁🏻‍♀️手撕雞腸粉朋友話呢個比較腸粉相對淡味，不過我個人覺得個手撕雞幾好，配原味嘅腸粉係會淡少少，如果個底部加少少豉油應該會濃味啲😆可能因為飲咗酒啦💁🏻‍♀️碗仔翅碗仔翅又係飲酒後必食既小食，暖暖哋令到個胃好舒服，好特別嘅係個碗仔翅入面竟然用蘑菇去做配料，配埋個醋有啲似平時去飲宴嗰啲湯羹…查看更多

店名：拮街小食地點：西環堅尼地城菜式：港式小食自家製瑤柱蟹皇雞湯翅 細 $28  呢度少見用自餚雞湯整碗仔翅，仲加左大量雞絲，木耳絲，冬菇絲，粉絲同瑤柱絲，非常足料，而且個湯底好甜，真係飲到雞湯味。我只係簡單要左d醋同麻油，已經好夠味。推介。冷盤：生腸，火雞腎，墨魚 $18x3串火雞腎我第一次食，原來口感非常爽脆，肉質唔會好似鴨腎死實。我都係第一次食生腸，一直好怕有怪味，不過呢度完全無異味，口感係超爽口。墨魚都係極爽口。呢度用左秘制冷盤汁，味道唔過火，已經好夠味。而每串份量超多，好抵食。手撕雞腸粉 $35手撕雞腸粉賣相一流，膠碗底放滿腸粉，面頭係滿滿手撕雞絲，再加上白芝麻粒。腸粉即叫即整，加上秘制醬汁，滑溜惹味，而雞有雞味，足料好味。脆皮芝士腸 $15 脆皮芝士腸一串五條，面頭淋上麥芽糖，食落皮脆肉多汁，味道甜甜地，配腸仔好夾。而且熱辣辣，口感味道都唔錯。瑞士汁雞翼 $20 3隻呢個價錢有3隻，雞翼都好大隻，瑞士汁好入味，而雞翼肉質好淋，唔錯。咖哩魚蛋 $10 5粒呢度咖哩汁味道好惹味，帶少少辣，配彈牙魚蛋係絕配。當然要整返罐汽水解解渴。好少會食港式小食，呢間小食店食物高質，選擇唔少，而且店員姐姐服務態度好好。…查看更多

西環堅尼地城吉席街轉角，有間超有街坊味嘅小食店 —— 拮街小食 (但我鍾意佢英文名多啲pokeguy snacks🤪）。🍢 豬皮蘿蔔魚蛋 呢款係港式街頭經典組合，魚蛋彈牙、蘿蔔吸晒湯汁，豬皮滑溜入味，三樣一齊食落去，鹹香爆汁，完全係童年回憶嘅味道！🌶 咖喱魚蛋 魚蛋熱辣辣，外層吸滿濃郁咖喱汁，微辣中帶啲甜，口感煙韌，食一粒已經停唔到手。個咖喱汁仲可以拎嚟點其他小食，正！🧆 炸魚蛋 & 燒賣 炸魚蛋外脆內彈，香口又唔油膩。燒賣就係嗰種街頭風味，帶少少魚香，冇花巧但好實在，啱晒「掃街」心情。🥬 生菜魚肉 清爽生菜包住滑滑魚肉，口感層次豐富，食落去涼浸浸（特別係天氣熱嗰陣），仲有少少胡椒香，幾有驚喜！💥 千層炸大腸 外皮炸得酥脆，內裡層層分明，大腸處理得乾淨無羶味，香口惹味😋🍲 碗仔翅 雖然唔係真翅，但湯底濃郁，帶點胡椒香，口感黏黏地，配埋紅醋一齊食，極有街頭風味，暖笠笠超滿足！🐔 水魷、雞腎 & 生腸 水魷同雞腎爽口彈牙，生腸食落去煙韌唔腥，簡單淋啲豉油已經好出色，完全係內臟控天堂！ 拮街小食📍西環堅尼地城吉席街34號順興大廈地下G2號舖…查看更多

一碗自稱係瑤柱蟹皇雞湯翅但用料普通到極嘅碗仔翅，要價$38，味道平平，材料都係雲耳冬菇粉絲，除左個名之外，無瑤柱無蟹皇，食完好口渴，湯底都係味精開出嚟，開喺堅尼地城海旁附近，應該都係遊客向，一劏無回頭，街坊勿試。以$38嚟講，呢碗碗仔翅無論味道、口感同份量都同價錢完全唔成正比。其他同價位嘅其他小店都可以食到更足料、更有心機嘅出品。總結一句，呢碗碗仔翅既難食又唔抵食，完全唔會有再幫襯嘅意欲，建議大家避免中伏。…查看更多

今日同朋友行經堅尼地城，見到這間小食店Pokeguy Snacks，店名好特別好洋化，但賣著港式街頭小食，一於同朋友吃了久違了的街頭小食，久違的味道和感覺通通都回來。手撕雞腸粉：手撕雞嫩滑不韌，腸粉順滑彈牙，熱辣辣，撒上白芝麻粒，吃起來很舒服暖胃。生菜鯪魚肉：生菜新鮮，鯪魚肉彈牙又不腥，湯底清淡，感覺很健康。滷水拼盤：雞腎爽口有嚼勁，魷魚彈牙，生腸爽脆，搭配芥末醬，調味剛剛好。咖喱魚蛋燒賣：彈牙陳皮魚蛋和煙韌燒賣，搭配秘製咖喱汁，辣得來好惹味。炸雞髀：生炸雞髀，皮脆肉嫩，撒上五香粉，惹味又飽肚。碗仔翅：以粉絲為主，加入大量木耳絲、冬菇絲、腐竹、雞絲等食材，非常足料，搭配醋和胡椒粉，口感濃稠，味道濃郁，一道舒服街頭小食。拮街小食 (西環)西環堅尼地城吉席街34號順興大廈地下G2號舖#拮街小食 #堅尼地城 #街頭小食 #手撕雞腸粉 #生菜鯪魚肉 #滷水拼盤 #咖喱魚蛋燒賣 #炸雞髀 #碗仔翅 …查看更多