批&撻專門店

有個年紀稍為大嘅女職員態度麻麻，我唔知佢係咪放緊break，好多人排緊隊打晒蛇餅，我諗條隊應該有五個人，佢好似冇諗住個妹妹幫手，我純粹諗住買雪櫃兩個蛋糕就俾錢走，前邊個婆婆問咗好多嘢，我等咗勁耐，但係冇其他職員嚟幫手，見住條龍越嚟越長⋯$28/條蛋捲都算平，但係原味居然係罐頭雜果⋯有啲難食，朱古力味就似黑森林蛋糕，朱古力味都OK嘅⋯仲要原來買兩條蛋糕，冇紙袋，個黑面女職員死都要我加一蚊，嬲嬲地，早知我就唔買兩條，出邊仲要落雨…查看更多

呢間店鋪既職員態度好差，佢地唔會主動問你要咩野食，之前有一次望左個職員兩眼，佢晦氣地講你要咩就講啦，另一次就係買野食時，玻璃櫃前已企滿人，我同店員講左買咩食，趁佢執緊既時候，我就行去左邊收銀機遠離人群，個店員將野食放係玻璃櫃上，我俾完錢佢叫我自己行番過去攞，佢只需郁一郁隻手遞俾我就得，呢d人真到懶到出汁。我會向佢公司投訴，同埋唔會再幫親。…查看更多

呢間Pie & Tart常駐荃灣地體站，甘多年都屹立不倒。以前D咸批都好食，不過物價高漲，都不斷加價，同配料少左好多，之後就好少買來食。最近細佬買左芝士鮮奶撻翻來，熱辣辣仲係流心，非常好食！奶味濃，皮又脆！正，希望可以保持水準。…查看更多

其實一星期都會過去兩次買個批返公司食， 但每次見個店員都係黑口黑面， 其實著得公司制服喺嗰到工作就代表住公司， 如果你係做得咁唔開心， 何必困住自己喺舖頭俾面色人哋睇呢。…查看更多

很喜歡pie &tart 的食物，價錢很平民經過，都會聞到香噴噴，我最愛鮮奶撻很香，很滑，餅皮又很脆外，另外好喜歡他的蘑菇撻裡面有磨菇片,粟米粒,紅蘿蔔,冬菇足料 做早餐一流…查看更多