打邊爐

營業中

休息中

每次打邊爐都係一排冇打 癮起 打完食得好豐富 又希望短期內唔再打邊爐 係呢個循環入面不斷輪迴 今次又到左好想打邊爐既timing 同另一半發掘到隱藏係佐敦的小店裝潢中式 職員熱情 加上選擇不少 菜單全面電子化 整頓飯的體驗都很好 而且經理還為每枱客送上口罩套 非常貼心！湯底我們選擇了杏汁豬肺和蘿蔔牛腩 各自都非常足料而且作為湯品一流 不帶味精 牛腩炆得夠入味精選海鮮餐$328一共有三款海鮮 龍蝦、帶子、大蚌 全部都新鮮巨型 以呢個價錢可謂超值 龍蝦最為出色 蝦身大隻、爽口彈牙而且海水味重 蝦頭仲要有超多膏😱鮮雞子以花雕酒浸泡 滾熟後依然陣陣酒香 沒有些許異味 好耐冇食過咁高質素既雞子！黑豚肉來自日本鹿兒島 薄片爽脆 桶蠔手掌咁大隻 肥美厚肉🦪竹笙蟹肉百花卷聽聞係新菜式 竹笙卷住蝦滑 口感特別 而且竹笙吸哂湯頭的清甜 又有蟹子的脆口 非常好味呢間火鍋店既食材新鮮 還有自家製飲品 清甜解渴 列入我們可encore名單😋

齊心抗疫? 呢個疫情我諗對飲食業都頗傷元氣, 打邊爐位於廟街街舖, 專供晚市, 佢哋開到凌晨時份, 且嚴選食材, 好多為食友食完都推介, 就算平日都好多捧場客, 非常旺場的, 疫情之下佢哋都少咗好多生意, 今晚專登黎打邊邊捧下場, 希望各大有心食肆能盡快重回正軌, 香港加油, 食店加油! 打邊爐加油!疫情之下, 每位客人入門用酒精搓手液清潔雙手及探熱, 每位顧客奉送口罩套一個安置你的口罩, 打邊爐為讓客人食得安心又放心, 抗疫措施做足!打邊爐裝修走中國feel, 枱與枱之間都跟足政府指引, 相隔足夠空間, 實木餐枱餐椅坐得舒服, 高樓底加上通風系統很不錯, 唔焗促, 打完邊爐衣服完全冇吸到味。讓客人食得更安心, 服務員即場喺客人面前用滾水把所有餐具再清洗一次才奉客, 讚餐廳用iPad 落單, 所有食材分門別類供客人選擇, 透過mon去睇食物, 食物色相特別吸引, 又不用浪費紙張, 夠環環保, 再讚日式海鮮盛.....正呀!打邊爐飲品不能少, 除咗啤酒汽水, 還提供多款自家煲製飲料, 我叫左檸檬薏米水, 朋友叫左竹蔗水。自家製香茅檸檬薏米水 ($25)薏米清熱去濕, 檸檬及香茅氣味清新芳

天氣炎熱，都無阻我們去打邊爐的興致。打邊爐這店一向用料新鮮又高質，所以係我其中一間必去的火鍋店。一入店内，服務員熱情款待疫情期間，為使食客安心用餐，都會在客人面前即席煲水消毒餐具，讚！每人送上一個口罩套。前菜係涼拌青瓜雲耳，酸酸甜甜甜好醒胃。我們選了芫荽皮蛋湯，湯底十分足料，有粟米，紅蘿蔔，豆漿等配料。肥牛牛味濃郁，牛脂甘香，肉質軟腍，正！這個豚肉賣相很特別，有一小杯白酒倒轉的放在中央，服務員會把酒倒在碟中，再把肉攤開，白酒慢慢滲進肉内，所以食的時候，會散發陣陣酒香，味道有驚喜，這個食法，坊間少有。我們再點了兩款刺身。象拔蚌切成薄薄的一片，入口爽脆鮮甜，蘸上刺身醬油，鮮味更岀，冇得頂！薄切紅魚肉新鮮透明，口感軟腍亦帶點煙韌，挺特別。吃過刺身後，魚頭魚尾會再切成塊放入湯中滾熟，湯底更鮮甜。海帶爽脆又下火，啱晒打邊爐。鴨血嫩滑帶脆，吸收了湯底精華，很滋味呢！最後再來一小杯冰凍白果糖水，甜度剛好，打邊爐後吃真是一流！值得一讚的是服務員不斷為我們換碟和撈起鍋中的泡，非常貼心

我非常鐘意打邊爐一個星期都至少要打一次今日經過佐敦唔想食放題 想食有質素既火鍋於是揾左 *打邊爐*座位好舒服店員熱情招待我地兩個叫左濃湯花膠翅裙燉雞煲自家製江南魚腐手打梅菜豬肉丸手切霜降安格斯肥牛自家製西洋菜餃子魔芋絲墨魚花新鮮海帶唐生菜先要讚一讚個湯底非常滋補花膠非常多非常足料而且仲係厚身所以煲出黎既湯底都好入味手切霜降安格斯肥牛質素高 雪花分佈平均入口嫩 牛味濃自家製西洋菜餃子包得好靚仔 落湯煲得耐都唔會散開又唔會皮太厚手打梅菜豬肉丸大小適中梅菜同豬肉比例剛剛好整體黎講非常滿足既一餐一定會帶朋友再黎食

上星期想同朋友打邊爐,諗都唔諗就介紹呢間之前我食過質素非常之高嘅火鍋店，朋友食完都話冇介紹錯疫情期間雖然係小店但係都非常貼心附送口罩夾俾每一位客人嗌左佢哋嘅自家製竹蔗茅根同檸檬薏米，味道非常清新，唔似出邊其他拎貨嘅會過甜濃湯花膠裙翅燉雞鍋，非常足料嘅湯底，湯底雞湯味道非常濃郁，每食一口花膠都吸晒湯底嘅味道，而且入邊仲有半隻雞，雞肉滑身有雞味舖頭真係好好，就算依家非常時期都做唔同優惠，奉送左我同朋友三文魚刺身，雖然係免費但係都非常新鮮，聽店員講原來佢哋舖頭係成條三文魚拎貨自己劏頂級本地手切肥牛，同樣值得推薦，油花分布平均，肉味濃郁，而且厚度剛好，入口有口感紫淮山，比起普通淮山更有淮山味，坊間少見，絕對值得嘗試自家製魚腐，同樣非常驚喜，店員上枱時已經講可以就咁食或者打邊爐咁食，非常重魚味，而且炸過十分脆口食完晚飯餐廳仲主動免費奉送甜品，呢個腐竹蛋糖水都非常清甜可口

過了農曆新年後, 剛好是武漢肺炎疫症的開始. 很多人都不太願意外出吃飯, 約朋友吃飯變相困難了, 便改變了主意約朋友去一家高質火鍋小店. 店裡的座位不足10枱, 比其他的火鍋店更見安全. 這裡的裝修走的是中國風, 樣式有點像走進一家四川菜館. 還未點菜前先送上一盤花生. 這裡用上pad電子選菜, 既方便看食物外觀, 更方便的是計算食物價格, 容易有所預算. 在點主菜的火鍋時, 今天兩人都覺得餓了, 先上了兩款快速上桌的小食先吃. 贈送的厚切三文魚十分肥美且全沒雪味, 在火鍋店吃到這個質素的刺身頗有驚喜.另一樣小吃是我很愛吃的炸魚片頭, 厚切成角的魚片頭, 比炸魚片裡頭更軟嫩多汁.  椰子沙白蜆蟹鍋裡頭放上一整隻蟹還有沙白蜆, 配上材料有粟米, 紅蘿蔔, 菇的椰子湯底, 未打邊爐前已先喝上3碗美味的湯底. 調味醬料的款式選擇豐富, 我最喜愛的要數裡面的XO醬, 又香又惹味. 手切霜降安格斯肥牛的份量剛好適合2人進食, 如大理石般漂亮的脂肪紋理顯示牛肉的質素十分不錯, 稍為灼至粉紅色吃起來十分鮮嫩肥美. 蟹籽墨魚滑是自家制的, 灼出來的墨魚滑又彈牙又鮮味, 是打邊爐的必點食材.  這個自家

自家製香茅檸檬薏米水自家製竹蔗茅根水呢度啲嘢飲有幾款都係自家製我哋揀嘅呢兩款都好好飲飲完打邊爐都唔怕熱氣啦😆.辣汁雜菌沙白蜆鍋感覺上呢度嘅湯底比一般火鍋店分量多好多我淨係見到好多好多蔬菜仲多過羅宋湯甘😆下面就好多好多蜆呢個湯底辣得來有好鮮甜 而且入面有好多蕃茄 令到味道層次好豐富 .特級本地手切肥牛（小）肥牛砌得好靚不過切得比較碎 夾嘅時候有啲難度不過牛味濃郁 都幾好食.養顏豬花膠女士至愛！每一口都是骨膠原🥰🥰🥰.鮮鵝腎估唔到呢度有好新鮮 好爽口.手打釀芝心鮮牛肉丸（4粒）食嘅時候要小心啲如果唔係會燙親個咀😂.自家製西洋菜餃子（4隻）餃子皮比坊間嘅較煙靭入面好Juicy 我認為係必點嘅.鮮炸厚切午餐肉可以就咁食或者放落湯底度兩種唔同嘅感覺 兩種都好正.長壽芽苗第一次食呢種蔬菜感覺好新鮮好似食緊巨型豆芽咁樣值得一試👍🏻.自家制黃金炸魚皮即點即炸 炸魚皮包滿左鹹蛋黃醬好邪惡但係真係食到停唔到口又香又脆 冇得頂😙😙

前幾日同朋友行過佐敦搵地方食飯見到有間新開打邊爐 店鋪唔算太裝修有古典味 門口有魚缸見到新鮮海鮮 馬上想一試入到餐廳店員十分有禮貌 前菜有一碟惹花生開始點餐 款式種類非常多小食黃金魚皮非常惹味香脆可口 加上鹹蛋味道食到停唔到口湯底我地揀左椰子沙白蜆蟹鍋好鮮甜 椰子味道濃厚最令人意外係蟹都帶有膏 非常美味紅酒霜降安格斯頸脊味道很特別滾完都可以食到紅酒味而且牛肉質很淋福州魚丸第一次食 非常彈牙魚丸咬開入面有肉碎味道非常不錯黃喉質地非常爽身梅菜豬肉丸梅菜香甜 配合豬肉 味道非常之夾感覺不會韮菜豬肉餃店家自家包制 皮薄涵多 韮菜味很香另外店裏飲品都有自家制有洛神花菜 檸檬薏米 竹蓆茅根洛神花茶酸酸甜甜 非常開胃甜品 蛋白杏仁茶即時消除打邊爐熱氣另外最值得欣賞係疫情時期店鋪非常衞生 店員亦很主動為食客頻頻換碟令人食得非常安心

上星期朋友慶生，到了佐敦附近的火鍋店為他慶祝，這間首次嘗試的火鍋店水準之高，值得打一篇食評推薦為什麼說他是有誠意的火鍋店，基於有很多食材都是自家製，而且味道之好，他們的飲料同樣自家製，本人飲了中間的檸檬薏米水，味道非常清新，不會過甜，朋友所選擇的竹蔗茅根和洛神花茶同樣表示滿意養生花膠翅群冬瓜燉雞鍋，湯底非常足料，而且鮮味十足，這個湯底十級推薦，打邊爐前先嘗試一碗湯底，因花膠極多，湯底亦有少許膠質，不是水汪汪質感，非常回味點了這個湯底店員同樣推薦魚肚，因為魚肚索湯，非常適合配上這個滋補湯底，果然沒有介紹錯，魚肚配上先來濃郁的湯底果然是絕配安格斯肥牛小份，分量合理，而且牛味十分足夠自家製酥炸韭菜餃，同樣十級推薦！外皮炸得非常酥脆，而且餡料十足，配上泰式辣醬非常惹味！坊間比較少見的素香豆腐皮，口感類似腐竹，但是卻有豆腐花的豆甜味，同樣值得一試自家製黃金飛魚籽墨魚丸，墨魚鮮味十足，配上不計成本的飛魚子每一粒在口中爆開的口感，非常推薦火鍋過後店員為每一個客人奉上免費甜品，每天不同，當天是桂花糕，非常清香，絕對不是贈品級數，令人回味

老朋友去年退休了，終於可約相聚吃飯，知道佢好鍾意打邊爐梗係去打個邊爐啦，哈哈竟然有一間位於佐敦叫做"打邊爐"㗎。就book了兩對夫婦一齊打打了。環境好橘子下，有點中國feel 最啱打住食傾住偈，講下未來的計劃，侍應生好有禮貌先放下特色的調味醬，還介紹自家製飲品，有檸檬薏米水，苔菊花蜜等等。 打邊爐最啱清清甜甜了，忘記影相添。我哋就選咗椰子沙白蜆蟹鍋湯底$268~好多沙白蜆而且係無沙㗎大大隻，蟹也大隻呢！蟹肉好鮮甜，椰子好香滑鮮甜重有海底椰添，成個湯正到不得了，哈哈，大家都飲了半碗先。😋😋唔講唔知原來有好幾款自家製的食物，自家製韭菜餃和自家製鮮炸響鈴和自家製素番豆腐皮， 最特別原來係鮮炸響鈴！通常係淥一淥就食，呢度食法就不同了，響鈴是啱啱炸起，可以甜食，可以點醬食，入口好鬆脆呀，鮮腐竹豆味也濃，食落口滑滑小小甜，好特別呀！清爽豬脆花$98~好爽口食落好似雞軟骨好得意趣趣口。養顏豬花膠$168~原來一隻豬得兩件咋！我哋有六件！食咗三隻豬了哈哈！好重骨膠原啊！正。👍農場鮮雞子$138~聽個名都知啦梗係畀男士食好啲，補下補下。美國肥牛$128~一淥就好食啦！唔黐牙㗎，肥美鮮味。食完仲有時令甜品

打邊爐去到佐敦道，坐低環境非常唔錯，叫咗一個椰子沙白蜆蟹鍋，再點個清爽豬脆花，農場豬花膠，農場鮮雞子，素香豆腐皮，自家製韮菜餃，自家製鮮炸響鈴，西洋菜， 鮮紫淮山 ，美國肥牛 ，醬芥每位20蚊 。四個人千三蚊落樓 ，佐敦一帶食嘢差唔多值得一試。椰子沙白蜆蟹鍋，鍋大湯清沙白靚蟹甜，一上嘅時候，聞到好香湯味，都已經好想開波。清爽豬脆花呢個係我哋所講嘅豬天梯，爽口唔好淥咁耐，過時就會縮水夾硬，我哋有淥到啱啱好。爽!農場豬花膠一隻豬得兩件，一左一右，就係大肶較膝頭哥側，邊嗰兩條筋，爽到冇人有呀!我都係第一次食。農場鮮雞子一般雞子，我就唔會試，但係介紹到，呢個竟然出乎意料咁新鮮，而且望落去都已經好想嘗試，再淥一淥一入口，真係冇得彈呀!素香豆腐皮呢個腐皮，我都懷疑唔知佢點整嘅!皮光內滑，係冇皺紋嘅腐皮，而且入口鬆脆，腐竹味真係好濃，未試過咁正嘅腐皮。自家製韮菜餃講得自家製一定唔簡單，新鮮到拍得住自己整，所以一個like。自家製鮮炸響鈴呢個響鈴靚呀，唔係落煱，唔係落鑊呀，而係就咁食嘅，因為剛剛炸上嚟，仲係熱辣辣嘅!入口鬆脆，見口即溶， 絕對不是係食慣嗰種響鈴。西洋菜西洋菜唔多講，因為有上面咁多咁正嘅

好像已經有好幾年沒吃過新鮮羊腩煲、今晚跟家人來到佐敦的「打邊爐」不是來打邊爐而是吃羊腩煲😆餐廳自家製的檸檬薏米水和竹茅根水、好清熱又不會太甜👍🏻蒜蓉炒花竹蝦 、蝦碌好大隻啖啖肉、醬汁非常惹味😇除了熟食、還有刺身、點了幾片三文魚刺身、是厚切的。羊腩煲份量十足、一送上來已經聞到好香好惹味、店家說是新鮮黑草羊。羊肉炆得好淋、好入味、蘸上椒絲腐乳醬汁好正、冬天吃暖笠笠！裡面有枝竹、馬蹄也清甜好吃！店家推介的豬腳根、好多膠質、加入羊腩煲吸引了腩汁、軟中帶煙韌好好吃啊！另點的蓎蒿也新鮮。

再次光臨佐敦道這家火鍋店，都很火爆，坐下不久已客滿，門外要排隊了！ 雖位處橫街但勝在交通方便。 坐下店員先端上七彩繽紛調味料，主菜前先來個美極煎花竹蝦及三文魚。 花竹蝦個頭夠大，用美極煎又有復古風味。 主菜為新鮮黑草羊腩煲，很難得的新鮮羊腩， 羊肉無騷味， 羊腩肥美， 配搭有支竹同竹筍。 必食必試之選。 火爐配料有豬花㬵，很好值得—讚及羊肝羊心未試過可以—試，但感覺一般。 整體—般，服務無上次咁好，可能生意旺場吧，但仍不失為—選擇。

先要介紹呢個養生花膠翅冬瓜燉雞鍋，足料鍋底，花膠、竹笙、雞、冬瓜、翅裙…未開始打先飲個湯，超清甜，好飲，唔飲味精湯送左碟三文魚-都算新鮮花竹蝦做刺身真係第一次食，有少少似龍蝦刺身，超爽甜👍🏻安格斯肥牛-唔會太薄身油脂均勻炸響玲- 呢個響玲好特別有糖畀你點黎食，可惜我唔太識欣賞韮菜餃-超讚，好足料，勁多韮菜，大大粒好好味👍🏻桶蠔-好肥美，鮮甜，不過呢個價錢4隻太少最後仲有個糖水送，不過杏仁味我唔like 真的打邊盧地址: 佐敦廟街286-298號華志大廈地下A號舖