扒王一哥 (已結業)

今日嚟到旺角食個lunch或者都唔係lunch嚟嘅係下午茶，因為都三點幾嘅旺角呢度要七至六嘅大廈入邊，基本上大部份都係食肆而我都食過其中幾間嘅今次嚟到呢間叫做霸王一哥嘅餐廳我係扒王之王旗下嘅餐廳嚟嘅，扒王之王好似都執得7788 咁我嚟到呢間餐廳就試吓呢度啲扒啦冇記錯又係叫咗呢個係個鐵板牛柳嚟嘅同埋叫咗一個焗飯嘅焗飯都唔錯，新鮮滾熱辣鐵板呢個就都可以接受嘅一般般啦價錢嚟講係係一個都唔算話特別貴嘅性價比中等啦…查看更多

崇拜後有時太多團友一齊午飯都會選擇到726樓上据扒，因為夠多大枱可以容納我哋一齊坐，仲無限次幻想聖誕包起佢間房聚會;再者，餐牌選擇多，牛雞魚豬羊有齊，價錢合理，每次都因為花多眼亂揀好耐!不過上兩個星期再去就發現扒王結業，但好彩只係移到朗豪附近!過去的星期日帶著團友一行六人去幫襯，發現場地大咗好多，以往伸手就碰到隔離枱了;其他員工、經理、牛頭裝飾都保留著，間房仲大咗，適合多人聚會！！朋友多數揀豬扒意粉，$63真係性價比高，包湯包飲品！不過地方大咗，大肚婆朋友仔依然被經理大力放下食物的動作，將醬汁彈到腰間一片橙色。朋友仔真黑仔，剛剛才回想分享完在舊址同樣經理大力的動作弄污糟過衣服，幸好無整親肚中的寶寶！而我就叫咗和牛西冷，相比肉眼價錢一樣，我比較喜歡有咬口的西冷。另外一位朋友叫了肉眼，都係七成熟，從外觀看基乎分辨唔到！而幼薯條依家好食，忌廉湯是我喜歡的味道，好creamy，粒粒大粟米，朋友話湯最重要夠熱，我們都好滿意！！鐵板等既時間較長，最肚餓既朋友結果等最耐，哈哈，大家注意勒，餓就叫其他扒類了！樓下有間好出名既紅豆烘焙，喜歡可以食飽兜個圈！！…查看更多

今日叫咗豬手午餐，$68 包餐湯嘢飲，跟埋意粉同埋粟米以呢個價錢同份量嚟講其實真係抵食，可惜質素同以前食爭一大截，湯同嘢飲唔評論啦正常水平，至於豬手係幾大舊，圖片影出嚟嗰時我已經食咗幾啖，但係啲肉又鞋又乾，皮嘅地方還好，都叫食到落肚，但係去到中間啲肉好難咬得開，係要夾硬吞落肚先食到，最後食到一半放棄咗。至於意粉係扁意粉，味道正常但係偏冧。最後埋單連加一$75，價錢係幾平，但係咁嘅質素冇下次。以前疫情期間成日食，午餐又平又好食，但係到而家做到有啲起色就hea做，又話準備開另一間叫‘扒X X王’嘅餐廳，咁嘅質素真係遲早執笠。…查看更多

睇完9bothew嘅片就揀左嚟食下花園以外嘅扒，諗住岩食嘅爸爸就可以多個選擇可惜都係唔會成為爸爸心水餐廳了牛扒很簿，但都用梳打粉拿到好淋，一切就爛，無左牛扒嘅口感豬扒拼比目魚，比目魚係比較出色，魚質滑唔腥，無雪藏味，豬扒就一般豬扒拼魚柳，魚柳係炸，但唔夠脆，天使面轉左變硬，食到口損左不得不讚個薯條，唔似花園咁墊底會林晒，相反一直食到最味都仲脆口，好飽都仲想食晒佢星期六晚市都唔多人，同家人一坐就坐左三個鐘，傾下計，環境係唔錯 🤤味道🤤： 3/5🏝️環境🏝️：4/5💵抵食💵：4/5💁🏼服務💁🏼‍♀️：4/5…查看更多

聽人講呢間扒王一哥係以前扒王之王開既，於是乎同朋友一齊去試下，睇下搵唔搵到兒時食扒王之王既回憶。入到去餐廳燈光昏暗，枱同格之間唔會好逼，感覺都幾舒服。見番之前係沙田扒王之王好有中氣果位呀叔做伙計，聲線中氣十足簡直係扒王signature ❗️整體嚟講，以旺角地段，呢個價錢，食物質素唔差。百幾蚊鋸個扒，搵到個回憶過下癮之餘，重點係食物都好食嘅。餐湯好香牛油味，忌廉味濃厚。惹味爽口牛脷粒$35，以35蚊份量去睇，物有所值，但口感唔係爽口，反而係肉質係腍，易入口幾好食。法國田螺$58，蒜蓉牛油薯蓉墊係田螺底，好香蒜油味，但薯蓉味道有少少過咸。美國頂級安格斯西冷牛扒$138，西冷肉厚，大塊，肉質有咬口但唔係韌，食得出有肉味。美國黑毛豬扒$138，有啲失望，豬扒細塊又唔夠厚，但勝在肉質唔鞋口，都鬆軟。…查看更多