手作功夫茶 (德信工業大廈)

營業中

休息中

期待左勁耐，觀塘寫字樓區呢邊終於開左茶飲店，仲要係手作功夫茶！呢間舖係勁大間，店員好快手，我地電話落單20幾杯，20分鐘內店員打黎通知可取，勁有效率！店員好細心，因為有同事唔飲得茶類，店員好耐心介紹其他沒有茶的產品，我地揀左百香羅勒子，微甜少冰剛剛好。見到呢間分店竟然有雞蛋仔賣！即叫即整，聞到勁香，好吸引，估唔到店員請我地試食雞蛋仔！雞蛋仔都好好食，有3種口味，原味，朱古力，同抹茶味，我地都即刻買多底原味雞蛋仔仲見到有其他顧客買左8底雞蛋仔真心推介鴻圖道呢間功夫茶位置係鴻圖樓對面十字路口位勁方便一眼就見到

我喺附近返工最近去買三餸飯發現隔籬新開咗間功夫茶，員工好有禮貌有熱情，呢次係第一次飲功夫茶呢個奶茶店覺得幾好飲，啲珍珠全部係黑糖珍珠，最主要價錢同其他品牌差唔多但係入邊啲珍珠多好多，飲過其他品牌飲半杯就冇曬呢個飲到尾仲有，如果唔係去買三餸飯根本就唔知道呢度開咗間功夫茶😂一個禮拜飲咗兩次我問有乜好推介員工有耐心又有禮貌噉問我口味，我仲飲咗個38奶霸入邊有三種料啲料應該有半杯飲到我好飽🤣，而家仲有優惠

我係觀塘打滾左x年，鴻圖道呢個荒廢嘅地方竟然開咗一間新嘅奶茶舖，遠望見到排晒隊，點知行近啲原來係排隔離兩三餸飯，見佢做緊promo就行過去買咗兩杯飲。等就好快1、2分鐘就有得拎。但係原來平野真係無好架！一攞起手飲第一啖茶味唔濃，好奶，珍珠完全唔掂，珍珠中間好似未熟咁仲有粒粉喺度，半糖都好甜，收銀態度又差！冇啲禮貌，$20咋！俾啲態度！明白哂！平野都真係無好！呢間野我諗⋯下次要見到買一送一我先會再黎飲。