我杯茶 (永興樓)

營業中

休息中

以前住在灣仔也幫襯了不少，今天和朋友在香港島行山由於在灣仔起步也選擇在這裏早餐，因為早上七點除了茶餐廳之外選擇並不多。但港式A餐我已吃夠了！黑松露蛋治烘底是我不二之選。色香味俱全。朋友點了蕃茄湯通粉，非常好吃。當然不能一題奶茶，是這裏鎮店之寶。落了碎冰奶茶冰凍。非常滑口。食得出是有心做的小店值得幫襯。

係灣仔做完野，順便食過快閃餐，路過見到餐牌想食去骨薑油雞飯，點知話賣哂，店員話叉燒，豬扒，牛肉就有，咁我就叫咗黯然銷魂飯，肯定唔會出事啦! 點知原來每次快閃求其都係奶野😠拎得時睇賣相隻蛋都唔差，但見到一塊塊鮮橙红色叉燒就知出事，我好怕呢d染色叉燒，得一片中間有少少肉，其實全部都係肥膏，又唔係出面肥叉燒果啲肥肉，係好似食緊膠咁😑🙄超級難食，仲衰過連鎖快餐，人地賣果d都係叉燒，呢度究竟入咗乜野貨嘅叉燒，好心啦，咁難食，做老板自己唔知難食架咩？一定唔會再來食囉😶

🤑 熱經典奶茶 $25———————————————🌟 熱經典奶茶 $25 🌟喺銅鑼灣，突然好想飲正宗好茶，專登上網睇網民推介。今次叫左無糖，無糖奶茶好高質，茶膽好重但唔會好澀，超級香濃。店舖姐姐喺我面前沖奶茶，技術相當成熟，非常有禮貌，服務態度好好😊 路過灣仔不妨試下，支持本地小店🤩———————————————評分🔖 (5⭐️為滿分)味道：⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️衛生：⭐️⭐️⭐️抵食：⭐️⭐️⭐️⭐️回購？會✅———————————————📍我杯茶📍灣仔春園街6號永興樓地下 👣 港鐵灣仔站 B2 出口, 步行約2分鐘

今日去新景園外賣咖喱豬扒飯, 係等緊外賣嘅時候發現咗呢間我杯茶餐廳店面比較細, 座位唔係好多, 最啱買多份外賣返屋企慢慢嘆<暗然銷魂叉燒皇蛋脆脆豬>因為已經買咗飯盒, 唯有買多個小食暗然銷魂叉燒皇蛋脆脆豬個樣好似幾唔錯雖然豬仔包外賣返屋企已經軟晒, 但甜甜嘅叉燒, 配搭煎蛋窿邊真係冇得輸略嫌叉燒有啲過瘦, 但味道係唔錯嘅

👫這幾天假期天天逛街，港九新界都遊遍了。🏆🏆灣仔春園街多出名餐廳，還有老字號金鳳坐鎮，新型立食餐廳我杯茶還敢在此插旗，非常大膽。☕見他們拿過奶茶大獎，立刻試試，果然水滾茶靚，奶和茶的比例也合適，喝進肚子裡還暖呼呼的。🍛🐷叉燒煎蛋飯再加蔥花令人胃口大開，微微的燶邊是精華。他們還有喳咋，再澆上花奶，足料又滋潤。😋小時候肚餓時的Comfort food都在這兒嚐到了。▪️▫️▪️▫️▪️▫️▪️▫️▪️▫️▪️▫️▪️▫️▪️▫️📍我杯茶灣仔春園街6號永興樓地下🥰有型立食餐廳🤗奶茶水滾茶靚😆叉飯有燶邊@omycupoftea黯然銷魂飯💲4️⃣8️⃣鹹牛肉蛋治💲2️⃣5️⃣奶茶（跟餐）💲1️⃣2️⃣

身為奶茶愛好者嘅我，試過好多本地奶茶品牌，而我杯茶一直係我bucket list 入面喇。“我杯茶”剛開業時,仲搵咗元祖級奶茶王羅德坐鎮，真係勁啊。今日咁岩經過，當然要買返枝樽仔絲襪奶茶返屋企試下。奶茶真係好高質，好濃又唔太甜，茶膽好重但又唔會好澀，飲完之後仲會有aftertaste, 有陣茶香停留喺口中，回甘的味道。但整體而言係好既。如果係現場食既話，仲可以打造出你杯茶呢，只要落單前提出要求就可以了。

此店亂七八糟地方淺窄， 不要求有服務，但想不期到會在這里遇到差劣的態度，未上完訓練班，唔好自己亂落單得罪人。聽講這里奶茶好高質。唔 . . . . . .嚟過呢度咪知個「伏」字剛寫囉，今次真係受教了。

📍我杯茶之前去到灣仔，喺地鐵站附近搵野食，搵到呢間個名幾過癮既餐廳仔做下午茶，門口寫住奶茶王同埋有個窗口仔堆滿一支支奶茶，決定入去試下😎餐廳裝修新淨，面積唔大，午餐時間可能要等下位，不過好多食客食飽都好快走，嗰日等左5分鐘左右就有位。👅黯然銷魂叉燒皇蛋脆脆豬 呢個脆豬上碟好吸引🤤煎蛋係半生熟會流出黎嗰種！叉燒亦都好juicy，份量好夠。脆豬唔會硬，一啖咬雖然好論盡，但完全值得🤪👅雙黃鴛鴦三文治 呢個蛋治真係非一般蛋治。三文治一邊係白麵包一邊係麥包，襯返個名🤪雞蛋mix鹹蛋炒完超級香滑，有啲奶味，熱辣辣，鹹蛋再帶出成個三文治嘅鹹味，唔係調味嗰隻鹹👍🏻👅凍經典奶茶 呢杯奶茶色水靚，茶底香濃，入口順滑，本身都鍾意飲茶味濃啲嘅奶茶，呢個完全啱啱好！價錢值唔值得就見人見智，但一試無妨😎🚗灣仔春園街6號永興樓地下

買左之前買過既鴛鴦，發現水準退步，幾難飲吓…奶份量太多，茶同咖啡比例太少，唔香… 仲要價錢加左，$20蚊一杯。我飲左半杯飲唔落去😖 希望佢地定期review 下,作出改善啦… I want to give rating, but this system requires 200 words, which is unreasonable. Hence I need to use English to extend the word count to 200.

係我心目中，奶茶排名入頭3位的，除了大坑炳記，就非此莫屬了。隔左一陣子沒來，多了好幾款飯餐，還有奶茶雪糕（只限灣仔有！！）。可惜，我與男友食飽才去嘆茶，肚子不爭氣沒位了😭😭 下次再試。一如既往，奶茶keep住極高水準，從不令我失望，極力推薦！老闆仲好風趣又好人，抵你地生意興隆🥳熱奶茶加了糖，奶香撲鼻，配得太出色了！男友叫了凍奶茶，也不錯。但我始終喜歡熱奶茶，好似更香濃，呵呵呵。（P.S.銅鑼灣分店水準差太遠，服務也… 希望改善）

凍奶茶超級香濃，茶同埋奶嘅比例啱啱好，一飲落口就好重茶香。午市叫沙嗲牛肉飯再加凍奶茶都係$60。沙嗲牛肉係用新鮮牛肉加沙嗲醃嘅，食落係出面食唔番嘅味道，亦都唔多味精，灣仔返工其中一個好選擇。老闆仲好Nice，之前試過倒瀉奶茶佢會即刻沖過杯！好warm！！！

每次想飲奶茶一定諗起『我杯茶』。雖然間舖細細間，但都仲有D位比食客坐低食。今次叫左鹹牛肉蛋治同凍奶茶。鹹牛肉蛋治個包口感鬆軟，厚度適中。鹹牛肉蛋煮到差少少全熟冇overcook，食起上黎香滑帶有少少鹹牛肉既鹹味，非常好。美中不足係我唔記得加$2烘底，咁就更Perfect，不過呢D都係個人喜好。呢度既奶茶，無論凍熱，茶味豐富，入口幼滑。除左堂食，佢地仲有得一支支奶茶外賣。疫情下，係屋企都可以飲到優質奶茶，非常好。值得推薦。

馮志堅在金融界非常出名，最近竟然進軍飲食界，在灣仔春園街開設【我杯茶】專賣奶茶、蛋治、叉燒飯……等港式食物。另外，他計劃靠奶茶於大灣區大展拳腳，目標是兩年後把公司上市，靠奶茶進軍中國龐大市場，野心真係大！莫非想把奶茶變成Starbucks？Starbucks 成功把咖啡帶到世界各地，幾十蚊一杯咖啡都大把人買，將咖啡包裝成中產飲品，絕對是成功例子。要將茶檔奶茶打造成高級飲品，要將奶茶文化帶到國內再搞上市，成為Starbucks真係談何容易。Starbucks 每間店都有特色裝潢又坐得舒服，真正嘆杯咖啡。可是【我杯茶】室內環境又長又窄又沒有裝潢，只有幾張高枱高櫈，另外有間房，內裡只有 3張細枱。老闆本身門外漢，於是招攬「茶王」羅德師傅，用「茶王」出品吸引客人慕名而來。除了奶茶外，食店供應幾款港式食物。在門口收銀處下單後，店員在開放式廚房內預備食物，做好客人自己去領取食物，快餐店流程。坊間越出越多以【黯然銷魂飯】命名的叉蛋飯，我又試下【我杯茶】的叉蛋飯。這個叉燒不似坊間的叉燒，這個叉燒切得薄，而且不見梅頭肉的脂肪紋理……外貌似牛腩？味道都ok，只是我食慣厚身啖啖肉半肥瘦又焦香的叉燒。荷包蛋滑

“沙嗲鮮牛肉飯”($48)“熱奶茶(加大)”(+$14)身為奶茶同沙嗲牛fans點可以錯過呢間喺灣仔嘅我杯茶😆舖頭細細間主打外賣,但都有啲bar枱位食嘢😛沙嗲牛麵就食得多今次就要咗沙嗲鮮牛肉飯🐮🍚個飯賣相幾靚仔,有煎蛋🍳,生菜🥬,紫洋蔥🤩雖然沙嗲味唔算太濃,但牛肉係幾嫩滑😍啲飯份量超多🤣食哂好夠飽🤣另外跟餐要咗杯熱奶茶(去食嗰陣仲係冬天😂如果宜家再去食一定要凍🤣)師傅會問定你要幾多糖😆因為鍾意飲甜嘢所以要咗2羹糖😂奶茶飲落確實茶味好香濃😍唔怪得係叫奶茶王啦😛

送咗小朋友上校車之後，我就同班媽咪朋友去食早餐。其中一個媽咪介紹話灣仔嘅「我杯茶」唔錯，於是我哋幾個立即去試。鋪頭唔係好大，只有三張4人枱同一列bar 枱。地方比較窄，未至於背貼背，不過都要大家互相遷就下，如果唔係就會觸碰到其他人。而家天氣咁熱，就算餐廳開大冷氣，我哋可能又食熱嘢啦，大家都食到成身汗😅既然叫得做「我杯茶」咁佢嘅奶茶一定有返咁上下水準啦！於是我叫左杯大嘅熱奶茶同沙嗲牛肉仙草麵嚟試吓。其實餐廳係自己出去點餐，等嗌number，之後再自己拎埋位。不過老板好nice，佢見我哋坐咗埋邊，唔方便起身去攞食物，佢專登攞過嚟俾我哋😊熱奶茶（跟餐，加大$17）茶味香濃，唔會苦澀；沖出嚟嘅顏色好靚；花奶分量適中，唔好黏住喉嚨。真係好飲喎！我會願意專登再去，為咗呢杯茶。沙嗲牛肉仙草麵（$48）大家一見「仙草麵」都好好奇，究竟係咩嚟㗎？係咪凉粉嗰啲「燒仙草」之類呢？一或係「蒟蒻麵」？原來「仙草麵」係用鐡皮石斛榨汁，再用山泉混合而製嘅，綠綠地色，淋淋地，口感似陽春麵，冇乜特別味道。沙嗲牛肉個汁甜甜地，食到粒粒花生碎，就算撈埋喺個湯到都唔會稀晒。牛肉冇筋，唔靭，夠入味。