我愛巴黎

營業中

休息中

放假黎到馬灣1868打卡, 打完卡食個早飯, 見到呢間餐廳好有外國風情feel, 又有可愛貓店主坐陣, 就入去休息和享用晚餐, 入到去感覺充滿巴黎的浪漫氛圍, 裝潢佈置富有異國特色, 好chill~ 店主介紹仲可以有名信片油畫和畫碟創作, 自己試下做吓藝術家, 小朋友和大人都岩, 哈哈! 由於食物即叫即整, 所以都需時, 要耐心等候喔~*秘製雞胸肉配煙三文魚沙律 $138叫左呢款健康餐,  慢煮雞胸肉都係自家製, 配以小小黑椒粉作調味, 食落有咬口, 煙三文魚美味, 配搭沙律醬雞絲和鷹嘴豆醬, 好豐富又有益, 沙律菜新鮮*蜜糖香草鹹豬手切片配沙律 $238豬手都係自家製, 外皮燒到金香比較煙韌, 肉質結實, 味道濃郁, 配以酸瓜, 橄欖, 鷹嘴豆蓉和雜菜作為主食, 份量都幾多*蜂巢蜜糖水果脆脆配雪糕 店主介紹呢度既signature dessert, 蜂巢就咁食小小硬敢地但又幾脆, 幾特別, 混合埋士多啤利、香蕉、nuts和雪糕, 口感相當豐富, 好味*粉藍色雙子星由藍柑橘、香蕉、乳酪製作而成的飲料, 打卡靚, 飲落帶點清新, 小小柑橘和香蕉香味*粉紅色的一生以士多啤梨為主調, 加上香

上星期朋友帶我入馬灣，我都係第一次過嚟，呢度真係好多唔同嘅影相打卡，如果唔去旅行去依度都真係唔錯行咗輪之後就去餐廳食嘢，我哋一齊book咗呢一間餐廳，呢度叫做我愛巴黎，係食法國餐，東來佢哋係一間私房菜，有煮食教學，好多小朋友一齊喺度學習，都幾得意開心食物方面，佢哋嘅食材簡單而新鮮，每一樣都好特別，份量都夠兩個人食，特別係佢哋啲甜品，估唔到整得幾靚，今次我哋兩個都食得幾開心入面嘅裝修都係一個歐洲風格，坐低好舒服，同一區真係好襯佢哋依家叫餐可半購買到獨家手工馬灣雪條＂特色鴛鴦雪條＂或＂到手香檸檬＂雪條

上一次嚟馬灣已經係幾年前，因為過嚟都比較遠，同埋好似唔可以揸車入嚟，所以都比較少嚟，今次都係朋友新居入伙先特登過嚟晏晝三至四點入到嚟，呢度好似話可以望到日落，我哋就特登過嚟佢屋企坐一陣，之後睇完日落就去食飯夜晚就去咗一間叫做我愛巴黎嘅餐廳度聽佢講係新開張嘅，環境都幾靚，唔算好大，但裝修好有心思嘢食方面，佢哋算係私房菜，會教你點樣煮製依個多國菜，教我哋嘅一個女仔，都幾有心思嘢食就中上水準，沙律同紫菜都幾好食，我哋最鍾意嗰啲甜品，擺盤幾靚，價錢唔算貴，下次如果入過嚟都會再嚟食

趁放假同男朋友去咗馬灣玩，雖然好熱，但係呢度嘅靚景影相就啱晒下午去影完相之後就差唔多傍晚就搵嘢食，見呢度原來都有唔少餐廳，間間都好有特色，最後決定去咗呢間新開嘅我愛巴黎上網有睇過佢哋一間私房菜餐廳就係會有手工坊教學，一早book定兩位，導師教得都幾詳細頭幾有心機，唔係淨係影相打卡，放假嚟都幾好玩食物方面味道真係唔錯，因為都可以算係一半係自己整，調味可以調到適合自己，食材都好新鮮我最鍾意秘製雞胸肉配煙三文魚沙津，雞翼好新鮮，沙律菜都好有味道，配埋一齊，估唔到咁好食飲品方面佢哋都好靚，我哋都叫咗兩杯責任打卡，價錢唔貴，如果嚟馬灣玩嘅話，可以試吓依間我愛巴黎啊

炎炎夏日嘅曰子行1868，行到咁上下，點都要tea tea 佢，見有貓店長守住個大門，愛貓嘅我地當然要入去試吓。無影餐牌，佢哋係手寫加計數機，所以又無電腦收據，所以唔記得啲名🤣🤣。波菜薄餅 ～皮係鬆脆嘅，入面都有好豐富嘅波菜，但偏鹹。一杯叫～一生紫「至」愛～用藍莓，乳酪香蕉打出嚟。坦白講真係無乜特別，但凡屋企有「機」，真係一樣，我哋姐姐經常打不同嘅汁，所以⋯⋯另一杯，牛油果打出嚟，再加佢哋嘅醬，撈埋飲，因為係友人的，所以無試，但外表靚。第三杯藍藍的，雪糕喺上面，下面係梳打，反而鍾意上面球雪糕，有好多果仁喺入面。個名叫我愛巴黎，但入面好多土耳其擺設同土耳其產品賣，都有啲特色，店內裝修同擺設都有啲心思，真係入嚟hea係可以嘅！三杯嘢加一個薄餅$376回頭度:5/10