我想和你無所事事 (德福廣場2期)

營業中

休息中

🥭GG百香芒果(半糖，$43)飲過佢地既鮮果芝士奶蓋沙冰茶幾次，今次依然保持到水準，芝士味濃帶啲鹹香，濃稠度適中，口感順滑。而且奶蓋比得好重手，厚厚一層飲極都仲有，真係大滿足呀🤤至於沙冰方面，飲到似茉莉既茶香味，因為底下有好多芒果肉，所以芒果味較出，反而百香果味就唔重，整體味道清香，唔會太甜膩，做得唔錯💕沙冰打得幾好同夠曬冰凍，感覺好適合係熱天個陣時飲，飲完應該會即刻降溫仲會透心涼添仲有值得一提既係個杯既圖案真係好得意好適合打卡呀😆

第一次聽店名，真係完全聯想唔到賣咩？🤪食咩？而且估唔到係Beans 一間咁認真嘅店，隔離有間咁搞笑嘅飲品店試過一次後🤩就永遠記得佢啦。雖然飲品名改得長又有時唔知想點，但佢成功令我印象深刻😜可能佢嘅圖畫公仔特別，都係吸引人之一🤭四季春芝士奶蓋：芝士奶蓋係我飲咁多間之中，最喜歡的，因為夠幼滑😋老公係芋頭迷，所以今次佢試香芋拿鐵：滿分呀。💯飲到有芋泥係入面架，又唔會太甜。直頭可以當甜品😝一舉兩得

呢間系Beans旗下既飲品店，由本地插畫家「謝曬皮」設計既杯，令到玩味十足logo🙈望到menu既飲品全部名都好搞笑🤣呢間飲品店提供人氣黑糖珍珠鮮奶、水果茶及梳打～所以小妹就親自過黎試飲吓❤️🍑🥤不分青紅皂白桃火龍果烏龍茶小妹叫咗呢杯「不分青紅皂白桃火龍果烏龍茶」😚 職員話冇得擇幾多甜度+少冰😅所以小妹叫咗正常冰、少甜，初頭飲覺得啱啱好，火龍果比白桃味較出；飲落茶底淡咗，而且好甜🥴🙈如果桃味/火龍果味再濃啲會更好～但真心幾大杯🤐總結而言以價錢來說其實唔太貴，性價比尚可，但因為而家好多手搖店都會有紙套比客人，唔需要專登再比錢買袋🤭呢方面可以改善吓會更好🤗

喺九龍灣返工，附近都好多台式飲品店， 所以成日都同啲同事四圍試唔同嘅飲品。 平時行開見到餐廳門口都大排長龍，今次難得冇乜人，所以我哋去咗買嚟飲。呢度每杯飲品改名都充滿咗創意。我哋叫咗一杯奶蓋烏龍同埋一個黑糖珍珠奶茶。可能呢區太多台式飲品店啦，呢度杯野好似少咗啲signature，不過不失啦。

本來唔係買佢 但好耐無飲過珍珠奶茶同泰式奶茶 所以諗住佢話熱賣榜第二就試下珍珠無乜黑糖或者蜂蜜味（其實係無乜味）而且經常塞住喺飲管 奶茶 第一口已經覺得味道好奇怪 有少少紙盒裝豆奶嘅味道 第一次諗好唔好扔左杯野 不過諗下算啦俾左錢 又未之餘難飲 係味道好奇怪又浪費quota啫 最後都有飲完但應該無下次 好食係良知而且我企喺度睇水牌好耐 都無店員招呼 後來企埋喺收銀前面 都繼續傾計無理我 要出聲表示存在先理我好後悔幫襯 希望佢可以改善一下

星期四下午15:49用Uber Eat 落單叫4杯嘢飲當時已經預計60分鐘送到雖然覺得奇，但心諗黃店⋯就由佢啦反正都喺屋企等～等到17:00都係無聲氣，個地圖又跳到個距離遠得唔得好合理，又心諗Uber本身個地圖都係唔準～OpenRice 睇唔到佢有電話，不過發現佢同Beans係同一間店，打Beans電話諗住問下⋯直飛留言～想點？只好再等多陣⋯⋯期間見到佢換咗另一個送餐員，以為有轉機，到17:40咁上下，送餐員打嚟話佢同到咗間餐廳啦，不過間餐廳話冇呢張單，⋯⋯————大家睇到呢度可能都會覺得係UberEat嘅問題————但係間無所事事可能真係好想無所事事⋯⋯⋯⋯隔咗一陣，送餐員同我哋講：「佢地而家先發現你張單，而家即沖⋯⋯」終於4杯飲品晌18:10到達。點解會係個送餐員係咁同我哋講唔好意思嘅？根本佢就算早到，人哋都係「無發現到呢張訂單」。

鐘意綠豆+椰子味既可以去試試，綠豆同椰子味原來都幾夾，平時飲開野飲都係跟紅豆多，今次呢杯綠豆椰子奶真心推介。店內仲有好多野飲架，個個名都好特別，有GG是諗但泰式茶、再現光芒果火龍果沙冰茶、三把火荔枝鐵觀音，淨係見到D名已經好吸引啦。

自從美國肺炎撹到成個世界雞毛鴨血，真係好唔開心，要食返啲甜品開心吓路過見到啲牛奶雪糕，味道都可以，幾滑，食完至知係黃店，真係有啲內疚，不過當慶祝美國崩潰，中國人努力

好味指數😋😋😋😋😋回頭指數⭐️⭐️⭐️⭐️⭐️開心指數🤗🤗🤗🤗🤗一直都好想試呢間店，不過位置上唔係太friend! 今日去開九龍灣，終於可以試到！隱藏響Beans 入面，好彩睇到過其他人寫過，先至搵到！🍴不分青紅皂白桃火龍果烏龍茶（$32）少糖、少冰 + 珍珠（$5）顏色好靚呀，有好多種層次... 飲落好清新呀... 有我最鍾意嘅白桃同火龍果，烏龍茶味好香，三樣嘢真係好夾，呢款唔可以轉茶底係真係有原因！食到有果肉，珍珠夠煙韌有咬口，好味！

是咁的，一去到星期五，大家返工都唔會點有心機做野，呢個時候就係去食tea既好時間。但係係一個天氣咁熱既夏天，又點會想去食野呢。所以最好既解決方法就係去買杯台式飲品，又可以要到肚又可以有啲凍野降一降溫。呢間係九龍灣既"我想和你無所事事"就係一間好有創意既台式飲品店。睇佢個餐牌就知係非常有心機去幫每一個平平無奇既飲品去改一個有創意又吸引到人既名，絕對唔係一件容易既事。咁我就揀左呢個GG黑糖珍珠鮮奶拿鐵，可以有鮮奶飲得黎又可以有珍珠可以咬吓，佢個珍珠好彈牙又唔會UN，唔係啲香口膠質地，非常好食。而個鮮奶亦都好香好淳。

武漢肺炎搞到成個世界都唔開心，happy friday就叫嘢飲嚟開心返一日啦~我地office嘅location真係好差，唔係間間都肯送外賣，好彩可以叫我想和你無所事事啫~ 每次order呢間嘢飲，大家都會重新討論佢嘅飲品名一次， 真係好好笑~ 我地今次叫咗不分青紅皂白桃火龍果烏龍茶， GG黑糖珍珠鮮奶拿鐵，綠茶控專用拿鐵， 三把火荔枝鐵觀音。 全部人都好滿意~我飲嘅係不分青紅皂白桃火龍果烏龍茶，佢嘅presentation好靚， d色見到都好吸引， 佢嘅白桃味真係好香， 冇俾茶味蓋過， 真係飲得出白桃味， 火龍果味同茶味， 真係好match 下次等我試埋佢嘅芝士奶蓋先~

我想和你無所事事已經試過幾次，叫做唔同系列嘅嘢飲都試過吓，個人最最最愛嘅都係GG芝士奶蓋系列🥰🥰🥰有幾款生果揀，每杯嘢都足料，有幾層果汁、果肉、沙冰、奶蓋等👍🏻係最有層次感，飲落順滑味道又豐富嘅系列。另一樣最愛就係佢嘅小食，鹽酥雞同地瓜條都一樣香脆☺️☺️☺️用嚟配梳打系列感覺好Fit🔥而其他系列質素就一般，冇嘜特別，叫做行吓街頸渴，用嚟行住飲都okay嘅。呢間定價少貴，但其實好多app包括openrice都可以落定order自取仲有折㗎，大家可以試吓👍🏻

👧🏻😋👅🍽✨- ✨💛✨係beans隔離唔知係咪同一個老細，不過就肯定都係💛✨有買四送一積分卡！都幾抵，可惜只有一個月有效期haha☁️店員有點cool，如可改善就更好-🥛☕ 珍珠鮮奶鐵觀音烏龍 $24 走甜✨唔算好特別烏龍都重味，但最好係性價比高：德福咁方便黎講$24都抵✨珍珠軟硬適中，亦冇用糖水浸，食得健康☁️雖然食得出佢真係用鮮奶，但奶味又唔算好重-🥭🍵 茫茫人生遇上人海芒芒果銀毛茉莉 $36 少甜少冰☁️點餐時尷尬LOL 店員好cool 🌚✨但杯野就真係好飲✨銀毛茉莉好fresh又唔會澀口✨有絲絲芒果肉又唔會太甜-🧀🍵 法蘭西芝士奶蓋四季春茶 $26 微甜少冰✨芝士少少鹹香但唔算好濃郁✨四季春茶底唔錯-#我想和你無所事事 #德福廣場 #九龍灣美食 #九龍灣好西 #hkfoodie #tgead台式 #黃色經濟圈 #九龍灣黃店

行經呢間鋪頭被疑似黑糖珍珠香味吸引，好多飲品都改左好funny既名，但買飲品讀出黎有點尷尬🙈🧀法蘭西芝士奶蓋四季春茶 $26$26都好大杯，對比其餘飲品可以話相當抵飲。茶味淡香，溝混芝士奶蓋後甜甜地。叫左少冰，茶味和奶蓋唔會溝淡哂，但已經唔係好飲唔出芝士既咸香味。🍓好馬不吃回頭草莓拿鐵 $29顏色好粉紅，岩打卡，飲落冇咩果肉，有點失望。🍵皇后大道冬瓜茶 $20熱冬瓜茶健康些少，冇咩特別，冇減糖就甜左少少。🍓乳酸士多啤梨四季春茶 $36呢個屬於期間限定，味道清爽解渴，顏色都好繽紛。店員很有禮貌，問到有冇得坐低飲都講返坐入面要比服務費，由於冇客等外賣，唔介意既可以旁邊外賣區坐。

1️⃣ 抹茶控專用拿鐵 （$29）好靚嘅分層🥰而且個分層hold到好耐因為頂層其實係稠稠地好似mousse咁飲落抺茶味好濃 澀而不甜鮮奶嘅比例好多 奶味好濃 口感順滑 飲耐左都冇奶水感底層嘅紅豆蓉有粒粒感 味道都唔算好假甜整體正正常常啦 不過成杯尼講都係偏甜左啲.2️⃣ 是諗但泰式奶茶（$28）少甜左都仲係好甜 泰茶特色尼🤣香港飲泰茶嘅地方唔係好多 論茶底無所事事都幾香 唔輸其他泰國品牌茶澀同aftertaste再強翻會更加出色值得一提係佢嘅煉奶味好香🤤感覺更加地道雖然好肥仔 但啱晒sem尾趕deadline for提神