戀上台式料理

營業中

休息中

我們3人分別點了*冬瓜茶-正常味道*古早珍珠奶茶-酸的，懷疑用了水果茶的茶底，完全不知道自己在喝什麼*士多啤梨特飲-人工化學味道好重結果3杯都剩餘一大半，頂唔順環境衛生較差

同朋友好耐冇見，將軍澳區域都比較可以帶寵物，於是我哋兩個就帶住各自各嘅貓貓出嚟食飯喇❤️🐱🐱叫三道餸台式滷水雞翼雞翼滷水啱啱好又入味，執仗都係鹹鹹甜甜好味指數：👍👍👍👍第二餸 戀上三杯雞其實味道感覺好似香港港式嘅煲仔嘟嘟雞，感覺唔錯，煲仔醬鮮鮮甜甜，奶士！好味指數：👍👍👍👍第三餸 酸甜咕嚕肉咕嚕肉酥酥脆脆，內裏嫩滑，汁醬酸酸甜甜好開胃！好味指數：👍👍👍👍嘢飲整體都覺得唔錯，工作人員服務態度都唔錯，餐廳整體都好整潔，坐得都很舒服。同埋就頭都好welcome小寵物喺舖頭入邊，整體氣氛很好，好適合朋友坐低吹吓水談吓心。

宜家越黎越多人鍾意黎將軍澳海旁食野，比較有新鮮感之餘，可以吹下海風🌊會舒服啲，所以小編都黎趁下熱鬧😂 呢間台灣野既裝修幾特別，環境開揚，由灰色磚牆🧱、粉紅花牆🌸、中式木門換搭而成，仲有唔少幾gag既霓虹燈語句，感覺幾chill～ 野食方面幾多元化，佢地有做過唔同既mix & match, 幾有創意，味道唔錯～(5 😍 係滿分，🤩係半分）台式紅燒牛肉麵🔥🐮🍜 - $88 (好味指數：😍😍😍😍)牛肉用既係薄切牛腱🐮，滷得又腍又入味，肥瘦比例啱啱好，半筋半肉，質嫩爽口，帶有啲膠質，嘴唇有少少黏👍🏻 個湯底🥣係古早牛肉湯🐮🥣，質感清澈但又濃郁甘醇，有幾清香既藥材味同牛味🐮～ 麵🍜我就揀左無加鹼既陽春麵🍜，幾掛湯🥣，質地偏軟腍但都有咬口～ 仲有索晒個湯🥣既精華既蘿蔔⚪️🥕同紅蘿蔔🥕，味道清甜多汁，整體感覺唔錯～海戀蒜蝦籠仔飯 🧄🦐🍚 - $158 (好味指數：😍😍😍😍)上面落左幾多惹味香口既蒜蓉🧄，配埋下面幾新鮮既蝦🦐，肉質幾彈牙唔會痴殼，唔會梅，下面啲飯🍚唔會好爛，粒粒分明，偏濕潤有要咬口，帶有啲荷葉既清香，亦都索曬上面蒜🧄同蝦既汁同精華更加好食😋脆香排骨 🔥🍖 - $78 (好味指數：😍😍😍😍

今日同同事去食午餐，剛巧坐咗最出邊一張枱，望住雨景，非常舒適的環境。我哋一開始點咗一個燒牛肉，牛肉擺上鍋上燒，牛肉嘅肉質鮮嫩，感覺非常新鮮。跟住我哋叫咗一碗牛肉湯麵，濃郁的湯配上粗麵胡蘿蔔，非常入味！我哋仲嗌咗一個酸菜魚，意想不到的是魚嘅肉質非常有彈性味道剛好，亦配上其他配菜一起吃，非常豐富！小食方面，我哋叫咗一個台灣腸，當然非常香口，另外還點了一個蒜蓉炒青菜，非常清新。最後我哋點咗兩個甜品分別都是有芋圓的，甜度適中，好有台灣感覺呢！

【西貢區】【戀上台式料理】之前都嚟過幾次將軍澳海邊嘅餐廳食嘢，幾次感覺都唔錯。今次嚟到一間台灣菜，我同朋友都幾期待，因為見到佢開放式設計，又係寵物友善餐廳，見到唔少人都帶埋佢哋嘅寵物嚟一齊食飯，就算我哋呢啲冇寵物嘅顧客，見到可愛嘅寵物，心情都好好多。我試個 $128 嘅「鵝肝蚵仔魯肉溏心蛋飯套餐」，鵝肝蚵仔魯肉溏心蛋飯幾好食，乜都有，夠晒豐富。加 $15 試份「台式鹵豆腐」，好有台灣風味。加 $18 飲「松茸燉雞」燉湯，好夠薑味嘅靚湯。嘢飲就加 $25 試「雪崩珍珠朱古力」，好濃好正，個樣又靚。朋友就試 $63 嘅「紅燒牛肉麵套餐」，碗台式紅燒牛肉麵都好正，配合古早牛肉湯同刀削麵，十分香濃。加 $15 試「陳皮滷水雞翼」，好夾好入味，唔錯。佢加 $28 飲杯「Pinku Pinku」，佢話好飲喎，仲加咗 $5 要埋珍珠，我就冇份飲，不過我都相信佢嘅。跟住試 $88 嘅「戀戀蚵仔煎」，大份又足料，好味。之後試需時 20 分鐘製作，$68 嘅「窩夫配草莓三重奏」，好味，乜都有，小朋友至愛。朋友就試 $38 嘅「芋圓仙草豆腐花」，佢都話唔錯，芋圓夠晒煙靱咁話。埋單價錢 $491，咁食法，又有

每次踩單車經過呢度，都想入去食嘢鬆一鬆。呢度環境開揚，望住個view食嘢，令人心曠神怡。而且呢度裝修乾淨企理，一邊有花花牆，一邊有d台灣語句，好特別！鹽燒美國特板牛小排：美國特板牛小排肉質鮮嫩多汁，經過鹽燒的處理，表面呈現出一層微微的鹽味，增添了牛肉的風味。鹽燒五花腩：五花腩肉質鮮嫩，鹽燒後肉表面結出一層脆皮，口感香脆。入口時，肉汁在口腔中迸發出豐富的味道。魯肉飯：肉質軟嫩多汁，口感豐富。配上滷肉汁，以及米飯的香氣，每一口都能夠感受到濃郁的味道，令人回味無窮。松茸燉雞：湯汁濃郁，帶有松茸的香氣，健康又補身。戀上水果茶：清新又美味的飲品，每一口都能夠感受到水果的天然甜味，同時茶的香氣也能夠提升整體的口感。芋圓仙草豆腐花：豆腐花質地細軟滑嫩，仙草的清香和芋圓的香甜完美融合。入口時，豆腐花的滑順口感與芋圓的Q彈口感交織在一起，清爽不膩。蒜香田園：以翠玉瓜、洋蔥、四季豆和椰菜為主要食材的炒菜，搭配新鮮的蔬菜炒煮而成。蒜香的香氣與蔬菜的鮮甜完美結合，每一口都能夠品味到蔬菜的原汁原味，健康又美味。

將軍澳南除左有好多西餐廳外，原來翩匯坊地下近將軍澳海傍仲有一間半台式餐廳。餐廳食物選擇好多，除左特式台菜，餐廳仲有提供酸菜魚、烤魚同口水雞等中式菜式。餐廳格局採用半開放式設計，無論坐窒內定室外都可以一邊觀賞海景一邊享用美食。鵝肝蚵仔魯肉溏心蛋飯-附送前菜（$128）飯有鵝肝、蚵仔、魯肉、溏心蛋。前菜有雲耳、蓮藕、花生。麻辣鴨血湯麵-附送前菜 （$88）鴨血有5，6塊，仲有幾舊豆卜。戀戀蚵仔煎 （$88）蚵仔煎都幾大塊，蚵仔份量都足。士林鹽酥雞 （$68）鹽酥雞本身調味唔多，所以餐廳會配埋千島海鮮醬。算係一款新派鹽酥雞。雪崩珍珠朱古力（$40）打卡專用飲品，造型唔錯。Pinku Pinku （$40）Pinku Pinku 比雪崩珍珠朱古力味道更出色。

將軍澳海旁有好多隱藏靚餐廳，呢日來到附近就揀呢間台式料理食晚餐。餐廳店面好大，有室外位，呢度假期係超級多人坐室外位置特別休閒。🔥雪崩珍珠朱古力 $45好味的邪惡之選，我加埋珍珠多啲咬口。🔥戀戀蚵仔煎 $88好好食，蠔仔好飽滿大粒。🔥戀上生煎包（4隻）$38小朋友鍾意食生煎包，特登叫俾佢食，見佢食得好滋味。🔥特式手工餃麵-附送前菜 $68手工餃子好大粒，揀咗刀削麵，小朋友好鍾意食。🔥戀上酸菜魚 $238超大盆！3個人食都得。🔥戀上三杯雞 $88連砂鍋上枱，好味又夠香。每當懷念台灣的味道就會過嚟食，食飽仲可以慢慢散步行海旁返屋企，好chill。

水蜜桃生炒骨甜和酸的比例啱啱好，生炒骨冇骨，肥瘦均勻且炸粉透薄，份量也頗多，同蜜桃夾配飯一流。魯肉乾煸四季豆都經常會嗌乾煸四季豆，而呢度炒到好乾身，但又唔會好油膩，小小條易入口，平時食辣肉碎變左魯肉。鹽酥大大雞扒刀削麵雞排大大塊香脆肉嫩，鹽酥味道亦不錯，最重要係即炸夠熱辣辣，刀削麵煙韌吸滿牛肉湯。台式鹵水小拼盤有豬耳/雞翼/鹵豆腐，滷水汁唔會死咸，而度偏甜。松茸燉雞湯湯料豐富，雞湯濃度足夠，味道自然，飲完唔會口渴。椰奶仙草芋圓 有好多仙草、芋圓、紅豆、水果，口感豐富又唔會太甜。飲品：我的最愛& 香芋仙草鮮奶

點左個【台式紅燒牛肉面】分量超足 俾左差唔多七八塊牛肉而且每塊都厚切但最驚艷既係【傳統手工魯肉配菜】既菜煮得超淋超好食令唔鍾意食菜既我係有食哂既野飲叫左【菊花蜜】雖然唔係好岩我口味但見到係唔係買現成配方倒出黎係用左乾菊花去沖再加蜜糖同埋見到有個可愛角落係可以飄書

將南真係一個好舒服同埋好多食好有質素既餐廳燒肉係必叫既~燒肉牛小排、牛板健、菠蘿係海邊燒真係另一番風味~牛小排、牛板健真係無得輸,而燒菠蘿又係另一樣好喜歡既食物,超新鮮,超多汁,不得了。另外就係一定要叫既肉燥飯,好地道既台灣飯,每次食都好回味,足料同埋入味,依度既各款小菜都係好食的,其中好喜歡既炒什菜好香既蒜容味,又有好愛既瓜、茄子,好健康呀~最後緊係要叫一杯白酒開心下~好 RELAX,好開心的一個晚上

濕凍嘅Blue Monday要食返啲好嘢,去咗將南海濱呢間台式料理店「戀上台式料理」食燒肉. 呢間都係我哋區內不少人長期御用飯堂，貪佢性價比好環境好又唔貴，坐戶外仲可以帶毛孩. 不過呢就我哋好少食晏，今次食燒肉都係第一次. 平日中午人流唔多，加上天氣差就少人d.雖然天氣不似預期，但望住空曠嘅環境心情都會好啲暫時忘卻工作及生活上的煩惱. 😗燒肉午餐幾抵食. 有四個選擇，價錢甴$78至$98不等，配溏心蛋仲有珍珠米，另外可以加錢升級轉滷肉飯、刀削麵、陽春麵等等. 餐有基本常見飲品，加$ 5 有涷飲，加$15就可以試佢哋嘅招牌水果茶🍹或者其他特色飲品. 生果味濃郁好鮮甜，又解渴去脂解膩幾襟飲. ⭐️汁燒牛胸腹伴京蔥絲呢個🐮5️⃣🌼牛五花真係燒肉不能缺少嘅部位，肉質結實油脂油花散發濃郁肉味. 都有好幾大塊，一個人食都幾滿足㗎. 撈飯食好好味呀. ⭐️豪華海陸空拼盤呢個拼盤性價比極高，只係$388，就有多種唔同嘅食材賣相勁靚，勁豐富. 有齊日本A4和牛、美國牛板鍵、西班牙黑毛豬、豬梅花腩、巴西無骨雞上髀、蜆、大蝦仲有魷魚，另外有蘑菇同埋菠蘿. 抵過自己去超市買嚟返屋企燒，夠晒多元化，而且質素都幾好㗎.

之前已經食過一次戀上台式料理，覺得服務同環境都唔錯，咁啱前排有一次經過將軍澳海旁，就過去幫襯下😋❥牛肉拼盤 $288牛肉拼盤入面有四款唔同嘅部位：牛舌、牛肩胛、牛小排、牛胸腹牛肉嘅色澤幾靚，而且油脂分布都算平均每個部位大概有四五件，約二人份量燒肉需要自己控制火候配埋佢哋嘅醬汁都幾好味❥戀戀蚵仔煎 $78蚵仔嘅份量都幾多佢個蛋都算滑嫩配埋個醬汁唔錯❥雪崩珍珠朱古力/Pinku Pinku $45兩杯嘢飲都好適合打卡會推薦朱古力多啲～

Pleasant surprise along the Tseung Kwan O Promenade😮the vibe here is so chill with high quality of food🌊There are plenty of outdoor seats for pet owners to come with their beloved pets as well🐶🐱We got the cripsy fried chicken chop rice, braised pork rice and the sweet and sour pork, they all taste so good🐖Definitely a nice place to go if you want to bring along your pets or have a casual lunch with your family and friends👍🏼

今日同朋友行完將軍澳南岸嘅donki之後去咗海旁散步，見到附近有間幾chill嘅台灣餐廳叫戀上台式料理，室內裝修幾靚幾新淨，座位闊落，坐落空間感大，室外又有幾張枱，呢個天氣吹住海風食感覺幾chill幾relax。我哋嗌咗特選燒肉拼盤、戀戀蚵仔煎、麻辣鴨血湯配陽春麵、奶蓋四季春同芝士莓莓。特選燒肉拼盤有四款肉類：五花腩、黑毛豬、厚切牛舌同牛小排各四片，燒肉用一個鐵板上，自己夾嚟燒，五花腩油脂分布幾好，咬落去非常香口；黑毛豬偏薄身，燒起上嚟好快熟；厚切牛舌咬落去爽口又有口感；牛小排都係偏薄身但重牛味，雖然燒肉唔係好算係台式料理，不過整個燒肉體驗都幾好，而且餐廳打開門連住室外座位，所以油煙都唔會好大。蚵仔煎都幾足料，蠔仔肥美，唔會太油。麻辣鴨血有四、五片，湯底幾重麻香味，配埋陽春麵充滿台灣特色。奶蓋四季春茶底幾重茶香，奶蓋亦都幾順滑；芝士莓莓飲落亦都有好多草莓果肉，唔會得個死甜，住將軍澳嘅朋友得閒可以行過嚟試下！📍將軍澳唐俊街21號翩匯坊地下G26號舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊