慶發記小食

長洲其實都有好出品嘅糖水，多名物，例如係巨型魚蛋，仲有巨型芒果嘅糯米糍，當然唔少得因為太平清醮而出咗名嘅搶包山平安包，不過以上嘅已經係週街都係，甚至乎喺市區都會有人話自己係正宗長洲咁樣賣，而我自己就比較鍾意呢一間小食店出品嘅糖水，性價比高，就以呢一樽燉桃膠為例，入面勁多雪耳桃膠等等嘅材料，真係差唔多成樽滿曬，飲嘅時候覺得非常滋潤，喺呢啲悶熱嘅天氣飲感覺特別好。其實除咗燉桃膠之外佢仲有好多其他選擇，我每次嚟長洲通常飲一樽然後買幾樽返屋企。…查看更多

慶發記小食上星期入咗長洲，第一站一定要去「慶發記小食」買糖水，臨離開長洲前再去買「招牌芋圓仙草凍」先夠滿足！🤣🤣🤣三年前罐裝糖水價錢係$20一罐，依家都係$20一罐（有椰汁貴多+$2），至於「招牌芋圓仙草凍」三年前係$28一碗，依家係$20一碗，芋圓特別煙韌唔硬心，又有煙韌唔硬心嘅珍珠，又涼涼地嘅仙草，又有西米露，勁多料，勁豐富好滿足！地址：長洲昇昌里2號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#慶發記小食 #芋圓仙草凍 #香港美食 #長洲美食 #長洲好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

一朝早問,買六個任何貨品就可以有一個冰袋, 下晝過來買,18蚊的牛乳等等原來不計.職員話買多個就可以, 於是買七個.點知佢話要再買多個, 兩個當一個....就算當我聽唔清楚,我已經買七個,仍然要我再加再加....同佢哋講,職員仲要聲大大, 完全唔識變通, 其實今時今日仍然有啲咁嘅態度, 店長應該諗清楚如何做好服務,否則咁嘅服務態度, 幾好食都冇用你哋唔提供解決方案, 淨係識叫客人擺多個買多個再買多個, 究竟要買幾多個臨走可以鬧客人, 呢啲唔叫趕客？…查看更多

台式飲品真係周街都係，想換下口味飲番啲健康滋潤嘅飲品，呢一間慶發記就係非常好嘅選擇，佢有兩樣嘢係我最鐘意既，一就係芋圓同埋二係桃膠，記得上次同朋友租酒店喺長洲過夜，食宵夜就一定買一大碗芋返酒店食。至於今次只係一日遊，所以踩單車行過經過就買返枝嘆下，介紹朋友飲，佢喺臨走之前仲買咗幾支返屋企孝敬佢啲長輩，當長洲手信🤣🤣 重點佢價錢相當經濟，桃膠仲要大大粒，識落好有口感，飲咗食咗相當滿足，不過我飲剩三份一支諗住踩完單車飲，但已經變咗熱飲😅🤣，好似飲砂糖水咁，所以凍飲即刻飲係最好嘅😆👍🏻…查看更多

漫無目的係長洲大街遊盪係好當眼嘅地方發現左呢間舖頭仔以為係手信店 點知有好多選擇乾果 蜜糖 臘腸 好多種類嘅「口立濕」本來行左一圈唔敢買嘅我因為有得試食 就踩左落個氹度😂之前食其他小魚乾覺得好腥唔試唔知魚乾咁好食!!!🤤佢啲魚乾係鬆脆 帶甜味 真係好好食因為想補鈣買左倉魚乾同黃花魚穌牙帶魚酥都好食 少骨 啖啖魚肉嘅感覺唔捨得食啊每日淨係配給一塊原來可以上網訂架 不過會無左門市優惠因為個魚脆會令我再想試佢其他產品 大讚啊👍🏻…查看更多