慢煮屋

營業中

休息中

今晚在「慢煮屋」吃定食，餐廳生意不錯，我們入座後一瞬間已經座無虛席。澳洲和牛拼牛舌定食~薄燒牛舌很軟滑、和牛味鮮，水渦蛋跟醬油下飯，美味無比！小食:芝士雞翼~酥香肉滑，好吃。芝士雞肉定食~燒雞皮脆肉滑，有拉絲芝士加持，味道層次升級了！吉列和牛漢堡定食 ~吉列和牛漢堡香脆不油膩，切開和牛漢堡立刻流出美味肉汁 ，十分誘惑的口感！每款或定食都跟水渦蛋、沙律菜和西瓜，是清新及營養的理想配搭。菠蘿乳酸啫哩梳打&黑牛~蠻好的消暑又開胃特飲！ 蘋果金寶芝士蛋糕~味道多一份甜酸果味和多一份蘋果粒粒。紐約芝士蛋糕~味道濃郁、口感細滑。

性價比高嘅丼飯, 有好多選擇💖 位置接近觀塘地鐵站,幾方便! 推薦轉冷蕎麥麵, 食落好清爽Value for money donburi, the restaurant provides many choices! Located close to Kwun Tong MTR station, it is quite convenient~ I recommend changing the carbs to cold soba noodles, they are super refreshing!————————————————食物 Food:❆ 蜜脆活鰻魚丼 $98Honey-Glazed Grilled Eel Rice Bowl鰻魚外層刷滿香甜嘅蜜汁🍯 入口甜香仲有陣陣炭火嘅氣息! 肉質鮮嫩細滑, 仲有啖啖豐腴嘅油脂香氣🤤❆ 冷蕎麥麵 +$10Cold Soba Noodles蕎麥麵口感爽滑煙韌, 冷冰冰嘅質感好清爽! 🐟食落有種解膩嘅感覺🩵 啱晒配住油香豐富嘅鰻魚丼一齊食燒三文魚骨 +$12 Grilled Salmon Bones 菊花蜜 (熱) +$6 Hot Chrysa

今日約了保險經紀兼好友做年度總結，唔係飲嘢咁簡單，食埋飯慢慢傾。店子簡約舒適，座位整齊，環境企理。有多款全日主食套餐，加錢可追加小食和飲品，仲可單點甜品。燒三文魚骨 ($38) 燒得金黃，味道鹹香，都有唔少肉，嫩滑油潤，好吃！ 每份套餐都包有溏心溏和水果，我點了澳洲和牛拼牛舌定食轉冷蕎麥麵（$78+$10）再加配海佬一隻（+$12）。冷蕎麥麵口感唔錯，點啲泠麵汁和加埋隻香滑溏心蛋就更正。和牛和牛舌都好嫩，有牛香，加上燒汁，味道好夾，兩樣都好味。水果是西瓜，又甜又多汁。除加配海佬 一隻外，再追加多一隻（$13），一人一隻才滿足。估唔到咁大隻，炸得好靚仔，勁香脆，又唔油，啖啖肉，鮮香彈牙！朋友要份美國牛板腱丼（$88）加配芝士雞翼，牛板腱舖滿飯面，份量好足。將溏心蛋連米飯同食，蛋汁滲入米飯中，正！牛板腱啖啖肉，有咬口，香嫩味濃，得！芝士雞翼（+$12/2隻）煎很好香，香口肥美，加埋面頭嘅芝士溶，鹹香美味。

真鵝肝澳洲和牛M8丼 $116/ 澳洲和牛M8丼 $88呢個丼飯真係靚！塊鵝肝煎到金黃，片片澳洲和牛M8上面。食落去，鵝肝入口即溶，好似牛油咁滑，濃郁得嚟又有陣香味。和牛嫩，油脂分佈均勻，咬落好多汁，仲帶少少甜。飯吸晒啲醬汁同肉汁，仲配咗啲溫泉蛋燒三文魚骨（1份） +12$燒三文魚骨係用咗三文魚嘅collar位，燒到皮脆肉嫩，色澤金黃，聞落有陣煙燻香。咬下去，皮好脆卜卜，肉質嫩滑，魚油香氣爆晒出嚟。雖然係簡單嘅小菜，但燒得啱啱好芝士雞翼 +12$咬開佢，芝士即刻流出嚟，熱辣辣又滑溜，配上雞翼嘅香脆皮，口感超豐富雪糕菠蘿乳酸梳打 +18$雪糕好重真牛奶香，唔係假雪糕。好滑溜，入口即溶，菠蘿梳打就帶酸甜味同啲氣泡，兩者一齊好清新。清爽又唔會太甜黑牛飲品（可樂+雪糕） +18$呢個係經典嘅可樂雪糕飲品仲有氣泡嘅刺激感, 味道好似細個食嘅汽水雪糕咁

今日同朋友嚟到工廈搵食，試呢間人氣丼飯店，試咗三款招牌丼飯，仲有慢煮處理，性價比高。澳洲和牛M8丼 和牛控必試！M8級澳洲和牛片片油花均勻，肉質軟嫩，配上溫泉蛋同秘製醬汁，撈飯一流。$88就食到高質和牛，好抵！ 慢煮牛腹丼 牛腹肉慢煮得恰到好處，肉色粉嫩，肉質鬆化帶少少口感，醬汁甜鹹平衡，仲有滿滿肉汁鎖住，加上濃香梘味嘅溫泉蛋，份量足，男生都夠飽。 牛油果三文魚丼健康清新之選。三文魚厚切粒粒，煎得好香脆，仲有啲蟹籽口感豐富。搭配creamy牛油果蕃茄仔仲有火龍果粒，非常健康。 三款丼飯都無令人失望，慢煮技術保留食材原味，價錢親民，環境簡潔。

觀塘有不少日本餐廳，今次就去嘗一嘗這間。食物選擇也有不少，午餐和下午茶都挺划算。慢煮三文魚配牛油果丼的軟嫩三文魚切片，鮮味十足，微酸醬汁相當惹味。澳洲和牛拼牛舌配冷烏冬，很有嚼勁，油花分佈均勻，入口即融，醬汁濃郁。冷烏冬爽口彈牙，配以清爽的醬汁，平衡整體口感，解膩又令人滿足。多春魚炸得外酥內軟，夠新鮮，有好多魚卵!!日式餃子個皮煎得好酥脆，內餡幾多汁，有層次感!!菠蘿乳酸梳打 & 朱古力雪糕清爽酸甜既菠蘿乳酸梳打一解油膩，不過都加番一個雪糕，香滑朱古力雪糕!!凍百香果茶甜度適中，果香都好夠，冰涼解渴!總括而言，性價比高，有機會再來。

在駱駝漆大廈購物後，隨意逛逛有什麼好吃，見到這間慢煮屋有不少人，而且款式也合口味，晚餐就在此解決吧。有多款牛肉、雞肉、豚肉、鰻魚等選擇，可配飯，烏冬、蕎麥麵、沙律，加$12 有小食好經濟。飲品要了可好及熱菊花蜜，乾燥的天氣飲菊花蜜好滋潤。蜜脆活鰻魚丼賣相吸引，除了主食，還配上生果好健康鰻魚份量十足，鰻魚有蜜糖包著好脆口，夠厚又肥美，啖啖肉無骨，味道相當不錯。另加的小食芝士雞翼，拉絲芝士夠惹味，雞翼香脆可口。澳洲和牛M8丼另加真鵝肝 $30，嫩滑多汁牛肉有一定厚度，較有嚼勁，肉味濃厚，配上溏心蛋一起享用更好。

自從在網上睇到依間餐廳就好想食依家終於有機會食到~為咗避開人流，所以我哋下午兩點幾先至去食。我叫咗美國牛板腱丼套餐，另外再加咗兩隻芝士雞翼一個套餐本身係一個飯再包埋溫泉蛋同水果。賣相不錯，個飯上面有幾塊牛同一啲沙律菜，啲肉都幾容易咬開。個醬汁似烤肉醬，用嚟送飯剛剛好。但個人覺得個飯比較少，如果再多少少就好了。個溫泉蛋就唔係流心，不過都可以接受。至於個芝士雞翼，就比較普通，純粹只係喺雞翼上放咗芝士。

同朋友聚會，嚟到有下午茶優惠就決定試一試我同朋友2個人，一人一個餐牛油果雜菜沙律配真鵝肝（單點鵝肝+30），輕食嚟講不過不失 $72，鵝肝就見仁見智澳洲和牛拼牛舌定食配冷蕎麥麵［配冷蕎麥麵+10］$78

今晚同朋友約左觀塘，佢介紹左呢間位於工廈的慢煮屋係裝修簡約、環境舒適和性價比高的日式餐廳。-朋友點左慢煮牛腹扒冷蕎麥面牛腹扒以慢煮方式烹飪，牛香肉嫩冷蕎麥配上醬汁，容易入口。加配大大只的炸海佬，食落更脆口！ -我點左慢煮三文魚配牛油果丼慢煮令三文魚肉香入味，配上新鮮的牛油果。這個丼飯絕對是個健康之選。-我地加左小食 日式餃子外表煎得脆口，正常發揮。-飲品都有唔少選擇，呢杯係芒果乳酸梳打，正常發揮😆-食物好健康！ 唯餐廳位於工廈，等候升降機需時呀！

這晚相約和朋友晚飯，我選了位在觀塘駱駝漆大廈的慢煮屋。店內的環境乾淨企理，座位不會太狹迫。澳洲和牛拼牛舌定食，定食套餐有主食、溫泉蛋及水果。牛舌不是厚切軟嫩那種口感，而是爽脆彈牙；和牛帶點油脂香。稍嫌醬汁比較少，整份定食較為乾身。慢煮牛腹丼，轉配冷鳥冬要加$12，牛腹的賣相與份量都比較吸引。一片片牛腹的色澤粉嫩，肉質軟稔不會韌，肉味濃郁。牛腹面層的蒜蓉汁不會太過濃味。冷烏冬彈牙煙韌有咬口。芝士雞翼，跟餐加$12有兩隻，簡簡單單的在燒雞翼面層鋪上芝士再火炙，賣相普通。雞翼外皮金黃微焦，外皮脆而肉嫩，仍有肉汁，不會乾身。芝士份量不多，不能為雞翼增添芝士滋味。朋友點凍咖啡要加$16，我點黑牛才需要加$18，可樂面層有一大球冰凍香滑的呍呢嗱雪糕，令人滿足。雖然牛腹味道不錯，但其他食物都只是普普通通，未能留下深刻點。

觀塘駱駝漆向來美食雲集，本身鐘意食日本野既我同朋友搵到間日式丼飯店，就黎幫襯下。睇menu價錢算實惠，而且選擇都唔少。澳洲和牛M8丼 $88M8和牛肉質鮮嫩細膩，一啲都唔韌，油脂分佈得宜，熟度剛剛好又保留住啖啖既肉汁。而且飯份量相當足夠，食完都好飽肚。慢煮牛腹丼 $80果然慢工出細貨，肉質粉嫩軟腍，配溫泉蛋錦上添花。加左小食芝士雞翼，煎香脆帶芝士鹹香，都幾惹味。配菊花蜜健康又可以解膩。芝麻蛋糕配雪糕 $52見平日少食芝麻幾新鮮就叫左，估唔到芝麻香咁濃郁，味道唔錯。

每次嚟觀塘駱駝漆大廈都要做定心理準備，因為部lift真係排晒長龍架！當然lunch time期間就更加恐怖，但為咗食好西，無懼嘅A姐一於接受等lift挑戰！今日目標就係駱駝漆大廈3座嘅慢煮屋。餐廳以日系風格同食物主打，賣相唔錯喎！慢煮火炙牛腹扒丼: lunch time時間唔長，本身仲驚慢煮嘅火炙牛腹扒丼嘅上枱時間會好耐，好彩都係等咗大約5分鐘，賣相仲要唔錯喎！身為飯桶嘅我，慢煮屋可以叫多飯呀！但點解上枱時一啲都唔覺得多咗飯嘅，至於牛肉雖然鋪滿成碗飯，但全部都好短身又薄切，份量真係一啲都唔多，重點係牛肉有啲韌，係完全咬唔開。講到最好味，應該係碗中嘅溫泉蛋喇！鮮菠蘿乳酸特飲: 無餐叫，呢支飲品要成$20，絕對係有啲太貴。味道方面，酸酸甜甜啦，杯入面仲要啲類似jelly嘅東西。

今晚去觀塘食飯，去咗間近日幾多人推介嘅慢煮屋吃晚飯。美國牛板腱丼牛板腱嫩滑，肉質鮮美，隨餐有隻溫泉蛋，加埋飯落去食真係好夾！而且我最鍾意就係佢個醬汁，整體十分美味。日式餃子餃子外皮薄脆，內餡飽滿，裡面包著新鮮的肉類和蔬菜，煎得咁好味真係唔容易。日式豚肉拼牛舌尖丼豬肉肥美香嫩，牛舌則帶有獨特的嚼勁，兩者搭配在一起，口感特別豐富。再加上飯底的醬汁和紫菜，簡直是美味的完美結合。芝士雞翼雞翼表面金黃酥脆，雞肉鮮嫩多汁，淋上濃厚的芝士醬，讓人一試成主顧。菊花蜜熱菊花蜜香氣撲鼻，飲一啖真係暖上心頭。蘋果金寶芝士蛋糕上面嗰層好香脆，中間就係綿密的芝士餡同蘋果片，底部有餅乾，味道酸甜可口，亦能感受到蘋果的清新，簡直完美作為餐後甜點，讓人滿足。

餐廳位於駱駝漆大廈第三座，就近觀塘地鐵站，位置算方便，環境簡約舒服，主打丼飯、定食和沙律套餐。蜜脆活鰻魚丼鰻魚口感外脆內軟，表面沾滿了蜜蜂，味道甜蜜可口，咬落有一定韌度，肉質結實，採用新鮮活鰻，有別一般蒲燒鰻魚，配料有糖心蛋、香蔥，整體丼飯味道豐富。澳洲和牛M8丼和牛肉質軟熟，完全無柴既質感，肉和脂肪分佈分例均勻，牛既油脂香味特別濃郁，配料有半熟蛋和小份沙拉。跟餐附有時令水果，今次係西瓜粒，爽口多汁，甜度十足。真鵝肝味道甘香純厚，鵝肝油香味濃郁，一小口就令口腔充滿甘香，表面煎得焦香，有少許脆口既感覺。多春魚火候掌握得不錯，熟度剛剛好，不會太過焦香影響味道，魚肉鮮嫩可口，表面有灑上適當份量既七味粉，凸顯其鮮味。熱百香果茶