慢煮屋

今日同朋友敘舊食晚飯，搞搞新意思，去觀塘工廈幫襯吓食肆。Search左一輪，搵到一間位於駱駝漆大廈日式小店。餐廳裝修簡單，以簡約為主，冇乜花巧，但空間尚算充足，坐得幾舒服。美國牛板腱冷烏冬整份定食本身跟飯，+$10轉烏冬，有溫泉蛋，少許沙律，跟飲品或加錢配小食。牛板腱薄切，份量足，因為連住筋位有趙口之餘又唔會韌，燒到有少許窿邊，少少焦香，掛上醬汁啱啱好。慢煮雞胸冷烏冬健康減肥人士之選，慢煮雞胸一啲脂肪都冇，好嫩滑，蛋白質豐富，清清地，烏冬彈牙爽口。跟餐小食椒鹽雞翼兩隻新鮮即燒，上枱熱辣辣，味道可以，但係略嫌雞翼size比較細隻。燒三文鱼骨呢個份量比較多，雖然三文魚骨，但係都有啖啖肉，燒起嚟唔會太鹹，我值得推介。總括嚟講，質素唔錯，支持工廈小店，支持本地消費。…查看更多

1️⃣重量級16oz鐵板澳洲牛腹扒定食跟沙律$258 黑牛 +$18登登登～呢個真係食肉獸天堂🤤 16oz超厚切牛扒～💥 牛肉粉嫩多汁，五成熟啱啱好！滲出濃郁肉汁😍 外層微焦，帶香脆口感，內裡依然嫩滑～咬開仲有油香四溢嘅脂肪邊！配埋爽口沙律菜＋水果，完美平衡～～黑牛係可樂加朱古力雪糕！雪糕慢慢融落汽水入面，甜度啱啱好！每一啖都係童年回憶🍦 泡泡感滿滿～配牛扒超match！2️⃣日式餃子(3隻)$18呢個價錢真係佛心！💰 每隻都煎得金黃香脆～餡料飽滿多汁，豬肉香氣十足，完全唔膩🤍 餃皮薄身唔厚粉3️⃣濃蝦湯燴海鮮飯跟百香果茶$128新菜色！🦐！新鮮大蝦、青口、三文魚鋪滿整個鐵板💫！蝦湯香濃得嚟唔膩口，飯粒吸晒精華，每口都爆鮮味！飲埋無糖百香果茶，香氣清爽～完美收尾🍋4️⃣檸檬焦糖芝士蛋糕$57甜品控要尖叫啦💛！上面焦糖層輕輕脆口，配上濃郁芝士味～酸甜平衡到位😚！檸檬香清新解膩，每啖都係輕盈又濃厚嘅味覺衝突✨ 底層餅底鬆脆，芝士滑到似布甸咁～完全唔死甜！🧁🌟想知道更多美食🤪記得follow@mochicouple_hk啦😍🎉📸…查看更多

今晚同朋友去咗觀塘駱駝漆嘅慢煮屋食晚餐，餐廳環境簡潔舒服，空間唔擠迫，坐得幾Relax，啱晒我哋慢慢傾計。餐廳裝修走簡約路線，但保持咗工廈小店嘅質感，氣氛好正。澳洲和牛拼牛舌定食牛舌薄切燒得軟滑入味，和牛肉質鮮嫩多汁，醬汁調配得岩岩好，配埋溫泉蛋，蛋黃流心配飯食特別惹味。整體味道層次豐富，食完好滿足！慢煮雞胸冷烏冬呢個健康之選雞胸肉慢煮到好嫩滑，完全冇乾柴感，無脂肪食得安心。烏冬彈牙爽口，加埋清淡嘅醬汁，好適合減肥人士或者想清淡飲食嘅朋友。燒三文魚骨三文魚骨份量多，雖然係骨，但燒得香脆唔會太鹹，仲有啖啖肉，係一道開胃小食，配酒一流，真係值得推介。整餐食落嚟質素唔錯，價錢合理，值得支持本地工廈小店！…查看更多

呢晚嚟咗觀塘一間主打慢煮食物嘅餐廳，見到都有好多人幫襯，果然食完都覺得質素有返咁上下保證😋 特別推介佢嘅晚市二人鐵板餐，有多款食物可以mix and match😳 $180晚市鐵板二人餐♦️鐵板澳洲牛腹扒拼吉列炸蠔牛腹扒半生熟極粉嫩，肉質雖然較瘦，但入口都幾軟腍，唔會太韌🥩 吉列炸蠔嘅蠔肉好飽滿，用上熊本嘅蠔，真係特別唔同🦪 配埋特製黑椒汁，味道唔會太辛辣。♦️濃蝦湯海鮮飯呢個飯兩個人share就啱啱好，底下橙紅色嘅係用上餐廳熬製嘅濃蝦湯，真係勁鮮味🥰 免頭嘅海鮮有三文魚柳、青口同埋蝦仁，都幾豐富㗎✌🏻 如果想食light 啲，仲可以揀牛油果沙律㗎🥑 ♦️飲品我哋就嗌咗烏龍茶同埋Zero。之後再嚟食咗個Lunch，新推出逆市抵食午餐，低至$52就一份午餐，仲可以用一蚊加配價加蝦仁/ 增量牛五花等等😱 ♦️鐵板牛五花拼鯖魚牛五花嘅份量都幾多㗎，半肥瘦入口嫩滑🤪 完全冇諗過呢個價錢嘅鯖魚係原條上，都真係幾抵食。當然唔可以錯過加一蚊嘅優惠啦，我哋就揀咗兩隻嘅蝦仁，蝦肉彈牙🦐喺觀塘返工嘅我真係當咗呢度係食堂，午市同晚市嘅選擇都唔同，鍾意食鐵板餐嘅可以嚟試吓😎…查看更多

呢間慢煮屋都開咗有幾年 只要當我想食牛嘅時候就會諗起佢 一年我都會食上幾次 但多數都係叫外賣今次帶同事一齊坐低食🍱美國牛板腱丼飯 $88同事第一次食 望落都好多牛 同事表示覺得唔錯 有牛味可以揀少飯多飯 少汁多汁🍱慢煮極尚M8和牛盛盒 $142我呢個係全店嘅第二貴 真係好豐盛牛肉半熟嫩滑有牛味 分量又多鐘意味道重D可以再落少少鹽每個餐都跟溫泉蛋同生果 有部分餐仲會跟埋沙律下午茶時間仲有蛋糕或者正餐減$10餐廳簡樸 是用味道留住客人的小店…查看更多