慕名

營業中

休息中

成個食飯會經過呢間小店，門面細唔起眼，冇花巧設計，收銀姨姨都似實務型，冇多餘說話，今日唔知食乜就試下佢。糖心蛋真係不得了，甜味足，蛋黃糖心都甜到漏哂出黎，細細隻唔會膩。件雞皮煎到脆，好香，加埋調味都好好味，只係爭在少少鞋，不過呢個價位咁既味道真係性價比好高。再黎個菜飯粒粒飯飽滿，唔算多菜，夾埋糖心蛋同雞肉食都ok, 雖然成件事好似唔太夾，但各樣味道都平均好食。加埋杯茶，覺得店主有用心，性價比很高，會再來。

慕名小店地址: 鰂魚涌海堤街18號濱海大廈地下D7號舖今日我又要介紹呢間隱世小店，呢間小店唯一缺點就係太抵食啦😎，日日唔同套餐都係 🍛🍱$42/餐，而且仲包特飲添😍！！！今日我叫咗蒜香手撕雞芝麻醬撈烏冬; 洋蔥肥牛糖心蛋飯等等等，真係好經濟實惠夠大份，好有煮家飯feel😚，CP值幾高~#nicefoodie鰂魚涌----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover #foodporn #delicious  #dinner #lunch  #hk #香港 #香港美食 #美食 #鰂魚涌美食 #打卡  #鰂魚涌 #香港口味 #隱世美食 #隱世小店 #半價優惠 #人氣餐廳 #人氣美食 #煮家飯  

今日午餐食咗慕名嘅蜜味蒜香金沙骨飯，一盒飯竟然有8件金沙骨，打開個盒已經可以聞到好香嘅蒜味，咬落口入味之餘唔會太甜，食物賣相亦好吸引，令人不知不覺食曬啲飯🤤🤤除咗好味之外仲要好抵，$42套餐包一杯無糖茶，而叫凍檸茶亦只係加$3，性價比極高🤑🤑呢間鰂魚涌隱世小店喺小路入面，得外賣冇堂食。每朝佢會喺FB Page update menu，通常有4至5個款式。想食可以WhatsApp佢落單，因為隨時會賣哂架🤫

慕名地址: 鰂魚涌海堤街18號濱海大廈地下D7號舖今日我又要介紹間隱世小店，呢間野就佢連openrice，FB或 IG啲食評都唔多，冇咩人講，既然係咁就等我介紹吓呢間又平又正良心小店😛比大家聽啦～呢間小店唯一缺點就係太抵食啦，日日都有唔同套餐居然仲要係 $42/餐，而且仲包特飲添！！！今日我道叫咗瑞士雞翼芝麻醬撈烏冬 🍝 $42，糖心蛋暖暖地又有少少流心，瑞士雞翼啲好肉嫰啲汁好入晒味，加上彈牙烏冬同芝麻醬，正😋。#nicefoodie鰂魚涌

經常幫襯的良心小店💛 價錢雖然平，但絕對不是平價的質素，絕對有名店的品質 👍🏻👍🏻👍🏻今日叫咗 椰香紅咖哩雞球飯，香辣惹味，雞球又夠滑，絕非一般快餐店貨色！ 每日都有4-5個款式可以選擇，$40蚊已經包一杯凍嘅冇糖茶~ 當然可以再加錢轉特飲 🍹 唔洗捱難食的兩餸飯 🤣🤣🤣

一直想試但舊陣時有堂食嗰陣真係太多人，所以疫情後佢只做外賣先試～要喺鰂魚涌搵50蚊樓下嘅外賣真係好難（唔計麥當勞）！慕名食物唔錯，店員有禮，價錢經濟，非常不俗👏🏻飲食記錄：蒜香蕃茄煙肉意粉蕃茄蓉香甜，配上香蒜十分開胃～意粉唔會煮得好腍，份量都幾多🍝仲要只售HK$40（戴定頭盔先👷🏻‍♀️聽日2022年啦）性價比高，糧尾推介👍🏻

喺太古坊返工，午餐時間搵食真係一個超級大難題 ，因為一到午飯時間，周圍都人山人海😵‍💫😵‍💫😵‍💫 太古坊都算多嘢食, 但係要又平又好食嘅，真係選擇唔太多，$40~蚊一盒飯有咁高質素，真係喜出望外😍 跟餐仲有杯茶~ 可以另外加錢轉其他飲品👍🏻👍🏻👍🏻 飯餐每日都會有幾款唔同嘅選擇~ 可以預先WhatsApp 落定單，之後落去攞，慳返好多時間，唔洗大排長龍！好食得嚟仲要係良心小店💛真係冇理由唔幫襯啦~

係鰂魚涌呢邊食lunch, 好多時都偏高價錢但慕名真係平靚正仲要有良心既黃色小店💛💛$40 大大盒仲要好多餸又好食仲有得用whatsapp落單到時去餐廳拎先埋單比錢減省左等候既時間, 好方便

鰂魚涌搵好西食一D都唔容易, 要平靚正+黃就更加係難上加難😣😌但身為吃貨, 當然要四圍發掘下, 比我地發現左間滿足晒呢4個願望嘅 #良心小店 "慕名",佢連openrice/ 社交平台的食評都不多, 冇咩人講🥺, 位置都比較角落難搵, 就等我地幫佢推介下啦👌🏻! 😷疫情開始緩和, 相信唔少人都開始冇得再"work from hill"啦, 但都唔可以鬆懈, 出街食飯都要小心為上, 呢間店唔大, 午餐繁忙時間都係做外賣為主, 而家非常時期更加岩大家去幫襯~💛呢間小店唯一缺點就係太抵食啦XD係太古坊竟然仲有 $40個餐, 仲有特飲😳(唔係單止係奶茶咖啡wo, 仲可以揀是日特飲, 當日就係羅漢果茶, 有時仲有桂圓杞子/ 山楂蘋果/ 冬瓜茶, 夠晒健康呀!)👧🏻👦🏻學生仲有 $32優惠價, 如果遲食晏既, 可以等到2:30pm, 最平$17個下午茶, 你冇睇錯, 真係$17, 平到笑!😱😱😱🔸金菇肥牛滑蛋飯 ($40連特飲)份量一D都唔少, 肥牛好入味, 仲有牛汁又唔油膩, 金菇索晒d牛汁好香😋, 個蛋仲要勁滑😍, 有埋粟米配菜, 成個口感好夾, 感覺冇咩味精, 食完都唔會口渴👍🏻希望佢做得住

慕名社交平台都會每日早上上傳每天餐單，因為人多關係，通常會係11:00前whatapp下單，不然去到現場才買，恐怕需要等一段時間。午餐劃一$40，基本上會附送無糖茶，也可以加錢轉為是日特飲。今天光顧它的芝士肉醬意粉及無糖茶。無營茶用平常台灣飲品店的膠邊封實，不需用到膠蓋，而無糖茶飲落很舒暢，也是健康之選。份量很大的芝士肉醬意粉，填滿整個外賣盒。而且味道很好，醬汁也很多，足以令每條意粉也沾上醬汁。$40價錢的午餐，在位於太古坊一帶，更是超值。

自從大約一年前發現咗呢間小店，呢度就成為左我嘅飯堂.... 無他，價錢平（$40包無糖茶）但質素唔錯，喺呢個閒閒地都 $50+ 一個茶記 lunch 嘅鰂魚涌真係清泉....食左幾十次，個人最鍾意就係佢個芝麻醬撈烏冬，暖暖地又有糖心蛋，正。如果唔訂定先，十次有九次12:15pm之前都會售罄....（每朝喺社交平台可以睇左 menu 打電話/WhatsApp預訂左先，咁就可以排條快隊同唔怕賣哂）其他例如番茄湯米線同日式咖哩飯都係好味之選~~ 滑蛋類嘅飯都整得好靚+好味（包括外賣）！唯一就係鋪仔比較細，堂食得五個位，所以主要做外賣。小店都算好有心，可以俾人自備食物盒外賣。希望多 d 人留意到呢間喺角落口比較難搵嘅小店，始終有心做價錢又唔貴嘅良心小店真係買少見少.....

去過鰂魚涌的朋友應該會留意到，這一區有不少的特色食肆，而有很多都是小本經營的街坊小店。我今天無意中發現了這間在海光街後巷角落的小店，留意到它掛出來的餐牌，推介他們每款 $40 的午餐 （學生優惠價更只需 $32 !!），而提供的選擇看似不錯 ，例如有日式咖哩牛腩飯、魚香茄子飯、香草肉醬雞扒飯、瑞士雞翼溏心蛋飯 (等一共 6 款選擇)。我初時有點半信半疑的，今時今日竟然會有 $40 的午餐 (另送飲品) ?  時光倒流嗎?!  我望下店舖裡面的食客 ，出品賣相好似不錯，於是就點了個日式咖哩牛腩飯。小店只有2位員工，而負責收銀的那位後生仔很有禮，這是值得一讚的。大概3分鐘後便上餐了。份量絕對十足，印像中大概有八塊牛腩 (還有粟米配菜)。牛腩炆得不錯，調味不會太重手(有點似家常小菜)，吃得出是用心之作。絕不是將貨就價，用下欄材料，粗製濫造的那種餐廳。餐飲業近來經營環境困難，相信大家亦理解，這類街坊小店是十分需要支持的！

呢間小店主要做外賣，大份夾抵食。$40蚊貨仔，同附近$7-80蚊餐廳有得fight! 😋～～～～～～～～～～～～～～～仲送冰凍無糖綠茶，真係窮人恩物。🍹～～～～～～～～～～～～～～～但係佢位置真係幾隱閉下，唔易揾到，喺條巷入面嘅角位。～～～～～～～～～～～～～～～佢每日有幾款午餐揀，我都係第一次食，就試左佢嘅洋蔥糖心蛋牛肉飯。好食😋👍🏽佢個糖心蛋超有誠意，牛肉又夠味，大大份，好好食😭😋👍🏽