意蠔屋 (城市中心)

營業中

休息中

經開北角行街，搜尋左哩間餐廳食物賣相唔錯，價錢又親民，就同朋友去食。店內以橙色為主。朱古力7up羅宋湯，酸酸辣辣好開胃，用料十足，食到有牛肉。忌廉湯，朋友飲。生蠔，新鮮鮮甜，開蠔技術亦唔錯，冇碎蠔殼。瑞士雞翼，煮得好入味，帶微甜，雞肉都幾滑，size都幾大隻。芝士焗珍珠蠔意粉，上菜時非常熱，小心燙手，焗到金黃色好靚，起碼至少有4隻蠔，仲好大粒，仲有放左菇做配菜，芝士味濃郁。鮮蕃茄牛柳天使麵，麵身比意粉幼身d，更容易索到醬汁，食落會更好味，牛柳好腍冇乜筋。

白酒煮珍珠蠔菠菜意粉 $78碟意粉一上枱就聞到好香的蒜香味，配料都足料，有蠔四大隻，喜歡食蠔的人可以一試，意粉煮得剛剛好，軟硬適當，唔會太爛帶點彈牙口感，配合蒜香菠菜汁相當好食。芝士焗珍珠蠔菠菜千層麵 $88珍珠蠔有四大隻，配上芝士菠菜奶油汁烤焗，食落唔錯，可惜千層麵的發揮無意粉咁好，質地偏淋，影響整體口感。黑松露菌大蝦意粉 $68黑松露菌醬落得一點都不吝嗇，黑松露味香濃，配合奶油，食落香得黎又creamy，配料有大蝦四隻，份量唔多唔少，意粉同上面一樣，都係軟硬適中非常彈牙！鹽燒牛脷 $45哩個燒牛脷，普普通通咁單用鹽來調味已經相當滋味，牛脷肉燒到好軟嫩，十分唔錯！

意蠔屋，每款食物好味道，尤其是生蠔又新鮮，又抵食，佢哋果度生蠔有兩款，其中一款係價錢138有４隻嘅南非蠔，又大隻又新鮮，味道非常好。而另一款係價錢100有5隻嘅法國蠔，味道好好又新鮮，真係又便宜又抵食。它們另一最出名的食物係千層麵,有好多款選擇任揀，味道一流。另一款最值得介紹係白酒珍珠蠔菠菜意粉同黑鬆露菌大嘏意粉，味道齒頰留香。植得推介。服務放面，個店員服務都ok嘅,最值得欣賞係佢會好主動介紹店內出名嘅食物給你。店鋪環境乾淨，舒適，值得去試吓㗎。

今日一班同事， 食午餐見到今日唔係太多人沖入去， 我哋四個人 每人叫咗個優惠套餐， 叫咗四個a餐 忌廉汁粟米煙肉意粉， 套餐 裏面送忌廉湯or羅宋湯, 仲有杯嘢飲， 忌廉汁同啲意粉軟硬適中， 煙肉本身少少鹹， 但佢哋煮好味道好夾， 會再有下次

叫外賣收貴咗＄就算啦,仲要黑頭黑面，改咗單叫佢俾番張單我，仲扮嘢喺電腦打單，死都䏸俾我，過咗五分鐘先俾番之前張單來，點解唔一早俾我，大佬我陣間要趕住做嘢嘎！跟住叫佢拎張外賣紙，又話又等，又等一兩分先俾，心諗，你老細知你咁趕客嗎，唔會有下次囉！講真，我公司同事咁多，每日都叫，今次真喺搞到唔like,已冇得送外賣，下下要行過來拎，仲要咁服務態度，真喺食餐飯仲要受氣，想講喺食開習慣先搵你哋，全北角餐廳多得是！喎位服務阿姐喺個頭發齊肩女人，四五十歲，黑黑哋面，人黑態度差，格個衰，擺面玩死你喎種！所以，大家自己小心D

星期六 dinner, 3個人叫左3個意粉1個小食share。等我同大家分享下先 XD芝士焗珍珠蠔波菜千層麵  ($88)四款意粉入面我比較鐘意呢款，千層麵口感比較煙韌，配合波菜芝士汁，食落惹味而口感豐富，波菜芝士汁都幾多，啖啖都食到，同埋我鐘意個汁既菠菜味吾會好突出。另外有4粒又大隻又鮮甜既蠔。但份量偏少，女仔食一個先岩岩好。黑松露菌大蝦意粉 ($68)個汁調得幾好，一上菜就聞到陣陣黑松露味，食落個得個汁稠度適中，味道容易入口。但個人覺得個意粉太淋，無咩口感。有3隻大蝦，味道吾錯既，用蒜炸過少少，個殼好脆，蝦肉都算爽口。蒜香辣蟹肉蘑菇意粉 ($68)呢個就小伏，首先岩岩黎到都吾係好熱，最出事係個汁，勁稀，食完個意粉係會見到有攤水。味道都好一般，只係覺得有蒜香同少少辣味，蟹肉吾講都吾覺有落，蘑菇幾多但無味。奉勸大家黎食既時候吾好喊呢個。芝士焗暑條 ($34)其實呢個配搭好難出事，所以味道都ok既，幾惹味，但我會鐘意粗暑條多d。份量都幾多架，我地三個人食唔晒，呢個價錢黎講都幾經濟實惠。其他意見:服務:晚市有+1服務，點菜上菜收碟一律做得幾快，但店員感覺唔算好親切，扣左d分。環境:個門面真

其實係第二次食，兩次都係晚餐，店內義大利粉麵種類唔多，店舖比較細，另外成日呢樣都冇果樣都冇，第一次叫千層麵賣曬，之後揀義大利麵都賣曬，最後只揀到天使麵。第二次到終於食到千層麵揀左個海鮮料，成份野六十幾蚊但係份量好少，得四塊麵10x10cm左右，味道比較一般。入面第一層得一隻帶子，第二層係兩條蟹柳，第三層係兩隻蝦，第四層係一舊魚，而且比較令人唔滿意嘅係蝦連殼同腳一齊上，仲食到甩出黎既蝦腳，另提野飲加8蚊，侍應好似好冇力黑口黑面咁樣態度真係麻麻地，但總括黎講真係比較失望，可能唔會再去

今晚揀左位於北角城市花園既意蠔屋解決晚餐，叫得意蠔屋。呢度主打既當然係意粉同蠔啦😂意蠔屋一共有6間分店係香港各區，之前係黃埔食過一次，唔知今次食物質素keep 唔keep 到呢？北角分店內裡都係簡單佈置，可以容納既人數唔多，不過都比黃埔個間分店大。坐低左好快就order 左4 樣野，生蠔4隻，芝士焗西蘭花，芝士焗珍珠蠔千層麵同埋鹽燒牛脷😂即開生蠔味道唔錯，$148 一共有4隻蠔，食落啖啖肉芝士焗西蘭花 西蘭花夠淋，唔會好難咬。鹽燒牛脷，仲諗住係一片片，送上先知道係切左條，肉質麻麻，有部份太乾身，質素一般。呢碟千層麵望落好似好細份，但其實入面一共有4隻蠔😂😂真係有驚喜最後仲叫左杯凍檸檬益力多，味道都幾特別，可以一試整體用餐感覺唔錯，服務都幾好，下次可以再試下其他菜式。

第一次咁受氣，一入到去短髮細眼職員黑口黑面，有急事轉外賣，已經好快講要轉，但佢用好差既態度講咁你坐喺度等定點呀？原本行到好攰想坐下架啦，買佢怕黑口黑面欠左佢，寧願唔坐！但食物係ok好味,不過買氣受!

唔抵食😐呢個芝士焗蟹籽雜菇長通粉加辣肉腸配羅宋湯同飲品55蚊唔抵食囉齋睇價錢$55有個餐都算係咁但係睇番啲料得一條腸仔切開四片加少少蟹籽同芝士偷工減料左啲喎唔飽肚係咪我要求太高🤦🏻‍♂️我寧願貴少少多番啲料

相隔幾個月再去呢道食飯，感覺唔同咗，因為之前係自己1個人去食飯唔會叫得多，而今晚係同2個朋友去食，可以叫多D野食，不過今晚特別多人要等位，幸好都係等咗十幾分鐘，坐落一陣。女員工就主動介紹我地食100蚊5隻法國蠔👍，結果我同朋友商量後，每人叫1個晚餐再加多兩個小食同5隻法國蠔，我自己本身好少食蠔，但我和2個朋友在用餐途中都異口同聲都話再叫多5隻😋😋，好好食，我哋食完走嘅時候大家都話會再去😄😄有水準

呢間意蠔屋有幾間分店果然名不虛傳🌝🌝🌝 啲野食真心高汁🤪🤪🤪佢星期一至日都會有唔同set可以比你去揀 每個set都有一個主菜 一碗湯再加兩隻生蠔😳😳😳去嗰日係星期日 有兩個set可以揀 咁我就揀咗芝士焗大蝦🍤蘑菇千層麵😳😳真心整得好好食 芝士夠多 蝦都好大隻 好濃味 但可惜既係佢份量太細 千層麵變咗兩/三層麵 個麵好快就食完 男仔的話可能會唔夠飽🤢🤢🤭 但整體以味道黎講佢整得好高汁😳-到嗰兩隻生蠔 同樣我都覺得夠新鮮 加埋檸檬汁真係好fresh 佢唔會有d臭海水味🤣🤣 食落會feel到佢係新鮮既 👍🏻👍🏻👍🏻-但店員既態度就頗差啦！ 嗰陣要入去食野要等位 個店員叫反我地岀去話拎飛啦 但岀到去又無位比我地拎飛 係到呆等咗十幾分鐘以為佢會嗌我地入去先見到有幾個食客入去但冇岀反黎 我地先知原來要穿過間舖頭去對面拎飛 之後無論嗌no定野食都覺得態度勁西 木口木面🤔 如果唔鍾意服務態度差既就要考慮一下啦！🤣

身為男朋友，梗係要隨傳隨到，管接送啦！要去到北角OT做嘢，一於等我帶接佢收工啦！嚟到北角，原來選擇真係好多！不過搞到成9點先走得，好彩意蠔屋仲未關門，一於食番幾隻生蠔補補身，再滿足吓先！呢度嘅套餐，$98就有湯、生蠔2隻、主菜同餐飲！抵呀！最感動係A姐從來無介意我帶佢食大排檔呀、快餐店呀，貴又好平又好，佢都會陪伴我左近！▶生蠔：雖然只係2隻生蠔，但餐廳都配有冰底以確保生蠔嘅新鮮！而生蠔估唔到都唔馬虎，除咗大大隻，仲幾鮮甜，真係睇得又食得！▶芝士焗海鮮千層麵：好多芝士呀！好Creamy！配料都有魚柳，蟹柳，帶子同蝦。不過今日呢個千層麵就乾咗少少，好彩夠多白汁，補番數！▶白酒忌廉汁煙三文魚波菜意粉，所以兩份主菜都係以白汁為主，呢個白酒忌廉汁同樣夠哂creamy，最重要係個汁比例啱啱好，唔會話太多或太少！煙三文魚份量估唔到咁多，呢個意粉相當唔錯。

我本人好喜歡食蠔！所以今日去咗意蠔屋食生蠔！嗰位女店員好有耐性同笑容去介紹我食$100 5隻嘅法國生蠔！試完味道好好同埋個女店員服務好好同好有耐性同笑容！啲人話個女店員服務唔好同黑臉！我唔角丫！

工作經過開北角，見到有間小店，食蠔既岩晒我。入到去剛岩過左lunch time, 靜靜地坐係張4人枱。睇睇餐牌，選擇都好多既，我就選擇左個H餐芝士焗珍珠蠔螺絲粉，芝士夠濃郁，珍珠蠔大大隻夠海水味，茄汁酸酸地確醒胃。價錢都尚算合理$75包埋餐湯，飲品下次再黎北角做野，都要再幫襯，讚讚