意粉狂熱 (置富都會)

營業中

休息中

置富食物既選擇一向唔多，不過搵到間性價比高質素唔錯既餐廳，就黎食下。叫左個意粉&pizza狂熱套餐 $318，包前菜、主菜同甜品，好抵食。忌廉蘑菇湯啖啖蘑菇粒口感佳，味道相當濃郁。香草雞肉凱撒沙律沙律新鮮開胃，雞胸肉比想像中大舊，香滑又啖啖肉。加10蚊就有香辣蕃茄濃汁煮青口新鮮青口配蕃茄汁帶香甜味道，微辣微酸開胃易入口。鮭魚親子和風忌廉鮮製意粉 +$38意粉頗掛汁食落滿滿creamy感，三文魚份量幾多，煎香左味道都唔錯，鐘意佢加埋粒粒三文魚籽，帶爆汁口感。美式辣肉腸pizza 薄餅底夠香脆，茄醬味道突出，配上辣肉腸更添惹味。是日甜品頗軟滑，味道唔錯。水果茶甜度剛好，清新解渴

差不多一年來紅磡站，適逢今天約了很久沒見的朋友，於是便約了在紅磡的「置富都會」聚一聚。「置富都會」係位於紅磡火車站隔嚟嘅商場，地理位置相當方便。今日去咗「置富都會」入面嘅【意粉狂熱】，佢係一間主打Pizza同Pasta嘅西餐廳，價位算係中規中距偏親民，啱哂一般學生哥同慳錢嘅上班族。當晚大約7:30到餐廳，由店員安排順利入座。Menu都係有好多可以選擇，「意粉、小食、飯、甜品、飲品、亦有套餐選擇」。◼️香煎鮭魚配味噌忌廉鮮製意粉新推出～～～～呢款意粉採用闊身少少嘅Linguine，配搭煎得香脆鮮嫩嘅三文魚同非常濃郁嘅忌廉汁，成道菜口感味道好豐富。不過味噌嘅風味就唔算太突出，用一般嘅忌廉意粉嘅心態嚟食會比較好。相對可以濃厚一點個味道會更為吸引。◼️美式辣肉腸披薩 10”經典嘅意式Pizza風味，佢哋嘅辣肉腸Pizza餅底口感似有咬口嘅軟熟麵包，面頭嘅辣肉腸同Pizza都好足料，味道都係一如所料，屬於香口惹味嘅Pizza！◼️脆炸原條白身魚配薯角一般嘅Fish and Chips多數都係serve一條魚柳，呢間餐廳就serve兩條中等長度嘅魚柳，有啲驚喜！切開魚肉嘅肉質都仲係嫩滑同Juicy，味道

餐廳在紅磡「置富都會」商場7樓，由紅磡站C2出口有行人天橋直達，非常方便，無懼日曬雨淋。餐廳裝修一派歐陸風格，尤其是方格枱布，令人感到置身歐洲。一看餐牌，菜色選擇也非常多，有各款意粉、焗飯、小食、比薩、甜品、特飲等。餐廳推介夏日「鮭魚鮮製意粉系列」，用了日本特製的白味噌及和風濃汁，而且三文魚含有豐富的Omega 3，有益健康。於是，我就點了個「鮭魚親子和風忌廉鮮製意粉」，新鮮的三文魚和大大粒鱈魚籽，特別鮮味，加上濃厚的忌廉，爽滑的意粉，真令人回味無窮。「北海道產豬扒芝士焗飯」，豬扒肉質鬆軟可口，有豬肉鮮味，配上香草茄醬，加上濃濃芝士香味，更加惹味。「牛油果沙律」，牛油果熟透，特別香，真有食牛油的感覺。當然，還有車厘茄和蜜桃，新鮮爽口的沙律菜。「朱古力荷蘭鬆餅配朱古力雪糕」，新鮮即製的熱香餅，裏面是朱古力餡料，配上朱古力雪糕及切片香蕉，是一道出色的甜品。「蝶豆花檸檬冰茶」，有陣陣花香，酸酸甜甜的，在炎炎夏日，特別透心涼。這裏的環境優雅，菜色選擇多，質素好，服務水準高，但價錢大眾化，性價比高。

每次去看紅館的演唱會，附近的紅磡置富廣場內的食店總是坐滿了食客，而其中這間意粉狂熱Pasta Holic總是排了長長的人龍，今天一行四人就叫了一個4人餐。有3款湯選擇，我們都要了特濃南瓜粟米忌廉湯，這個湯好甜好香濃👍🏻套餐還有香草烤雞凱撒沙律、小食2款：意式炸魷魚配他他汁、秘製炸雞🍗主食叫了明太子海老芝士忌廉pizza、溫泉蛋松露油蘑菇意粉。Pizza好香脆、與一般各大連鎖店的批底不同。還有檸檬汁牛油烤魚，也很美味。飲品叫了水果茶、另外甜品係意大利芝士餅。這個套餐連加一約$700，份量算多幾抵食。

要喺紅磡火車站附近食嘢，選擇唔算非常多，不過意粉狂熱係唔錯嘅選擇，餐牌有多款意粉、pizza、小食等等，價錢都幾平👍🏼貪心嗌多幾款都仲得😎😎用手機自助下單，見佢都有唔少套餐最近嘅特選推介，係鮭魚主題鮭魚親子和風忌廉鮮製意粉一粒粒厚切鮭魚好香，有黑椒惹味點綴個意粉有驚喜，好彈牙👍🏼👍🏼忌廉汁濃稠，每一條意粉都有滿滿醬汁正！靚靚特飲，係顏色好靚嘅檸檬茶🥰🥰比隔籬枱嘅Pizza吸引，所以都叫咗一個細嘅Margarita☺️☺️ pizza餅底做得好好，非常煙靭！茄汁芝士比例亦唔錯，推薦！另外仲叫咗千層麵，同埋雞翼小食千層麵同意粉、pizza一樣，口感都做到彈牙效果，真係非常滿足😌

今晚同朋友嚟到紅磡嘅意粉狂熱，餐牌上有好多唔同嘅款意粉、pizza、焗飯同二人餐可以選擇，見到有新出嘅「鮭魚鮮製意粉系列」，仲要有牛油果，鍾意食牛油果🥑嘅我哋點可以唔試下！✨鮭魚牛油果和風鮮製意粉上菜啲嘅時候見到有成半個牛油果呀，份量都算好多。意粉嘅軟硬度適中，加上蘑菇碎配搭牛油果同三文魚，健康又好味。✨忌廉芝士🧀️雞肉千層麵千層麵外脆內軟，充滿忌廉芝士香氣，麵皮之間夾上芝士、蕃茄同肉醬等餡料，令成份千層麵都香味濃郁！✨香烤雞翼（檸檬蜜糖🍯）雞翼唔單止烤得好靚，而且肉汁豐富，表皮仲好脆呀！✨朱古力🍫荷蘭鬆餅🥞配朱古力雪糕荷蘭鬆餅口感鬆軟，旁邊仲有朱古力雪糕球同切片香蕉，喺雙重朱古力🍫享受😋✨草莓茶梳打✨柚子蜜梳打草莓茶梳打只係睇相都見到士多啤梨🍓果肉，飲落仲有啖啖茶香味，而柚子蜜梳打入口清新芳香，飲返杯甜甜既飲品，好開胃呀！

紅館睇show前食個快飯,天橋直入置富都會個層，6點鐘到已經見到餐廳好多人食晚飯喇，第一次食呢間“意粉狂熱”，有驚喜。餐廳職員介紹剛剛出咗新菜式，叫我哋試下，就叫咗個鮭魚親子和風忌廉鮮製意粉。三文魚切粒有煎香過，表面焦脆可口，忌廉汁香甜绵，令扁意粉增添绵滑口感。餐廳除咗意粉選擇多，pizza選擇都多，仲有大小size可選擇，點了小size的明太子海鮮披薩，可分成三至四小塊，兩個人share都好足夠。明太子海鮮披薩有好大粒蝦肉、青口及八爪魚粒，餅皮薄身但口感堅韌，所以唔會好膩。小食都試咗蒜味芝士雞翼及忌廉汁煮青口，蒜味芝士雞翼本身已醃過，帶蒜香味，烤焗過後上面灑滿厚厚的芝士粉，旁邊有蒜味醬可以點。忌廉汁煮青口，用小烤盤上枱，食得出忌廉汁放了牛油去煮，加上有檸檬嘅酸味，令到成個忌廉汁帶點清新感。最有驚喜係餐廳有好多特飲及特色甜品除咗一般大眾口味咖啡、奶茶、檸檬茶、汽水之外，仲有其他酒精或非酒精嘅特飲，呢個non-alcohol Sangria($68), 可以選擇一杯或一大瓶，一大瓶夠2人share，而且入邊有新鮮什果粒，配上荔枝口味做基底嘅飲料，清新得來好解渴。甜品我特別推介朱古力荷蘭鬆

意粉狂熱最近有個期間限定Japanese Tarako menu， 價錢親民款式又多！魷魚配鱈魚子忌廉鮮製意粉 $98餐廳製作鱈魚子及明太子時,都使用優質的原材料。精選鱈卵屋100%優質成熟鱈魚卵製成！意粉唔會好淋，麵質適中！魷魚都好新鮮， 加上忌廉醬汁好易入口 🤩  菠菜忌廉湯 $28係用咗新鮮嘅菠菜餚製，非常creamy!🤤芝士煙肉帶子意大利粉帶子頗大粒，食到有鮮甜味！ 蒜香味濃，加埋芝士同煙肉，但又唔會太鹹！👍🏻 特飲有日本產白桃果肉梳打 $48有大大粒白桃果肉,好juicy，唔甜！😍  Tapas platter 豪華三色拼盤 $98檸檬蜜糖香烤雞翼 4隻雞翼烤得好香口，配酸酸甜甜嘅檸檬蜜糖醬好開胃😋 意式炸魷魚圈配他他汁 魷魚圈大大件，炸得好香脆，唔會太韌！ 海蝦牛油果法包多士法包好香脆，上面佈滿食材， 大蝦爽口彈牙， 配牛油果估唔到係好夾！

香港紅磡體育館隔離嘅置富都會都有唔少食店可以選擇， 玻璃門一入就係七樓，最近新開咗《意粉狂熱》，可以搵到好多新款美食。海蝦牛油果法包多士~法包多士脆卜卜，蝦肉爽口，牛油果醬香滑美味。意式薄切三文魚忌廉芝士卷~用匙羹盛載著每一個三文魚卷，夾住芝士味道，這個前菜好特別。魷魚配鱈魚子忌廉鮮製意粉~期間限定，今期係鱈魚子，店員提醒盡快 撈勻鱈魚子及意粉，忌廉汁黏黏的，味道香濃。香草烤雞雜菌羅勒意粉~賣相好吸引，份量好豐富，雞肉雜菌及羅勒青醬是美味的配搭。香辣蕃茄濃汁煮青口~香辣蕃茄味道好醒胃，青口都好新鮮。日本產白桃果肉梳打~呢個都係期間限定，新鮮白桃果肉，梳打唔會太甜，GOOD 啊！

同朋友咁啱在紅磡買完野，晚餐搵地方醫肚，之前食過旺角分店嘅意粉狂熱質素好好，性價比好高，今次再試吓紅磡分店，果然冇令人失望，餐廳地方寬敞，座位空間闊落，一坐低店員便熱情為我們推介菜式餐廳原來新推出了日本FUKUYA鱈魚籽菜式魷魚配鱈魚子忌廉鮮制意粉：賣相好吸引，一於試吓，一上碟果然冇令人失望，意粉上面有好大片鱈魚子，鮮制意粉軟熟彈牙充滿蛋香，配上忌廉汁，加上鱈魚子的鹹香味，味道一流，伴碟的魷魚圈鮮甜彈牙日本白桃梳打：味道唔錯，裏面滿滿白桃果肉，香甜解渴牛油果沙律：超級足料，除了沙律菜水果之外，上面仲有足足半個牛油果，牛油果非常之靚，軟滑creamy顏色靚，配上水果沙律菜食夠晒開胃巴馬火腿三色沙律pizza ：pizza熱辣辣外脆內軟，上面鋪滿沙律，每件pizza都有大大塊巴馬火腿，巴馬火腿夠晒鹹香，配上pizza食好夾鮭魚牛油果忌廉焗飯：三文魚肥美鮮甜，牛油果軟滑creamy,配上熱辣辣嘅忌廉汁焗飯，味道好正。

星期日，午餐時間，12-1pm, 有十幾張枱坐滿了，意粉普通，二人枱太細，冇人收碟完全放不下食物，飲品非常耐，感覺沒有水吧人手，不夠服務員，坐滿食客，只得兩位服務員走來走去，沒人收碟，廚房很慢，連收錢也沒有人收，㕑房也有漏單，有客但冇人手，可惜…

鄰近紅磡火車站的置富都會有很多食肆，今晚隨便在那商場揀一間餐廳食晚飯，覺得意粉狂熱環境不錯，就決定揀呢間。從來都喜歡試新嘢嘅我，見有新款食物介紹，當然唔放過任何機會。🍬魷魚配鱈魚子忌廉鮮製意粉（$108）這個new dish外貌不錯，鮮製意粉有「咬」感，鱈魚子的咸味，配搭淡味的忌廉，正好攞個平衡！🍬日本產白桃果肉梳打（$48）今晚的食物多數比較濃味，這杯梳打味道就來得很fresh 的感覺，裡面的白桃果肉好味，如果有多啲就更好！😝😝🍬蒜味芝士雞翼（蒜味芥末醬）（4隻）（$38）建議沾上蒜味芥末醬，更能提升味道！🍬蒜蓉多士（4件）（$28）非常鬆脆的多士。🍬南瓜忌廉汁香草雞肉鮮製意粉（$78)相對鱈魚子忌廉鮮製意粉，這款意粉味道有點淡。🍬黃金四重芝士披蕯（配蜜糖）（$58）芝士同蜜糖真的好夾，披蕯就有那種煙煙韌韌的口感。今晚的晚餐真的好豐富呢!

同女友小熊去幫襯，點咗個晚餐 Set，有蒜蓉包，忌廉磨菇湯，洋蔥湯，香草雞肉沙律，炸魷魚圈配他他汁，炸雞，芝士肉醬千層麵，照燒雞蛋黃醬 pizza.優點:1, 單價便宜.2, 份量唔太多，可以點多幾款菜式.3, 環境優雅.4, 磨菇湯有磨菇蓉口感，而且夠熱夠濃郁.5, 係其他餐廳飲過一次洋蔥湯，超鹹! 有d陰影，今次嘅洋蔥湯無哩個問題，所以特別上心.6, 炸雞外脆內軟夠 juicy.缺點:1, 炸魷魚圈口感好奇怪，緊緊脆口，感覺好似驚炸耐D會過火就快快撈起出餐，相信炸多一兩分鐘更脆口.2, 芝士千層麵嘅肉醬重手咗D，減鹹後相信更夾自己口味. 3, 價錢平份量又少，我情願幫襯薩莉亞囉!起碼唔收加一!4, pizza 餅底入口唔夾自己口味，我中意薄同脆口，意粉狂熱 pizza 煙煙韌韌口感，唔夾.幫襯當日係情人節，我就食緊個煙煙韌韌嘅 pizza，隔離枱又有對男女係到煙煙韌韌! 打車輪成個字! 喂! 返屋企先咀啦唔該! 以為條囡囡好索咩，點知真係男才女貌!!!! 即刻感受到女友小熊原來多麼的可愛!

未寫過食評，但終於忍唔住要寫下，因為難食得有啲誇張。嗌左個二人餐，有兩個湯、一份沙律、一個意粉、一份檸檬煎白魚、兩杯野飲同埋兩舊細甜品。埋單$404，好似好多野食但基本上無一樣野係達到average既水平。洋葱湯蘑菇湯非常普通，薩利亞既湯仲好飲。沙律啲菜同三文魚食落唔新鮮但至少叫做擺得落口。南瓜忌廉汁雞肉意粉淡而無味，雞無雞味亦唔嫩滑。白魚太咸，調味亦普通。奶茶同水果茶只可以用解渴黎形容佢既味道。甜品tiramisu 蛋糕食左一啖已經唔想食。總括黎講，呢餐dinner係一場災難。題外話，見到呢間評分都ok但原來好評果啲已經係2020年既事。究竟呢一兩年呢間野發生咩事，水平跌得咁誇張？

上菜速度快，水果茶幾好飲，蘑菇湯正常，另外一個洋蔥湯真係唔識欣賞，入面有一個淋左嘅包好難食，牛油果雞pizza幾好食批邊外脆內軟，啱我口味。不過個蕃茄雞意粉就變咗湯面。。。圖片中係放左四個字後嘅樣