意粉狂熱 (屯門時代廣場北翼)

營業中

休息中

市廣場這家意粉Pizza主題餐廳我地一家三口非常鍾意，環境闊落店員服務周到 黃金四重芝士披薩（配蜜糖）這款披薩融合了四款不同的高級芝士，口感濃郁，每一口都帶有芝士的香滑。配搭的蜜糖，增添了意想不到的甜美層次，讓整體風味更加豐富。海鮮蒜香蕃茄意粉選用新鮮的海鮮食材，大蝦Q彈 尤魚鮮甜，蒜味與番茄醬汁，味道融合，口感鮮嫩，好香口😎😎法式芝士洋蔥湯 傳統法式洋蔥湯加入了香濃的芝士，湯頭濃郁、洋蔥的甜味與芝士的香味完美融合，絕對是暖胃的最佳選擇。香濃朱古力窩夫🧇 這款窩夫外脆內軟，配上濃郁的朱古力醬，甜蜜的口感令人回味無窮，是飯後的完美甜品。芝士牛油果漢堡包配薯角 牛油果漢堡包搭配新鮮的牛油果與厚厚的芝士，口感豐富又健康。配上酥脆的薯角，正！🥳飲品點了草莓茶梳打 清爽而帶有淡淡的草莓香氣，茶的清香與梳打水的氣泡感交織出活潑的口感，是解膩的好選擇。下次再來品嚐更多其他菜式😊

星期六去咗食下午茶叫咗個pizza餐餐飲叫咗熱檸檬水不過我估唔到…竟然得一塊檸檬🙃到底係因為下午茶，所以得一塊定其他時段都係？食物都ok的pizza食味但鹹咗少少🤏整體都ok嘅但如果再去，我唔會叫檸水架啦🙃

琴日有朋友約我去呢間餐廳食飯，當然赴約啦，一行四人，入去食返個晚餐先。環境：裝修都幾新，有圓枱，亦有卡座，我哋4個人，職員安排左卡座俾我，非常寬敞，燈光柔和，好適合傾偈。服務：店唔算大，有3個樓面，好勤快，上菜速度都幾好，職員好有禮貌。食物：我哋叫左個4人餐，好抵食🙊分別有：自選湯，有4份，我揀咗忌廉磨菇湯，但多好濃郁，好香，好多磨菇茸，好味👍👍烤雞凱撒沙律，菜好新鮮，烤雞香滑，但對我嚟講，多左少少醬，我怕肥，所以扣少少分，但都係好味👍脆炸薯角，都好味嘅秘制炸雞，外脆而不油，內軟滑多汁，好味道👍👍南瓜忌廉汁香草雞肉鮮制意粉，意粉軟硬適中，醬汁香，都好味👍黃金四重芝士披薩，烤餅底香，芝士味濃，但我食唔到四重味，可能我試味功力不足香烤北海道香草豬扒，呢個好好味，肉軟，肉汁多，肥瘦適中，質感似慢煮，超贊👍👍👍朱古力窩夫，呢個又係超贊，朱古力醬甜而不膩，窩夫有口感，唔講以為有麻糬，再搭細細份藏芝士蛋糕👍👍👍一個眼濶肚窄嘅朋友追加一個芝士牛油果漢堡包配薯角，多謝佢，試到好嘢，面包鬆軟，漢堡扒爆汁，又係一絕👍👍👍總結，埋單884, 人頭221, 好大份抵食，食唔晒，一定要再來。

放工約咗同事吹水食飯🤣呢到唔錯地方幾闊落又坐得舒服，唔怕比隔離枱聽到講緊嘅是非🤣 手機落單好方便，食物不錯，上菜好快，飲品同甜品可以叫起超貼心😊晚餐選了$338有9 items 嘅2人set ，我地3位女生都夠食喎🤩 先嚟2個湯有南瓜忌廉湯同法式芝士洋蔥湯好足料好香濃😊香草雞肉凱撒沙律，意式炸魷魚圈即炸熱辣辣外層好香脆😊 軟殼蟹配海膽忌廉汁鮮製意粉（+$48） 意粉有嚼勁，軟殼蟹即炸十分香脆👍 芝士牛油果烤雞披薩，烤牛油果熱食都幾特別，有蕃茄醬芝士味都幾好味😊 日本抺茶窩夫（+$38）賣相都好吸引🤩 抺茶帶點苦有紅豆蓉，雪糕同cream 中和返都不錯😋餐跟兩杯飲品。

這間餐廳主餐牌提供多款意粉、pizza及焗飯，亦都有套餐選擇。今次揀選了抵食2人意粉套餐，有餐湯、沙律（半份）、意粉、是日甜品及餐飲。特別喜歡軟殼蟹配海膽忌廉汁鮮製意粉。鮮製意粉有彈性，軟殼蟹口感輕盈，粉漿的厚薄適中，外層酥脆。日本抹茶窩夫外層香脆，內部鬆軟，抹茶的苦甜恰到好處。

好味手工意粉😋😋早左收工，屯門地膽話帶我去屯市一間手工意粉度食，環境不錯，座位舒服😌😌 趕得上下午茶時間，我地試左牛油果沙律牛油果味配上新鮮蔬菜帶有清新口味磨菇忌廉湯香濃忌廉湯帶有粒粒磨菇，口感十足，飽肚雞肉手工蕃茄意粉手工意粉爽口有彈性，雞肉份量比較小，味道方面，蕃茄汁可更濃郁蜆肉蕃茄意大利麵蜆肉配上白汁帶出海鮮味，意大利麵比較幼身，欠缺咬口忌廉藍青口配蒜蓉包忌廉湯底味道一絕，想一試再試！

軟殼蟹配明太子忌廉鮮製意粉 HKD128明太子份量相當充足，撈起整碟意粉後，明太子的鹹香味立刻充斥著每一根意粉。軟殼蟹炸得金黃香脆，外皮酥脆，而內裡的鮮嫩多汁。芝士牛油果漢堡包配薯角 HKD88牛油果十分新鮮，份量充足。漢堡的肉質鬆軟，咬下去時的依然有肉多。不過，漢堡包的包質較為乾，若能改善會更完美。至於薯角，外皮酥脆，內裡軟綿，散發出濃郁的薯香。 升級套餐 HKD38可以選擇湯及飲品。湯的選擇包括洋蔥湯、蘑菇湯和南瓜湯，而我選擇了香濃的南瓜忌廉湯。這款湯十分濃郁，香滑的口感中帶有淡淡的南瓜甜味。柚子蜜梳打正常發揮嘅飲品，清新的口感完美解膩，適合搭配重口味的主菜。香濃朱古力窩夫 HKD78一上桌便撲鼻而來的濃郁朱古力香味十分吸引。窩夫外酥內軟，搭配淋上朱古力醬的香滑口感，再加上一球香滑的雲呢拿雪糕，簡直是完美的結尾。小總結❤️❤️❤️❤️❤️📌牛油果芝士漢堡份量💯📌南瓜湯香濃滑順📌薯角外脆內軟📌朱古力窩夫外脆內軟朱古力味香濃

有朋友說屯門沒什麼好吃的餐廳，就特意找一些人家去過而評論不錯的地方，想親身體驗一下上周末下午三點左右去到（避開了繁忙時間，不想要排隊等候）南瓜忌廉湯味道很不錯而且最主要的是溫度夠熱（最怕就是不夠溫度的湯）芝士漢堡很對胃口用料新鮮而且很juicy (拿起來汁就開始往下滴） 但可適飽皮偏軟（個人喜歡比較有咬勁的）最上層放了牛油果🥑，口感更豐富 薯角都處理得很好吃期待下次再去會試試意大利粉（聽說是手工做的）

未試過食飯食到咁嬲。叫左份228既西冷牛扒，份牛既質素差到完全接受唔到，唔明白點解會夠膽收依個價錢。雖然價錢同食物質素唔一定對等，但作為餐牌上最貴既餐，理論上都唔會太差太難食，但事實上係大快活76蚊一份可能比佢更好食。客觀討論，環境正常，服務正常，係食物質素差，全餐飯不停同薩莉亞做對比，除咗環境之外，全部都係薩莉亞贏。最後埋單加埋一要293食一個餐，比依個價錢我食牛角應該會開心，而唔係會嬲到食完飯要開Openrice寫食評🙂

今天去咗屯門時代廣場北翼嘅「意粉狂熱」食飯，真係超正！🍝**牛油果沙律 $48**首先嚟個牛油果沙律，呢個沙律真係好清新！牛油果夠滑，配埋啲新鮮嘅生菜同番茄，仲有少少檸檬汁，整體味道好清爽，食完之後感覺好健康。🥗**（細）明太子海鮮披薩 $68**接住嚟就係明太子海鮮披薩，呢個披薩真係好有驚喜！披薩底脆卜卜，明太子醬味道濃郁，海鮮料多又新鮮，蝦同魷魚都好彈牙，真係食完一塊又一塊。🍕**軟殼蟹配海膽忌廉汁鲜製意粉，升級套餐 $176**主菜我揀咗軟殼蟹配海膽忌廉汁鲜製意粉，升級套餐仲有柚子蜜梳打同法式芝士洋蔥湯。意粉煮得啱啱好，唔會太硬亦唔會太腍，海膽忌廉汁香濃滑溜，軟殼蟹外脆內嫩，配埋一齊真係絕配！柚子蜜梳打清新解膩，法式芝士洋蔥湯濃郁又暖胃，真係好滿足。🦀🍝**香濃朱古力窩夫 $78**最後嚟個甜品，香濃朱古力窩夫。窩夫外脆內軟，朱古力醬香濃得嚟唔會太甜，配埋少少鮮忌廉同雪糕，真係完美嘅結尾！🍫🧇總括嚟講，「意粉狂熱」真係一間好值得推薦嘅餐廳，無論係前菜、主菜定甜品都好有水準，價錢亦都合理。下次一定會再嚟！#意粉狂熱 #屯門美食 #牛油果沙律 #明太子披薩 #軟殼蟹意粉 #海膽忌廉汁

上星期日和家人逛屯門市中心，晚上想食西餐，就去意粉狂熱開餐，店內的卡座特別寬闊，坐得好舒服，可自行QR code下單幾方便。主廚沙律，都幾夠份量，有三文魚、雞肉，還有各款沙律菜，沙律菜很新鮮，咀嚼時有淡淡的清甜，不會有苦味。芝士牛油果漢堡包配薯角，漢堡牛肉好厚，入口軟滑，肉味香濃，配上牛油果感覺健康一些，而且可以減少油膩感。漢堡配忌廉汁鮮製意粉，漢堡扒幾好味，不會乾。鮮製意粉特別煙韌，口感相當creamy，濃淡適中。香草燒羊架，用鐵板上十分香，聞到都想食，外皮煎得微焦，內裏好juicy ，有羊的香味，但沒有羶味，薯角在鐵板上熱著，又脆又熱，正！香濃朱古力窩夫，賣相好吸引，朱古力味濃郁，加點雪糕一齊食，熱中帶凍，超好味，又不太甜。

放工同友人想搵個地方坐得舒服同平平地食下dinner, 見好耐冇食意粉狂熱, 價錢又幾親民, 就入去食經店長介紹,  又看見這頁餐牌頂吸引, 我地二人叫左一款包和意粉再加 $38 升級有湯和飲品, 之後再另加左一沙律, pizza 和香濃朱古力窩夫芝士牛油果漢堡包配薯角-香脆的包中有厚厚的漢堡, 份量十足, 充滿肉汁又juicy, 配上芝士和新鮮牛油果, 更能豐富整個味道, 伴碟既薯條是即炸的, 入口熱辣辣 法式芝士洋蔥湯-洋蔥的清甜, 整碗顆粒洋蔥, 邊飲邊咀嚼, 口感幾好 忌廉蘑菇湯-每啖都有蘑菇的忌廉蘑菇湯, 忌廉creamy配上啖啖蘑菇, 有口感得黎又好味!香草烤雞凱撒沙律-大大塊雞肉一啲都唔乾, 味道唔錯仲有雞味！沙律菜新鮮爽脆照燒雞蛋黃醬披薩-新鮮出爐!! 薄底pizza配上照燒雞, 烤到金黃色, 口感十足 香草烤雞雜菌蕃茄意粉- 烤雞好滑, 雜菌加埋蕃茄一齊煮, 甜甜酸酸, 非常開胃餐後, 朱古力窩夫配雪糕 -朱古力醬配上雲妮拿雪糕, 夠哂香濃, 窩夫外脆內軟, 放上雪糕食, 冰火二重奏

這間主打鮮製意粉嘅餐廳位於屯門時代廣場, 歐陸式嘅裝修, 清雅舒適, 予人悠閒感覺。食物選擇都幾多, 意粉, 薄餅, 套餐倶備。牛油果沙律牛油果好新鮮, 肉質細膩柔軟, 給人一種絲滑綿密的口感, 配以新鮮蔬菜, 清新可口。忌廉磨菇湯, 磨菇幼絲香味濃郁, 幼滑有質感。香濃南瓜忌廉湯, 香滑鮮甜, 口感綿滑。鮭魚菠菜忌廉意粉鮭魚鮮滑配以清甜菠菜, 意粉煙韌彈牙, 掛滿幼滑忌廉, 不會有肥膩感。芝士牛油果漢堡包薯角薯角外脆內軟, 漢堡牛肉軟嫩濃香, 肉汁豐富, 配以香滑牛油和乳香芝士, 口感好有層次。香濃朱古力窩夫即叫即做, 窩夫熱辣辣, 充滿朱古力濃香, 配以清甜幼滑嘅雪糕, 美味可口。

難得入嚟屯門市中心逛街，見到有家餐廳不錯的西餐廳，環境和食物感覺不錯，我和朋友決定就在此用餐。晚膳的餐牌有套餐選擇，包沙律、主菜、甜品和飲品，也可以以優惠價升級，價錢親民。餐湯有香濃南瓜忌廉湯和法式芝士洋蔥湯，兩者湯頭濃郁，味道不錯！凱撒沙律（半份），沙律菜新鮮爽口，配上沙律醬十分開胃。蒜香白酒汁海蜆意粉，蜆肉份量多，味道不錯！軟殼蟹配海膽忌廉汁鮮製意粉，濃郁的海膽味，和軟殼蟹好夾，值得一提是擺盤好靚，打卡一流！朱古力窩夫，鬆軟的窩夫配上朱古力醬永遠是最好我方程式，而且仲有tiramisu，正呀！

好耐冇去屯門覓食啦😝原來屯門市廣場開咗咁多新嘅餐廳～今日好想食意粉記得朋友推介呢一間意粉狂熱嘅意粉相當性價比高所以今日就去試試佢😋😋.首先我哋點咗一個軟殼蟹配明太子忌廉鮮製意粉 軟殼蟹熱辣辣小心燙啊 口感鬆脆 明太子忌廉醬汁好Creamy😋😋😋.另外見到佢哋有新嘅漢堡包Menu見到佢嘅芝士牛油果漢堡包配薯角好吸引厚製牛肉漢堡 咬每一啖都係牛肉嘅醬汁再加埋芝士牛油果，口感相當豐營！.最後叫埋甜品香濃朱古力窩夫朱古力味真係相當之濃厚！配埋忌廉雲呢拿雪糕甜度啱啱好😝.