意粉屋 (雅蘭中心)

入到 旺角Spaghetti House，熟悉嘅香氣混住輕音樂湧上嚟，氣氛輕鬆得嚟又有少少懷舊。「蘑菇忌廉湯」開場滑身濃郁，蘑菇味自然香，忌廉比例啱啱好，唔膩又有層次。 「芝士卡邦拿意粉」出場時香氣已經先攻鼻。麵條掛滿濃厚芝士汁，入口即化又唔過鹹，煙肉條帶微脆鹹香，食落實在。再來「封門牛柳配神戶燒肉汁意粉」，牛柳外層微焦，鎖實肉汁，牛味濃厚，燒肉汁又添少少甜韻，夠立體。 「夏威夷式薄餅」熱辣上枱，芝士拉絲、菠蘿甜中帶酸，火腿鹹香平衡到位。配杯「凍檸茶(少冰)」，酸甜醒胃，即刻清新晒。最後嚟杯「熱即磨咖啡」，苦香厚實，收尾穩陣。 整體一餐由香濃到清爽，節奏掌握得好。每樣嘢都唔浮誇，但食得出經典西餐廳嘅底氣——穩、香、同一份熟悉嘅溫度感。…查看更多

係旺角行完街想搵間坐得舒服既餐廳食晚餐,去到雅蘭中心揀左食意粉屋,不過唔食意粉等左15分鐘就入得,職員服務態度都好好,叫左個2人餐舒舒服服食住傾計,餐廳環境唔錯,燈光少暗適合傾心事酥皮龍蝦湯,好正,酥皮脆龍蝦湯味道夠濃厚,推介石板燒美國牛肩肉配脆薯條藜麥牛油果沙律,牛肩肉岩岩好,唔硬,有肉汁,薯條沙律都唔錯傾心事又點少得嗌一jar野飲食住傾呢珍寶雜錦薄餅,足料好食薯蓉既味道都唔錯最後以甜品結尾,食得非常滿足…查看更多

同屋企人經過雅蘭中心 好耐冇食過意粉屋所以今日過嚟試吓佢個lunch set！Lunch set包一杯嘢飲一個main同埋一碗湯或者沙律 我哋約咗三個set 雜菌乾茄天使麵係素食之選 辣得來好惹味 雜菌嘅份量都幾多芝士焗煙火腿煙豆粉 芝士味10分濃 煙斗粉嘅質感啱啱好唔會太腍太硬石板燒美國牛肩肉配薯條 牛肩肉10分腍 牛味好出 仲要大大排！跟住鐵板上熱辣辣食好正 仲碗一嚿大嘅蒜頭 肉同蒜頭食一齊好match！間餐飲凍檸樂都唔使加錢🤣正…查看更多

八月生日之星🌟提議去食「意粉屋」⋯吓？應該有10+年無食過⋯🤣🤣The Spaghetti House係一間有歷史嘅餐廳，自1979年開業，以意大利菜為主打。細個時覺得意粉好好味😋哈哈哈，但我們今晚竟然沒有點意粉，但就叫了很多很多的食物，全都意想不到的好吃！而且職員服務真的好好！唔係因為壽星女話「生日月預早2日」訂4位或以上，可以免費食到可愛嘅「魔法狗狗雲」甜品，都唔知仲有它的存在🤣「魔法狗狗雲」甜品有棉花糖、士多啤梨、提拉米蘇、窩夫同Haagen-Dazs雪糕，造型好搞笑，豐富又特別。🎉🐶仲有多款優惠，例如星期一主菜88折、星期二Pizza半價、星期三意粉半價、星期四芝鍋88折，超吸引！餐廳環境舒適，餐點分量大大份，味道又確係唔錯幾用心，用料都有水準，一杯熱咖啡就知食材有無用心，不是用即溶咖啡粉沖的，餐廳竟然用即磨咖啡豆，咖啡面有層咖啡油，口感香滑👍🏻總括來講，性價比高，食得開心又抵🍝🍕🎉我地4個女人仔叫左好多野食，人均都唔使$200。埋單之後，職員比左3 個coins 比我地扭蛋，壽星好開心，扭到3張美食coupon, 下次佢同老公和女女再encore 👏🏻👏🏻…查看更多

女仔慶生 儀式感要有✊🏻估唔到意粉屋出左咁可愛嘅打卡甜品✨生日月兩日前訂座(四人或以上) 即送魔法狗狗雲一客🎂.📌魔法狗狗雲 $148上枱嚇親 勁吸睛 大大舊狗狗雲棉花糖☁️下層甜品超級豐富 色彩繽紛🌈自家製窩夫外層微脆 入口鬆軟🧇自家製巴斯克芝士蛋糕綿密軟滑🧀配以一球香滑Haagen-Dazs雪糕🍦仲有兩粒雪糕糯米糍同滿滿Oreo碎🍡🍪加埋新鮮水果 清新解膩🍓🍍🍈.📌醬燒原條丹麥豬仔骨·脆薯條·烤菠蘿 $309原條豬仔骨 超級大份‼️表層燒至焦香 肉質軟嫩唔乾柴🍖配上外脆內軟炸薯條 夠晒飽肚🍟旁邊仲有菠蘿莎莎 酸甜開胃 解膩一流🍍.📌焗肉醬千層麵［牛肉肉醬］ $159嚟到必食店家皇牌經典45年手工Lasagna🔆牛肉茄醬以慢火熬足兩個鐘🔥牛肉鮮味濃郁🐮淡淡酸甜蕃茄香🍅同Q軟闊麵層層相間🍝鋪上即叫即焗芝士 更加滋味🧀.📌珍寶雜錦薄餅 $159最強No.1王牌薄餅👆🏻薄餅批邊香脆煙韌 批底鬆軟🍕配以拉絲芝士🧀同八款經典餡料：意式辣肉, 加拿大煙肉, 辣肉腸, 莎樂美腸🥓蘑菇🍄‍🟫洋蔥🧅青椒🫑菠蘿🍍鹹鮮惹味 酸甜開胃 超豐富大滿足😌.〰️忌廉芝士奶蓋特飲〰️忌廉芝士奶蓋濃厚香滑超Creamy🤍芝士鹹香同牛奶甜味完美平衡🧀🥛1️⃣白桃烏龍忌廉芝士奶蓋 $48烏龍茶底清爽帶白桃果香🍵🍑2️⃣咖啡忌廉芝士奶蓋 $48芝士奶蓋配甘醇咖啡 又幾夾☕️.如欲查看相關食物相片 可查閱本人已上傳之影片🎦…查看更多

酥皮湯濃郁，酥皮夠薄同脆，而且唔油膩海鮮焗飯Juicy 下午茶時間$100左右重點係服務員非常周到好細心咁提客人小心紙飲管會爆汽水泡感覺到係對客人嘅要求有上心唔似依家好多連鎖店侍應都係做咗就算，0服務就算掃code落單，+1係抵比嘅…查看更多

巨巨酥皮海鮮瀑布手工麵重點推介！以法國 Emmental Cheese配搭各種海鮮，做嘅手工麵creamy 細膩嘅口感，帶有微微堅果香味外層係鬆脆嘅酥皮，內裡係彈牙嘅手工麵🍝高高韓式炸雞山芝士薄餅堆成小山嘅韓式炸雞🍗淋上濃濃嘅Cheddar CheesePizza🍕以意大利 Mozzarella Cheese 製作，麵團又香又軟，奶香十足，搭配炸雞一流👍🏻最特別係呢款自家製甜品🍮滿滿焦糖芝士荷蘭蛋餅配Haagen Dazs雪糕挪威Caramel Cheese獨特嘅天然焦糖味同芝士鹹甜 balance 得啱啱好加上冰凍雪糕🍨質地柔滑綿密…查看更多

想食西餐，唔知食乜，就行咗去雅蘭睇吓有咩食，咁啱係星期五晚市周圍都好多人，咁啱佢仲有位，所以選擇入去食，點知一開Menu全部都係我最愛嘅芝士，店員推介我食一個飛碟，佢哋叫做太空船，酥皮面，內有個海鮮意大利麵，「巨巨海鮮酥皮手工麵」果然店員冇推介錯誤，真係好好食，可能因為都好多客食，再叫咗沙律一個，同雞翼，兩個人食夠晒飽，4xx埋單～原來消費滿$200可以有一次扭蛋，一共有兩次機會，結果送咗一個薯蓉螺肉+蒜蓉包，又吸引我下次嚟啦，下次會想試個芝士火鍋，果然意粉屋唔會令人失望 …查看更多

隆重推出💥🧀「芝士粉」再就位Menu💫巨巨酥皮海鮮瀑布手工麵重點推介！以法國 Emmental Cheese配搭各種海鮮，做嘅手工麵creamy 細膩嘅口感，帶有微微堅果香味外層係鬆脆嘅酥皮，內裡係彈牙嘅手工麵🍝💫高高韓式炸雞山芝士薄餅堆成小山嘅韓式炸雞🍗淋上濃濃嘅Cheddar Cheese Pizza🍕以意大利 Mozzarella Cheese 製作，麵團又香又軟，奶香十足，搭配炸雞一流👍🏻最特別係呢款自家製甜品🍮💫滿滿焦糖芝士荷蘭蛋餅配Haagen Dazs雪糕挪威Caramel Cheese獨特嘅天然焦糖味，同芝士鹹甜 balance 得啱啱好，加上冰凍雪糕🍨質地柔滑綿密只要order呢個餐牌任何主食就可以優惠價+$48 食到！🈹…查看更多

😍Come on🧀「芝士粉」就位喇🌟𝐓𝐡𝐞 𝐒𝐩𝐚𝐠𝐡𝐞𝐭𝐭𝐢 𝐇𝐨𝐮𝐬𝐞 @thespaghettihousehk 最近推出左一個新🧀芝士系列Menu，入面全部都好『芝』你心架😍⋯⋯🦐巨巨酥皮海鮮瀑布手工麵選用法國🇫🇷Emmental Cheese🧀呢個手工製作麵齋睇外形已經好夠氣勢，外層酥皮香脆可口，芝士口感細膩，帶有堅果香味，同海鮮配料(魷魚、蝦、帆立貝)完美配合，滋味juicy，誠意之作。🔝高高韓式炸雞山芝土薄餅🍕選用美國 🇺🇸Cheddar Cheese🧀 ➕ 意大利🇮🇹Mozzarella Cheese🧀 double芝士雙重襲擊。炸雞嫩滑多汁、芝士香軟醇厚，味道濃郁，泡菜帶點微辣、微微鹹香，同蕃茄、杏仁片、柚子蜜非常配搭，層次口感豐富，非常有特色👍🏻🈵滿滿焦糖芝士荷蘭蛋餅配Haagen Dazs雪糕🍧(自家製)選用挪威🇳🇴Caramel Cheese🧀蛋餅上鋪滿大量芝士，帶有獨特天然焦糖味道，甜鹹平衡恰到好處，質地柔滑綿密 ，配埋雲呢拿雪糕藍莓🫐一齊食真係滋味爆燈😋 爵爵超愛食唔停口呀^^*惠顧芝士系列餐牌主食就可以+$48換購到喇*🧀芝士奶蓋系列🥛🍓士多啤梨忌廉芝士奶蓋、🫐藍莓忌廉芝士奶蓋，兩款奶蓋超厚，帶有濃濃芝士鹹香，加埋水果果香味真係超正👍🏻，第二杯仲有半價添呀😃啲cheese🧀真係唔能夠錯過❤️…查看更多

講到回憶殺餐廳，意粉屋一定係香港人嘅集體回憶！由細食到大，陪伴咗唔少人嘅成長歲月！而家d餐廳成日結業一間又一間，唔想後悔錯過，真係要去食下！尤其是呢排除左搵左YT做廣告，咁新潮之外。個新menu真心吸引，號召芝士控❣️🧀啱啱去左旺角雅蘭既分店，呢間店員好好！服務貼心到斟水都會問你要室溫水定暖水，細節位滿分！最近佢哋仲請咗YT周殷廷做廣告，除左大大個紙板人喺門口，餐廳周圍都見到佢個樣，連杯墊都有YT嘅蹤影！夠晒吸睛！YT fans要留意🥰最新menu佢哋召集芝士控，用5款唔同芝士整出多款菜式，芝士控如我梗係要衝去試，食完幸福到喊出嚟！😋🧀🍴 熱熔芝士德式香腸拼盤 開胃前菜先熱身！用🇨🇭瑞士同🇫🇷法國邊境產嘅Raclette Cheese熔成熱辣辣芝士醬，淋喺兩款德式香腸上，一款煙燻濃香，一款肉汁爆棚，咬落芝士同肉香四溢，夠晒邪惡！仲配咗黑醋沙律菜同薯仔，黑醋酸香開胃，薯仔軟糯解膩，味道同口感都好平衡，暖胃又滿足！🍝 大哥意粉 呢個「大哥」係芝士界大佬！用🇮🇹意大利Parmesan Cheese整出濃濃忌廉肉醬意粉，仲有荷蘭鬆蛋餅墊底，好特別❣️軟熟帶蛋香。意粉有好多肉碎，附咗個芝士醬，等你隨心加落意粉度，芝士多到氾濫，入口滑溜濃香，底層蛋餅吸晒汁，食到最後都係幸福感爆棚，超正！🥚🧀🍗 韓式炸雞粒芝士通心粉窩夫筒 呢個窩夫筒好有創意！外層香脆窩夫，入面塞滿通心粉同韓式炸雞粒，炸雞唔辣，帶甜甜蜂蜜黃油味，juicy又嫩口。用上🇬🇧英國西南部嘅Cheddar Cheese，咬落芝士咸香，混搭雞粒嘅甜香，口感豐富，賣相又靚，影低先食！📸💛🍕 封門牛柳薄餅 封門牛柳用🇮🇹意大利Mozzarella Cheese，牛柳7成左右煮得啱啱好，嫩滑多汁唔過熟，配上Parsley提香，芝士拉絲到誇張，每啖都係肉汁同芝士嘅完美碰撞！薄餅底脆而不硬，食到停唔下來，芝士控必試！🐮🍃🍓 士多啤梨忌廉芝士奶蓋 飲品做結尾一樣有芝士！士多啤梨忌廉芝士奶蓋超得，咸香濃厚，忌廉同芝士混出濃郁奶香，士多啤梨嘅酸甜味點綴，飲落好似甜品咁過癮！仲有藍莓忌廉芝士奶蓋選擇，夠晒「芝」味，完美收尾！🥤💖成餐dinner，食物創意同芝士質素好有驚喜😋用咗5款唔同芝士（Raclette、Parmesan、Cheddar、Mozzarella同奶蓋芝士），由前菜到飲品都係芝士控嘅天堂！真係好。好。食❣️服務貼心又充滿懷舊情懷，加上周殷廷靚仔廣告加持，最正係搵屋企人同朋友一齊分享呢份「芝」味幸福👍😋食滿$200仲有得扭蛋😆…查看更多

因為家人攞到coupon，所以久違地去咗雅蘭中心嘅Spaghetti’s House食晚飯（自從中學畢業後都好耐無去食過啦，估唔到九龍區宜家得翻旺角一間分店😢入到去環境幾舒服，座位不窄而且乾淨成餐飯最令我深刻嘅就喺啲工作人員嘅服務態度，喺不論咩崗位嘅都好好禮貌（我見佢哋著唔同類型嘅制服，應該喺唔同係職位啦我估？？？）好好禮貌之餘仲會識得推介餐廳嘅優惠活動，件巴斯克芝士蛋糕真心幾好食😋，最後仲叫多咗幾件打包翻屋企食🤓食夠$200仲可以抽coupon留翻下次用🤣睇嚟又要搵日再去食嚕～講翻啲嘢食先，個人覺得雖然pizza真喺唔太好食（個餅底喺ok嘅但餡料過鹹），但值得一提嘅喺個牛油果海蝦沙律(個人覺得好食過chees_cake factory)同埋個封門牛柳真心好好食🥰🥰🥰（牛柳真喺極力推薦，軟硬度適中，牛味濃郁😋😋😋😋😋😋…查看更多

今日我去咗旺角雅蘭中心的 The Spaghetti House，食咗個芝士火鍋，真係好開心！我喺12:30進餐，坐喺23號檯，一進門，櫃檯接待的經理就像一位熱情的導演，帶領我進入這場美食的盛宴。所有員工都笑得好親切，感覺就像回到家一樣。我點咗個黑松露芝士火鍋，黑松露味道剛剛好，唔會過於搶戲，芝士味就濃郁到不得了，真係讓人忍唔住想多食幾口！配合的海鮮套餐裡，炸軟殼蟹香脆可口，咬下去的瞬間就像聽到海浪的聲音，讓我心情大好！因為今日是我生日，早兩天就預訂咗一個芝士蛋糕，送上來的時候，真係好靚又好食，感覺就像在慶祝一場小型派對！整體來講，今次用餐經歷真係好滿意，值得再來！…查看更多

意粉屋 午餐 (雅蘭中心店)燒美國春雞。半隻配薯菜 $158春雞不算太大隻 ， 兩個女士一同分享， 剛剛好。雞也多汁嫩滑， 味道不會太鹹。薯菜有 椰菜花，甘筍，粟米覺得佢個燒粟米幾香口有啲鹽焗嘅感覺千島樂園薄餅 $118粟米，菠蘿， 火腿，碎蛋， 千島醬薄餅薄薄地， 餡料好多亦都好香餐跟意大利菜湯好鍾意飲佢嘅意大利菜湯， 亦都保持水準熱咖啡📍旺角彌敦道625號, Grand Tower, 2樓…查看更多

同朋友去旺角行街買嘢，坐低飲杯下午茶咖啡，雅蘭商場意粉屋，座位寬敞舒適環境清潔.至尊雜錦薄餅六吋拼檸檬雞翼 $92薄餅脆底有好多材料，有辣肉腸、洋蔥、蕃茄、芝士、青椒，檸檬雞翼烤得非常香有檸檬味.海鮮龍蝦湯天使麵 $92有青口、鮮蝦、魷魚,香濃龍蝦湯做底.…查看更多