意歐

營業中

休息中

第一次食意歐，同狐狸仔系街頭行到街尾，之前食意房菜，意日菜之類，想再轉下款。。行到街尾見到意歐，就入左去啦。點知~ 原來三間系連鎖⋯⋯😂同一間黎 (無記錯名既話)入到去太累，唔想再食膩野，所以唔打算叫牛羊，不過貌似呢間主打焗薯，🤔但狐狸仔（男)就怕焗薯唔夠飽啦。最後，距叫左個羊架意粉，距話食落淡左啲，個羊Ok，我都食左舊，幾好，彈牙厚肉份量足，兩條骨。意粉配汁就無乜味啦。到我個蒜辣軟殻蟹墨魚麵，本來覺得墨魚麵麻麻地，但今日太累，想試試新野加醒神野，黎到，岀乎意料之好食！個蒜辣，系辣辣地，但好醒胃醒神幾好，狐狸仔試左就話幾濃味😒，我就話岩岩好配埋墨魚麵啦，墨魚麵本身無味架嘛，配蒜辣勁正，個麵又彈牙，粗粗地身。軟殻蟹細隻就緊架啦，不過系幾好食，啖啖肉，淨蟹身肉就大概果隻叉咁大，不過其實好夠食！咬四口慢慢歎。最後飲埋奶茶。總結：我喜歡軟殻蟹墨魚麵，唔太大食既可以一試！

經常有朋友提起呢間餐廳，見住附近都未試過就的起心肝去試！入到去環境麻麻坐得唔太舒服不過伙記服務唔錯！叫左個Parma ham pizza ($99 包熱飲)有加一價錢黎講算係唔平唔貴，但pizza 食落一般，個批底似係現成個啲，冇乜味同埋好硬跟意粉跟餐湯同款蓉包都只係$79(有加一)晚餐的價錢來講算係好抵！個帶子忌廉汁菠菜意粉反而幾好食，個汁煮得好入味而且唔好太’濟’! 意粉軟硬適中唔會冇口感，呢個價錢有咁既水準算係唔錯

今日放工晏左，三點幾先搵野食，意外地搵到呢間旺角區抵食的下午茶❗️❗️下午茶餐大約30-50左右，但份量好大份，有湯有野飲，就算當正餐食相信都好足夠湯有白湯（忌廉湯）同紅湯（羅宋湯）選擇，今次叫紅湯，不過不失到主菜出場❗️❗️吉列豬扒比想像中出色，肉厚汁多，好juicy，加上皮唔厚，相當出色相反佢本身最出名的焗薯，反而就普普通通，味比較淡，唔夠滑煙三文魚卡邦尼反而又幾出色，好creamy，估佢唔到不過留意佢出餐比較慢，如果咁岩比較趕時間就要留意一下喇

經apps用 paypal 購買午餐, 但等了60分鐘都未有收到, 多次致電仍只回覆跟進中, 到95分鐘後才得悉餐早已準備好, 只是一直沒人收送, 故自行到餐廳取餐, 到餐廳後有個疑似經理的物體態度非常惡劣, 多次用凶惡的態度推翻卸責任, 但試問作為餐廳放任其產品硬生生涼掉, 凍飲的冰完全溶掉, 而他們有我的聯絡甚至地址, 這會是單單apps 的責任嗎? 還用這惡劣態度回應客戶, 這是地舖餐廳應有的服務嗎? 若是, 真祝生意興隆, 但小妹永不惠顧!!!!!!!!

門口見到餐牌好多野食揀，又意粉又飯又焗薯，所以就求其入去開餐醫肚！👻🍽點知入面個餐牌同出面完果個係兩個世界，又油又污糟。洗左手先入嚟嘅朋友仔下次可以慳返，因為你點完餐之後隻手會即刻污糟曬！🤢點左呢到似乎係最飽嘅「黑椒牛柳粒焗薯🐮🥔」，有少少失望，因為黑椒汁太咸，完全影響曬焗薯嘅味道。太咸都唔緊要，衰得佢吖，個焗薯仲細過我個拳頭，食左落肚都無飽嘅感覺。見到隔離台碟雞扒意粉，又大份又平過我，真係心有不甘，所以下次都係食返碟頭野算數！😣😣不過以焗薯嚟講都還可以，下次叫過第二款菜試試看啦😜！

食物大大份，味道也不錯，不過食食下發生的意外實在令人失望。我和朋友的食物擺上台，開食！食到一半，右手邊隔離檯的女士突然彈起身話有蟑螂...我同fd一臉懵....望著隻小強爬進sofa底...我地已經食到一半...OK、fine...理解、體諒、餐廳有小強不奇怪，不過希望能夠做好滅蟲....😑職員貼心幫那位女士轉檯，留下我和朋友硬著頭皮繼續食...都驚隻小強又走出黎。再過多一陣，我地左手邊的一位女生，發現自己份食物裡面有蟲，請職員更換...OMG...希望貴店正視食物及環境衛生問題，職員好快做出反應及幫顧客轉檯換食物最後捉到小強

話說下午茶時段無乜人就去食，由於趕行街點完餐就無計價錢落單，見有客出去埋單食完就以為係出去埋單嘅，諗住兩個人食加埋一二百有找，點知侍應一句唔該多謝都無就收咗我兩張叠埋咗嘅一百蚊入收銀機，根住攞單找5蚊比我，我即刻話小姐我比咗2張100你喎，跟住佢話無，後面啲老細級話要夜晚埋數先知，叫我留電話，我都知無硬架啦，一係鋪袋一係伙記袋，所以我會記住呢個教訓以後出單先比錢，唔會就鋪家方便出去埋單同先比錢後攞單，便利店都識收完錢confirm 個客收咗幾錢，完全無試過咁樣比人現場呃錢，你加價喺menu我覺得ok，但咁樣呃個客有無下流咗啲，咁唔誠實嘅鋪頭幾好食都假，100蚊當買個訓，終生唔會再幫襯佢，下次遇到咁嘅情況一定要報警同睇CCTV，唔會放過啲不良鋪家。

同朋友是是旦旦搵間餐廳食野，見佢選擇都好多，仲要有好多唔同款式焗薯好似好好味 一入到去就好紅卜卜，因為所有沙發椅都係鮮紅色，可以因為燈光暗暗咁，令人有種感覺唔係好乾淨，加上張餐牌油油地咁 套餐包餐湯、蒜蓉包同熱飲，點咗2個餐一個係雜菌意大利飯、豬肋骨焗薯羅宋湯味道正常，蒜蓉包好硬好明顯就係焗咗好耐放定哂係度既、意大利飯既分量唔多，女仔食都覺得唔多味道偏淡菇味唔濃，失望，而豬肋骨焗薯就好味道好多，分量都唔係話好多，一個薯仔加半分豬肋骨成餐食咗$200呢個價錢唔算平

食過好多次意歐，每次都係食晚餐，今日黎食下午茶(2:30開始)原來下午茶都有好多選擇，不過下午茶抵好多，最平$30幾蚊就有一個餐，包熱飲，餐湯同蒜蓉包，好抵食。我地總共叫左2個餐蛋沙律牛肉焗薯同雜扒意粉。佢個份量同晚餐一樣夠多，而且好足料。我就食焗薯。薯仔係成舊連皮，入面切左一粒粒。蛋沙律creamy得黎唔劑，夾埋牛肉同薯仔食，真係超級正！d菜就好脆。飲品方面我叫左朱古力泡沫咖啡特飲，半價，係我鐘意既苦苦地味道我已經成為依間餐廳既常客😂

果日同朋友經過，諗緊晚餐食咩，見個老闆係門口推介食物，比佢吸引左入去😂我地叫左個pizza同小食拼盤，質數好高！首先賣相已經無得頂，求奇影都係靚！食落仲好好食tim！個pizza好大份好足料，足足有6塊，有勁多芝士，兩人食其實已經超級夠。味道都幾好食，焗到岩岩好，小小焦焦地，重芝士味，岩哂鍾意食芝士既人，加埋菠蘿就唔會太漏！而小食拼盤有三樣食物，腸仔，雞翼同薯條，都幾多油下，係咁用下面張牛油紙吸油，但係好好食😂特別係d腸仔，脆皮，超讚😭👍🏻

完全諗唔到有一個理由會畀好食， 服務員寸過碼頭咕哩 ， 送餐好似掟飛碟咁 ，食物方面凍啡冇啡味好似飲糖水， 叫咗個雜扒意粉， 係啲雜扒食落去有一陣味免強食得落口， 意粉第一淡食落去即刻lur返出嚟。 難食程度用言語都形容唔到。 夠膽講垃圾之中嘅垃圾

Tea Time 4-5點左右 喺通菜街想搵又平下午茶，行行下揾到意歐! 提出面嗰個餐牌好似幾吸引，幾多選擇下。我叫左魚柳配薯條，跟羅宋湯。($34) (佢d餐都好平，50蚊有找! 都幾多30幾蚊ge餐!)羅宋湯同平時飲ge好唔同。😂 顏色比較深色，飲落味道比較濃，但味道唔夠豐富。 不過都見到佢有好多食材去整，d洋蔥蘿蔔都好“林“。。(我有諗過係米重煲又重煲。。😂)個餐黎到，估佢唔到甘豐富! 份量大，尤其是係塊魚柳! 好耐冇見過甘大塊又甘有肉地!個蕃茄汁唔係好濃，微微甜甜酸酸都幾醒胃。另外，佢上菜ge個陣出晒煙，熱辣辣，即叫即整!P.S. 不過個人覺得，環境同餐具唔唔係幾乾淨，地下又有食物又有紙巾。。(心諗：唔通去到夜晚收鋪先打理鋪面？) 而餐具有d污jo有d漬。。(上圖碟邊可見) 食得唔係幾安心。

途經通菜街，依度有好多唔同小店，見到佢有窩夫就入咗依間食個下午茶。見到個Menu發現佢好多款下午茶都超抵食，就叫咗個all day breakfast 同最愛的窩夫脆脆地，有oreo 餅伴碟見到隔離枱其他啲嘢食都好OK，呢個價錢食到好味嘅嘢食，抵

用心小店。平時都會喜歡去搵一D 吾係連鎖式既小店。今次去旺角又係去周圍搵, 睇下有咩小店可以去試。係女人街, 有一間都幾舊式既西餐廳, 我地比個焗薯吸引左, 而入去幫襯。不得不說, 係有驚喜既。但環境就有少少舊啦, 座位係OK, 不過舊既, 係指餐牌。可能真係用左好耐啦, 都幾污JOE。我地好快就order 左野食, 佢地亦好快上菜。另帶一題, 店員態度都好好。酸忌廉焗薯好味既, 個焗薯好稔, 同酸忌廉好夾! 幾好味。凍檸茶係好飲既檸茶。炸軟殼蟹墨魚汁意大利粉軟殼蟹好味, 炸得好脆口。最正係個麵, 好惹味, 夠辣。連餐有湯, 我揀左羅宋湯, 好飲既, 好夠味, 酸酸地好開胃。個蒜蓉多士就好認真, 堅難食。雖然有好有吾好, 但我個人認為佢地都好用心去經營。個軟殼蟹麵係幾好食而令我對呢間餐廳有好感。加油啦!

😋紐西蘭黑椒汁西冷牛扒配碎蛋焗薯 $95牛扒好大塊，大約六至七成熟，淋身但有根位。碎蛋沙律焗薯有加乾煙肉喺面，焗薯夠熱夠淋，食埋碎蛋焗薯就真係好飽，跟餐仲包忌廉湯或羅宋湯、蒜蓉包、熱飲。店鋪裝修比較舊，位置比較迫， 同隔離枱都幾近，算係平民西餐，想平平地食餐西餐，呢度都係一個選擇。----------🔎意歐🚩旺角通菜街6號地舖