意樂餐廳 (香港仔中心)

營業中

休息中

終於嘗試在工作的午飯時間去香港仔找吃的！老實說餐廳滿多，但人生路不熟再加上同行人數有點多，所以最後走進這家。可能本身空間很大，於是在繁忙的午飯時間還能找到10人up可以一起坐的座位午餐Set的選擇很多，像是一般的焗飯/意粉之類的。但我卻去選了吃拉麵 Orz 套餐還包括了餐飲或是餐湯～其他特別的飲品則需要加錢。餐牌上的公仔很像 ... 某薯片的伯伯樣？帆立貝海鮮豬骨湯拉麵 ($57) - 湯頭確實是頗濃的，不會過份地鹹～但能喝出不是熬湯熬了很久的那種就是囉。麵條吃起來倒是很彈牙，最怕吃到過稔的~這個口感就剛剛好。海鮮亦有頗多，像是青口、魷魚、蜆肉和帆立貝，蝦吃起來沒什麼味 .. 我選的是餐湯 - 很濃稠，而且好像喝到薯蓉?!

香港仔既FUSION餐廳唔多，意樂係其中一間，平時都見佢人山人海等位，今日都唔例外，我地3個人都等左20分鐘。都比預期快。MENU選擇好多，有拉麵，焗飯, 意粉, 仲有意大利飯，呢個比較特別，普通既餐廳唔會有，但意樂都好多款揀。如果午餐揀唔到，可以叫MAIN MENU既，半價就可以加飲品，都算合理。一行三人我地叫左3個餐1 黑松露野菌汁焗烤雞珍珠飯2 煙肉卡邦尼長通粉3 地獄 叉燒豬骨濃湯拉麵小食就揀左白汁芝士焗脆薯3個午餐都不過不失，份量好夠，珍珠飯焗過後芝士可以拉絲，飯係炒底既但可惜唔夠熱，美中不足。長通粉普通質素，而拉麵味道一般，但食物份量好足，始終唔可以同拉麵連鎖店比既。白汁芝士焗脆薯係最遲先到，可能呢段時間少人點，但上枱時熱辣辣，賣相仲好吸引，上面既芝士又有拉絲既效果。唯一就係覺得白汁咸左小小。推介大家食呢個。

見到香港仔難得有新餐廳就想去試下，心諗平時咁多人排隊應該唔會太差啦，點知原來咁難食！叫左一個蜆肉忌廉天使面，所有材料好似分開煮完先再撈番埋一齊，完全無味。另外又叫左個risotto，水汪汪，又係無任何鮮味可言。成餐飯唯一叫好少少少少既就係個牛排，叫5成熟上到泥好彩都唔係熟哂，不過肉質都係hi口，無乜牛味。跟餐既蘑菇湯又係得陣味精味，飲左2啖就無飲。。。雖則呢間都係平民餐廳，但水準咁差，令人完全無再光顧既意慾。

香港仔最近開左意樂同百分百，趁午飯時間，就試左佢個午餐，叫左香草烤雞鮮野菌忌廉扁意粉（$55），跟白湯，另加（$10）要兩件水牛城辣汁雞翼，同事叫左帆立貝海鮮豬骨濃湯拉麵（$57），熱柚子茶（$3），野菌意粉算唔錯，白汁味道ok,水牛城雞翼就有d咸，可以不試，拉麵不過不失，但海鮮都算比得多，以區內唔多意大利菜黎講，可以提供另一選擇。

約咗個美女食飯，梗係要揀間好啲環境靚啲嘅餐廳，坐低慢慢傾下計啦。咁啱香港仔開咗呢一間itamomo咁就過嚟試下。 我哋兩個人，等咗唔駛五分鐘已經可以入去啦。佢有啲set lunch 60蚊一個餐，仲包埋嘢飲，一d 都唔貴。menu好多選擇，樣樣都好似好吸引咁。 一入到去間餐廳係一個長方形，入邊其實睇落都有好多位而且還境唔錯，我就點咗個蟹柳蟹籽炒飯 同埋凍咖啡。 佢啲蟹柳同蟹子都ok, 不過我覺得佢啲肉唔夠多，但係咁樣嘅價錢真係冇得輸， 之後我都會多啲嚟幫襯。

新開決定試一試，門口位有機自行拎飛，等左大約15分鐘就有位，晚飯時間算快！一入去，好靚既裝潢，最鍾意佢牆身左右兩邊各有牛同豬既霓虹燈！蒲燒鰻魚炒珍珠飯：有正常份量鰻魚粒，雖然炒得唔算乾身，但粒粒分明，而且味道夠濃，加上芝麻香點綴，唔錯選擇！帆立貝海鮮意大利蕃茄濃湯扁意粉：份量超足，不論係海鮮或意粉，都係超足料，海鮮都幾多款，有大粒帆立貝，大量白蜆，魷魚圈！蕃茄湯酸酸地夠開胃！蛋黃煙肉卡邦尼長通粉：長通粉煮得岩岩好，因為最驚太硬，卡邦尼醬超多，唔算太膩，面上灑左少許芝士粉，令成個長通粉更香濃！安格斯牛扒：上枱都幾靚～都好大塊！點左5成熟，切開某d位應該巳經達到7成熟，唔算太juicy，不過都有牛味，配有野菌湯，好香野菌味，配有薯菜，另外可以額外加配飯！跟餐加配飲品半價又唔算貴！Order左紅豆冰。利賓納啫喱冰！牛既熟度雖然爭少少，不過以呢個價錢都味道而論，都算唔錯！過下口癮都唔錯～

此屋苑已經超過20年沒有開設這類型的西餐廳了，早兩天試了午餐及晚餐，有很多地方都需要改善，就環境方面，不知道是否老牌屋苑的關係，冷氣縂是不足夠的，午餐種類少選擇，只有飯和麵食，沒有扒類之選擇，晚餐方面試了兩款扒類，一款是斧頭扒，另一款是安格斯牛扒，價錢方面雖然很吸引但是質量方面就一般，先講一講斧頭扒，扒是即叫即煎的，斧頭扒煎出嚟比較乾身冇肉汁，牛扒我叫七成熟，煎出嚟過熟，而兩款扒的配菜全部都是凍的很難食！最後講到衛生的問題，當服務員用毛巾把枱清潔完后，就有一陣很臭的氣味從枱上傳上嚟，好明顯就係塊毛巾沒有清洗而再用，希望日後有所改善！