影片
更多
2021-09-25
2268 瀏覽
早前報到旅發局搞嘅「賞你遊2.0」，參加咗個本地團，一早去到邊界白虎山山頭參觀麥景陶碉堡（只喺外面睇一睇而已，因屬二級歷史建築，圍封咗），再返回沙田食晏，然後到訪曾大屋，最尾就到尖沙咀嘅歷史博物館自由參觀，隨後就各自解散。午餐安排晌「麗豪酒店」嘅「意廊」，之前都嚟過幾次，但都好一段時間嘅事，印象都幾唔錯。酒店餐廳，始終環境會稍勝一籌，餐廳外有唔少露天位，不過，呢日嘅天氣非常之熱，又喺正午，無可能坐晌度食晏，第時秋涼，晌度食嘢就應該幾寫意。室內方面，地方就頗為闊落，由門口行到篤尾，地方方都好大吓，並間分為幾個區域。同埋一整邊都喺落地大玻璃窗，透光度假十足，人都醒神啲，加上啲梳化椅舒服好坐。 不過，既然地方大，座位多，我覺得坐位可以安排好啲（唔知酒店問題，抑或旅行社問題），因為，我哋被逼同兩個陌生嘅「團友」同枱，隔離位大叔就不停咁講嘢，而我哋之間喺無任何膠板間住。酒店一般寧願做少啲生意，啲枱隔開啲，啲客坐散啲，都唔會棟啲膠板咁肉酸。午市套餐大體上分兩類：「意式經典午膳套餐」（$128-$178 ）及「細緻滋味午膳套餐」（$198-$248）。而我哋嘅團餐喺提供最平嗰種，即「意式經典午膳套餐
酒店餐廳，始終環境會稍勝一籌，餐廳外有唔少露天位，不過，呢日嘅天氣非常之熱，又喺正午，無可能坐晌度食晏，第時秋涼，晌度食嘢就應該幾寫意。
室內方面，地方就頗為闊落，由門口行到篤尾，地方方都好大吓，並間分為幾個區域。同埋一整邊都喺落地大玻璃窗，透光度假十足，人都醒神啲，加上啲梳化椅舒服好坐。 不過，既然地方大，座位多，我覺得坐位可以安排好啲（唔知酒店問題，抑或旅行社問題），因為，我哋被逼同兩個陌生嘅「團友」同枱，隔離位大叔就不停咁講嘢，而我哋之間喺無任何膠板間住。酒店一般寧願做少啲生意，啲枱隔開啲，啲客坐散啲，都唔會棟啲膠板咁肉酸。
午市套餐大體上分兩類：「意式經典午膳套餐」（$128-$178 ）及「細緻滋味午膳套餐」（$198-$248）。而我哋嘅團餐喺提供最平嗰種，即「意式經典午膳套餐」$128價位嗰種，包餐湯或沙律、主菜4揀1、基本餐飲。
枱上已放好精緻嘅餐具，以及橄欖油、黑醋、鹽、黑椒……等基本調味料。
意大利香草包先上麵包籃，喺小弟嘅心水之一意大利香草包，仲喺熱烘烘，入口非常軟熟，陣陣香草味，沾少少橄欖油同黑醋已好好食。同團嘅大部份都喺上年紀嘅，唔慣，甚至唔知點油醋食，個個舉手要求俾啲牛油，一於各施各法。
菌菇忌廉湯是日餐湯只喺好普通嘅忌廉湯，其實做得一啲都唔差嘅，質感柔滑，只喺因為既為酒店內嘅餐廳，理應唔預期咁普通啫。
田園沙律另一款頭盤喺沙律，如圖亦唔見得點樣有特色，都喺一啲沙律菜，再加啲車厘茄及黑橄欖，淋上黑醋，不過，啲黑醋好香醇，喺食得出靚料。
黑椒吞拿魚尼高斯沙律 $128 老婆就揀呢道沙律作主菜，純粹因為喺素而已，加上都唔知咩叫尼高斯沙律，咪試試囉。其實就喺以燒過嘅吞拿魚，再配上雞蛋（有啲為美觀會用溫泉蛋）、薯、蔬菜底組合成，再淋上醋汁，喺比較清新嘅一道沙律。不過，老實講，食材用料就唔差嘅，但賣相就絕不突出，好堆砌嘅感覺。
香草蕃茄肉丸長通粉 $128 小弟就揀咗一份長通粉，本來就想試薄餅，但怕太多一個人食唔晒，長通粉份量啱我啲。長通粉送到上嚟，真喺幾失望，首先，睇落好「乾崢崢」，汁都唔多，只喺肉丸面有啲香草蕃茄醬，僅此而已。長通粉查實都煮得咬口，但確喺唔夠味，突出唔到香草蕃茄嘅味道，而肉丸口感都算鬆化，但並未讓人留外深刻印象。
熱咖啡、熱檸水嚟到酒店嘅餐廳，飲熱咖啡喺穩陣之選，只要用上唔差嘅豆，基本上沖出嚟嘅即磨咖啡都唔差得去邊。
整體嚟講，唔喺小弟之前嚟食過嘅水準，喺咪因為做「團餐」，時間要緊，最緊要出到餐俾啲團友呢？引起心中少少議論。覺得今餐除食物嘅質素有所下跌之外，服務亦無咁貼心，出菜「擒擒青」咁，前前後後唔使半個鐘食完個午餐，好似去咗茶記咁。
張貼
