想甜嚐甜

營業中

休息中

我最近造訪了位於大角咀的想甜嚐甜，對此感到非常失望。主要因為性價比嘅原因，價錢比較貴，而且份量細，好味都算當佢值啲，可惜唔係。首先講下份量方面，我點的黑草，因為見Openrice都多人推介，加上我鍾意食芋圓，但確黑草只有一小碗，而且價格卻49蚊，這樣的性價比實在唔太抵，而且我本身最期待嘅係入面嘅芋圓，可惜口感並不紮實，缺乏QQ有嚼勁的口感，我都明出去食嘅係無得同自己整或者台灣比，但我覺得賣得49蚊，應該都要比人覺得物有所值先得。唯一稱得上優點的，大概就是店舖環境不錯，適合與朋友聚會閒聊。

態度：1/10環境：2/10食物：2/10朋友生日食完飯 話要食糖水 我哋山長水遠嚟到大角咀食飯之後食糖水嚟到呢間嘢係朋友想食好耐話以前黃大仙店好正點知令我哋大失所望態度好差 俾錢仲要受氣唔係你拎住光環就要受你氣一入到舖頭已經一滴冷氣都冇想洗個手都話廁所壞咗熱到出晒汗落完單成10分鐘叫個沙冰未到都唔緊要知唔知而家酷熱天氣警告喺條街度30幾度熱到喺個袋度拎支茶出嚟飲一啖 想飲啖水姐老闆娘就即刻衝埋黎 話呢度唔俾飲外來飲品我已經唔使你serve我一杯水喺自己個袋度拎支茶出嚟飲一淡止一止個熱就同我講再飲多一啖都話要收錢叫我袋返好咁大個女都未食過熱嘅楊枝甘露啲芒果又爛又霉成碗嘢$47 仲細碗個酒樓嘅碗仔芒果冰都有浸臭味兩個芒果產品都唔掂其實你個雪櫃係咪都壞㗎仲有個心太軟嗰個咩奶醬味心太軟個心太軟難食到又唔夠熱 又唔夠熟咁大個人都未食過咁難食嘅心太軟廁所壞冷氣壞都算野食都真係唔掂想去嘅人真係勸你諗清楚你係咪想洗錢仲要受氣真係祝福你利奧坊快啲加你租 早日執笠

店員態度差，一入到 想自己簡個舒服啲窗口位，比個店員叫停，一定要逼人下午3、4點坐入少少，話咩只有入面有冷氣，而家吹到個頭凍到頭痛第二次接觸係問佢乳酪雪糕有咩味簡，佢串到話「有味簡既我一早問左你」第三次見到佢對其他客人一樣態度唔好，有個女仔話兩位，只因佢朋友未黎，無得坐入面睇menu。仲有另一枱因為冷氣想調位，有比店員push一定要簡最角落/最側面，但明明全部都係二人枱。講埋食物，水平的確一般，班闌麻薯巴斯特蛋糕，既無咩班闌味，又無巴斯特既芝味，同普通雪芳蛋糕口感差唔多。重點黎啦，佢個乳酪雪糕同巴斯特蛋糕一啲都唔夾，仲要食雪糕比支叉客人？無匙羹，點拎雪糕上黎呢？整體感覺好差，無論食物同服務，令我都唔想再黎第二次

想支持好耐難得行過見冇乜人，就入去食下叫左個榴金歲月$60榴槤蓉 黑糯米 西米 寒天 芒果 芒果汁底有半碗都係寒天😱😱榴槤同芒果唔夾食落有少少怪（純粹個人口味）椰汁唔夠黑糯米就煮得ok成碗唔夠凍舖頭都好似冇冷氣咁性價比唔高🫠🫠🫠可以食返椰汁底會好D

果日星期六晚去舖頭得2枱客同朋友各點咗開心果心太軟同朱古力心太軟同一個冰原來雪糕得乳酪雪糕無其他揀🫣感覺同心太軟唔多夾而且2個心太軟入面一啲都唔熱. 連暖都稱唔上🫠好明顯未焗夠時間開心果味亦唔出. 得甜味嘢食都算..但服務態度真係..呢度負責樓面果位女店員好似完全唔多想serve 我地咁🫠食物嚟果陣叫佢俾多隻匙羹我哋佢完全無理. 再叫多次應完隔咗好耐先拎嚟. 重要俾一隻裝唔到嘢嘅匙羹我哋用😂係無咩弧度. 一畢個心太軟就會跌重點嚟..我地叫佢俾一杯水我哋..又係好耐之後先有. 而且得少少🤏🏻如果唔俾得水你可以出聲話無. 但俾得果少少係咩意思呢？果一下真心覺得無回頭因為良心小店先山長水遠揸車嚟支持下. 但店員真係好趕客. 只怪自己無睇咗食評先過嚟

臨近又濕又熱嘅夏天，最啱就係食返個刨冰! 想甜嚐甜最近就出咗大角咀店限定嘅刨冰~ 上星期帶完表妹去Super Park放電，我同阿妹攰到決定要搵個地方坐低抖抖，就諗起想甜嚐甜💛•🥢開心果氷 $108開心果牛奶冰、奶凍、巴斯克芝士蛋糕、煉乳、海鹽芝士奶蓋、開心果碎可能因為呢到有規定一人要叫1個甜品，所以呢個冰嘅size係相對細少少，口感都同之前食開嘅日式刨冰有D唔同，因為呢到嘅冰係偏向雪花冰嘅，口感細碎啲，無乜冰粒感，入口即融～ 應該係因為用開心果牛奶整成冰，而唔係牛奶冰再後加開心果醬，所以開心果味好均勻而且濃郁💚😍 整體唔算甜，又唔膩，但加少少芝士奶蓋或者滑捋捋奶凍一齊食，味道同口感都好豐富🤤旁邊嘅巴斯克芝士蛋糕好似同開心果冰唔太夾，但單食都好好食，口感軟滑，有芝士味又有焦香👍🏼🌟推薦度：9/10•🥢華田心配乳酪雪糕 $60之前都已經食過呢到嘅奶醬多同埋開心果味心太軟，今次就試吓阿華田味🤎 心太軟超級流心，輕輕一𢳂啲阿華田醬就流晒出嚟，阿華田味超級濃，比就咁飲仲濃🤤 心太軟上面灑咗好多阿華田粉，加埋一齊食會有啲脆脆哋嘅口感；如果配埋凍冰冰嘅乳酪雪糕，阿華田味會有少少被乳酪味蓋過咗，但因

咁多年第一次係openrice留comment未試過食都未食就受氣受飽走人都未入到門口就西哂面咁，態度又惡劣，對客人指指點點咁，我黎洗錢係買受你氣？第一次係餐廳坐低但嬲到選擇走人

冇諗過外賣自取，點知攞到手剩係得半碗都冇，真係未見過有一間糖水舖會做到咁，應該唔會再有機會再食呢間垃圾，60幾蚊一碗，西米得幾粒咖啡凍得幾粒奶凍都係得一粒，冇諗過佢啲嘢做到咁垃圾，你唔同我講我以為嘔吐物一碗。。。

同朋友食完飯， 仍然以猶未盡，決定去大角咀人氣甜品店繼續我哋未完嘅說話😝 門外多人排隊，好彩我哋等咗10分鐘就可以入座。 我哋選咗爆谷芭菲杯， 荔枝玫瑰芭菲杯，朱古力窩夫格餅🧇配乳酪雪糕🍦和朱古力心太軟配乳酪雪糕。＊爆谷芭菲杯🍧除咗乳酪雪糕和迷你甜筒外，當然有香脆爆谷，更有海鹽焦糖脆脆和粟米片， 淋上焦糖醬， 多重口感堆疊，令人不能停下來，一啖一啖繼續食👍＊荔枝玫瑰芭菲杯🍧杯裏面有乳酪雪糕 和迷你甜筒外，仲有香甜嘅荔枝椰果和荔枝原粒， 仲有脆卜卜嘅粟米片， 口感豐富。最後淋上 香濃嘅荔枝玫瑰醬，美味可口。 由於乳酪雪糕甜甜酸酸，不會覺得甜膩。 不妨一試！＊朱古力窩夫格餅配乳酪雪糕窩夫格仔餅散發出香濃嘅朱古力味， 外脆內軟， 配上酸甜乳酪雪糕和淋上桂花蜜糖， 香甜清新。心太軟和乳酪雪糕一齊食， 一熱一冷 冰火交融， 冇得挑剔，好好味😍＊朱古力心太軟配乳酪雪糕心太軟系列，除咗最基本嘅朱古力外，仲有阿華田，開心果，紫薯味。 不過，朱古力控嘅我，當然揀返朱古力味心太軟。 熱辣辣嘅心太軟外脆內軟，切開朱古力醬好似瀑布慢慢流出，睇到都賞心樂事，朱古力味濃，入口即溶，甜度適中，唔會覺得甜膩，配埋酸甜

開心果心太軟完全無開心果味。得個甜。叫左兩個芋圓甜品，20分鐘還沒有送上。最後說煲緊芋圓，最終該兩個會員甜品夾埋唔夠10粒芋圓而芋圓還只是暖的。店員的態度是沒有問題的，只係喺食物方面可以再改善一下。

响大角咀附近食完韓燒，上網search見呢間多好評專登行幾條街過去，去到前面有幾個人排，我地就跟住排，入面其實有一排bar枱位唔知點解唔俾人入，等等下突然落好Q大雨，排前面有2個人入左去佢門口位有張2座椅好明顯係俾人等位坐嘅，但個態度照差嘅女人趕返果2個人出左要人响出面等，跟住佢門口位係有避雨位嘅，但佢都唔俾人企，個位係好闊落嘅，就算企2個人都不會阻礙出入(佢有借把摭俾我地嘅）。跟住有位喇，一開門就勁趕咁問我地食咩即刻落單先，落勁大雨拎住摭你又冇俾餐牌我，我地一定諗左食咩啦，跟住話入去坐低先，一坐低又即刻問，餐牌都未睇，跟住佢話有限時乜乜差差，已經聽唔入耳唔想理佢(當時出面係冇人等，係 冇 人 等).叫完之後，野開始黎，大約入坐10min 左右野未黎哂嘅時候，我地加個芒果冰，個女人再remind我地夠鐘要即刻起身(出面係冇人等，仲有吉枱嘅),如果呢個係老板，我真係祝你好生意呀！食物方面: 開心果綿綿冰係真材實料，好濃開心果味，冰都好綿，但$118 size係手掌咁大，性價比低，芒果冰 size就大好多，但係假芒果味。另外叫左蜜桃芭菲同爆谷芭菲，橙味朱古力心太軟，仙草芋圓正常ok的，佢配

心太軟、乳酪雪糕👍🏻👍🏻Popcorn 好食但太甜芒果西米果啲 麻麻地 唔推介當日好似冇開冷氣咁 焗焗地而其中一位女職員唔知係米老闆娘（喺樓面、會收銀）態度好西， 反之 近廚房既妹妹有禮貌好多。

抹茶控必叫！濃郁抹茶心太軟 呢日同同事打完邊爐，打算嚟個飯後甜品！一嚟到就見到超多人，等咗十幾分鐘先有位。一坐底，作為抹茶控嘅我就叫咗宇治抹茶心太軟配乳酪雪糕🍵🍦！店員就話因為雪糕機壞咗，所以雪糕另上🥲，不過味道整體係好滿意！一切，抹茶漿流曬出嚟🤤🤤，抹茶唔會話去到死甜程度，但如果冇咁甜嘅話就更加perfect😋! 而乳酪雪糕方面，酸甜度啱啱好，質感唔硬，易入口！唔錯！下次嚟希望可以打個靚卡🤩

我並非重度芫茜控但非常鍾意芫茜香味食飯麵、火鍋有佢會覺得生色不少之前亦食過芫茜味pancake 覺得唔錯接受到於是今次就嚟到想甜嚐甜試下佢哋嘅愚人節限定甜品——芫茜心太軟食完嘅感覺係嘩 係打大佬！一切開個心太軟 啲茜汁馬上傾流而出入面有茜菜碎茜味非常濃郁因為實在太茜同冇乜甜味 完全唔可以稱為甜品😆但食完會想再食覺得唔夠喉一部分原因係個心太軟太細個了另外係因為味道好特別 受到衝擊之餘會好奇想繼續試至於酸味重嘅乳酪雪糕我覺得係另一道甜品嚟唔可以同個心太軟一齊食 味道唔夾我感覺似係 為咗令佢似返一道甜品 所以先加埋個雪糕🤣雪糕旁邊圍咗幾條芫茜 我試過一齊食 亦覺得唔算太夾反而啲芫茜同個心太軟食就夾啲我會建議不如唔要個雪糕 整大啲個心太軟反正唔好芫茜嘅點都唔會嗌嚟食咁不如茜到盡頭畀芫茜控盡情回味當日去食 都有唔少人專情嚟試呢個心太軟不如唔好一年先出一次出密啲好嗎🤣🤣

諗住下晝同啲同事一齊食個tea就叫左外賣自取。同事叫左黑芝麻湯圓、桂花小丸子，我就叫左個芒芋，見佢要$52都估計佢唔差🤔點知一食落去冇耐就開始有怪味，唔明點解同楊枝甘露類似既甜品都可以整到咁樣，覺得失望兼嘥錢，同事叫既甜品食完既評價都只係話普通，難怪我去到拎外賣嗰陣完全冇人堂食，成間鋪得我一個客等外賣嗰陣，喺度同啲店員你眼望我眼🤐如果有得揀，都係去鴻福堂買支楊枝甘露飲好過，啲冇心做既鋪頭遲早執笠🌚