想甜嚐甜

營業中

休息中

我真係好鐘意呢間黃到金嘅甜品店 今次第2次嚟啦 除咗因為佢係黃店 亦都因為佢嘅甜品選擇好啱我 亦都好好味💛今次我試咗期間限定◽開心果心太軟配乳酪雪糕一上枱即刻切開 睇下流心效果做得o唔ok 無失望 溶岩漿咁流出嚟 放入囗嘅第一啖 好味到我驚嘆一聲 即刻叫我朋友試一啖 大家都覺得好正好正 而且又唔會太甜 呢個我絕對要喺佢限定期間再食過◾蜜糖窩夫格餅配乳酪雪糕老實講 窩夫就無乜特別 無好香嘅蛋味 亦唔係特別鬆軟朋友仲試咗杯飲品滇紅。紅碧螺 味道還不錯

來利奧坊主要係飲飲食食，無其他野好做（除非想買樓😂）同女朋友食完午餐，附近飲完杯野，來到食甜品，舖頭岩岩開門，我地應該係第一批客人，店員好友善，環境亦舒服。我地睇左menu好耐，都未揀到食咩，因為好多野都好吸引，好想試🤤最後，揀左開心果心太軟配熱情果乳酪雪糕（$62）、黑草（$40）開心果心太軟好有驚喜，估唔到開心果味可以咁match，而佢中間既流心都好正。熱情果乳酪雪糕見平時好少試就試下，味道都唔錯，不過我個人覺得原味乳酪雪糕會更加夾，可以無咁酸咁好少少。黑草就好多料，口感非常豐富，黑糖條口感好爽，仙草一片片咁，感覺都幾特別。

想甜嚐甜 （大角咀）-🔍 海鹽爆谷香蕉窩夫 $68賣相好掂嘅窩夫🤤 配上好清新嘅熱情果雪糕，食落去唔怕太甜，配搭窩夫啱啱好😋 不過個人認為今次窩夫唔夠鬆脆（上次食好鬆脆），同埋覺得食落去嘅質地偏硬，希望下次食可以更好！😋-📍 想甜嚐甜 (大角咀)大角咀嘉善街18號利奧坊二期地下G703號舖

以前買過一次佢地既嚐甜楊露（姐係楊枝甘露），個味ok幾重芒果味，所以特登買多次。同時買左芒果小丸子，但兩個甜品都好唔掂。今次真係極之失望......兩個甜品都偷功減料，唔只芒果得勁少，重點係好稀同個味好假，死甜又酸，一食就食得出芒果汁個味，個味唔ok，個芒果汁既味似橙汁味，同埋太甜。食落都唔似一向食開既楊枝甘露。芒果丸子既丸子唔少，但個糖水味已經破壞哂，好死甜唔好食。十分冇誠意，個楊枝甘露係用芒果汁同糖漿整出黎既。個價錢同其他甜品店差唔多，但個質素太差。明明上次食係ok，希望你地唔好為左減少成本而偷功減料。

同朋友系大角咀食完晚飯，search下附近有咩糖水鋪，搵到呢間💛店。我地叫左2個甜品share°芒芋食到有芋圓·地瓜圓·紫薯圓·小丸子·水晶珠地瓜圓同紫薯圓個味道比較出，好煙韌。感覺系楊枝甘露溝芋圓，一次滿足你2個甜品願望宇治紅豆抹茶心太軟配乳酪雪糕心太軟好濃抹茶味甘香而且甜度適中。一切開搽茶醬流哂出黎，好療癒乳酪雪糕有熱情果或原味，我簡左原味味道不過不失，感覺配香草雪糕會更正環境舒服，乾淨。設計有心思💛💛💛建議如果你多人食就早小小等位

Tai Kok Tsui 大角咀 • 想甜嚐甜 👅💛📍大角咀嘉善街18號利奧坊二期地下G703號舖🔍大角咀、西環、黃大仙➰開心果心太軟 $62 💚阿華田心太軟 $52 🤎海鹽爆谷香蕉窩夫配原味乳酪雪糕 $68 🍌芒果多士脆磚配熱情果乳酪雪糕 $50 🥭榴槤冰雪 $52 ❄️Popcorn Brother™️ Baileys Chocolate 1L $55🍷Popcorn Brother™️ Cheese 2L $68🧀➰小編最鐘意的甜品店之一😚 賣相同味道滿分💯 而且創新多口味👍🏼 心太軟即叫即焗，分別有開心果和阿華田口味，開心果心太軟偏nutty不會過甜，阿華田心太軟上面鋪滿阿華田薄脆，配上乳酪雪糕相得益彰🥰 窩夫配海鹽爆谷和雪糕，冰火交融的口感😋多士脆磚烤焗時搽上蜜糖，加芒果粒和芒果醬，甜滋滋的多士脆磚同酸溜溜的熱情果乳酪雪糕十分相配，好高質💛➰👅 味道：🌟🌟🌟🌟👀 環境：🌟🌟🌟👩🏼‍🍳 服務：🌟🌟🌟💰 抵食：🌟🌟🌟———————————📌 Instagram: penguin_foodblog

成日見到人介紹呢間黃店，終於黎左，真係好高質好抵食！————————🔸椰芋 $40唔好睇佢細細兜咁，其實有10種材料係入面，都只係$40，抵到爛！食落好椰香味好重，不過太多料搞到椰漿好似有d少咁，我鍾意多d椰漿🤓評分：🌕🌕🌕🌕🌑-🔸芒芋 $40呢個都有9種材料，食落似楊枝甘露，不過係多料版😂而家天氣咁熱，食呢個真係好清涼解渴，好正🥰評分：🌕🌕🌕🌕🌖-🔸玄·抹茶 $32冇飲唔知，不過睇落好靚，個fd話正！

想甜嚐甜 💛大角咀黃店💛-黃到金嘅高質甜品店💛 舖頭裝飾好靚好有心思😍 三間分店比較鍾意大角咀店，好大好靚😍 入到去就會聽到一直播住願榮光歸香港💛 上次有啲食完晚飯之後去，大排長龍🧡 今次就選擇tea time去食，平啲之餘，舖頭就少啲人，連埋我哋得兩台客🥺，大家記得要多啲去懲罰黃店！-原來下午茶有tea set!🔍 Tea set：窩夫配乳酪雪糕 $48窩夫脆口配搭紅莓醬感覺清新，唔會覺得太漏😋乳酪雪糕揀咗熱情果味，食落好flesh🤤 雪糕夠清新，又滑又清甜😋 配搭窩夫亦都覺得開胃🤤 極力推介👍🏻 .-🔍 餐飲：茉莉綠茶 （+$5）茶味清新🥰 唔會好似出面嗰啲綠茶咁樣加好多糖，主要係茶味🥰 配搭甜品一流--食物質素：8.5/10環境氣氛：8/10回頭指數：9/10-📍 想甜嚐甜 (大角咀)大角咀嘉善街18號利奧坊二期地下G703號舖

黑朱古力心太軟 配 乳酪雪糕（$49）心太軟比一般高大, 切開有流心朱古力。 配乳酪雪糕非常清新,不會太膩。 仲送甜筒😝,好味份量又多, 性價比高,大力推薦👍🏻星球玫瑰$44因為個名而點, 外表也非常唯美。 玫瑰,荔枝,鮮奶加乳酪雪糕。 味道清甜, 唔係虛有其表😋

早排係大角咀食完晚飯去左搵甜品食 竟然見到西環間黃店甜品舖開左分店😍 比起西環又大又新又靚😳 好chill😍 文宣又靚又特別💛 好多甜品都想試😳 揀左好耐先落到決定🤣.黑草$40見佢係menu既第一頁🤣 揀左花奶 經典台式芋圓甜品😍 芋圓夠唒煙韌 整體夠清甜😋 透心涼😌.海鹽焦糖爆谷法式燉蛋$48粉紅色既煲仔 好少女心😍 舖滿popcorn brother既焦糖爆谷 好甜好好食😋 焦糖面燒得焦香 配埋下面嫩滑既燉蛋 一d都唔漏😋.實在太多甜品想試😋 一定會繼續多多支持💛

係大角咀食完飯，就見到附近有間新開嘅黃店甜品鋪💛 一入到去就聽到佢係度播緊願榮光歸香港，全間鋪頭啲佈置都好靚好有心思今晚我就同朋友一齊叫左碗芒果芋圓，味道唔算太甜，啲芋圓口感煙煙韌韌煮得啱啱好我哋仲試左個青蘋果雪糕配窩夫，個雪糕好清新，算係比較特別嘅口味，推薦大家去試下！

在舊街的街尾，找到新建的利奧坊，就會找到想甜嚐甜。店內外都光猛，設計有諗頭，走年輕人路線。店員都是年輕人。男的比較有禮貌。女的似part time，比較自我，說話語氣服務一般。剛好 4pm 有tea set，ordered 芒果waffle + 青蘋果雪糕 + 凍普洱珍珠。製作需時，等了約20分鐘。不過去得支持，也不會介意。Waffle 非常脆口，香甜濃郁！青蘋果雪糕完全100分！質感較實，又滑，又青甜！普洱珍珠也是很不錯，味道苦甜，珍珠爽口！要再去吃其他甜品。比其他文青店，呢間有實力！

今晚放工唔係好肚餓直接去食甜品啦！夜晚大約8:15嚟到，唔係好多人，正呀唔使等位！但係去到8:40，已經坐滿人門口仲有人等位！大家記得要早少少食完飯黎食甜品。一入門口就比呢幅畫吸引左。等緊食物嘅時候，周圍留意緊店裏面嘅裝飾，發覺好多細節地方都好用心。個櫃都有佢哋自己個logo，好似富士山咁我鍾意！仲有個燈箱啊！！我叫咗玉桂蘋果金寶配乳酪雪糕🍦店員細心提醒個兜好熱要小心啲！賣相都好精緻😍不過店內嘅冷氣唔係好凍，加上天氣咁熱，個雪糕一上枱就開始溶喇！首先食第一啖係食雪糕先，係清新嘅青蘋果味😍我仲以為係原味添，正呀。Apple crumble 入面玉桂味唔算好濃烈，咬到煮到淋淋地既粒粒蘋果，味道唔算太甜。面頭嘅Crumble好香脆，好似食緊牛油曲奇咁😗配合埋雪糕食好清新。另一個叫咗海鹽焦糖爆谷香蕉木船配乳酪雪糕🍦佢呢一份有兩個雪糕，一個係頭先嘅青蘋果味，令一邊係原味。咁我就淨係試咗朋友嘅原味雪糕，都幾有奶味，焦糖爆谷好脆！😋😋😋呢度仲有啲飲品，芋圓類甜品既選擇，都好想食呀，決定下次要再嚟！小店真係好有誠意👍🏻💛

黃到飛起嘅糖水舖💛⁣⁣行開大角嘴就望下有咩甜品食😋發現原來呢間係西環排好長隊嘅糖水舖係呢度開左新店🤩次次都見要排隊所以無食過, 黎到呢度就一定要試☺️大角嘴店地方大好多仲要成間舖都係文宣💛⁣Menu睇左好耐先揀到兩個甜品😂😂真係有好多想試呀😍回頭率極高🥳⁣⁣. 黑草 . $40⁣第一頁就見到感覺好吸引😙非常豐富之有芋圓地瓜圓紫薯圓丸子珍珠西米黑糖條仙草同台灣黑糖🥳啱哂煙韌控嘅你😎人生難題之花奶定忌廉, 我地揀左花奶😋以為會好甜, 事實又唔算反而覺得淡左d😂不過咁都唔錯⁣⁣. 海鹽焦糖爆谷法式燉蛋 . $48⁣賣相超靚😍d popcorn好好食(仲有得單買一桶桶爆谷😛)焦糖面燒得好靚😍燉蛋好滑呀😚唔會甜到好漏(加上我地叫左個淡d嘅芋圓中和返正🥳)⁣⁣留意返佢地開3pm-7pm, 8pm-0am☺️唔好摸門釘呀😊推介: 🌟🌟🌟🌟🌟(最高5星)⁣

之前ig見到想甜嚐甜開咗新分店喺我公司附近，所以就放工食完晚餐試吓佢哋嘅甜品🍰🍦我哋叫左兩款甜品 分別係華田心太軟配乳酪雪糕🍦同嚐甜椰露🥥.華田心太軟等左20分鐘左右終於嚟啦～心太軟都係即叫即做 一切落去果然十分流心❤️ 但流完之後基本上蛋糕都已經係空心🤣 如果可以再焗熟少少就Perfect啦👍🏻 味道方面有濃郁嘅華田味鍾意飲華田嘅朋友唔好錯過啦😛 乳酪雪糕可以揀原味或青蘋果味 桃子就試咗原味 酸酸甜甜幾開胃 亦唔會太水 仲可以配埋個cone一齊食 睇得又食得～·嚐甜椰露有香濃嘅椰汁味 入面有西米粒、椰果同海底椰 食落幾清甜 但份量就比較少.整體甜品質素都唔錯 下次再試試其他啦～