想甜嚐甜

營業中

休息中

📝今次食左：🍚 朱古力心太軟配乳酪雪糕 $49⭐⭐⭐⭐⭐（5粒星為滿分）👉🏻 心太軟表皮會有小小脆，輕輕一切開就有熱辣辣朱古力流心滿瀉😛 乳酪雪糕入口清新，甜中帶些少酸味。質感比較輕薄，唔會太厚實，上面會跟埋個脆筒比你，成個食完真係好滿足❗❗👀店內仲有一款開心果心太軟食，心郁郁好想叫🥺，但到臨尾落單嗰陣我就改口叫返最鍾意既朱古力... 大家有興趣都可以試下開心果味～再同我講返好唔好味啊😛😛

食左椰竽係咪傳說中咁好食我有保留竽圓真係韌左d但個椰汁底係good既同埋都好足料👍🏻每一匙都有料食到同埋爽口既圓柱體唔知咩黎😂幾過癮我未食過 係增加左成碗野既口感如果個芋圓可以改善返軟身啲咁成碗嘢就真係好高分啦....加油💪🏻

自從食肆10點無堂食呢個發明後好耐都無飯後糖水，早幾日太想食想甜嚐甜嘅芋圓就一食完飯就衝去食！芋圓一貫煙韌有咬口，每一粒都好實在！仙草唔係龜苓膏式搗碎上，而係闊河粉咁樣的，食落非常軟嫩QQ，而呢碗重有小丸子同珍珠都非常有咬口，同行友人非常喜歡Q彈嘅食物，呢碗真係啱哂佢！呢款甜品本身屬微甜，重可擇落忌廉定落淡奶，客人可以根據口味作調味！水信玄餅入面粒櫻花唔夠粉紅，呢款唔係配黄豆粉或黑糖漿的，個味唔係好特別！不過勝在質地非常Q！想甜嚐甜重有其他分店，可惜兩間都唔近我⋯第日食芋圓真係要的起心肝去遠少少(⁎⁍̴̛ᴗ⁍̴̛⁎)

星期四晚在附近食完拉麵，行過利奧坊，walk in去食個甜品。夫人點了楊枝甘露，我一向對蛋糕類甜品情有獨鍾，點了榛子心太軟。如果今時今日仍有人說甜品要甜才好吃，未免太低層次。事件上，很多人喜歡吃“不甜的甜品”。說穿了，就是要吃香中帶少甜的東西。想甜嘗甜的榛子心太軟做得十分稱職，入口滿是蛋糕和榛子的香氣，而甜度點到即止。加上yogurt 雪糕，冷和熱的冲激令人好生滿足。切開蛋糕的一刻，看着內裏的榛子醬緩緩流出，亦大有治療之感。埋單一刻，服務員小姐介紹說原來可加入成為會員，看來短期內要再幫襯才行。

真心bookmark左呢間甜品鋪好耐 但基於三間分店既位置都幾隔涉 一直都未去試 直到見到出post話黃大仙店開到6月13號就結業所以專程去左食 黃大仙鋪只有兩張檯 不過大角咀同西環分店既座位數目都比較多 會坐得舒服啲！70%可可牛角布朗尼 $46一上檯真係哇一聲 無論size定賣相都完全無hea你 牛角包上下切半再搽蜜糖先攞去焗 脆到一切落去啲碎碎飛哂出黎🙊中間鋪滿阿華田粉、布朗尼同朱古力醬🍫用左70%既可可平衡返所有甜 加上牛角包夠脆充滿空氣感 食完都唔會有好heavy既感覺☺️開心果心太軟 配乳酪雪糕 $62睇得出味道同賣相都落足心思 平時心太軟好少會有開心果咁特別既味🤩一切開裡面啲開心果醬即刻流哂出黎 甜度唔會太過份 開心果香超濃超滿足 配乳酪雪糕出奇地夾🥰

三個吃貨的一天❤️竟然俾我找到一間無乜人發現的甜品💛店(我最憎排隊) 高質大角咀甜品🍮窩夫環境幾唔錯😆比較簡約 啲嘢食打卡靚 味道好 好欣賞佢個乳酪雪糕🍦門口呢個打卡位都幾好 ，坐喺門口旁邊嘅枱就係對住玻璃嘅可以睇到出面嘅人行嚟行去，叫朋友喺玻璃出面影入去其實都算係一個幾靚嘅打卡位🦋🙈 另外提提大家楊枝甘露都唔錯女人個胃係無底深潭 食咗成枱燒肉都仲可以食甜品🤣📍 想甜嚐甜 (大角咀)大角咀嘉善街18號利奧坊二期地下G703號舖(奧運站C1出口)行4分鐘

次次經過依間甜品舖，都係有人排隊㗎喎，今次終於輪到我忍唔住排隊啦，好彩都係半個鐘以內入到去食😅。我同男朋友分別叫左芒果芋圓同埋棉花糖窩夫。芒芋呢個甜品入面有芋圓、地瓜圓、芒果、水晶、小丸子、布甸等等，口感非常豐富🥳🥳🥳，芒果有少少酸，可以接受👍🏻棉花糖窩夫配乳酪味雪糕真係超級邪惡呀😈😈😈，個棉花糖焗到外脆內軟，入面軟棉棉，夾住窩夫食簡直一流，鍾意食甜既朋友一定唔可以錯過😚😚😚，唔使落蜜糖都夠哂sweet❤️如果覺得有啲膩，配埋隔離個乳酪雪糕食，即刻成件事fresh哂🤩🤩🤩🤩

咁岩喺大角咀附近食完晚餐😃之後就搵吓附近有咩甜品舖可以坐低傾吓計😂OpenRice就見到呢間店舖好多人like睇埋入面啲相同食評 都好似好高質🥸所以就過嚟試吓間舖唔大座位唔算多我哋都排咗一陣先入到去🥺入面有吧枱位 亦都有普通坐位我哋兩個人每人叫咗一個甜品🤡因為有最低消費 呢間甜品舖比較特別佢有好多榴槤嘅甜品🙌🏻🙌🏻仲要改埋啲名好趣怪例如眼淚在心裏榴😂😂同個侍應叫餐都覺得尷尬癌😿眼淚在心裏榴 榴槤味唔算太重 可以再重口味啲開心果心太軟配乳酪雪糕🍦呢個真係喜出望外本身唔太好開心果但係用佢嚟整心太軟 又唔差喎個味道呢個配搭超好食😋真係可以試試

⭐️良心甜品⭐️⭐️大角咀黃店⭐️想甜嚐甜地址: 大角咀利奧坊二期地下G703號舖店舖13:00-18:00會有下午茶menu以下價錢係下午茶價🙆🏻‍♀️🍖芒果多士磚配菠蘿乳酪雪糕 $52（9/10）⭐️好好食⭐️多士磚焗到勁脆，外層仲搽上左蜜糖，單食多士已經覺得好好食🤤再加上酸酸maymay嘅菠蘿乳酪雪糕同埋芒果真係perfect池🥰諗起都想再食！不過份量有d大，我覺得女仔拎黎做假期嘅早午餐都不為過😂😂😂🍖嚐甜窩夫格餅(士多啤梨味）配乳酪雪糕 $48 (7.5/10) 同多士磚比就有d失色，但同乳酪雪糕夾埋一齊食都係好食🥰回頭指數: 🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)

<特色甜品💛>—💚開心果心太軟 $62餐廳其中一個招牌係心太軟 有超多口味選擇🤩心太軟即叫即焗 上枱已經聞到好香🤤流心效果做得好出色 一切開即刻爆漿😆開心果味道好濃郁😋 隻味一啲都唔假 真材實料☺️.🧇蜂蜜烤棉花糖窩夫 $62呢個相對上比較失色🙈窩夫烘得過咗火 質感偏硬😢但表面嘅棉花糖烤到半溶狀態 食落都有焦香😌—評分📈味道 7/10環境 7/10性價比 7.5/10—Rating 📈Taste 7/10Environment 7/10Worthiness 7.5/10

成日都見到好多人去食呢間甜品 所以上次去開大角咀個頭就順便試埋啦😝開心果心太軟配竹炭番石榴雪糕 $64呢個開心果心太軟係講唔停黎呢間餐廳嘅一大原因🔥 果然冇令我失望😍 個心太軟超級流心 而開心果味好濃郁同埋唔會過甜 好推薦😚 而呢個就揀咗配番石榴雪糕 不過講唔停本身就唔係咁鐘意番石榴🙊所以就覺得麻麻地🙈海鹽焦糖爆谷火炙香蕉窩夫配乳酪雪糕 $64呢個waffle都唔錯 唔會太甜💛仲有埋焦糖脆面嘅香蕉🥰不過waffle就唔係好夠脆🥺但係值得一提係個乳酪雪糕好好味🍦椰芋 $40呢個有唒芋圓 地瓜圓 紫薯圓 丸子 西米同紅豆 係的確好豐富嘅 不過每樣野都冇乜味🤢 有啲失望😪 勝在每樣都夠煙韌🤔整體黎講 講唔停就覺得個開心果心太軟的確幾出色🥰 其他就不過不失 但係定價有啲貴 所以個人覺得未必值得專登去食 😬

自從大角咀開左想甜嚐甜之後 試過一次之後成日都忍唔住想黎食 一黎黃 二黎好坐 三黎好好食😋😋😋而我最鐘意就係佢個乳酪雪糕🍨唔係好多間甜品舖儲有乳酪雪糕食乳酪雪糕質地香滑 乳酪味好重 係我鐘意既口味黎❤️下午茶時間 同朋友黎食 環境又大又清靜 係一個相當唔錯既好去處-⭐️$48窩夫格餅配乳酪雪糕（朱古力口味）窩夫格餅熱辣辣脆卜卜 配上乳酪雪糕真係好好食 份量都幾多 食完都幾飽 而且好滿足 唯一不足之處係乳酪雪糕如果可以多多少少就好啦

e間甜品鋪一直都想試但係因為上次黎嘅時候超多人排隊而放棄今次終於食完飯見到無乜人入去後坐低發現張檯好lup有少少扣分不過同店員講距都即刻黎整返乾淨距今次點左e到招牌菜hazelnut心太軟同平時唔同距係配frozen yoghurtHazelnut味道都唔錯加埋frozen yoghurt有d酸第一次係e個配搭感覺都幾特別不過可能因為我唔係好中意食酸野如果有得選擇我都會叫返平時嘅vanilla可惜無

香港少有的夠姜甜品店，店內絕不向政府低頭及極力阻止顧客選用安心出行。強迫顧客填紙仔或 選用店內自家設計的 App 去收集顧客資料👍。最欣賞店內的文宣，列出所有安心出行的缺點。勇敢店員會直接向顧客說明本店絕不支持安心出行！ 👍👍👍

係附近食飽又好想食糖水，第一時間就諗到呢間人氣黃店！！！價錢唔貴又好味，仲好多選擇🤤🤤🤤————————❦ 黑糯米椰西 $38黑糯米唔係太甜，軟硬度都啱啱好，同椰漿係絕配～～😋😋評分：🌕🌕🌕🌕🌘-❦ 嚐甜楊露 $40楊枝甘露都唔係😍😍好甜，仲有芋圓同牛奶布甸，好足料！！評分：🌕🌕🌕🌕🌑 ————————總結黎講，呢間真係好味又抵食，仲要黃嘅，有機會一定要支持下！！😆😆😆