恆香冰室 (京瑞廣場2期)

營業中

休息中

3分鐘未夠炒左個公仔麵出泥 都知瀨野 叫伙計叮熱 態度好好既 但叮完都係熱 食唔落去 ... 舊紙唔關事 係太嬲 掉落去 😂去冰室吃野唔應該有期望 唔講味道 起麻都要熱吧 ~ 個肉丁凍過出面城門河...食物的品質令人失望，炒公仔麵的口感煮得過爛應該係一早煮好曬 ，成碗睇起來就係漿糊，煮定唔係問題 但控制下火候🙏🏽🙈另一個肉醬意粉 咁大間餐廳用錫紙兜慳皮我可以諒解。 但味道係淡過白烚 係連鹽都想慳？ 每一啖都懷疑人生 冰室做到咁 直頭去到肚餓都食唔曬既程度 堪稱一絕。 5點未夠 連跟餐既菠蘿包都無貨 ...咁樣點做街坊生意 ...

叫左個麻辣口水雞飯 凍央 收我 74蚊個餐牌同現實 有出入都算 唔好禁過份啊大佬 。問佢有冇黎錯 佢話圖片同現實不嬲都唔對 。食左兩啖 真係搞唔掂 仲要難食 。 叫經理換 。都肯換…..

產檢完咗之後就喺附近搵啲嘢食以下個肚近日發現恆香除咗餅店之外多了冰室， 當然要去試下。（5⭐️最高）蔥油蒜香雞扒爆蛋撈飯（5⭐️）雞扒香嫩又滑，一切開雞汁慢慢由扒中流出。香脆可口之餘， 再配合埋雞蛋撈飯🥰加上秘製醬油十分滋味。 恆香金沙炒飯（5⭐️）主要材料有臘肉、叉燒及鮮蝦。每一粒飯都均勻地沾滿了蛋香。最後上碟的時候，再加入鹹蛋黃在面。所以 雪花奶黃流心西多（5⭐️）傳統西多士中間的餡料是花生醬，但今次是選用了流心奶黃醬🤩。面上鋪了一層糖霜🤤、加入傳統的糖漿切開時， 奶黃漿慢慢由麵包中滲出入口😬，雖然如此但食落，都不會唔輸蝕傳統做法❤️

久唔久都會去開❗️石門❗️, 一直都好想試下恆香冰室. 係呀, 今次恆香唔係單單賣老婆餅, 仲做埋香港人至愛嘅冰室, 好有香港本地特色❣️透明玻璃門面, 環境企理乾淨, 有好多卡位, 坐得舒服. 爸爸叫左個沙嗲牛肉公仔麵配牛油多士, 真係要讚一讚個沙嗲牛肉底, 沙嗲味好好好濃郁, 啱晒爸爸呢個沙嗲牛肉超粉🫶🏻 媽媽就要左恆香招牌炒飯, 好足料, 有叉燒粒 / 蝦仁 / 鹹蛋黃碎同埋”恆香臘腸”, 唔怪之得咁惹味可口👍🏻另外仲試左集合左媽媽兩個至愛 - 奶黃流心 + 西多士 = 雪花黃金奶黃流心西多士, 呢個西多係即叫即炸, 個餡都流心, 仲加埋幼粒鹹蛋黃碎, 食完超級滿足🥰走之前仲買埋老婆餅返屋企比公公婆婆😍😍😍💡特別提一提, 呢度店員好有禮貌, 笑容滿面. 我地仲發現其中1位有金鑰匙協會的會員徽章, 呢個係好高嘅認證, 全球80個地區有約4,000個會員, 香港就有大約100名會員👍🏻👍🏻

招牌濃湯沙嗲牛肉公仔麵常餐配菠蘿油，沙嗲濃濃香香，好濃郁嘅湯底，牛肉鮮嫩口感軟腍！公仔麵都煮得好爽口蛋，真係幾好味！配埋炒蛋火腿同埋大大個菠蘿油，都幾飽肚恆香金沙炒飯大大碗好足料，包括有蝦、臘腸粒、叉燒粒、蔥粒等等，仲會有大量蛋同埋鹹蛋黃一齊炒，炒飯粒粒分明，好香口惹味，又唔會太鹹雪花奶黃流心西多外脆內軟，外層口感酥脆，但切開之後就有有暖暖嘅流心奶黃流出黎！充滿蛋香味同埋奶黃味，味道真係好夾，好有驚喜！3.6牛乳紅豆冰，好香濃嘅牛奶配埋綿綿嘅紅豆奶茶紅豆冰，香滑嘅奶茶配埋紅豆餐廳舒適寬敞，上菜速度好快！餐廳店員服務態度好友善，抵讚

恆香這個老品牌除了盛產馳名老婆餅，原來更有經營茶餐廳！最近喺石門見到〈恆香冰室〉，餐牌款式都幾吸引，我哋都嚟試試先。.我哋叫了〈恆香金沙炒飯〉、〈招牌濃湯沙嗲牛肉公仔麵常餐配菠蘿油〉、〈雪花奶黃流心西多〉，加2杯飲品〈奶茶紅豆冰〉及〈冰極巨峰紅茶〉。.恆香金沙炒飯 —呢碟炒飯超大碟！炒飯裡有好多蛋黃，令呢碟炒飯更香更惹味。配料有雞蛋、叉燒、臘腸、大大粒蝦仁，全部份量都唔少，口感好豐富。炒飯夠鑊氣，不會過鹹，配搭本身帶有鹹香的臘腸，味道剛剛好；炒飯粒粒分明夠乾身，加分👍🏻.招牌濃湯沙嗲牛肉公仔麵常餐配菠蘿油 —本身呢個餐係跟菠蘿油，但菠蘿油已賣晒，所以配丹麥酥俾我。丹麥酥好香牛油味、好鬆脆好食！火腿炒滑蛋，蛋炒得好滑溜；沙嗲牛肉好腍身、夠入味；湯底好濃，花生醬及沙嗲醬的比例好平均，兩者嘅味都好出，好食。.雪花奶黃流心西多 —呢件流心西多好邪惡🤤外表炸到好脆，內裡夾著香濃的流心奶黃醬，鹹鹹甜甜好好味😋另有胡麻醬沙律菜伴碟，可以解去西多的肥膩感。.奶茶紅豆冰 —奶茶口感好滑，奶味都幾濃，估唔到配搭紅豆冰又幾好飲👍🏻.冰極巨峰紅茶 —巨峰提子汁+檸檬+紅茶的配搭，提子味好出，不會太甜，都唔錯。

首先講下佢個恆香金沙炒飯，炒飯好夠鑊氣材料好多，基本上每一啖都有蝦仁叉燒蛋等等，真係超級足料，成個飯色香味俱全。仲有個香濃咖哩牛腩飯，牛腩超林咖哩味好濃鬱有少許辣，仲有啲牛筋薯仔，真係好好味。之後在嚟仲有個麵包區，叫多咗兩個老婆餅試下，老婆餅仲要係熱嘅，個心暖暖軟軟咁好好食。去到茶餐廳最緊要就梗係嚟杯奶茶同咖啡啦，奶茶好有茶味，咖啡係用咖啡奶非常好，用咖啡奶會好飲好多架，不過唔係間間都用咖啡奶，正。

香港冰室越開越多香港老字號恆香餅家也開了3間分店茶餐廳必點：沙嗲牛肉麵、菠蘿油、西多士招牌濃湯沙嗲牛肉公仔麵 配火腿炒滑蛋+脆皮菠蘿油非常濃郁的沙嗲牛肉，牛肉不會太硬剛好遇到菠蘿包出爐時間，熱騰騰的菠蘿包夾上一塊冰冷的黃油，冰火交融的感覺，絕👍🏻西多士西多士做法非常簡單，但不是每家都做得好食這家不會太油膩，甜甜香香的，大愛😍除了茶餐廳必點外，還點了恆香招牌金沙炒飯一般炒飯都是用叉燒粒，但它的招牌炒飯是用臘腸粒，令炒飯更加有風味

聽到恆香第一時間諗到老婆餅原來依家仲開左冰室❣️暫時有三間分店(上環、佐敦、石門)今日我就襯住去石門整完野順便可以去食埋下午茶☺️🔺招牌濃湯沙嗲牛肉公仔麵常餐配菠蘿油一上枱就聞到好香濃既花生味 牛肉既份量唔少而且夠嫩滑炒蛋好滑有蛋香味大大個菠蘿油好脆內軟好鬆化🔺恆香金沙炒飯呢個炒飯係石門&上環分店限定每粒飯都沾滿金黃色既蛋醬粒粒分明夠乾身又香口而且非常足料 有大大隻蝦仁同叉燒加埋恆香出品既臘腸 更惹味🔺雪花奶黃流心西多就咁睇外表以為係普通西多士切開個下滿滿既奶黃流心爆晒出黎十分邪惡 但味道又唔會過甜忍唔住一啖接一啖食🔺蜂蜜檸檬茶茶底幾香 用蜂蜜代替糖水更健康整體黎講 味道不錯 份量夠大絕對夠飽 價錢又唔貴 CP值算高👍🏻而且店員都好有禮貌 笑容滿面☺️

這間餐廳的服務態度真是令人大失所望。當天並非繁忙時間，但員工對待客人的態度仍然極其惡劣，語氣冷淡，甚至帶有藐視的意味。讓人不禁懷疑，若是在繁忙時間，他們會如何應對客人？最令人無語的是，不僅僅是一位員工態度差，而是整個團隊的服務都極不友善。這樣的體驗讓人感覺到，似乎餐廳的管理層完全默許這樣的服務標準，亦根本無心於客戶體驗，只關心每日的營業額。至於食物，亦是差強人意。我們點了蝦醬海鮮炒飯，質素完全不合格。急凍海鮮非常腥，炒飯沒有鑊氣，味道極其糟糕，甚至讓人感到反胃。常餐的多士也同樣失望，完全沒有牛油的香味，味道異常奇怪，不知是否用了劣質的牛油。此外，餐廳似乎沒有恆常的清潔，環境衛生情況令人擔憂，這也進一步影響了整體的用餐體驗。桌子上也有一些根深蒂固的食物殘留痕跡。在香港這樣一個充滿美食文化的地方，竟然仍然有如此低劣的服務態度和食物質素，無疑是一種恥辱。總結來說，這間餐廳的服務和食物都遠未達到標準，實在不值得推薦。希望這篇評價能讓其他客人有所警覺，選擇更優質的餐廳享受美食。

今天早上七點下班，打算到石門吃早餐後再回家睡覺，隨便選了一間中式餐廳進去。仿鮑魚絲粟米火腿通粉 配 3.6牛乳香滑炒蛋+牛油吐司熱杏霜 共$383.6牛乳香滑炒蛋：感覺像是預先炒好的，然後有人點餐時就盛出來，所以熱度不夠，炒蛋不夠熱真的比較差。牛油吐司：吐司也算比較香脆，就是牛油略嫌不足，多一點牛油會更香更好吃。仿鮑魚絲粟米火腿通粉：這個通粉的鮑魚絲粟米和火腿都很足夠，湯底也很濃郁，通粉不會太硬，也不會太腍，剛剛好，算是比較出色的一樣。熱杏霜：沒有很甜，不錯。整體來說這裏的早餐算是可接受，座位也舒服，沒有很急就要吃完的感覺。

【沙田區】【恆香冰室】又同東尼哥食飯，每次同佢食飯都係會大家互相就地方，而每次都會喺石門。趁呢單唔係 job，可以講多少少，東尼哥係一位我人生裡面難得地可以令我心悅誠服嘅朋友，學問淵博之餘，工作能力亦相當強。而且佢好支持我做嘅所有嘢，又喺我低潮時扶持我。同呢位益友食飯亦都唔需要大張旗鼓，求其食吓茶餐廳都得。佢食咗個 $58 嘅午餐 D，即係「香濃咖哩焗牛腩配飯」，睇個樣都幾濃幾好食，問咗佢佢都覺得唔錯。而嘢飲方面佢就加 $3 飲「凍咖啡」，咁多年佢都係呢個選擇，經驗豐富嘅佢話杯嘢唔差。我就對啲午餐提唔起興趣，最後叫咗 $70 嘅「芝士忌廉黑椒焗牛魔王飯」，勁邪惡嘅選擇。佢呢度所謂嘅牛魔王，即係牛仔骨同牛扒，肉量夠多，正。嘢飲方面我都係飲凍飲，加 $3 飲「凍檸茶走甜」，okay 嘅。夾埋張單係 $137，兩個人嚟講正正常常啦。。。（地址：沙田石門安群街1號京瑞廣場2期地下G08號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：中西區：1am1263#1amfoodie #foodie #hkfoodie #thatfoodi

《恆香》這品牌，我細細個就認識了。不過，以我既認知，《恆香》係一間餅店。也好像做過酒樓。而這一次，出現在我眼前的《恆香》品牌，是一間冰室。也就是一間茶餐廳。當然，也是一間盛產老婆餅的店舖。來過三次，就一口氣報導一下我的頭三回既飲食經歷啦。這《恆香冰室》算是小區內的一間大型既茶餐廳。但，也許是因為品牌的效應，令到這一間茶餐廳於平日中午，眾 office 放飯的時段，都會大排長龍。此外，人氣高的另一個原因，當然是食物出品有一定既水準，才能令食客 keep 住來。第一天來，我的午餐選擇是洋蔥汁豬扒飯。有兩片豬扒的午餐啊，絕對是份量夠。加上味道香甜而又夠多的洋蔥汁，可真是香口味道佳。單是用這汁伴飯吃，已經是很滿足。我連續兩個工作天來了，而第二天，午餐餐牌出現了一個更可愛的豬軟骨飯。濃濃的汁，加上炆到腍晒既豬軟骨，不會不美味。而且，軟骨是脆脆口的，好有口感。又是一個有汁，有肉，伴飯100分的美食。黎得茶餐廳食野，奶茶是必點的飲料。貴為一間有名牌子，仲要係香港老字號品牌營連的冰室，奶茶不好飲就真係要打100大板。這一杯奶茶，我飲了一口，已經覺得可以即場放人。因為，這是一杯好飲的奶茶。夠滑，夠奶味已

早幾日朝早要去石門整啲嘢石門站除咗京瑞廣場另一邊就係碩門邨村內都有幾間茶餐廳同冰室㗎今次試咗呢一間恆香冰室嗯… 整體嘅食物就好似標題一樣不過不失啦叫咗例牌嘅早餐沙嗲牛麵，配煎蛋多士今日啲牛肉有少少硬 其餘嘅都一切正常但就冇乜特別不過呢間餐廳都開得幾早有啲其他嘅仲未開門😅

簡單講，一食落去粒午餐肉入邊仲係凍嘅，或者可以講係有啲冰，湯底太過淡，隻蛋有鑊燶，杯熱奶茶，奶味茶味都比較淡。另外試咗都試老婆餅，不可一不可再。啲侍應都係舊式茶餐廳服務😌大家明就明