快樂麵麭

炒散同事推介嘅港島區舊式麵包店，好耐無食過呢d經典款，就算有都未必做得好食😅牛油皮蛋撻🧈真心唔平，8蚊一隻，但係蛋味夠濃，都算滑，可惜牛油皮唔夠鬆化，可能因為唔係新鮮出爐？？🤷🏻‍♀️size正常，唔會太細，質素尚算接受沙翁我最近係公司附近食過幾次，都係內裡比較淋身，外面偏硬，今次呢個未到最好食，但絕對好過我公司附近個間🫣🫣最起碼佢外皮係脆，就算隔左夜，唔新鮮，都唔會完全淋到不成形，膠袋亦未至於油到反光😲菠蘿油唔小心俾我壓爛左少少，其實外型幾靚仔，牛油唔會好薄，菠蘿皮都鬆軟，咬落去牛油入口即融，最怕唔靚嘅牛油漿住個口🤗🤗斑蘭紙包蛋糕我第二日先食，雖然接觸空氣嘅緣故，乾左少少，但都係比以前食過嘅紙包蛋糕軟熟，斑蘭味好香，絕對唔求其，有d後悔無即食😓…查看更多

去到灣仔快樂餅店，唔試佢哋嘅招牌忌廉筒真係等於白行！🥐✨呢款幾乎失傳嘅港式麵包，外層係金黃酥脆嘅千層酥皮，入口鬆化，咬落去冇渣，香氣撲鼻。內餡係由鮮牛油打發而成嘅忌廉，質地滑順，甜度適中，唔會膩口，仲帶少少鹹香，令人一試難忘。每一筒都係由師傅親手製作，由搓麵、焗皮到唧忌廉都一絲不苟，保留住最原始嘅港式風味。即使放咗幾個鐘都唔易溶，依然保持口感，真係好有功夫。👨‍🍳💯快樂餅店重開後，依然吸引大量街坊捧場，唔少人專程排隊就係為咗呢一味童年回憶。🍽️🧁如果你鍾意懷舊港式麵包，呢個忌廉筒絕對係必食之選！…查看更多

舊鋪位處皇后大道東，好多時搭車都會經過，一路都覺得係一間個名幾快樂嘅街坊麵包舖。亦都慶幸好耐以前已經試過佢嘅出品，覺得奶油筒其他地方比較少見之外，大致上就係一間傳統街坊麵包舖嘅水平。直至有段時間傳出結業，一時之間群情洶湧。之後喺同一條街覓鋪重開，但評語好似毀譽參半。其實，佢定位本來就係一間街坊麵包舖，突然間要當佢係高級麵包咁去評，其實亦都唔太現實。但係，幫襯街坊麵包舖，食街坊水平嘅食物，一樣可以好快樂。只係希望佢，唔好畀一時嘅群情洶湧充昏頭腦，畀心機做好本業咁就好喇。…查看更多

時間飛逝，又來到了一年一度生日的大日子，好友們都知我喜歡開心果及海綿蛋糕，特別於快樂餅店訂造開心果蛋糕。平時我去快樂麪包買傳統嘢，例如我最愛的腿蛋包、蛋撻、紙包蛋糕，從來冇食過佢啲蛋糕，今次真係非常驚喜！估唔到老牌餅店都趕上了開心果的熱潮！蛋糕好大個，實而不華，體現了傳統餅店的務實的態度，原來佢嘅海綿蛋糕都幾好食，中間有一層朱古力開心果脆脆，配上開心果味的忌廉及滿滿的雜果，生果竟然有好多元化，果然食到開心的感覺，快樂滿滿🥰…查看更多

飯後經過快樂餅店，幾年前結業之後重開改名為快樂麵麭，主打懷舊麵包及曲奇小食等，當中忌廉筒最受歡迎，記得以前係灣仔返工有時都會幫襯佢做早餐(仲係快樂餅店同多數都係食紅豆沙翁)，感覺係唔同，但仍想幫襯下。 入到去又係比開心果吸引左。開心果奶油忌廉筒，$15，都幾細件，但因為係飯後甜品即興食反而ok左，外層酥皮香脆，內餡忌廉奶油軟滑，味道鹹鹹甜甜，忌廉面層有開心果碎，有少許開心果味，唔算好濃郁，如果以開心果甜品來計味道普通，可能原味好食點。…查看更多