快樂蜂 (新基商業中心)

營業中

休息中

Jollibee 20多年前進駐環球里時, 出於好奇心，一向不喜歡炸物的我也去趁熱鬧買來炸鷄，竟有驚喜，因為皮脆且酥，此後間中光顧，也曾試吃熱狗，同樣有意外收獲，因為熱狗腸美味脆皮，後來公司搬離了中環，再也沒有吃。近年發覺在不同地區都越來越多分店，改了名叫"快樂蜂"，今天終於外賣自取了炸鷄、熱狗、薯蓉及蜜桃芒果批，期待著故"味"重溫，可惜大失所望，炸鷄皮脆但不酥，且硬，蜜桃批也是帶硬的皮，熱狗腸比以前失色多了，不論鷄或熱狗，調味都極鹹，薯蓉本是不錯，卻澆上了過多的汁，似乎這店變成重口味，總之是偏離了昔日的味道，破壞了我印象中的美食回憶，不會再光顧了!

銅鑼灣喱間JOLLIBEE係新開既，入到去發覺原來好細間，數埋都無十張枱，而且店員好似唔係好夠，完全無人執枱。。。原本我地見到咁既環境就轉外賣啦，不過等緊既途中又突然有位我地就改坐低食（當然要自己執枱抹枱啦）其實JOLLIBEE係我既童年回憶，果陣放學成日食佢同蝦迪斯，不過近年我覺得佢好似轉左D菜單，好似而家係主打食炸雞咁，講到炸雞佢唔係唔好食既，但同龍頭大佬KFC比仲差一段距離，就連近年都加入炸雞戰團既M記都好食過佢！炸雞偏乾身，無咩雞味，不過點左佢附加個磨菇醬就好DD，而個肉醬意粉幾濃味，蕃茄一粒粒唔係淨係得茄醬，我其實唔係好明個肉醬點解無肉碎？？？但佢有腸仔配比你既。。。EM...如果想食快餐又唔想食漢堡包既可以食喱間，43蚊有意粉有炸雞有埋野飲係抵食既，糧尾恩物！

一直好想試下Jollibee 啲炸雞，但最近要去到灣仔最近見呢間舖新開，今日專登行去買外賣 (離我公司約十分鐘路程)點知返到公司食到一半先發現俾少件雞而嗰個下午茶餐只得一件雞同一個小小小的批即係佢冇俾個主食我仲要上網搵過晒都冇間舖嘅聯絡電話，想叫佢搵人補俾我都唔得唯有再行返十分鐘過去舖頭攞返件雞去到擺雞嗰陣講明係爭一件辣雞點知又行返十分鐘攞到返公司嗰陣一咬! 係唔辣嘅杯汽水仲要冇氣唔會再幫襯!!!!!!

午餐外賣自取，見OpenRice 有人post話出左沙津.即管跟餐加$18 (原價$23)試下，點知伏到一個點👎👎👎沙律菜勁少👎得個盒半盒都應該無，一層多少少吧，$18都覺得俾佢呃左，$23都唔知邊個會食了。而且沙律菜不算新鮮，粟米食落有d怪味，點知再食多一啖，粟米係酸嘅🤬🤬🤬🤬即刻lur都唔lur 切🤮🤮，明顯盒沙律都唔知擺左幾耐，無下次！仲話沙律係新產品，新出都做得咁差👎明呃錢咁。另外買時先知道因為美國出口問題，宜家無薯條，可換粟米或薯蓉。奉勸各位男士直接改叫飯或意粉餐好了，因為粟米同薯蓉份量係同點雞汁個盒一樣size，即係唔夠飽的。今餐係食完不快樂的快樂蜂☹️

最近懶咗好多，好懶拎啲相出嚟寫OpenRice╮(￣▽￣"")╭ 但係今日食完Jollibee，真係唔可以唔寫一篇食評讚一讚佢哋👍🏻 呢間喺銅鑼灣係啱啱新開嘅，我終於有機會入去睇吓。 佢哋一個餐$46包兩件雞同一包薯條，當下感覺好似比麥當勞貴🤔(因為用佢哋嘅APP有discount啫)，但諗深一層我應該係同KFC比，咁其實就差唔多。而且我食過嘅Jolibee，質素係比KFC真係好食好多。 我二話不說即刻order左一份外賣，買完之後先發覺原來可以追加一份沙律🥗，好彩佢哋肯比我加番，話晒我都係扮Keto緊 ╮(╯▽╰)╭ 如我記憶佢哋嘅雞好Juicy啲肉好嫩滑，而且都好多肉，同KFC嗰啲真係冇得比，KFC嗰啲好似柴皮咁，勁鹹。加上佢俾埋個gravy我，配起上嚟真係正到爆。 題外話:1) 頭先order嘅阿姐，話辣味正好多，結果我聽佢話嗌spicy，點知一啲都唔辣٩(˃̶͈̀௰˂̶͈́)و 2) 幫我pack沙律嘅經理佢順手打開，見到沙律個碗得半兜，於是乎佢即刻拎左入廚房。一分鐘後，一個𡃁妹就拎左一兜滿嘅出嚟🤭 我一定會再encore❤️ Will be back！