快樂蜂 (國都大廈)

營業中

休息中

這店位於地庫，從入口沿着樓梯往下走，我才發現原來這店面積不小。這店採用自助形式，自行購票，自行取餐。我買了一個熱狗連飲品的早餐，那才$20 。熱狗裝在盒子裏，打開紙盒，麵包和香腸上有芝士和滿滿的醬汁。我最欣賞的是這熱狗放在一個塑料套內，吃的時候很方便，不怕弄髒雙手。這熱狗味道一般，如果加點洋蔥、酸瓜和芥末，味道一定會提升很多，不過以這價錢來說，已是合格的了。最令我留下深刻印象的是這店環境很不錯，清潔乾淨，而且座位寬闊，坐得很舒服，另外還設有洗手區，進食前後，可在這兒用梘液清潔雙手，十分方便。服務方面也不錯，雖然是採用自助形式，但店員很有禮貌，而且我在用餐的時候，看到店員不停用消毒劑清潔桌子，在這疫情仍未完全消退的時候，令人倍感放心。

今日去尖沙咀同女朋友想食少少野，女朋友未食過Jollibee，我話同KCF差唔多，可以試下當輕食～入到去，好似經過隨意門咁，堂內九成都係菲律賓姐姐，我地聽唔明既語言，不過都唔緊要，至在試下炸雞。我地叫左樂脆雞餐（2件雞+薯條+飲品）$45，加左鹹檸七特飲，同加大薯條（+$8），另外加左4件雞柳（$35）同香芒蜜桃批（跟餐+$6）首先，4件雞柳都幾香口，加埋蛋黃醬都幾好食，炸粉唔算多，同埋佢個份量都唔少，$35就中規中矩啦～炸雞都幾大隻，上次食，我覺得類似磨菇汁配炸雞都幾襯，都算ok，食完都飽飽地～薯條份量唔多，仲話加大，唔係好抵，同埋凍凍地，又淋晒，唔係咁好食～鹹檸七一貫都係唔差，好爽好開胃，加少少錢都值既～香芒蜜桃批雖然細細個，但有驚喜，食落好脆口，芒果加蜜桃又幾好食👍🏾總括來講，其實同KFC差唔多，間中食下平平炸雞都可以選擇～

相信唔少人都認得呢個小蜜蜂🐝，完全係童年回憶既其中一環。好記得細細個個陣，姐姐會帶我去呢度食來自菲律賓既快餐。後尾執得7788，就冇點再見過佢出現。近年，又重新進駐香港市場，唔單止中環、旺角、尖沙咀，等地方都有佢既蹤影。今日經過見到街招上大大個嘜頭，想試試可否拾回童年的味道。一入到去，經典的紅昏色格局，鮮豔奪目。與其他快餐店相似的設計。.▪️兩件樂趣雞配蘑菇飯 $47坐低之後發現，有兩個白色膠盒，一大一小。一開先發現原來一盒係蘑菇飯，另一盒就係蘑菇醬。呢一個配搭好方便食客，因為好多時食KFC個陣，食到一半d醬汁都冇晒。不過後尾發現醬汁好似其實係攞嚟點雞件食🤣。但味道黎講kfc都係略勝一籌。 而d雞塊都就就都炸得幾香，食落又幾爆汁。加上，店鋪既音樂playlist 都係好配合童年時代嘅選單，大家一定聽過既歌曲⋯

行街見到菲律賓🇵🇭連鎖快餐店Jollibee快樂蜂，記得以前經過中環店見到經常坐滿人，所以都未試過。但最近分店越開越多，今次就係尖沙咀分店試吓先😊我當然要試新口味辣樂脆雞套餐🍗炸雞拎上手仲係好熱，要等一下先食到。食落皮薄好脆，肉質嫩滑而且多汁，味道吾太辣好惹味👍🏻喜歡濃味啲仲有個汁俾你配炸雞食。跟餐選擇左薯條🍟食落很脆有口感都吾錯。另外加個紫薯批，紫薯蓉很香，吾太甜好好味😋當然食炸雞吾一定飲汽水🥤我就選擇左咖啡提一提神！

補寫食評，2019年1月來吃的！星期日下午，獨自到尖沙咀，到海港城取眼鏡，從地鐵站Ｒ出口上地面，突然覺得餓 (已經吃了午餐，最近比較易肚餓！)北京道有家Jollibee，iSquare對面，要行樓梯落地庫，進店後，目測所有店員都是菲律賓人，食客有一半是非華人，好有異國風情！排隊點餐，等3、4個，時間不箅長，可以接受！以英文點餐，想以八達通付款，店員說：“no octopus !” 柜枱明明有八達通讀卡器！唯有支付現金！拿了小票去取餐，給我薯蓉、百事可樂和１個牌，原來蛋黃雞柳還在炸，要等15分鐘！點餐時不說。。。。討厭！薯蓉，好吃！百事百樂，標準口味！等了15分鐘的蛋黃雞柳，炸太乾！差評！

前兩日大食妹同同事經過快樂蜂, 先至發現原來我哋咁多年都冇食過呢間黎自菲律賓嘅快餐 所以決定過兩日, 就嚟試一試睇下美式嘅快餐好食啲, 定係菲律賓式嘅更好食<肉醬意粉配兩件炸雞>聽朋友仔講快樂蜂嘅肉醬意粉好好食, 所以大食妹就嗌咗份肉醬意粉配兩件炸雞做午餐 盒裝嘅意粉, 上高淋上甜甜嘅茄汁, 裏面仲有腸仔同埋芝士腸仔口感軟爛, 大食妹唔係咁鍾意, 佢嘅醬汁一開頭食落都唔係咁習慣, 但愈食愈好食, 可以encore 炸雞好大件, 而且好有肉汁, 配上佢嘅蘑菇汁就更加好食 唯一可惜嘅係, 佢嘅炸雞冇一個令人印象深刻嘅味道, 如果可以做埋就更加perfect喇

Jolibee——一間食炸雞好好食既地方。炸雞，外皮好脆，雞肉好juicy。再點埋佢既秘制炸雞醬，唔會膩。不過值得一提既係佢既炸雞醬，唔會形容到似咩味，唔係酸，又唔係甜，又唔係辣。薯條雖然唔係話好粗，不過成幼身得黎都幾好食。飲品就係普通可樂，無咩特別可以介紹。個人黎講咁多間快餐最鍾意食jolibee既炸雞

好耐冇出街，唔知幾時Jollibee喺尖沙咀開咗間分店，就走入去買嘢食。(而家咁的情況，當然買外賣啦。)進入地庫，即刻有職員跟你度體溫，OK先俾你行去cashier 買嘢。員工就戴手套、口罩做到足點完餐，等外賣，見到店內 其實都坐咗好多菲律賓籍人客！今次 點左 ：一桶雞+大薯條，拎回家跟家人分享。味道實在太香，拆開就食，唔記得相機食先（sorry, 無食物相提供）由我拎到外賣 至 返到屋企都要約15-20分。開餐時，竟然仲熱辣辣，脆卜卜，非常開心！一桶雞$90 有6件，三件雞脾，三件雞胸肉 加Jollibee 秘製醬汁(我覺得有用蘑菇，我食到蘑菇味)，簡直係一流嘅配搭！雞肉嫩滑，大大件，啖啖肉，雞皮跟炸醬一齊被炸脆，油份就一定有，但不太多，值得一讚。 薯條就普普通通，不過不失。一定會再幫襯，下次會記得影相📸️現送上，等外賣時，影嘅餐牌相

其實一直都想試，但星期日係多人到唔想幫襯，🤔🤔🤔當日適逢經過，甘就入左去啦！環境方面，冇咩特別，一般快餐店既格局。叫左一個餐，大概五十幾蚊！個餐有兩件雞，炸得好脆，唔會有好油既感覺...對比起爺爺炸雞就咸左d,唔鞋身，都算滑😋😋😋不過得原味選擇！個人鐘意食辣味多d啦，個蘑菇汁冇咩特別。肉醬意粉非常普通，同便利店差唔多質素！著條較幼身，對比起麥記都係偏咸！整體感覺還好，不過應該唔會再特別走去食啦⋯⋯

最近M記推炸雞，友人都在說M記的炸雞比鬍鬚佬好食，亦都有人話Jolibee先係最好食。搞到我都忍唔住去試一下。貨比三家之後，確實係Jolibee最好食喎！雞肉係可以保持得最嫩滑，另外嗰層炸粉皮都唔算厚，食落去真係爆油又爆肉汁！

今日係尖沙咀做完嘢就諗住快少少食啲嘢就翻屋企😴所以我同朋友就決定去Jolibee食快餐！今次我嗌咗嘅係兩件炸雞加薯條加橙汁🤤Jolibee嘅炸雞真係唔錯~首先夠哂大舊，唔洗驚得兩件會唔飽😂外皮炸得香脆，食落口唔會覺得食咗一口粉漿咁🙈而入面嘅雞肉依然能夠保持嫩滑有肉汁👍🏼另外一樣比較特別嘅地方係店員會俾一盒蘑菇汁你，俾你配合炸雞一齊食🍄個人對呢個配撘就一般🙊至於薯條方面就正常發揮~反而同蘑菇汁一齊食就幾夾，有驚喜😆

喜歡吃炸雞的我吃過不同地方/國家的炸雞，但數到最好吃的始終是快樂蜂！首先炸雞的尺寸大，炸漿薄，雞皮脆，而且沒有油膩的感覺，難得的是雞肉十分嫩滑而且有肉汁，軟骨位置亦十分爽脆，配上醬汁 基本上此炸雞是無懈可擊！另外炸薯條比起麥記較為厚切，快樂蜂的薯條做到外脆內軟，十分難得，分量不算很多但絕對足夠，即使不用點茄汁亦已經夠味。香桃芒果批的味道配合得天衣無縫，桃味及芒果味道平均，不會偏重其中一種水果，唯一缺點是外皮較厚，未似炸雞做得爽脆，不過此批亦已經十分高質素！最後十分欣賞快樂蜂的服務態度，員工質素很高！雖然大部分的員工都不是本地人，但他們永遠面帶笑容，而且在下單前會跟你衷心說一句"welcome to jollibee"，對比其他快餐店，快樂蜂不論在食物質素及服務都遠遠拋離其他對手，唯一不解的是快樂蜂顧客數量似乎未夠其他快餐店多...希望透過這篇食評有更多人了解快樂蜂的好處，把此炸雞發揚光大！

Jollibee 食過好多次，但尖沙咀e間的分店真係第一次去自從Jollibee 入主香港市場後，我就愛上他的炸雞，唔多食KFC了Jollibee 的雞好滑，炸粉唔多，會食到啖啖肉的，現在要穩間炸粉唔多的好難，他就做到了他的炸雞是皇牌，每次攞起都係熱辣辣，完全可以保留雞味。另一樣我最中意食的就係他的意粉，意粉醬好多，我係醬人，岩晒我甜甜酸酸E間令我特別要寫的原因係他的工作人員好nice, 見到食客穩位，會幫手穩，而且執枱好快好乾淨，最緊要係工作的伯伯笑容好親切，感受到煩囂城市的溫暖

肚仔突然發岀「咕嚕咕嚕」，今餐諗左諗食咩，我決定食邪惡既快餐店，就係快樂蜂啦啦啦，諗起炸雞口水都流到成地都係🥰開心開心。一人毒毒套餐 $58套餐包括：樂脆雞(2件)，肉醬意粉，百事輕怡。(自選)另外追加：樂脆雞(2件) $34，薯條(大) $16樂脆雞(2件)美味指數 : ⭐️⭐️⭐️⭐️⭐️係我最愛既快餐店炸雞，我覺得好食過kf_，炸到外脆內軟，肉質又非常嫩滑，食落口又唔會滿口都係油，加上秘制既醬汁，點一下醬汁，再食一口炸雞，真係嘩好_好食！！又香脆又美味，非常配搭。肉醬意粉美味指數：⭐️⭐️⭐️配料有肉碎，芝士，腸仔粒。意粉比較淋身，肉醬就偏甜，腸仔粒既肉質就粉粉地，認真感受一下，會有一丁點點點既辣，就好似無一樣，夠飽肚。薯條(大)美味指數：⭐️⭐️⭐️⭐️薯條咸味適中，唔會咸到係咁飲百事，薯條唔係空心薯條，都幾飽滿，靚靚仔仔，食落口完全贏麥當_。(有次食，得半盒薯條🤨)環境 : (外送)服務 : (外送)價錢 : ⭐️⭐️⭐️⭐️⭐️美味 : ⭐️⭐️⭐️⭐️快樂蜂 (尖沙咀)尖沙咀北京道53-63號國都大廈地庫

今日約咗朋友去尖沙咀食串燒，去到之後發覺Menu啲嘢都幾貴，食完唔夠飽就去咗食快餐店快樂蜂。快樂蜂🐝係香港都開咗有一段時間，但真係未試過哈哈。我哋一人叫咗一個餐，朋友就叫咗兩件雞加薯條加可樂套餐（$43）我就叫咗一件雞加白飯( $35 )。第一次食呢一間快餐店，份量睇落去唔係話好多，感覺上有少少貴😝但係不得不讚嘅就係佢嘅炸雞整得真係幾唔錯👍而且佢嘅雞皮炸得唔會鬆散，幾好幾好！啲雞肉唔會鞋澀澀，所以都明點解佢嘅餐唔會話特別便宜。