快樂小羊火鍋餐廳

營業中

休息中

[✨羊迷必試蒙古烤羊羊火鍋🥘]今日經過旺角，終於有機會試吓呢間主打係蒙古羊肉火鍋嘅”快樂小羊”喇🤩💗成雙鍋（大鍋-辣湯+清湯）$128辣湯方面，係用傳統做法調制，未至於辣到食吾到既。清湯方面，用左紅棗杞子等等材料搭配，幾養身，又特別👍🏻👍🏻💗羊羊大拼盤 $268份量十分足夠，擺盤美觀有心思，卷成花朵咁🌸，好岩打卡📸。羊肉肉質十分嫩，羊味濃，唔騷！😳真心真心推介必試❗️🫶🏻💗蒙式烤羊排 $338用烤型式調製，肉質香脆吾會柴，好juice，同埋用左特製既香料燒，香味撲鼻！😋💗白鱔片$168鱔片係厚切，好大片，淥一陣就食得，非常彈牙。💗鬼馬墨魚滑$88墨魚味好重，吾似一盤街市買到果啲，好滑好彈。😊💗鴨血（半份）$34鴨血既質素屬正常水平，好食過超市買包裝果啲。💗洛神花沙冰$30飲到好重洛神花既味道，啲冰冰好綿，而且吾係太甜，非常解渴。🧊💗百香果特飲$24用百香果果肉做底加梳打水調制，飲落去好爽！🍹✨環境方面，地方十分寬敞，坐落地玻璃既卡位仲可以望到旺角波鞋街既夜景！🌃😍😍

《超嬲》雖然坐得舒服，食物質素好！但唔會再去！四人點了，象拔蚌刺身、羊肉卷、安格斯牛、魷魚、鴨血、響鈴卷、鬼馬油條、菜、後加甜品。消費咗$2300。可惜用餐約一小時已被職員催埋單，攪到成家冇晒Mood！我6:15入座（寫明8:30交枱）我點第一輪嘢食，去到7:15職員問我仲叫唔叫嘢食，根本我枱上野都未食晒，我話：「我睇睇餐牌先。」之後點第二輪（因為根本枱擺唔晒，亦冇可能一次過點埋甜品嗰啲擺喺度）隔咗10分鐘，又另外一個職員話：「你仲點唔點嘢食？」頂！即刻着咗😡！我問佢：「而家係咪要趕埋單？」真心嬲！兩個職員係咁催我埋單咁！ 我話：「你搞到我食到好唔舒服，好似好阻住你哋咁！」 佢迅速彈開，佢老闆企咗喺附近！老實講，三大一小消費$2300食1.5小時絕對唔過分，我唔明佢做乜係咁催！我埋完單落到樓下根本冇人等位，亦有吉枱，唔知佢催嘜Q。 超嬲！以後都唔會再去！

每次嚟呢間餐廳都冇得輸，最好食嘅當然係佢嘅牛小排同羊肉串！基本上每次去都係點類似嘅食品。雖然外邊飲月桂冠一定係比較平，但係唔知點解响呢度飲感覺特別happy 不過大家要留意睇吓你咩時段過去，有時會用open rice discount 特別平，到時會用佢哋嘅優惠券特別平。埋單之前可以問吓侍應，佢哋都好Nice可以幫你計吓數計到最化算另外，餐廳嘅空間好大，位置亦唔隔涉。火車站行去都只係大概10分鐘。响度一定要推下，十卜十卜！

第一次嚟朋友食開推薦我地黎食全家人都讚好味好抵食湯底揀左麻辣，番茄同原味湯底味已經好夠唔需要再點豉油或者醬汁D羊同牛都好新鮮 兩個相比都係羊嫩d推薦大家試下燒羊肉粒同烤羊棒骨 超級好味下次會想再黎

話說，「快樂小羊」是我們一家在UK最愛吃的餐館。爸爸的同事說：「香港的快樂小羊也很不錯啊！」爸爸興奮地把同事給他的優惠券帶回家～作為他醒目的女兒，當然即刻訂枱為他慶祝父親節啦！爸爸和媽媽都吃得很滿足呢！P.S. 如今有68折，不需用Coupon. 😚另外，UK比香港便宜很多，但香港多很多款式～😝

疫情前去过几次 昨天是疫情后第一次去服务员态度一如既往的好但是！一楼前台排位的女服务员 请你不要翻白眼 我们比预约晚了十五分钟到 非常感谢你把两个小时交台时间也顺延了 但是你的态度有点差 客人不懂你的小票写的是啥 问你的时候 好好回答就行了 没必要配表情包 希望改进

正宗的蒙古烤羊肉，火鍋（有藥膳湯、蕃茄鍋、麻辣鍋同酸辣湯底，客人可以「雙拼」或者「三拼」。呢度除左羊肉火鍋之外，仲有蒙古炙烤、）食材新鮮，高質，種類多，價錢合理！環境寬敞，共兩層，每層都過千呎，客流量多，經常full位！

前排食完，一直心思思想再食，不過今次發現原來打邊爐個湯底真係真係真係好重要，亦都要夾個人口味。上次叫左招牌湯底——清湯同麻辣，今次侍應介紹話酸辣會辣d，麻辣麻d，就叫清湯同試下酸辣，點知對酸辣好失望，可能印象中既酸辣係太2酸菜魚果隻，但係呢個酸辣就真係冇乜特別，食到辣味，但味道層次唔豐富，我寧願捨辣取麻。今次主打牛肉拼盤（牛舌、牛肩胛、牛小排）同羊肉卷，都係肉同油脂均勻，有牛肉、羊肉香，唔會有筋，鞋唔鞋就靠自己睇淥既時間啦。青檸梳打出呼意料咁好飲，叫左兩round, 好過叫有色素糖漿既特飲。烤羊肉串依然係必叫之選。叫左娃娃菜同油麥菜各一份，都好新鮮。

以前經常食小肥羊，依家轉食快樂小羊，鋪頭係旺角鬧市加埋落地玻璃，遠處已經望到。鋪頭好大，3層高，唔難Book。今次食鴛鴦鍋，有酸辣湯同蕃茄湯底。黎到一定要食羊肉，羊肉有好多款，價錢由$150至288不等， 任君選擇。除咗羊，點少得豬肉、牛肉，岩曬唔同口味嘅朋友仔。羊肉唔太騷，肥瘦相間， 味道鮮甜。最正係有烤羊排同烤羊串，火鍋＋燒烤串贏曬其他火鍋店。 雖然烤羊串， 但唔會烤到啲肉好乾！ 灑上辣椒粉同孜然粉， 超惹味！ 嘢食種類多， 滿足唔同人口味。

同朋友都係晏晝戰鬥力好d既人，所以齊齊晏～晝～打～邊～爐～細個既時候會一齊揀食buffet/放題，以量取勝，近年重質不重量，寧願單叫都想試d自己想食既野，今次就試下呢間，果然不負所望😆我地揀左招牌清湯同麻辣湯，侍應話d湯已經夠味所以唔使點醬，試飲幾啖，果然好濃味，似當年好興既藥膳湯底，之於係咪健康，打得邊爐就無謂深究。食物主打係牛肩胛&塔拉上的快樂卷（羊肉）。牛肉係比羊肉有咬口，但羊肉因為更細塊更薄，真係細個普通話書講既「涮羊肉」，一涮就要既起即食，都好夠羊味。蒙古馬奶酒，雖然有38度，但都好易入口，口感creamy, 味道有少少似Bailey, 唔似五糧液果d好中式白酒咁啃，不過空肚飲係會有d揦胃，但食住打邊爐飲就好有feel. 先倒d係小酒壺度醒酒，再倒入酒杯，唔覺唔覺好快飲左半支，如果雪左先飲更正😋原來呢隻酒係蒙古好出名，有好多呢個造型既紀念品，都幾得意。烤羊肉串，超級超級超級推介👍🏻三色蝦滑，味道中規中矩。建議叫d薯粉，好吸湯底味。整體好好食，送左coupon, 希望快d 再黎食。

今次已經第二次幫襯，全部食物都很新鮮，有質素，服務十分貼心，VIP房每人一爐好方便，連小朋友都好enjoy，由頭食到尾，個個都好滿足捧住個肚走，仲要有coupon送，會再幫襯

臨別秋波 ……細佬眨下眼又要返返過去啦又有藉口一家人去食餐飯今次揀咗（快樂小羊）呢間嘢講到明食羊架啦我哋叫咗三味湯底麻辣湯 / 蕃茄湯 / 清湯麻辣湯淨係得一款辣想要勁辣嘅人唔使諗啦蕃茄湯好味清湯有少少藥材味叫左沙律菜，醒醒個胃先蒙式烤串@28串👍👍👍蒙式烤羊扒👍👍👍口水雞👍油條👍👍肴肉👍薄皮韭菜盒 👍👍蔥油餅👍👍👍👍👍快樂吉祥三寶🤣🤣👍👍👍韭菜餃👍鮮蝦雲吞👍👍👍👍👍 快樂丸滑拼盤鬼馬墨魚滑鴨血凍豆腐土豆粉皇帝菜真係超滿足呀

呢一間真係唔可以唔去永遠係我最推介打邊爐嘅好地方個名又改得好 快樂小羊食完我都變咗隻快樂小羊☺️😍咩咩咩🐏🐏🐏🐑🐑必食推介：1）快樂吉祥三寶，豬牛羊都有豬肉配蕃茄湯底最正牛肉配麻辣湯底*所以通常我會叫鴛鴦湯底一邊麻辣湯 一邊蕃茄湯❤️❤️2）盞鬼墨魚滑、毛肚、韭菜餃、綠蔬成蔭（雜菜拼盤）3）烤羊扒/羊架/羊肉串 100分好有蒙古風味🐏😍😍👍👍👍4）一揸揸啤酒🍻食打邊爐 飲凍冰冰啤酒🥳好正整體來講 呢間真係好好味🤤

成雙鍋 (2-6人枱用)-酸辣湯-蕃茄湯$128好味指數：8/10塔拉上的快樂卷$138好味指數：9/10迷你生根$48 (1份)好味指數：8.5/10鮮腐竹$19 (半份)好味指數：8/10蟹粉丸$24 (半份)好味指數：7/10軟滑魚肚$43(半份)好味指數：7.5/10皇帝菜$21(半份)好味指數：8/10功夫青荀$21 (半份)好味指數：7.5/10鮮冬菇$19(半份)好味指數：8/10蒙式烤羊串$28 (每串)好味指數：10/10成日見到呢間OpenRice訂枱都有折💰，今日終於訂咗枱試吓啦。揀完個鍋🍲之後，其他嘢都係QR code落單。嚟得快樂小羊🐏，一定係食羊肉啦！我哋揀咗個中價位嘅羊肉，雖然佢每片都唔算好大塊，但係都好有羊味有少少🤏🏽酥好正。湯底我哋選擇咗酸辣🌶️同埋蕃茄🍅湯底，酸辣湯辣度都偏辣㗎，所以唔食得辣嘅朋友可以‼️注意下，而個蕃茄湯底就好濃🍅🍅🍅番茄味，一啲都唔會稀，羊肉配酸辣湯係最佳嘅組合。我哋仲叫咗魚肚，珍珠生根呢啲最掛湯🫠嘅食物，其實食材普遍嚟講都👍🏽新鮮，而且正常發揮，相對呢個價錢佢每一碟嘅份量都好大碟。要推介嘅，除咗係佢嘅羊肉之外，亦都係呢度嘅小食串燒🍢

Happy Friday 突然想打邊爐係旺角行左一圈 決定食依間 冇限時間 唔使食得趕頭趕命散叫 食物質素亦高d而且好耐冇食羊兩個人叫得唔多佢個藥膳湯底我幾鍾意 我好認同個waiter講嘅…湯底好味 唔使沾醬汁所以我都冇乜沾豉油 太多汁遮蓋左材料嘅鮮色,我只係要d蔥花同蒜蓉就夠快樂吉祥三寶 有曬牛羊豬非常好仲叫左脆肉鯇魚片,萵苣,蘿蔔等配料…另外有個濶粉 有啲似薯粉 彈彈地 口感唔錯整體環境唔錯 食得幾舒服 幾enjoy枱與枱之間有空間感 唔會好迫印象中好似比以前貴左👀