忠仔麵 (良景廣場)

營業中

休息中

經過比呢間懷舊裝修吸引左 望咗兩眼原來係食車仔麵 鋪頭座位唔多收銀做到好似架手推車好可愛旁邊仲有Mirror相同公仔 睇嚟呢間老細都應該係鏡粉🤭韭菜餃 墨魚丸 響鈴卷 豬骨清湯加腩汁 加埋惹味甜辣汁 米粉 $40 凍豆漿+$8韭菜餃皮薄餡多大大粒好好味 墨魚丸都幾爽口彈牙 響鈴卷唔會浸到淋哂 米粉份量好多反而湯底好清淡 辣汁唔算辣 甜甜地如果湯底可以再濃郁啲就好啦😁鮮蝦雲吞 韭菜餃 廚師腸/芝士腸 $40 出前一丁+3 凍豆漿 +$8 食車仔麵應該好少人會改用出前一丁做底🤭 不過小朋友就係鍾意食出前一丁多過其他 所以變成一碗唔正宗嘅車仔麵🤣 🍜 忠仔麵 @mrchungnoodles 📍屯門田景路31號良景廣場2樓L204號舖舖#車仔麵 #良景商場 #屯門 #屯門小店 #港式 #懷舊裝修 #打卡 #mirror應緩 #hkig #親子kol #親子 #親子blogger #kidsblog #foodblog #hkfoodie #foodie #foodieblogger #foodiehk #blogger #hongkongfood #tuenmun

下午茶送汽水，有支裝可樂，魷魚牛肚值得推介，鍾意佢個醬汁，份量好多，蘿蔔好入味，魚蛋好味，特別鍾意個油麵，勁多蔥，湯唔會太鹹，有得揀辣，下午茶冇咁多人，可以去試吓。

今日去良景搵完朋友，見有少少肚餓行去良景廣場睇下有咩食先，去到見到唔少食肆，不過比呢間裝修得好有港式情懷既車仔麵吸引住，就入去試試，叫左4餸1麵加可樂…..豬皮，韭菜餃，牛筋炆得好淋好入味😋，本身鍾意食開街邊陳皮魚蛋既我必點😍，我唔係好食得辣不過又唔想清湯，所以點左惹味甜辣汁🌶，食左之後發覺佢唔會好似出面咁得個辣字，又唔會冇味果隻，增加不少食慾，推介必試👍👍👍，填紙仔時樓面姐姐同我講原來韮菜餃同鮮蝦雲吞都係佢地自己包架，一d都唔hea淨係呢點都值得加分💯，其實見到Menu仲有好多都好想試下，不過又驚食唔晒浪費，所以留返下次😋😋

早幾日冒住風球去咗屯門探朋友個BB😍每次去都會發掘下佢果頭開咗咩新餐廳😂今次就同一個朋友係上去佢屋企之前先試吓呢間車仔麵✌🏻👅墨魚頭，咖喱豬皮，招牌魷魚配腩汁+惹味甜辣汁河粉 (走蔥) (評分: 4.5/5)💰4️⃣0️⃣$40就有三餸一麵係宜家呢個百物騰貴既世代黎講算幾平👍墨魚頭口感彈牙，但係只係白灼，唔太特別🆗豬皮好入味，都有啲辣，八角味略嫌太突出所以食落有少少苦澀，但值得試👍魷魚粗身，彈牙，有口感，唔錯！個甜辣汁幾香幾惹味😋 有少少似以前係街邊篤魚蛋果隻沙爹汁～呢個河粉都幾唔河粉，口感偏彈牙，有少少似烏冬，亦都冇平時嘅河粉咁油膩😅👅柱候牛肋條，菜心苗配腩汁+惹味甜辣汁油麵 (多蔥) (評分: 4.5/5)💰3️⃣5️⃣牛肋條入味但唔會過鹹，肉質夠淋，食落難得地唔痴牙😂菜心苗有光澤，口感爽脆，油麵底正常～上到去主人家屋企同佢地講‘’你樓下間車仔麵幾好食😋‘’，佢哋都話係唔錯，而且外賣唔駛專登講都一定會幫你分湯上👍下次再嚟探BB嘅時候仲有好多車仔麵配料要試😆

見網上好多post 話好食，專登連續兩日去買個外賣回家食，仲要份量多又抵食，良心小店👍🏻首先個湯底清湯 +惹味甜辣汁 +腩汁=湯濃惹味又唔油膩😋咖喱豬皮入味爽口🐖招牌水魷超爽彈🦑柱侯牛肋條夠淋入味🐂滷水豬腸乾淨入哂味又冇臭味🐷五香牛筋好淋🐃古法金錢肚爽口又夠味🐂唯獨豬紅比較一般，本人唔食澱粉所以叫菜底，惹味甜辣汁，啱曬食唔到太辣嘅人，收銀員好有禮貌又細心又推介👍🏻用心製作，希望保持以後能水準

近日聽唔少街坊推介，所以慕名而來，果然水準不錯。環境：唔算好大，但都坐得舒服，尤其我慣常獨食，佢地有唔少孤獨位好唔錯，唯一好似我呢d 腰骨唔好嘅，因孤獨位嘅楛冇背，所以今次我揀有背牆可以靠吓嘅位，另外加分，因本人係鏡粉，全場超多鏡仔物品。服務：幾位店員都好好禮貌，反應快，做野快，真係要讚。食物：我係鍾意樣樣有少少嘅人，呢到有幾款雜錦餐就最啱我。當中今次最正係大腸同牛肋條，夠林又唔會有好大騷味，蘿蔔差少少，有根。我今次要咗撈米粉底，份量足，最後食唔哂，店員姐姐推介辣醬，我唔食得辣，所以試bb 辣，雖然都真係辣咗d,但成碗米粉都升華，好辣人士值得一試，仲可配飲品。總括係可以番頭嘅一間小店。

忠仔麵今日係附近做完野順手搵個地方食埋午餐。天氣咁熱唔想食飯。見到有車仔麵食。坐低慢慢食。今日叫左自選三餸麵$40麵底就點左油麵，三樣餸就點左五香牛筋，豬腸同埋古法金錢肚。牛筋非常爽彈。豬腸亦麵唔騷。金錢肚我至愛，好好食。湯底就點左清湯加腩汁，麵索晒腩汁，非常惹味。麵底份量麵算好多。三樣餸比例以呢個價錢亦都算合理。最後點左杯凍豆漿(杯裝）$8，味道唔算太甜。飲落亦都唔會好多渣。整體嚟講，合格有餘。

疫情冇咁嚴重，終於可以出街食下野。今次試左呢間車仔麵，果然冇令我失望，味道拍得上出名果幾間😎3餸1麵 $40蚊，我嗌左4餸就$50，雖然價錢唔係特別平，但絕對係良心小店，一啲都唔hea，份量超多🏅豬皮好大塊，好爽，咖哩味都有小小辣🏅牛柏葉同墨魚頭都好爽，第一次食墨魚頭，鮮甜有咬口🏅通菜好新鮮，煮到岩岩好，唔淋唔硬🏅瑞士雞翼甜甜地好好味，啲肉好滑🏅蟹柳真係好大條，唔係粉果隻，真係一絲絲，食完都飽哂🏅娃娃菜冇特別，份量夠多🏅最好味係豬紅，滑得黎好入味，重好大粒tim甜辣汁好好味，食得小辣既人都食到🤣重嗌左個口水雞，好大隻雞脾肉，小小麻同辣，啲肉好滑，食得出隻雞係有奄過，有花生同青爪絲做配料，食完已經勁飽😝

朋友話哩邊開左間車仔麵，膽粗粗買個外賣試吓間鋪睇落唔算大，得10幾個位，但幾有懷舊氣氛個收銀車真係幾靚，仲有算盤，火水爐嗰啲 真係以前香港嘅感覺都出咗嚟呀！嗌左韮菜餃 貢丸 蟹柳，3個餸1個麵，$40，都ok既，啲野大大份，食完真係飽肚。一開始諗緊食咩嘅時候，個職員推薦韮菜餃，話係自己包，最尾都嗌左一份試吓，個餃嘅味道又真的幾唔錯，好juicy同埋啲餸都幾大粒，貢丸同埋蟹柳都好好食，應該係嗌靚貨既，想講條蟹柳仲長過個碗😂，超級抵。整體感覺幾好，味道可以，下次會再食！

疫情下只好嗌外賣，見到有個雞脾芝士撈丁，買黎試下，話要等15~20分鐘，不過都ok既，因為間野話隻雞脾係慢煮，上咗樓上買完嘢之後落去就啱啱好有得拎，啲肉真係好滑，加埋瑞士汁甜甜地，好正，49蚊重有杯野飲送，都幾抵！😎另外重嗌左個3餸麵，分湯外賣都只係加$1，好多舖頭都係要加$2牛筋夠哂淋，好香香料味。豬皮爽，有小小咖哩味。原來佢個沙嗲牛肉喺泰式果隻沙嗲醬，食完諗起泰國呀😍。良景終於有返間似樣既車仔麵👍🏻👍🏻一定要力推！

今日行開呢邊，見到呢間野終於開返堂食，佢哋停咗堂食好耐🥲開張冇耐試過一次，真心好味，仲加咗唔少新餸，今次都冇令我失望，嗌左3餸菜底，35蚊其實都幾抵食佢個金錢肚爽得嚟又唔韌，重好入味墨魚丸真係有墨魚！好似講緊廢話咁，但好食過出面出面啲墨丸好多！最抵食係個珍寶蟹柳，勁大條，其實食完已經好飽最要讚係個惹味甜辣汁，甜甜地，辣辣地咁，真係食上癮😋下次再行開呢邊都會再試！我食緊嘅時候見到有唔少人排隊嗌外賣，睇嚟係信心保證👍🏻

開咗一段時間，今日終於去買個外賣試吓，點咗四餸麵，招牌瘋狂辣打開賣相算唔錯，佢將啲湯分開放，我就直接先試吓個湯底，個湯熬得幾好飲，不過鹹咗少少，跟住就講返個瘋狂辣醬，我都食得辣嘅，食三哥譚仔都食麻辣特辣，咁佢呢個瘋狂辣醬講真真係幾好味，而且夠辣，值得推薦俾食得辣嘅朋友餸方便，我點左招牌魷魚、瑞士雞翼同佢個雲吞，魷魚幾爽，雲吞就普通囉，但係要讚下佢個瑞士雞翼，因為個瑞士雞翼好味，而且仲好入味，所以瑞士雞翼都係值得推介嘅同埋外賣都幾快，唔駛等好耐，如果可以嘅話，我想餸方面，如果可以多啲嘅選擇就更加好啦

知道屯門良景開咗間車仔麵，裝潢百分百港式情懷。疫情下當然不能堂食，唯有靠戶戶送才能解解饞吧！三餸麵($57)選鹵水雞翼、豬腸和韭菜餃，配油麵和雙倍甜辣汁。餸料方面以豬腸最佳，洗得乾淨入味彈牙，甜調的鹵水香，可以推介。鹵水雞翼味道不錯，鹵水可以更入味一點，而雞肉比較乾身。韭菜餃味道最強差人意，餃身偏稔而且餡料散碎。那渣麵的靈魂在於辣汁，選了雙倍甜辣汁，汁醬多得滿瀉，非常港式的口味，只是味精重手了點。見店方有售賣辣陳皮魚蛋($43)，抽真空包裝食物疫情下都幾方便。喜歡永年嘅人應該會喜歡忠仔麵，只是這家跟我期待的仍有距離，就是可以一試的程度吧。