必勝客

營業中

休息中

今日放學去咗鑽石山果邊，已經夠鐘食下午茶了 我同朋友去咗荷里活廣場搵搵睇下有咩食，最後決定咗食pizza hut 因為見到佢d餐都好似好味而且都幾平呀！而且仲配汽水無限添！都幾底架！我叫咗蒜蓉包配白汁薯蓉，黎到已經聞到蒜蓉包嘅香幾好冇失水準 因為一直都覺得佢地嘅蒜蓉包幾好味 今次仲要熱辣辣咁上好味呀！而薯蓉都唔錯 ，我個人最鐘意放超多芝士粉撈住一齊食！正！ 不過如果多d 肉同芝士係d薯蓉面仲正！最後埋單2個下午茶餐夾埋都係60幾蚊每人比30幾因為我係pizza hut 會員所以可以免加一，你話係咪底先？

今日到荷里活廣場逛街，行到攰，想搵地方飲下午茶，剛巧見到呢間餐廳， 又唔使排隊，就决定在此吃個下午茶。 下午茶餐有很多選擇，由$28元至$60不等，豐儉由人。俄羅斯沙律配煙肉菠蘿芝士酥俄羅斯沙律有薯仔、生菜、紅蘿蔔……等，仲有一隻大蝦，可惜墊沙律的餅皮不夠鬆脆，有啲靱， 要放棄唔食。芝士酥芝士味很濃，配上香甜菠蘿和煙肉，幾開胃。白汁雞翼拼盤三重奏拼盤有腸仔、雞翼、肉丸 。腸仔係脆皮腸，雞翼焗得香脆，肉丸頗彈牙， 配上白汁，味道唔錯。咖啡香濃， 夠哂大杯。餐茶除咖啡或茶外，亦可選紅莓夢幻/青檸魅力/柚子熱情，亦可加$4添飲咖啡或茶， 夠彈性亦都好抵。

點了午餐一客卡邦尼意粉，加$3轉熱朱古力，意粉的醬汁完全無卡邦尼那份感覺，難食，只食了3分1唔夠，熱朱古力也不好飲。收加一服務費竟然同無服務無分別，差。唔會再去

呢間pizza hut係我食過咁多間裏頭最難食嘅一間😖😖😖 我哋叫咗個肉圓二人餐扭扭批（下圖個個）， 個批完全乾巴巴（ 或者佢原本係咁樣） 一啲汁都冇， 而且佢嘅批邊完全❌拉到芝士， 應該喺廚房煮定咗好耐，所以好難食。 之後個set仲有個意粉嘅叫雞絲炒意粉（小小辣個個）， 嗰個意粉出嚟又係乾爭爭嘅， 似喺廚房煮熟咗啲意粉然後擺啲雞落去咁樣，完全冇炒過嘅feel😑😑😑 另外仲有蕃茄汁肉丸， 唔講由自可一講把己🔥🔥🔥個肉丸食下食下食下有發泡膠🤐🤐🤐 我真係唔知呢間pizza hut搞乜鬼， 一個字差😡😡😡重要啲梳化凳全部爛曬嘅，唔知間pizza hut站落咁多錢洗曬去邊

細細個已經好鍾意同屋企人去pizza hut到食pizza，因為佢地啲pizza同意粉都好好食。但係呢幾年，pizza hut不斷出啲新奇有趣既菜式，但質素就.....所以就有好一段時間無再去食啦。今日同好朋友見面，諗緊食咩既時候，朋友就提議嚟鑽石山既pizza hut食薄餅。由於前幾次試新野都冇咩好結果，所以我哋決定食返啲傳統嘅食物。今次再食pizza hut 竟然令我改變左對佢既睇法！前菜我哋就帶咗蒜蓉包同煙肉薯蓉。蒜蓉包Pizza Hut嘅蒜蓉包一如以往非常惹味，麵包皮烘得脆卜卜，唔會唔夠脆得嚟又唔會黑到炭咁，而且每一塊麵包嘅底同面都搽上非常香嘅蒜蓉醬，令到我食完一塊又一塊，完全睇唔到手！煙肉焗薯蓉個薯蓉非常細滑，表面焗得少少焦，配埋一啲煎到脆卜卜嘅煙肉，令到我食每一啖薯蓉都享受到唔同嘅層次。主菜就有超級至尊pizza, 白汁海鮮飯同卡邦尼意粉！超級至尊pizza薄餅餅底非常脆，面頭嘅配料非常充足，唔會太濟同太膩，非常好食！白汁海鮮飯海鮮就明顯唔係新鮮，但都算幾足料，白汁就有啲似用濃縮液開，成個飯稍為遜色。卡邦尼意粉意粉比我預期中好好多，個卡邦尼汁係用淡忌廉整既，完全食得出同普通

今天是公眾假期到處人頭湧湧，包括大部分的商場。想外出享用晚餐，可能要用上一個小時等候座位。今天與朋友來到鑽石山荷里活廣場逛街後，想順道在商場內吃晚飯， 但平常常去的食肆人龍都很長(有些什至要輪候200個號碼)。迫不得已下，便來到了Pizza Hut。 反而有意外驚喜，這間老字號的薄餅店不但在食物味道及質素方面保持一貫的水準， 還不是在菜單內加入新菜式。由於有信用卡的優惠， 我們可以以優惠價(原價56折;人均消費大概$160) 享用<細味開心36年 經典滋味>套餐。 套餐內容非常豐富。雖然是二人餐，但分量足夠三人享用。意大利菜湯:呈緋紅色的意大利菜湯賣相討好。蕃茄味濃，蔬菜量多。巴馬火腿凱撒沙律: 套餐內的多款菜式中這個沙律是比較遜色的。 用料較為單調， 只有生菜和三塊火腿，但味道尚可。蜆肉焗薯蓉: 薯仔被打成質地幼細的茸，內裡加入大量蜆肉，再配上芝士， 焗至金黃色。 蜆肉能增加薯蓉的口感， 薯香四溢。海鮮盛饌: 薄餅用料多樣豐富， 包括龍蝦仔、大蝦、魷魚圈、蜆肉、蜜桃、金柚、紅洋蔥及青椒。薄餅上層再加上秘製芒果醬、炸蒜及芝士。餅皮香脆，芒果醬的酸甜能中和芝士的滯膩感。推

家中開PARTY又點少得叫PIZZA呢... 今日去老婆外家參加小妹妹生日PARTY，雖然人唔多，不過食物方面都好豐富，蛋糕、PIZZA、壽司樣樣齊。附近最方便就係買PIZZA HUT外賣喇，今日買咗個套餐，再加咗D小食，份量啱啱好。3-4人大批套餐至尊鬆厚批：我哋一般都係食至尊，有時都會試下新嘢，不過都係Lee款最啱口味，話明係至尊，樣樣餡料都有D先係食得最開心，最重要有我最LIKE嘅辣肉腸，Lee間分店就焗得乾咗小小, 還好鬆厚批小小乾都可以接受, 如果薄批就太脆太濃太熱氣啦！香蒜肉絲意粉：外賣首選，憑經驗嚟講，無汁比有汁一定好食D，唔會因倒汗水令食物變淡，而且蒜味確實係好香。萄汁雞焗飯：可能凍咗，汁變(傑)，飯太(淋)，味道唔OK，無辦法啦，套餐選擇太少，只好接受。辣味雞翼拼意式迷你腸：PIZZT HUT雞翼次次食都好食，有保證嘅，水準KEEP到；腸仔我就一般啦，味道都可以啦！蘑菇忌廉雞湯：我最鐘意飲湯，咩湯我都啱...，忌廉湯只要唔係太(傑)身就可以。蒜蓉包：一向都咁鐘意食，Lee間唔(孤寒)，好夠蒜蓉，正！蜜糖雞翼拼脆薯格：都係嗰句，雞翼水準KEEP到，第一次試蜜糖味，都唔錯

日前食咗呢個香草肉丸, 鍾意佢抵食得黎夠認真, 所以我地特地 encore 佢~ 卡邦尼意粉, 無咩味道, 淡淡口, 為填飽肚子質量嘛... 就叫做 so so 啦...不過, 下次唔係餓就唔會再叫佢~58蚊半隻烤雞 仲抵過下午茶多多聲! 質感味道都好 ok, 仲完全夠飽肚添~肉質算係嫩架都, 有無雪味喎~質感唔錯, 唔會食落有渣咁啊~烤得夠香口, 底面都係脆架!好認真呀佢! 抵食!!!大家記得善用 "會員 App" 入面呢張 Coupon 啊~ 

今晚出鑽石山荷里活睇戲 入戲院之前當然例牌要醫左肚先 原本想去food court食 點知醒起原來荷里活food court已經執左 但原來的位置繼續都係開食肆 原本想試新野 但諗諗下又好耐無食過pizza hut的芝心批 在店外望著餐牌回味的同時女朋友已經一支箭衝左入去 一於食pizza喇坐低睇餐牌時發現pizza hut做緊期間限定的新年menu 睇相已經覺得呢個芝心芝脆批相當之邪惡 呢d咁邪惡的美食我地又點會放過呢 今晚食硬你喇哈哈相當邪惡的金玉滿堂 滿滿的芝心重口味到令人欲罷不能 濃郁的芝味滲入每一個味蕾 簡直係芝士界的極品 芝味十足 價錢雖貴不過仍然覺得物超所值

上完堂數同比10個兄弟去荷里活廣場食飯，發現無乜地方坐到咁多人，最後去左pizza hurt。叫左兩個四人set餐～pizza跟野飲餐湯、炸魚薯條、飯、意粉。質素還好，但10個人食其實唔太夠。

睇完戲，仲趕得切6點黎下午茶！話就話下午茶，都有好多飽肚選擇，飯、意、薄餅、小食、甜品樣樣都有set，汽水又可以添飲一杯，最平既Set $20有交易，好抵！咁岩有張優惠劵惠顧就送普通批，再叫2個餐夠哂食！薯蓉賣相ok,蒜蓉包唔熱，食落仲感覺好熱氣。雞翼3重奏點睇都唔值$45,雞翼同平時比味道差好遠，麻麻地。薄餅最穩陣，呢餐係抵食 下次試下其他set先。

比人感覺好差，waiter or waitress企系隔離望住曬，食到我周身唔聚財，d餐點全部比人感覺好dirty lor 唔係話佢dirty 係比我感覺佢好dirty 上面好多漬咁....

個芝士海鮮局飯，飯又梗，又少料仲食到好多洋蔥，上菜又要等30分鐘，野又貴，等位又耐，又落錯單，要咩冇咩，不如唔好做！個飯邊邊又有好多焦左嘅黑野，食左好似冇食咁，浪費我D錢

餐廳位於荷里活廣場既一角，以前只係會經過，駐足食野係第一次。地方好濶落，好多卡位，靠近窗口，天然光線好充足，而室內光線亦足夠，感覺全店明高光猛。迷你千島海鮮批 - 厚批底好鬆脆。個人唔喜歡食薄批，好似餅乾咁！成個批好多芝士，仲要好多千島醬汁，係爆醬。一口咬去成口醬，好滿足最滿意既一次千島海鮮批。但$69一個迷你批餐有點貴，加一後要$77芝士雞肉脆餡餅- 多菜多芝士多汁，健康之選。餡餅皮亦夠脆夠熱左-青檸魅力，味太淡亦好稀右-紅莓夢幻，紅莓有菓甜同有菓肉，冇半點藥水味，好味

抵食Pizza Hut tea已死。一向幾鐘意去PH食tea，因為大大件夠哂飽。但而加呢？雖然下午茶menu入面，大部份熱食都加哂價，係三文治冇，以為好荀 咁你就錯。 不論size同餡都嚴重縮水，本身勁多料漲卜卜，而加好似食包皮咁，仲難食咗勁多，唔講以為去咗茶記。跟餐薯條都少咗一半😠Ps. 希望只係鑽石山先咁垃圾。Blacklisted💀：3/10