必勝客 (新都會廣場)

營業中

休息中

新既tea menu 少左好多野食，尤其冇少食，想用分換pizza, 但apps完全收唔到請求，女經理黎解釋話個網收唔到，但可以即時重新down apps，相信唔會係上唔到網，已經試左幾個朋友都收唔到，所以唔知係咪冇左呢個俾分function, 另外第一次食卡邦尼意粉係無汁，好似乾炒咁難食。連要水都係逐杯俾，如果唔改變餐廳質素，會流失好多客。

今日娘家提早同老公慶祝生日，懶得煮飯，所以決定叫外賣。其實平時堂食的話真係好少會嚟必勝客，反而係在家聚會嘅時候成日叫。我哋叫咗一個千島海鮮芝脆大批、大蝦意粉、4隻原味雞翼同4條腸仔同茄醬肉丸。 千島海鮮芝脆大批一直都係我嘅首選，總之有千島醬嘅食品我通常都覺得好食，今日個批都唔錯。如果醬落多少少，而海鮮嘅量多返少少會更好，每塊PIZZA都得嗰3幾塊小海鮮粒，有點點失望。焗原味雞翼肉質鮮嫩，肉汁都足夠，但調味就差少少，得層皮食到有少少味，肉就比較淡。腸仔口感麻麻，無彈性，比較林。肉丸都幾好食，茄醬好香濃。（最後因為太飽，大家都食唔落個意粉，拎嚟第二日做午餐）整體來說，不過不失，外賣凍咗始終無咁好食。

今日專程來葵芳睇貓貓展🥰睇完順便係新都會食晚餐。來到pizza hut叫咗一個下午茶餐雞脾+薯條+檸茶，同埋一個香蒜大蝦意粉，食物質素好好，雞脾焗出來好嫩滑，薯條既薯仔味重，唔會乾爭爭，咁好好食。意粉有少少辣，炒得夠乾身，好香蒜味，大蝦彈牙，呢一餐既食物質素好滿意。但呢餐要足足等咗25分鐘先上到菜😒

去新都會諗唔到食咩，但又肚餓，難得同朋友相聚，差唔多6點幾，早啲去食野，唔係一陣勁多人要等位，6點幾已經要禁飛等，好彩等左10分鐘，就有位。蔬菜湯朋友話第一次飲，雖然飲唔慣，但味道係唔錯嘅！因為薯溶太飽驚食唔晒，第一次喺Pizza Hut嗌焗蔬菜，佢嘅西蘭花同紅蘿蔔都好好食，推薦！嗌咗至尊批，好快就送到熱辣辣，好新鮮！平時食Pizza Hut都係一大班人外賣食，可能因為外賣送到過嚟芝士已經乾晒，喺門市食芝士岩岩焗起，有拉絲感覺真係好唔同！熱柚子蜜濃度啱啱好，好好飲！

星期天放假，約了朋友食午餐，然後開心逛商場，逛到3點倦倦哋，心思思又想食嘢，其實肚子並不餓祇是貪吃吧了！🤤我們都很想吃甜品，但商埸內除了食cake🍰+啡☕這類店舖，整個商場都好像沒有甜品店。🧐不過，突然想起Pizza Hut嘅下午茶，有✌窩夫配雪糕✌，馬上起動！😍🍓雜莓窩夫配朱古力雪糕🫐,賣相精緻，份量十足，雪糕夠凍配窩夫一流，加埋飲品都祇是$70+加一。🧆肉丸配蘋果薯仔沙津🍏🥔，不想太飽就是愛他夠輕營，連飲品都祗是$34+加一。二人分享，每樣各半份剛剛好！開心又滿足！😊

本身lunch set都係$50-$80左右，我地3個人點了3set，一個迷你必勝客pizza、一個意式大啡菇南瓜燴飯、一個吞拿魚肉腸長通粉，每個餐都跟一個餐湯+餐飲，食物味道唔差，座位又舒適，會員仲有優惠券，我埋單只係需要$170喳，抵食！

行到攰又想坐下，大家決定去Pizza hut 食tea 🥳真係又平又抵食，最重要係又多選擇！星期六tea time 都好多人，不過等一陣就可以安排入座啦！一睇餐牌實在太多選擇，最後叫咗三份唔同嘅食物，大家可以互相試吓！其實味道中規中矩啦，勝在多選擇又坐得舒服，服務都幾好，下午茶都係一個好選擇!

呢日朋友話想食pizzahut，見到佢啲setlunch唔係太吸引😐反而呢隻新出嘅Pizza吸引到個朋友，所以就叫咗佢個二人餐試吓😌呢個餐有湯、主食、pizza、小食同埋餐飲，份量都幾多！餐湯就正正常常啦，味道唔淡，夠晒熱，唔錯！大蝦蜆肉焗飯主食我哋就揀咗大蝦蜆肉焗飯～蕃茄味好重，啲汁偏甜又唔會太酸，唔錯！雖然食落唔覺得係大蝦，但都有唔少～薯條配蜜糖芥末汁薯條食落都幾脆，但係啲蜜糖芥末汁就麻麻哋，食落口有啲似藥水味，好奇怪😕海上鮮芝味係咪好好奇上面嗰幾粒芝士波係咩味呢😂有黑松露牛油味、香草番茄味、墨西哥辣椒粟米片味同牛油忌廉味～老老實實，嗰幾粒芝士波好難食，佢唔係每粒裏面都係一樣，裏面啲芝士食落又唔似芝士，冇咩芝士味，一啲都唔好食😐除咗黑松露味之外都唔係好食得出其他果幾種味🙄除咗啲芝士波，塊pizza唔稱得上特別，配料唔多，好失望🙈

要返工O既星期六, 放工後老公陪我去葵芳買衫同食TEA! ☕🍵行咗一陣都諗唔到食咩好, 經過PIZZA HUT 睇到個TEA MENU, 都幾吸引, 見好耐冇食PIZZA HUT, 就決定GOGOGO!  🍕一入去時, 店員有俾我哋揀想坐出門口位定入面O既位, 咁我哋揀咗入面O既位又見到另一張4 人枱清潔中, 店員都好主動咁請我哋等一等, 清潔埋張4 人枱後就俾我哋2 個人坐, 我覺得佢哋服務好好。雞槌(2件)配蘋果薯仔沙律 - 雞槌炸得好脆, 脆到食完即刻喉嚨痛呀! 蘋果薯仔沙律D 蘋果好爽, 沙律醬足夠, 不錯! 超級夏威夷迷仔必勝批 - 我哋要咗薄批, 果然熱辣辣食味道係唔同D! 批好鬆軟, 不錯呀!! 青檸魅力 - 即係青檸梳打, 雖然只係一舊仔青檸, 但都好夠味! 整體嚟講, 我覺得價錢偏貴, 如果O係其他連鎖餐廳, 應該會有更好更多O既選擇! 😉

難得朋友早收，佢又最愛芝士。特登約佢去試芝士輪盤扭扭批，加上恒生卡又做緊優惠。-三文魚凱撤沙律，比想中大，菜係新鮮-雞肉野菌意大利飯，味道👍，足料，而且雞很嫩滑，少見。-蜆肉薯蓉，正正常常-酥皮南瓜藜麥湯，好重南瓜味😍另外叫左一個普通南瓜藜麥湯，送到黎係凍，完全吾熱 ，最後店員換返左碗熱既忌廉湯比我地-芝士輪盤，粒粒都有芝士，😍，料係足。另外特別之處，裡面只有兩粒附有黑松露扭扭批，可以當一個遊戲玩，睇彩數。最後埋完單發現套餐原來有兩罐百事送，可惜回到家先知🤷🏼‍♀️，單有落但無人通知。

抵食！Puzza Hut新出左星映芝脆批，加上有$1 pizza 優惠，無懸念！Happy Friday 去左Pizza Hut葵芳店ordered星映芝脆批2人餐加多$1換埋夏威夷pizza, $270就有兩款普通批Pizza，加1份意式肉丸同兩個白湯，2大2小夠晒飽！

難得放假，緊係訓到自然醒，一起身就去食下午茶！葵芳終於開番Pizza Hut，但好耐都未試過，一於去試吓！點了個公司三文治及 迷你批～店員service勁好，但食物就剛剛相反~迷你批一來到，不是用煎pan上，而是用碟上，而且賣相都不太討好！餅底比較硬，不鬆脆，芝士亦不夠多，不像Pizza Hut 的出品～公司三文治薯條不夠熱，三文治外皮烘得太耐，比較乾身，而且沙律醬亦少，裏面的食材不過不失，但整體比我在快餐店吃的還要差！早前到過另一間分店同樣吃下午茶，但食物質素好得多！

呢日小弟經過，見好耐冇食pizza，又無人排隊，就撳咗張飛等帶位。小弟見到有幾張吉枱，但係就一直冇人帶位。於是忍唔住上前問侍應，先至安排到我哋入座見到而家新出左嘅芝士熔岩批好吸引，於是就叫左佢嘅套餐～雖然呢個係二人餐，但係三個人絕對夠食！餐湯：正正常常前菜沙律份量都唔少，而且火腿都俾咗幾塊！雞柳炸薯條：我哋仲加咗錢叫咗呢個小食。雞肉有少少乾，但係薯條都唔錯。薯蓉：呢個薯蓉裏面係有餡料嘅，食到中間會有芝士。三重芝士海鮮焗飯：呢個焗飯真係超大個！最後我哋冇食到，成個打包返屋企。但係好好食，雖然係三重芝士，但係食完都唔會覺得好漏終於都食到呢個芝士熔岩批啦！佢同芝心批既分別，就係佢唔係夾係Pizza邊嘅中間，而係佈滿係上面呢個可以話係小弟食過pizza hut最好食嘅Pizza ！飲品就都係普普通通，專登加錢叫咗杯特飲但係好失望。因為啫喱無味，而且飲管大細唔可以啜到黎飲，只可以用匙羹筆黎食

今晚我同朋友嗌咗個二人套餐，包括有海鮮LAVA熱、湯、薯蓉、雞肉意大利飯同嘢飲海鮮LAVA熱加咗青椒、黃椒同菠蘿，味道清新，有濃濃嘅芝士味。南瓜湯味道偏鹹，而薯蓉相反就無味，食物水準好唔穩定最有驚喜嘅喺薄荷荔枝綠茶，有幾粒真嘅荔枝果肉，唔會太甜又有荔枝嘅香味，套餐加$8就飲到，原價要成$43

好耐無係pizza hut食野喇～今次係比佢嘅黃金芝士熔岩批吸引咗叫咗4人餐好多嘢食呀，上咗湯先，我地叫左忌廉磨菇雞湯，好香滑嘅忌廉味,仲有粒粒磨菇同雞粒呀。之後有沙律，好新鮮嘅沙津菜加上脆口嘅面包粒粒，唔錯呀。小食有芝士焗菠菜同腸仔，芝士菠菜超正，香濃芝士同菠菜好夾好好食，腸仔就比較普通了。登登登！今日嘅主角黃金芝士熔岩批出場喇。好吸引呀 實物比圖更加靚同吸引！我地叫咗狂牛LAVA熱好夠熱，每一口都充滿芝士，真係好似熔岩咁噴出黎牛肉都分佈平均，每口都可以食到牛肉架，真係唔錯嘅