必勝客

營業中

休息中

Pizza Hut 下午茶其實都唔錯，係價格上冇咩特別優勢，所以一直被忽略，今次同朋友去左新都城果間，點左窩夫同雞翼，另外加錢升級左特飲雪糕啫喱冰，窩夫真心大份，仲有球雪糕，因為人唔多食完亦無趕我地走，唔錯唔錯

十二點三左右入坐，因為岩岩開鋪所以得一個staff，我就自己走左入去坐，會黎食既原因係Pizza Hut既中午學生餐有學生證就食得，比正常午餐平一截，係經濟之選。學生午餐既選擇都幾多，我就揀左焗肉醬意粉，包一杯汽水，可添飲一杯，無得再無限添飲，雖然都飲唔落，再加左六蚊要碗蘑菇忌廉雞粒湯。個湯黎左先，幾濃味，都幾多蘑菇粒同雞粒，六粒黎講都算抵。肉醬意粉好快就上桌，上黎仲係熱辣辣，整體都唔錯，但略嫌意粉有d漲，同埋肉醬多過頭，但以39蚊黎講，都合格有餘了。

今日一行3個bb黎聚會食午餐，店員好好安排左張大枱比我地，好快就拎埋bb凳比我地。我點左個香蒜肉絲意份再加左兩隻辣雞翼。不過唔知係咪因爲冬天餐廳較細左冷氣，真係愈食愈覺熱。其他野餐廳都做得好好，無論環境或者食物質素。

今日平安夜周圍都係人 ，諗唔到去邊度食，所以我哋幾個pizza控就揀咗去pizza hut食晚飯 。我地首先叫咗個肉醬意粉.肉醬意粉嘅番茄肉醬醬味道重，幾好食惹味，不過份量唔多， 我哋每人分少少就食曬啦之后叫了個夏威夷風光芝心批好鍾意食pizza hut嘅芝心批，因為系一整好就上枱，pizza 還是熱的, 芝士多，格外好味。另外叫咗個 至尊芝心批 配料有pepperoni, 菠蘿, 牛肉, 煙肉 跟tabasco，芝士粉食，味道就一流喇， 如果多d 菠蘿，味道就會更加豐富。 最後叫咗個至尊扭扭批非常大個 每個妞妞都裝滿芝士， 配料有pepperoni ，菠蘿，青椒 ，黑橄欖 ，蘑菇。。十分豐富， 食完就好飽。 扭扭批的麵粉比較多所以感覺上芝心批比扭扭批好食。我哋喺pizza hut嘅常客，因為鍾意食pizza。 而且呢度嘅芝心批好食 間中都會過嚟。

午餐到新都城覓食，行過見到PizzaHut新出左兩款芝心批😍已經好耐無食過嚕🤭坐低就即嗌二人餐，唔洗諗夠晒方便快捷🤨有兩個餐湯、兩杯飲品、巴馬臣火腿凱薩沙津、蜆肉薯蓉、一個意粉/飯同埋一個普通批。 🍵《南瓜藜麥湯》雖然湯入面有南瓜蓉，但係整體南瓜味好淡，忌廉味較重，一般般。🥔《蜆肉薯蓉》口感綿密，唔錯👍🏻但係都係較重忌廉味，加上有好多白汁係面，薯味被蓋過晒唔夠出。🍛《芝士海鮮焗飯》呢個唔太食到芝士味，不過佢個汁既味道係OK，海鮮有魷魚、蟹柳、蜆肉、帶子，份量都幾多，飯粒軟熟💓整體都幾好味😍🍕《煙三文魚及特選海鮮芝心批》另一款係巴馬火腿及香腸肉丸芝心批，識食緊係食三文魚同海鮮啦😉Pizza好足料，芝士同其他配料都好多，層次口感好豐富🤤芝心邊入面係雙色芝士，雖然芝士味唔夠香濃但係食落煙煙韌韌好好咬😋 食到好飽，滿足💓

雖說是平日，但將軍澳寶琳幾時都係咁多人，要食下午茶其實去新都城嘅Pizza Hut都係幾好嘅選擇，如果要帶埋BB車去就更方便，因為下午茶時間較少人放BB車吾會太阻路，而且報紙間中都會有啲免費優惠券，用來食下午茶餐超級抵，又坐得舒服，最重要係唔使等位。家陣出街咁熱，最好就係攞埋本書去食住下午茶慢慢嘆！悠閒下午茶$24起，今日叫咗個大蝦煙肉焗薯蓉配蒜蓉包，薯蓉有煙肉調味，吾會太單調，蒜蓉包好香口，奉送咖啡或茶，如果想添飲可以加$4。

係新都城搵下午茶食 見到Pizza Hut 有啲下午茶set 咁就入去試下🤗因為之前入會做會員送左張coupon 下午茶買二送一 咁就叫左3個set 😊 叫左一個千島海鮮迷你必勝批 一個焗肉醬意粉 同埋一個芝士海鮮焗飯 Pizza我哋叫咗厚批 新鮮焗起就即刻送出嚟 非常之鬆脆 呢個千島醬配海鮮亦都非常之夾 好好味 另外肉醬意粉好多汁又唔會焗到好乾 所以都唔錯 但係芝士海鮮焗飯就麻麻哋 冇乜汁之餘 重要啲海鮮仲係凍嘅 所以真係下次唔會再叫👎🏻 有個小插曲 就係我哋叫咗兩杯凍檸茶 一杯小冰走甜 一杯係正常嘅 侍應送兩杯檸檬茶過嚟就咁就講低左係枱面 然後我就問佢邊一杯係正常嘅 佢就目無表情咁話啲糖水自己落 我就話我有一杯係小冰 佢就望一望先至拎少冰果杯俾我 態度非常麻麻

今日帶小情人去寶琳上playgroup玩，放學後一定要找一些有BB高椅的地方。最方便的其中一間是Pizza Hut。因為近日吃肉太多，想修心養性，轉行吃「草」。（笑）點了一客蒜蓉包及一客芝士焗菠菜。芝士焗菠菜很早便已經來了，原來打算等蒜蓉包一起來才沾芝士醬吃，怎料蒜蓉包遲了很多才到。所以，我吃的時候，芝士焗菠菜已經不熱了。涼了的芝士多了少許「蘇」味，而且菠菜的份量也比以前少了。至於蒜蓉包是熱的，但不夠蒜蓉味⋯

冬天最好食個cheese fondue今晚懷住食芝士嘅目標嚟到pizza hut首先食咗佢個沙律先然後主角上場啦伴隨著芝士火鍋上嘅有八格材料，分別係:青蘋果，蘆筍，薯條，炸雞，肉丸，法包，腸仔同蝦肉類份量偏多，不過幾正，青蘋果同蘆筍好fresh帶返啲清新嘅感覺個人最推介嘅都係薯條，同芝士味道最夾好似驚我哋唔夠嘢點，所以仲有多一兜法包粒新出嘅濃香芝士熔岩批，揀咗千島黃金海鮮味芝士份量算多，好彩食落都唔太膩忍唔住都係叫返個鍾情嘅芝心批，夏威夷肉腸味，好邪惡但好濃芝士味，好幸福肉丸有好多茄醬茄蓉，酸酸甜甜葡汁雞皇飯保持一貫水準，金黃色嘅醬汁好好撈飯，要挑剔嘅話都係雞肉唔夠入味

之前試過黃金熔岩披薩，覺得很美味，於是🈶️來吃。5個人叫了套餐。大的黃金熔岩披薩，上面有雞肉，蜜桃，紅梅等等，濃濃的芝士真是好美味套餐除了🍕，還有雞肉奶油蘑菇湯，凱撒沙拉，芝士菠菜，番茄肉丸，薯仔蝸牛，和兩款義大利麵，整體都算OK。最後買單800+ 感覺性價比不高，因為沒有了信用卡優惠，上次叫外賣套餐便宜很多，雖然小吃沒有這個套餐豐富，但是最美味的披薩🍕是一樣的呀，看來下次想吃披薩還是要叫外賣呀

又Pizza又芝士火鍋當然是Pizza & more 呀 Pizza hut啦！四個人點了一個二人套餐加一個新推出的瑞士芝士鍋。會員九折後，每人無需$150已飽(滯)到上心口。我們覺得芝士鍋的芝士本身沒什麼味，但愈煮愈出味，還慶幸它的芝士不會太濃太鹹，要不然會好更滯口。而配料有8款，順時針數有蝦、香腸、麵包、蘆筍、青蘋果、炸雞、薯條及中間的肉丸！8款配料而言，以青蘋果最清新和特別，麵包則最吸味。若然有我心愛的西蘭花，可以蘸上芝士就好了。至於二人套餐，包羅兩杯飲品、兩碗餐湯、一碟小食、一碟主食和一個pizza。餐湯的話，蜆湯比蘑菇湯鮮美得多。小食方面，我們點了茄汁肉丸，原來我們的芝士鍋也有肉丸，重疊了。主食方面，我們又沒頭沒腦地點了茄汁雞肉煙肉意粉，又是茄汁又是肉，真的胖死了。Pizza是新推出的千島海鮮黃金熔岩批。整體味道方面是貫徹一如以往的水準，不過不失。

Pizza hut冇乜特別，但好耐冇去堂食，上次去到，感受到何為一個pleasant dining experience!係其他食店值得學習的！話說我係因為帶住bb出街，bb餓起上來，見pizza hut係附近，諗住坐得舒服d，二話不說就入去。侍應見到有bb車，安排我們坐一張圓枱方便擺車，後來我們要求轉枱避開冷氣風口，侍應立即安排。我一坐低，原來枱上已放了精美的兒童餐具！啱哂唔記得帶bb餐具的我！跟住又有張精美木製bb櫈，令bb好開心，食哂我準備的baby cereals.其實得我叫餐，同行的婆婆仲要冇叫餐，我都覺得唔好意思，一個人食但佔用人地咁大張枱，於是打算叫多個薯蓉。侍應好似鄧我唔抵，主動幫我check 會員積分，睇吓夠唔夠分免費換薯蓉。雖然最後唔夠分，但我埋單覚得好值，一個好pleasant 的dining experience,睇得出人地大集團的training 同前缐員工丶餐廳設施的質素之高！所以我甚少寫食評，都要上來留咁長的comment讚吓間餐廳！

早在十幾年前，Pizza Hut是我們家很常去的餐廳，那時候吃薄餅的餐廳不多，最出名的就是Pizza Hut。最鍾意的就是超級夏威夷和千島海鮮，那時候還未接觸芝心批，只是普通的厚批底已經覺得好好味。那時候還小，有時讀書考試做得好，媽咪就會帶我去Pizza Hut食pizza，已經是很好的奬勵。還記得還要要求媽咪加那個＄38的沙律吧，能夠任食沙律和飲品。這樣說是不是暴露了我的年齡？但其實現在的我還是很小，不過現在長大了，有自己選擇的能力，而且餐廳選擇多了，就算是想吃薄餅也未必來Pizza Hut。外面很多餐廳，例如韓國餐廳，西餐，酒吧餐廳等等，都有薄餅，所以要食到pizza一點都不難。最近看到廣告，Pizza Hut新出了「海鮮點芝扭扭批」，就令我重拾想食pizza hut的感覺，因為真的幾年沒有吃了，所以決定同屋企人一試這個新批。翻開餐牌原來現在有兩款味道，一個是「鮮茄羅勒大蝦點芝扭扭批」，另一個是「香草蜜糖肉丸點芝扭扭批」。我們屋企都是海鮮怪，所以二話不說就叫了是「茄羅勒大蝦點知扭扭批」。這個批讓我們等了好久，大約30多分鐘先送到來。望想去的外表非常吸引，上面更有一個芝士醬。我略略數

屋企附近街市裝修，暫時都冇得買餸，又係時候俾母親大人休息下出去食唔洗佢煮。叫左個點芝扭扭批2人套餐$292加1--意大利菜湯--正常，入面既菜都多，不過有少少鹹。俄羅斯沙律--幾特別，幾清新！鐘意脆片夾埋薯仔沙律，有口感，仲有大蝦，口感豐富。拿破崙雞肉煙肉意粉--汁多，較稀。味道偏鹹，但當中配料都多，有菇、雞肉同煙肉。意粉都夠彈牙。鮮茄羅勒大蝦pizza--到今晚主角pizza！好多芝士，多到湧出嚟！第一次食扭扭批，喜歡芝士既我真係一試愛上粒粒都充滿芝士，非常滿足。Pizza係千島醬做底，味道ok，可配埋類似忌廉芝士醬嚟食，不過食得多會膩配返辣椒仔醬又可以開胃返食多件！

仔仔考完試，一連放幾日假（因高年級的重要考試）；所以今日就好悠閒咁約埋婆婆同仔仔去食番個下午茶輕鬆一下。係新都城行左幾個圈都唔知食乜好，最後因為Spiderman傳單走左入去Pizza Hut...但原來Spiderman要買指定餐再Over 360先有，下午茶冇可能食到咁多野呢３個人叫左３個餐，Total都只係130幾蚊姐，算平啦最平既22蚊餐，薯蓉，蒜蓉包再加杯凍檸檬茶，咁既價錢應該茶餐廳都唔得，不過除左蒜蓉包好好味之外，其他都係食得落肚囉。最慘係杯凍檸檬茶，冇味得緊要，加左2杯糖水先有少少味咋仔仔發育中，冇分早午晚下午茶啦，基本上有得食時都係佢既正餐，所有甜品，小吃既下午茶餐都睇唔上眼，係要食飯！可惜，個飯份量真係下午茶份量，好少，而且仔仔食完話飯硬又乾乾地，似係煮好左放埋一邊有人Order再番叮婆婆點的拼盤，一心食下午茶再分D比阿孫仔，所以就點依個可以每人分D既拼盤啦。完全冇特別好唔好食。依杯就係加左2杯糖水都冇味既凍檸檬茶，其實應該係得依間D糖水冇味；之前同仔仔係荔枝角果邊果間食都係加半杯糖水就有味，唔知點解依間另外杯特飲幾靚，酸酸甜甜咁都幾好飲。另仔仔叫左個湯，唔記得影相