心滿意粥

餐廳：心滿意粥地點：西環堅尼地城菜式：粥店餐牌：即熱粥品、生滾粥品、腸粉、油器、特色小食、飲品，都有生滾三餸湯飯。蠔豉肉片粥 $42生滾粥大大碗，粥煮得好綿，係專業粥鋪應有水準，正！而且粥底已經夠鹹香。三隻蠔豉好有蠔味，餸粥一流。大大塊肉片係超彈牙，份量有好多塊。粥面加上花生粒同蔥花加添味道口感。加鮮牛肉 $8鮮牛肉份量至少有三大塊，夠厚切有口感，牛味都唔錯。加滑雞 $8連皮連骨滑雞有四件，雞有雞味。回味炸兩 $18炸兩一碟三大條，超大份。滑溜腸粉包住少脆油炸鬼，已經加上豉油，可以自己再加枱上面甜醬等。食完飽到一個點。美味鮮蝦腸 $23美味鮮蝦腸一客三大條，每條切開兩半方便食用。腸粉滑溜，每條有兩隻爽脆大蝦，如果加埋韭黃就完美啦。豉油甜甜地，夠嗮調味。叉燒腸粉 $21叉燒腸粉都係一客三大條，每條切開多段，叉燒碎份量都唔少。蛋黃鹹肉粽 $23蛋黃鹹肉粽大大隻，熱辣辣上枱，果然足料，有綠豆，蛋黃同肥肉。跟有豉油比你自己加。雪碧，無糖可樂 各$7汽水夠凍。今餐食物都唔錯，食完感覺好健康，唔口渴。…查看更多

今天經過堅尼地城，突然想食一碗暖胃嘅粥，無意中發現咗呢間街坊粥店。話咁快，原來係後生一代接手嘅老字號粥店，唔單止保留住傳統味道，仲注入咗新心思，試過幾款都非常滿意！生菜鯪魚球粥（另＋皮蛋）粥底綿密濃稠，鯪魚球係手工打製，口感鮮彈，仲有蝦米粒粒，特別又有層次。加上皮蛋同爽脆生菜，味道平衡，食完一碗好飽肚！美味鮮蝦腸腸粉薄透滑溜，蝦仁大隻爽甜，豉油唔會過鹹，簡單又好味。蛋黃鹹肉粽升級版！糯米軟糯，鹹香可口，蛋黃油潤起沙，豬肉入味，食落有阿嫲嘅味道，真係懷舊。上湯菜心菜心嫩綠，湯底清甜冇油膩感，搭粥食真係一流。熱豆漿豆香濃郁，口感順滑，甜度適中，最重要係每日新鮮製，唔似市面上啲即飲豆漿。後生一代接手老店，唔單止傳承咗傳統粥品嘅味道，亦好用心選材同製作。價錢親民，味道一流，無論食粥定其他小食都滿意，絕對會再回頭支持！…查看更多

有時食得多熱氣嘅嘢都會想食清淡少少可以感覺會健康啲 🥰特別呢排開始轉季喉嚨都會容易唔舒服😢今次就去咗位於堅尼地城嘅心滿意粥❤️見到餐牌上面有好多唔同粥嘅種類 ☺️另外你仲可以因應自己鍾意啲乜嘢去加錢😆我地就叫左荔灣艇仔粥加鹹蛋 ！同埋蠔豉粥加豬潤！😝啲粥好足料 唔會太鹹 又唔會太淡啲碎牛仲十分多添而且啲豬膶夠舊都好大件！簡直係健康之選😝另外 我哋仲叫左炸兩嚟到嘅時候熱辣辣 少少脆口😍炒麵撈埋甜醬，好好味…查看更多

➲ 堅尼地城 心滿意粥西環街坊晨型人食堂，清晨六點開門已經坐滿熟客。王牌粥品火候十足，分量大碗，足料抵食。腸粉皮薄透唔爛，餡料新鮮飽滿。➳ 皮蛋瘦肉粥𝙿𝚒𝚍𝚊𝚗 & 𝚂𝚊𝚕𝚝𝚎𝚍 𝙻𝚎𝚊𝚗 𝙿𝚘𝚛𝚔 𝙲𝚘𝚗𝚐𝚎𝚎 粥底綿滑到無朋友！米花煲到完全融化，皮蛋溏心流漿，瘦肉醃得鹹香軟嫩。慢火熬製，傳統老火粥風味。➳ 叉燒腸粉｜美味鮮蝦腸𝙱𝚊𝚛𝚋𝚎𝚌𝚞𝚎𝚍 𝙿𝚘𝚛𝚔 𝚁𝚒𝚌𝚎 𝙽𝚘𝚘𝚍𝚕𝚎 | 𝚂𝚑𝚛𝚒𝚖𝚙 𝚁𝚒𝚌𝚎 𝙽𝚘𝚘𝚍𝚕𝚎 𝚁𝚘𝚕𝚕 腸粉皮薄透出內裡誘人餡料。叉燒腸選用半肥瘦梅頭，鮮蝦腸每條包覆彈牙蝦仁。醬油鹹甜適中，即拉即蒸口感唔錯。➳ 白糖糕｜牛脷酥𝚂𝚝𝚎𝚊𝚖𝚎𝚍 𝚁𝚒𝚌𝚎 𝙲𝚊𝚔𝚎 | 𝙾𝚡-𝚃𝚘𝚗𝚐𝚞𝚎 𝙿𝚊𝚜𝚝𝚛𝚢 懷舊點心雙寶！白糖糕氣孔均勻帶微酸、牛脷酥金黃酥脆，外脆內軟不油膩，蘸粥食絕配。➳ 上湯油菜𝚅𝚎𝚐𝚎𝚝𝚊𝚋𝚕𝚎𝚜 𝚠𝚒𝚝𝚑 𝚂𝚘𝚞𝚙 簡單見功力！上湯灼唐生菜鮮甜清爽。➳ 可樂｜豆漿𝙲𝚘𝚕𝚊 | 𝚂𝚘𝚢𝚊 𝙼𝚒𝚕𝚔經典配搭！冰凍可樂解膩一流，豆漿濃郁帶焦香，傳統粥店完美句號。⤵ @delightcongee西環堅尼地城卑路乍街102-114號聯友新樓地下A號舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #西環美食 #堅尼地城 #腸粉 #皮蛋瘦肉粥 #白糖糕 #心滿意粥…查看更多

準備跟在西環的客戶開會，不想吃得太飽，午餐便簡簡單單吃碗粥。碎牛粥都頗大碗，兼且端上枱時還是勁熱的，小人第一口已差點燙嘴！粥底算綿滑，米的香氣絲絲透出，調味亦足，予人療愈的感覺。粥裡的牛肉也不少，碎牛的肉感豐腴。食粥的最佳拍檔不是油炸鬼就是豬腸粉，小人當然要個合拼版炸兩是也。油炸鬼仍然甚是酥脆，腸粉拉得又薄又滑，必然要淋上的精髓豉油之後，進一步增添鹹香。對於本身並非一名粥控的小人來說，這碗粥和炸兩皆很滿意。…查看更多