德記大排檔

營業中

休息中

佢呢個肥仔係美食覓食家佢話呢間大排檔係沙田大埔數一數二，唔少朋友gathering 都係到，果日walk in馬上有位，隔離兩檯廿幾人都係韓國人，真係勁多人幫襯，韓國人都幾識食好西！！講返正題，炒蜆野味，但有少少咸椒鹽豆腐幾好食！！同埋個燒乳鴿，上檯有幾耐就俾我地清晒，其實仲有個菜同埋炸魚仔，好似冇影到，我地仲配左啤酒食，兩個人加埋好似食左36x$ 晚餐黎講唔算貴，配左兩個半碗白飯，好快就食完，不過食唔晒要打包！

食沙田陳根記食到悶悶地，轉場去火炭試試。叫左好多野，當中炸物比較突出，好似炸大腸、炸鮮柚、黃金蝦、墨魚咀，配搭啤酒一流。可惜蠔餅方面太多粉漿，突出唔到蠔仔既味道，相比陳根記略遜一籌。而非炸物方面，魚香茄子扒豆腐比較好味香口，送飯首選。

清明節假期，掃完墓後都夜了，所以沒時間煮飯，於是打個地方簡簡單單食個晚飯，去到火炭工業區已經七點，原本打算去津津食家，但所有枱都爆滿了，等位的人數又差不多有二、三十人，只好去旁邊的德記大排檔，結果......中伏了！當日點的菜式有四個，分別時金銀蛋浸燕菜、紅燒乳鴿、椒鹽鮮魷和羅漢齋豆腐。只能說紅燒乳鴿合格，新鮮炸起，外脆內嫩，仍保持小量肉汁。但是，金銀蛋浸燕菜的菜又老又有渣；椒鹽鮮魷炸漿厚鮮魷薄；羅漢齋豆腐猶如豆卜般乾身。原來，津津食家多人等位，是有原因的......

若論本土飲食文化特色，必然少不了買少見少的「大牌檔」！朋友從外國來訪，嚷著説要體驗草根文化，了解民生：）。揭穿了，其實只是慕名想探「大牌檔」，療癒「五臟廟」！於是我們一行四人逕往火炭去。平日晚上的火炭大牌檔人不算多，未走近已被頻頻兜售。我較喜歡第一檔，味精較少：）坐在露天街旁，月色如皎，咬著牙簽，吹水呷啤，別具情趣。來到火炭，少不了一嚐鳮粥。當然雞是冰鮮，但醃鹹了，加上薑葱，口感仍不錯。味精自是免不了，但不算過份。粥底很「綿」，尚能不負沙田雞粥的好名聲！這是全場最美味的一道菜👍🏻。未放桌上，已香氣四溢。韮菜花是應時令季節的佳品，嫩綠香甜，炒來又夠「鍋氣」。加上些許醬油，把瀨尿蝦乾的甘香滲入菜中，絕配！始終是「鬼佬」性格，朋友找了個不能推卻的理由：我要考察「大牌檔鹹豬手」VS「德國鹹豬手」。結果是：吃豬手要配啤酒，中外皆宜：）於是，我們喝著、吃著，鬧哄哄的，完全彰顕「大牌檔」風味！說真的，這炸豬手只是一般，遜色在皮太硬而不脆，但肉質尚算鮮嫰。值得一讚的是其特調醬料---芥醬+些許甜醬+日式芥辣，完全具提鮮作用，刺激味蕾。外國人吃中國菜總愛甜甜酸酸，我的老外朋友也不例外！一聽報上的「糖醋骨

今日難得同幾個朋友約食飯。。。就搵咗個就腳啲嘅地方食大排檔～尼到交通都算方便既。。。火炭站一出行5至10分鐘到就到我記得好耐之前尼食過一次 夥計會請你食一碟椒鹽豆腐。。。哈哈哈所以今次都冇例外 免費多咗一碟餸我覺得尼間大排檔啲嘢食中規中矩 不論價錢同埋味道方面都不過不失嘅所以大家尼嘅話。。。都唔好話抱太大期望係好正好地道嘅大排檔不過勝在地點方便同埋坐得都舒服嘅呢度有充足嘅冷氣唔會話驚夏天食大排檔就一定食到熱辣辣不過揸車嘅朋友都要小心泊係出邊因為我見警察都多抄牌食物份量方面就唔算太多Lu。。。。所以如果多啲人真係要叫多幾碟餸～

呢個大排檔同一般嘅有啲唔同，因為佢有冷氣！兩次都係夏天食仲可以車泊門口，食得好舒適。啲姐姐同哥哥好爽快，海鮮乳鴿小炒全部都好大碟，就算你兩個人來食，叫兩三款嘢食，佢都會送碟送你食。有一次送碟菜零一次送椒鹽豆腐。全部都唔係Hea你。乳鴿聽講好出名，不過我麻麻地，冇叫😆叫咗墨魚咀，超大碟，係好食，仲要有菜譜係入面，正！大聖子，筷子咁長都係＄35 /1隻，街市買返嚟自己整嘅成本都唔止啊不過個蘿蔔牛腩煲就麻麻哋啦，有啲油，淡淡咁唔夠味！

今日約咗朋友仔喺火炭食大排檔，今次幫襯德記，雖然而家係夏天但係好在大排檔都有冷氣嘆，不過揸車黎既朋友仔就要注意，因為好多時都會有警察哥哥嚟抄牌，萬一俾警察哥哥幫你加餸就唔係咁好。今次一行五人點了什菜粉絲煲，粟米魚肚羹，椒鹽墨魚咀，中式牛柳，燒乳鴿，椒鹽豆腐(大排檔送既)同埋 XO 帶子蝦球三鮮。每碟餸份量都好多，而且味道都唔錯不會太淡或者太鹹，我哋幾個人去食連白飯都唔使叫，食餸都已經個個食到好飽，加埋飲品埋單每人都只係 $120 都幾抵食。

與朋友聚舊，想暢談一番，於是去了大排檔。朋友介紹必試之選：乳鴿、雞粥、陳皮蒸泥鯭和煎蠔餅。乳鴿點了兩隻，是經典的美味，香脆肉嫰不油；雞粥一大窩，有雞，有葱，用料份量足，有雞味，有葱香，不錯；至於陳皮蒸泥鯭，從未吃過大條的，陳皮味微滲魚肉，魚肉亦嫩，好吃；另以往吃的蠔餅較鹹，此店的蠔沒有腥味，炸得剛熟亦滑，蛋味雖較淡，但不鹹。此頓晚膳不錯，鹹甜適中不油膩，相對也可說是健康之作。

今晚天氣寒冷，一行三人， 第四人說完成工作後加入， 朋友提議到此食雞煲，因朋友說早前曾到此嚐過雞煲不錯， 點了三樣食物， 薑汁芥蘭， 椒鹽鮮魷同埋雞煲，三樣食物味道都不錯， 最後加上一包煙和四支氣水埋單521元， 朋友覺得太貴， 查詢店員獲得答案是， 你們進來時說將有朋友到來， 我便幫你們把鮮魷加大， 故單上索價118, 餐牌是78, 但之前從沒提及幫我們加大份量， 其餘的都不查了， 反正是用餐過後， 肉隨針板上， 如此經營手法， 只此一次， 永不錄用。

看完菜牌呢到D野都唔係平既，我地一男三女叫左五個餸，侍應落完單回頭同我地講，我同你地預份量啦，我好自然地回答好呀，過了一陣諗返起侍應呢句語話就知到中招，D餸到左完來真的中招了，D餸大到夠一圍枱食，都算啦食剩為有打包走，叫左豉油皇吊片炒麵來到冇左吊片，叫侍應查單侍應話同你地落左豉油皇炒麵，OK啦照食，埋單時查單發現係落左豉油皇吊片炒麵，同埋所有餸的價錢全部都乘了1.5倍，仲有D餸勁咸成晚飲水都解唔到，此店永不回頭。

當日係朋友生日，大家都想食大排檔，一諗大排檔就會先諗起津津，但津津d野食水準開始下滑，早排響屋企人口中得知隔離既「德記」大排檔既海鮮唔錯，所以食晚前一晚就打去book定一圍同埋睇下有無得預訂海鮮。一去到，應該係老闆出左黎同我地打招呼帶我地繞去後門，之後問我地d海鮮想點食。大約等左10分鐘左右，第一碟「象拔蚌刺身」就登場我地一見到呢碟野個個都嘩嘩聲，因為佢真係好大碟。d刺身好鮮好甜好爽！一百個讚！之後d餸就陸陸續續上，開頭嗌呢個聖子皇果陣我地都以為同平時食果d無分別，頂多大少少。但原來真係好大........同埋佢極甜另外仲有扇貝，唔錯!呢個係斑球兩味，即係肉就用黎炒球，骨就用黎炸條魚真係新鮮魚而唔係冰鮮嫁！正呢個椒鹽大瀨尿蝦真係無得頂！！因為平時除左入西貢或者鯉魚門先會見到咁大隻咁巨型既瀨尿蝦真係超級惹味，同埋隻瀨尿蝦有好大條膏因為聽老闆講佢地都有大閘蟹賣，同枱有幾位朋友都想食，前後嗌左5隻，不過我自己就無。我朋友話隻蟹好多膏，仲要d膏係流極都仲有見d朋友食大閘蟹咁高興，我地都另外再點左個砵酒蟹砵酒蠔我就聽得多，蟹就真係未試過，見老闆話呢個煮法都好味就試試！食落去又出奇地夾同埋一開蓋果

早在六十年代，＂德記＂大排檔已經在夜士經營粥品，其雞粥更大受歡迎，好多不少食客也駕車前來，只為一嚐美味雞粥。五十多年後，這間大排檔依然屹立不倒，環境以一貫大排檔風格，充滿風味。其乳鴿是不可多得的佳餚，最為食家所讚許。 街邊大排檔之所以受巿民歡迎，除了價錢便宜之外，其風味和特色也是一大因素。坐在一個用鐵皮搭建的一個檔架𥚃面吃東西，顧客多時，就在街邊擺上一些枱凳就坐。今次來這裡吃的目的是要吃店裡主打的乳鴿和雞粥。這裡沙角村大排檔，內有很多家，而每家店也會有拉客的現像，所以來前最好決定去那間吃。去到德記大排檔口，環境簡陋，地方不算大， 這是大排檔的特色. 老板安排我們坐在一張大圓枱，好在這天天氣不算太熱，而且還有一把大大的電風扇吹着，所以不會吃到汗流浹背。我們坐的位置是對著巴士站，甚有大排檔的風味。紅燒乳鴿： 先來兩只乳鴿一開四。即叫即炸，上枱時還熱辣辣。老板先用滷水把鴿浸至入味，然後再放入滾油生炸，結合其泡制技巧，炸出來的乳鴿色澤金黃，外皮炸得新鮮香脆。乳鴿的肉質細嫩鮮美，醃得夠入味，而且骨架可以咀嚼到鴨汁的鮮甜味，真是吃後齒頰留香。椒鹽瀨尿蝦: 是口味最重而最熱氣的一道菜。這種瀨尿蝦不是

手持三張用$54買回來的乳鴿券驅車往火炭德記吃晚飯。 原來一隻乳鴿要$45, 幾乎是以一隻乳鴿的價錢買得三隻乳鴿，抵！ 乳鴿三隻 ($54) : 不夠脆，但越食越滋味，淮鹽稍鹹，喼汁較配合。 Agnes 說自己吃一隻乳鴿太多了，三人分享兩隻便差不多。雞粥 ($65 ) : 中等Size, 雞浸得頗滑，但吃了乳鴿後覺得淡了一點，要加點淮鹽才夠味。椒鹽鲜魷 ($65) : 鮮魷較韌，不夠香脆，可能是沒有將蒜蓉“兜亂” 又淡了一點! Agnes 和 Shirley 都說不好吃。若就此結束，德記便是至普通不過的食肆...... 突然厨房捧出一隻重逾九斤的皇帝蟹，全埸即時哄動，將焦點全都放在那檯客人上，我亦走了過去湊熱鬧，見等待美食的開心，拆蟹的愉快，那操刀者正是德記的廚房，真服侍周到。 一問下才知那碩大的皇帝蟹大約二千元，他們還有較细小的，最平大约六百元左右。他說皇帝蟹在每年十月開始至明年六、七月都有，最肥美是三、四月，主要是來自阿拉斯加，海水味較重； 每年二、三月間亦有來自俄羅斯的皇帝蟹，因天氣較冷，肉質較結實.... 若有需要可兩、三天前先行電話預訂，因店裡只有少量存貨，通常是接單後才到批

從來不知道火炭有大排檔，之前在有線電視介紹下才得知，於是決定駕車到此一試。一下車，見有三家食肆，誰好誰差也搞不清楚了‥‥亂入了其中一家，那就是德記。又是叫德記，真巧。故有德記行之（一、二）。炒菜，一直以為炒菜沒有值得一提的地方，但德記的白菜卻，令人不悅。首先，份量太少。第二，菜被炒到軟趴趴，變得「一ＰＥＡ野」。第三，汁太稠，菜葉上久不久會出現一個個豆粉的結晶。唉！差！羊腩煲，跟生菜一碟。又是不抵食。羊腩已成碎，看不出是腩，肉又不多，湯底偏鹹。有問題！一百元實在不值。生菜又是「年老」級別，一點也不嫩綠。招牌雞粥，到德記不吃雞粥真的不算到過德記。但吃過雞粥，也不覺得吃過「招牌」菜。「招牌」此字眼不應隨便加上，押上了「招牌」，客人當然有高高的期望。德記雞粥卻並未有達標。雞件份量不多，粥沒有雞味，只見雞油，綿是綿，但不是我想像中的好。茄子炆倉魚，又是期望太高（是我錯嗎？！）。之前在友愛的大排檔吃過一次，很好吃，難以忘懷，所以今次即管一嚐！可惜，質素比屯門吃的差多了。倉魚皮煎得不脆，未現金黃色就已經被拿去「炆」了。魚肉煎得太老，不嫩。汁太淡，茄子沒味之餘，魚也沒有味道。不知是否天氣冷，魚上檯時已

日光日白既德記，沒有鑊氣小炒，也沒有人氣雞粥，供應的只是碟頭飯。但對於我這位天天都是吃荔枝角工廠區茶記的麻甩佬，偶爾來到，整餐風味碟頭飯，其實已很享受。拿著餐牌看看，雖然主要都是碟頭飯 (亦有燒味飯)，但款式可不少，對方甚至選擇困難症發作，很不容易才亂點了一味。而我，盡量找有鑊氣的去吃，最後叫碟沙嗲肥牛炒河。我點的先上檯，份量挺大哦，很香很惹味，未吃已覺不錯。河粉不會碎濕濕，沾上了沙嗲醬，味道對辦；肥牛則是嫩口，沒有肋，可以收貨有餘；配角的青椒，清甜爽脆，我亦吃了不少。對方揀既斑腩，賣相沒啥吸引，吃起來卻又不太差。起碼，外層是脆口，有頗多魚肉，不會是乾柴柴的，而且肉質唔會充滿雪藏味道，配上調校得宜的葡汁，總算可以接受。凍奶茶，不很滑，茶味偏重，甚至有點澀，不是我心水。早知道我叫枝裝可樂仲好過。當然，中午的碟頭飯試不出這裡的真正水準。所以，我會找個晚上再來的。