德興隆

營業中

休息中

德興隆-我細細個就食架喇最愛佢嘅鍋貼，個底煎得脆脆，餡多皮滑，咬落好juicy每次我都會響鍋貼上用筷子拮2個細窿，跟住直接倒d 醋落去，一大啖咬落去，嘩嘩嘩，肉汁一滴不漏再加杯凍豆漿，唔太甜而且淡淡嘅豆味，下午茶嘅首選

北角渣華道/馬寶道真係俾人收左好多樓, 而且新樓仲越黎越多. 真係好怕D 街坊美食都無一併無埋.2 年前係偉大既Openrice 搜尋到呢間街坊美食. 食過番尋味, 所以今日重遊舊地特意黎搵返佢地.店內大多員工都是年長的一輩. 但手腳真係非常的快速, (事源我地由落單到食物上枱, 都只係30 秒左右.)而且好好笑容又有禮貌係一班好得人鐘意既長者今次我地點左1. 生煎豬肉包 ($6) 2. 鍋貼 ($7, 2 隻)3. 魚釀豆腐 ($7, 2 件)生煎包皮底煎得香脆, 略認為包的部份濕了一點,而且肉的份量比較少, 可多加改進鍋貼同樣皮底煎得香脆 , 肉料充足.脆脆的外皮包著軟軟的肉料, 咬下肉汁流入口裏. 滋味無比魚釀豆腐可是他們店的代表作了.事源佢地既真係一間豆腐店,佢地會係門口賣豆腐俾人返去煮 魚釀豆腐煎得脆脆的. 咬下去會有濃濃的豆味.而且非常嫩滑,  清淡中又夾帶著小小的魚肉,真係幾好我地坐係到大約15 分鐘.客人客似雲來的, 來來去去的.附近的老式餐廳都餘下不多. 希望佢地好好做下去..為我地這些吃貨支持下去

之前朋友仔話要帶我食好食豆品，但搵極都搵唔到，畢竟好耐無黎過，唔認得路今次經開北角，再次尋找朋友仔小時候的味道，終於搵到呢間豆品店啦，成條街好似收晒檔咁，但呢間詢問下仲有得食，嘻~好開心咁去試。每人一碗豆腐花，我覺得熱食唔駛落糖滑啲，呢排天氣咁熱辣辣，食碗凍豆腐花即時凍涼返晒。豆漿都好飲，唔太甜又有品味，果然老字號。大家除左試豆腐花同豆漿外，可以試下佢地既餃子，我見到幾多人叫黎食可惜我地太飽了，唯有下次至食過。順帶一提，65年老字號豆品店，呢度有張古老經典海報，好有意思，記得除左舌尖上既味道，那份懷舊味道都不妨品味下。

呢間舖頭我真係由細食到大 起碼食左十幾年佢賣既嘢唔多唔少都會變左少少間舖喺d鐵皮檔口後面其實唔係好顯眼如果唔係住呢一頭都未必知道呢度有間舖舖頭入面座位唔多門口就用黎賣豆腐既一路食都見到好多人行過買豆腐次次黎都一定要叫鍋貼同埋豆漿我好鍾意呢度d鍋貼感覺上佢個皮係比出面既鍋貼厚少少但係因為咁 佢可以做到煙un既口感每隻鍋貼都包左好多肉喺入面 好足料而且好夠肉汁唔係點嘢就咁食已經好正呢度既豆漿都好好飲 唔會太甜又好香豆味煎壤豆腐好滑可能因為佢本身係賣豆腐既舖頭佢d豆製品真係好好食

尼間有30年歷史既豆品店開係小小既角落，咁岩行開經過發現了它，小小的豆品店卻有薯好多歷史，店內大概可坐10人左右，職員都時老一輩。可揀既款式不多，主力煎釀豆腐、豆漿、豆腐花、煎鍋貼、牛肉豬肉包。價錢都係幾蚊至十一蚊左右抵食今日自己獨樂樂叫左份《煎釀豆腐》$7/2件豆腐煎得吾會太濃，油不多，豆腐好滑好夠豆香味，不過面頭只有好薄一片煎魚肉，不是釀在在豆腐中間，味道夠，但吾夠喉另外叫左個熱《原味豆腐花》$9豆腐花吾夠熱，不過同樣係豆磨得好滑原先已經有糖水，可走的。糖水不會太甜，味道剛好。可加$2轉食《薑汁豆腐花》$11之前食過但薑汁吾夠多，但重薑味總括豆花夠滑夠豆味，不過吾太足料同吾夠熱

以我所知德興隆喺我未出世時已經開咗，咁應該都起碼開咗三十幾年。細個時會跟屋企人去街市買餸，每次都會喺度食豆花、鍋貼、饅頭。三十年後返過嚟再食，原來已經大舖變細舖，裡面比起以前亦坐得無咁舒服。依家冇咗饅頭，反而多咗啲薑汁豆花豆漿咁，我只係想懷緬吓所以剩係叫咗鍋貼同熱豆腐花。鍋貼唔貴呀，只係賣$7兩隻，嚟到時都已經覺得賣相麻麻，食落啲豬肉味還可以嘅，但太過油膩喇，而個底唔脆。豆腐花方面只不過暖暖地亦都唔算滑。德興隆真係太耐冇食過，但兩種食物同我兒時比真係大不如前~

小店位於北角街市的一角，店內面積不大，只有十數個座位，擠得滿滿的。店內忙得不可開交，煎餃子、抣豆花等。店外買硬豆腐豆卜的人絡繹不絕，心想味道應該不錯，但今天晚上還有宴會，所以只選擇了堂食。店內有一張標起了的手畫海報，充滿６、７０年代的情懷，細看木框的字刻，發現這是開張時的宣傳用品吃了口熱豆花，發現糖漿早已加進，桌上的黃糖用不著。豆味確是香濃，幼滑道卻不足，有點稱不上「花」，只能說是「腐」。再試一口煎豆腐，豆腐挺身味濃，效果很好吃畢終於明白為什麼豆腐豆卜銷情這樣好了。

凡是舊區，唔知點解總會有間老牌豆腐豆品店駐紮，而在北角區的話，便是「德興隆」了。一看裝修，彷彿時間倒流數十年，尤其那幅陳年海報更是吸睛。難得的是這裏不是堆砌出來的「扮懷舊」，而是幾十年如一日、多年冇裝修下的「真懷舊」也。食了一個豆腐花，真的好似絲咁滑，豆味算足，簡簡單單加點黃糖已甚好食。加個煎釀豆腐，豆腐質感實在夠挺身，鯪魚肉不多，但總算煎得夠香口。食多個七蚊兩大件的鍋貼，也不會寄望會爆汁甚麼的，皮也略厚，但傳統兼買這東西的豆腐老店便是這樣子了。三樣東西加埋便是$22的美食也，真係抵到爛也。

無意中在網上看到介紹這多年歷史的豆品店的專訪，好佩服老闆對人手做豆品的堅持，其實呢啲傳統老舖已買少見少，好害怕有一天會完全消失。自己對豆品店特別有種情意結，總覺得超市買到既機製豆品同自家製豆品差天共地，傳統豆品舖無論豆腐豆花豆漿通通都是我喜愛的。平時食得公和嗰啲多，呢間聞名北角既豆品店今日終於有機會一試。舖頭望落平平無奇亦不起眼，也好有歷史味道，不過豆品店就係要咁樣先顯得佢有傳統感。呢度既熱豆花係我暫時食過最好食既豆花，好有豆味且滑到不用呑就直接sir落喉嚨，果然名不虛傳！佢既豆漿都好正！仲要十蚊一大支，幾抵！要多啲幫襯支持呢啲傳統小店！

一直也喜歡幫親小店，所以今次到北角上堂，搜尋OpenRice發現有這家買餃子的店舖。所以lunch一有時間即刻前來找找。地點唔算偏僻，但係都要留意四周，因為比其他車仔鋪阻住咗。很好都算易搵嘅。入到去都係一啲懷舊嘅店舖擺設，因為唔飲得豆漿所以我點了鍋貼、牛肉包。鍋貼都算唔錯不過皮有少少厚，七蚊兩粒，大大粒實在難找。但係牛肉包實在有點太油喇，所以我沒有吃包皮。牛肉汁不錯。五蚊都好抵。有機會都會再來吃鍋貼。

懶鬼上身 , 沒有心情返公司 , 但又百無聊賴 , 倒不如到 北角街市 尋寶 ..... 路經這間人氣極旺的 德興隆豆腐舖 , 於是便停下腳步入去吃一碗豆花 ~Menu ~豆腐花 (凍) $ 8/碗 : 這碗豆腐花不算是很滑不溜口的那一種 , 豆味也不算很重 , 味道是中規中矩 , 感覺比不上以前的味道 ~煎釀豆腐 $ 7/2件 : 即煎的釀豆腐也是此店的名物 , 煎豆腐煎得香口又重豆味 , 可惜鯪魚帶有腥味 , 而且也吃到有鯪魚刺 , 整體味道都是不過不失 , 覺得味道比以前是遜色了 ~本篇完 ~

早排經過北角馬寶道，見到有大廈維修及拆樓，以為德興隆豆腐店已經唔響度，今日再經過原來仲響度，二話不說入內幫襯下先！幾廿年既老店仍舊充滿以往既特色，只要唔介意環境的話，豆花豆漿鍋貼生煎飽。。。跟小時候既豆店供應差不多，因為剛剛食完晏冇耐，今次只可以食個豆腐花，其他食品留待下次再嚐見到下面呢幅畫真係不得不影低佢，根本就係歷史古蹟，依家其他地方真係搵唔到。入正題，大熱天時食碗凍豆花，清涼消暑，好想再叫多碗呀

住在北角應該有二十幾年，小時候跟著媽媽到馬寶道街市買餸，就是為這間老店的豆腐花。小時候家境不算富裕，一碗甜甜豆花已是小孩子的珍饈百味。百年人事幾番新，馬寶道很多地方已重建。惟獨此老店仍在，只是移過幾個鋪位。當然以前店面的嬸嬸伯伯已退休，換了新血。但店內裝修依舊。喜歡吃豆花的，本人強烈建議一定要熱豆花，其軟滑程度是凍豆花遠遠及不上。至於豆漿，其豆味實在十分香濃。我的perfect match就是熱豆花配鍋貼，未必是全港最好味，但一定是我的首選，或者是北角街坊的情意結。

十分失望，本以為豆腐店的豆腐花一定滑捋捋，但這裡的豆腐花十分粗糙。不好。

今日搭港鐵半價，openrice推介美食見咁多人like，於是中午來了吃煎釀豆腐、豆腐花、豆漿、生煎包同鍋貼，好多人隊幫襯，雖然地方細小迫迫地，好快就送上全部來。豆腐花好滑好香黃豆；煎釀豆腐，一啲都唔油膩，又係好滑；生煎包同鍋貼好驚喜，底部煎得好脆口，豬肉餡料夠鬆軟入味，比其他著名食店的好食好多👍🏻👍🏻😋😋;豆漿堂食$8外賣$7，外賣抵飲，但不夠濃稠。