德美壽司 (德民街)

營業中

休息中

📌 德美壽司 (德民街) - 紅磡黃埔新村德民街31號地下1B號舖🗓(13/4) 星期四 ⏰ 晚上7點左右 💈特式：今日另一半生日，佢想食日本野，又唔想去太遠，所以就揀左黃埔呢間德美壽司，佢香港總共有5間分店都係位於九龍及新界區。🥩🍔🌭🌮🥗🥯🥘🍲🍝🍣🥟🍤🍱食物：既然係日式料理，所以餐廳都係以提供刺身/壽司/爐端燒/天婦羅/鍋物/串燒為主，另外仲有十多款經濟d嘅dinner set。因為今日係慶祝，所以就散叫左一個秋冬二人前套餐(😓不過而家已經係春天)，一份刺身盛合同一些串燒，而家等我同大家講下🎌味道先。精選二人餐 - 秋冬二人前套餐有兩款選擇，價錢就唔差得好遠，我就揀左呢個，因為d內容啱食d。個餐包括日式前菜/枝豆/和風沙律/三文魚刺身/野菜牛肉鍋/什錦天婦羅/鹽燒鯖魚/日式炒飯/大蜆味噌湯/甜品，種類真係好多，份量亦都唔少，都只係$338蚊，真心覺得算係抵食。當中我最推介係個前菜，野菜牛肉鍋同雜錦天婦羅。極上刺身拼盤 - 拼盤入面有吞拿魚腩/油甘魚/赤貝/帆立貝/海膽/牡丹蝦/白身魚薄切，呢個係最貴個set拼盤，賣$488蚊有少少貴，其實佢個質素係對得住個價錢，但拍埋個套餐度

🍱🍱🍱🍱🍱🍱🍱🍱🍱🍱🍱🍱🍱🍱🍱今日約咗幾個好朋友在工作附近的德美壽司享用日式午餐！🎯 此家位於紅磡黃埔德民街日本料理店，店舖門外已掛上很多紅色燈籠，相當有日式的感覺！🏮🏮🏮🏮🏮🏮🏮🏮🏮🏮🏮🏮🏮🏮🏮幸好已book位，不用等候便可入座！ 店舖內地方闊落、座位舒適、 裝修以日式風格，仲有兩間VIP房，須於門外脫鞋就座， 真係好有日本feel！🍱🍱🍱🍱🍱🍱🍱🍱🍱🍱🍱🍱🍱🍱🍱午餐時段：套餐餐牌選擇很多，一定有一款啱心意！每款套餐包有： 味噌湯、沙律、茶碗蒸蛋及甜品雪糕糯米糍一粒……主食也非常豐富！🍱🍱🍱🍱🍱🍱🍱🍱🍱🍱🍱🍱🍱🍱🍱🍣 德美刺身壽司便當 $102刺身壽司非常新鮮，口感和味道令人心思思想再食，加埋炸物熱辣鬆脆，一個set有不同嘅食物！好正！🍱🍱🍱🍱🍱🍱🍱🍱🍱🍱🍱🍱🍱🍱🍱🍣🍣 海膽雜錦魚生飯 $98以鮮甜嘅海膽配埋雜錦魚生，呢碗飯不會令人失望！🍱🍱🍱🍱🍱🍱🍱🍱🍱🍱🍱🍱🍱🍱🍱🍣🍣🍣 壽司定食配牛肉烏冬 $93壽司共六件~壽司飯一粒粒分明，完全用日本米煮成，黏度適中，好有口感！配上一碗牛肉烏冬~牛肉嫩滑，烏冬十分彈牙！很滿足呢！🍱🍱🍱🍱🍱🍱🍱🍱🍱🍱🍱🍱🍱🍱🍱🍣🍣🍣🍣 日替便當三段 $99分為三

黃埔的德美日本壽司料理店是一家口碑中等的日本料理店，提供各式各樣的料理選擇。無論是刺身還是壽司，熟食或炸物，這家店都有提供，讓你有更多的選擇。然而，近期這家店的份量似乎有點減少，並不如之前的好。而且，如果你想吃飽，需要花費較高的價格，大約在$700-800之間，這讓人有些失望。總體而言，黃埔的德美日本壽司料理店是一家中等水平的日本料理店，口味還算不錯，但食物份量減少和價格偏高讓人感到有些不滿。如果你想嘗試不同的日本料理，這家店是個不錯的選擇，但如果你追求更高水準的日本料理，或者想找到更具性價比的選擇，可能需要考慮其他餐廳。

“德美”唔洗介紹大家都認識的一間平民日本料理(食set也ok)，但原來比多少少錢亦都係一間好出色的㕑師發辦Omakase當然比多少一分錢一分貨啦，要食好D梗係要比多少少錢啦！呢間我已經食左N次了，每次包有水準，冇令過我失望服務：侍應好nice, 招呼好好，尤其bar頭大佬kenny想食好嘢就要坐bar枱揾佢啦！！環境：乾淨，舒適價錢：相當合理食物：刺身(視乎季節及當日飛机貨)，串燒，炸物必食推薦：實在太多，大家留意相片推介1)厚切大拖蘿2)沙甸魚刺身卷3)日本生蠔(出面加啫喱，呢間加青檸更鲜)4)左口魚邊，金目雕5)天婦羅大蝦6)燒牛舌，雞腎7)燒明太子其實大家除了食set外，也可以試下我介紹的刺身，包你地另眼相看，而且仲会喜出望外希望大家都揾到試到你的心頭好，enjoy

今晚食咗一個好正嘅晚餐係喺德美壽司啊！個地係間好有氣氛嘅餐廳，有啲似日本風格嘅設計，真係好舒服呢！我地叫咗三文魚刺身同帶子壽司，真係好新鮮啊！三文魚刺身好鮮美，細細條條，賣相靚仔，加上啲醬汁真係好味，啲醬汁唔會蓋過啲魚味。帶子壽司亦都幾好，啲帶子肉好彈牙燒雞肉串都幾好食，個肉燒得啱啱好，唔會太焦，啲肉質又好嫩。同埋啲醬汁好啖，加啲辣椒粉真係啱啱好！不過啲串有啲細，少少唔夠飽。我地叫咗麵豉湯作湯底，個湯味道幾濃郁，啲麵豉味重啲，湯底好濃，個湯又夠熱，好啖！總括黎講，德美壽司嘅食物真係好好味，啲食材新鮮，醬汁好啖，加上啲裝飾細心，好有心思。不過啲價錢相對啱啱好啲貴啲，不過如果想食啲高質素嘅日本菜就值得一試啦！

好耐冇嚟，人流比以前少好多，以前平日都排長龍，今次到時都冷清，後來旺返啲，容易攞位，房是吉的。所以待應都比以前禮貌咗。叫了$388二人套餐，平日才有的。全部野都保持到水準。如圖，鍋裏的東西比較生，不過可接受。特別喜歡天婦羅蝦。湯有酒香、蜆肉都新鮮。仲有個炒飯，漏咗上追咗好耐，所以忘記影相了。普普通通。玉子是另外加的，加埋就剛剛飽。甜品係milk pudding~ 似自家製作。可再回來，不過已經沒有以前那種感覺了～

今日lunch嚟呢到食壽司😋之前朋友帶過我食一次，今日決定帶男朋友嚟試下。兩個都好鐘意食日本嘢🤭呢度裝修好有日本feel ，入邊有啲燈籠🏮好似居酒屋，坐得好舒服，地方都幾大。嚟得一定要食刺身啦！先叫一個刺身盛，十分新鮮，最正嘅係帆立貝刺身，臨尾都再encore 一份🤣💯要多個熱食叫咗鍋燒烏冬👍🏻個流心蛋撈埋一齊食，成個湯好濃烈😍價錢方面合理，唔係話太貴，性價比都高🤤下次再嚟食會試吓其他菜式！

新餐牌下野食還是這樣不變，食物質素仍保持住一般，飯後有一粒甜品雪糕粒。價錢還可以的，大概連加一100蚊左右。若果大班人黎食，有間大房可以坐都係好。總括過得去的日本餐廳。

新年前夕需要陪男朋友送盤花比人都去開紅磡附近就試依間日式料理餐廳環境其實幾日式燈光黃黃地一入去就見幾枱都係一家大小😂😂點左好多件壽司🍣件件都大件飯品質有番咁上下，夠新鮮三文魚腩天氣凍冬地 叫左個海鮮烏冬煱🦪🍲🥬有蝦有帆立貝🍤熱辣辣的仲有碟瑩光魷魚🦑我都幾喜歡💕食 因為男朋友要揸車🚗無得飲酒就留返下次先飲

今日初五星期四，係第二次嚟到德美食。同個朋友上次嚟食佢個精選二人餐因為有飯有魚生有天婦羅有鯖魚，幾滿意。見佢出面塊牌寫住「星期五六日及公眾假期只有豐盛二人餐」咁今日就再去食明明今日都唔係公眾假期，更加唔係星期五六日入到去先知冇精選二人餐，而且舖頭出邊冇寫今日冇。咁冇理由坐低左又番去，所以最後死死地氣嗌定食就算。不過公道講句，定食都幾好食既🙏🏻，雖然都幾貴。係食到唔太爽姐山長水遠嚟到坐低左先知冇個Set

見open rice咁多好評，所以試一試紅磡分店嘅德美壽司。中午時段入座，有午市menu，入座率無一半。叫咗個壽司定食，6件壽司連牛肉烏冬。首先上菜係一大盤大約20碟沙律前菜送哂俾全場，早到唔會俾你先。食哂前菜烏冬，個壽司set終於嚟到了。飯硬，蝦霉，帶子只有半隻，無德美甜玉子，只有1條切咗2截嘅平價蟹柳代替。魚生新鮮程度如圖。91蚊定食係平嘅，但今時今日嘅德美真係唔會因為價錢而推介俾大家或再次幫襯。

昨天晚上7：00pm到，等左约15：00 分钟就有位。柯打一陣，約5分钟就有得食。抵食，魚生新鮮。南瓜片炸得剛好，好味，夠熱，甜。三文魚，油甘魚夠厚，鮮甜。價錢適中。但不會再去。

今晚，6：00。第一次去食，水準不错，上菜都快，但食食下，有个男人(似经理)行近枱边望下，過左一陣，再行近枱边，我望下錶，只坐左45分钟，心想今快趕客？如是者，冇十次都有八次。到結單只坐左60分钟。食左5百幾，三个人。冇下次。

同小朋友上完堂經過黃埔附近就決定過黎食lunch順便同小朋友去冒險樂園放電🤣入座安排係門口附近卡位避免好多麻煩😂套餐包有:味增湯 & 飯 (烏冬❌)、沙律、甜品（上漏左，沒吃到🥴）、茶碗蒸蛋🍣讚岐牛肉烏冬配壽司大碗的牛肉烏冬 湯底甜甜的相信下了挺多蔬菜煮出來一顆糖心蛋 油光光躺在烏冬上好吸引人去吃掉🍣:熟蝦（媲美虎蝦size）、腐皮、三文魚🍱德美和食便當-刺身：三文魚、玉子燒(甜甜的)、蟹柳-炸物：吉列豬排(麵包糠很薄身，肉汁完美的保留了，醬汁有點像濃稠梅子醬-好吃😋)-小食：甜魚仔-燒物：秋刀魚(燒得皮香肉汁飽和，但碎骨比較多唔係好適合小朋友食）🍱日替便當三段-刺身：三文魚、帶子、甜蝦-天婦羅：茄子（雖油但我真係好鍾意果種軟脆口感🤤）、蕃薯、南瓜、蝦（感覺唔太新鮮，吖B一啖都唔肯食）-日替：汁煮豬軟骨（我試左少少，好入味）-鹽燒雞翼-🦪芝士焗蠔（燒完都仲比一個拇指size大，醬汁好惹味，送飯一流）-士多啤梨鵝肝（多士脆脆的，單食鵝肝有d膩，配埋醬汁後好dd）呢一餐食得好飽 好滿足但有一個侍應好似趕時間落場咁不斷係附近徘徊收碟影響左心情好彩之後幫手買單嘅侍應叔叔好人👍🏻出門口都提醒我地

德美好食，真係大家都知，但都忍唔住上嚟讚下佢通常去開尖沙咀果間，今次試咗紅磡德民街分店，店面好大，有兩個鋪位，雖然係咁，十二點開門都好快滿座，大家要預時間嚟食喇試咗個「三段魚生飯」（$86）飯底有冬菇碎，有啲飯素，就咁食個飯已經好開胃上面鋪咗兩款刺身（三文魚、油甘魚）同埋蟹柳，三文魚同油甘魚切得少少厚身，食落口感好足，油甘魚既油脂好香，以前食開三色丼既白身魚都覺得好正，再試油甘魚就更覺得鮮香，食完口腔餘香無窮餐前有一碗小沙律，同埋一個茶碗蒸。食佢既茶碗蒸好似尋寶咁，入面有冬菇、蟹柳等等，配料十分豐富！仲有味僧湯，可以暖一暖胃。飯後甜品有一粒雪米糍（以前有三色糕，可能成本上漲咗啦～）呢個價位嚟講，德美真係無得輸