德美壽司 (德民街)

營業中

休息中

德美壽司係一間我由細食到大既居酒屋我都係最近先知原來除左食開既黃埔之外 已經開左好幾間分店~細個鐘意黎食壽司🍣 大個左就鐘意黎食刺身飲sake🍶木系裝潢 好有傳統日本古舊家庭式居酒屋既感覺🥹最鐘意坐bar枱 可以睇住師傅整壽司刺身 師傅仲好nice會同客人交流架~✿ 蟹籽沙律 $58 ✿睇睇下menu見到隔離枱個碗蟹籽沙律大到咁 即時跟住嗌😂蟹籽真係份量好多!! 青瓜條條都掛晒沙律醬😆 ✿ 牛油果軟殼蟹卷 $82 ✿ 依款卷物都係好多枱都有嗌😆一碟4件足足有一隻軟殼蟹既份量! 🦀 一啖係食唔晒😲軟殼蟹炸到乾身 牛油果可以中和返個口感🥑✿ 辛子燒明太子 $78 ✿ 唔係間間居酒屋都有得食燒明太子🥹明太子以鱈魚卵用鹽同紅辣椒粉浸漬製成 燒至微焦好香口 好想嗌白飯黎送下🤩✿ 德美海膽魚生丼 $188 ✿ 重點推介❗一個飯有齊你想食既刺身🐟全部魚生都係超厚切🔪新鮮鮮甜🥰而魚生下面既飯都唔係普通白飯🍚係有d漬菜既拌飯 唔洗落豉油都好夠味🥹

相信喜歡吃日本菜的朋友對這間價廉物美的居酒屋一點都不陌生，之前去開尖沙咀分店都要等位，原來紅磡都有分店，見不用排隊，就去試試是否同樣高質。晚市有供應魚生丼和定食套餐，跟配麵豉湯沙律和甜品。餐廳另外亦有供應小食、壽司、炸物、串燒和鍋物等，款式非常多。小食拼盤拼盤包括免治雞肉棒，枝豆和味付螺肉。性價比超高的前菜，枝豆和螺肉份量都比我想像中多，雞肉棒口感軟嫩，充滿肉汁。風味海鮮鍋海鮮鍋配料相當多，海鮮包括大蝦、炙燒魚骨、魷魚、蜆肉，而其他配菜包括鳴門卷、獅子狗、蟹柳、金菇、豆腐、娃娃菜和粉絲等，非常足料，如果怕唔夠飽，可以另加烏冬。北海道甜蝦帶子魚生丼魚生新鮮，甜蝦有兩隻，帶子和三文魚都厚切，肥美鮮甜；魚籽份量也不少，粒粒晶瑩飽滿，口感爽脆。丼飯好特別，加了醋，再混入了冬茹片和紫菜，口感豐富，酸酸地好開胃，忍不住一口接一口吃，超級喜歡依個丼飯！烤羊架烤得剛好，外層焦香，肉味香濃但不會騷，咬落去滿滿油脂香味。

今日街坊係黃埔附近食飯，好耐冇食過區內出名的平民高質日式餐廳德美壽司食飯喇。 前菜：溫泉蛋炸雞沙律（$72）4塊雞件炸得熱辣辣，好滑嫩～溫泉蛋同千島醬汁好夾，好濃郁的味道😀，對比丼飯前菜的沙律完全係另一個風味卷物：牛油果軟殼蟹卷（$82）呢個價錢，4舊卷物竟然包住成隻軟殼蟹的肉量，實在太抵了😍每舊飯卷都大大舊，仲有海量蟹籽同青瓜幼絲，再大既口都一啖咬唔晒。雖然牛油果偏熟，但賣相真係好得體，咬落滿足一品料理：鐵板鵝肝（$88） 一式兩件，鵝肝煎香個皮之後要襯熱食🤩配埋下面的烤多士，索晒啲鵝肝汁，好夾好香脆。佢唔係好濃味的鵝肝，但我幾鐘意佢個特製似乳酪溝芝麻醬汁，中和番啲味，唔錯丫丼飯：三色魚生丼（$132）德美的三色魚生丼簡直係每次必嗌的丼飯之最😚平民價錢食到帶子、三文魚同油甘魚刺身。丼飯附有溫泉蛋同爆料蟹籽，撈落個菇飯度食真係一流😋丼飯另外仲送麵豉湯、柚子醋沙律，同埋是日甜品牛乳布甸，咁樣食完一餐真係好滿足。

Lunch Time去幫襯，性價比都算高，物有所值。叫咗兩個Set，一個係北海道魚生飯，另一個係刺身加天婦羅的定食，兩個餐都跟昆布麵豉湯同埋茶蒸蛋。北海道魚生飯D魚生有3款，指定嘅，三文魚、帶子同白魚，我都唔知乜野係白魚不過見佢個Menu係咁寫。D魚生都真係幾新鮮，係D帶子比想像中薄，其他兩款都OK。呢個定食有刺身加天婦羅加煮物，叫做乜都有D咁啦，都好食。刺身就係三文魚加甜蝦加一款唔知乜野魚不過都新鮮好食，D刺身都算肥美。天婦羅比想像之中好食，有件蝦有件茄子有件南瓜，D天婦羅炸粉唔會好厚，幾好。煮物係豬軟骨，無雪味。仲有飯後甜品每人一粒雪米糍。

黃埔多嘢食就係人都知，依家最開心係落街就搵到嘢食，今次即刻嚟試一試呢間好出名嘅日本餐廳🇯🇵一家人連埋Lisboy即刻叫咗個二人套餐！好彩呢度又有BB凳✨真係幾好！🍽️ 日式前菜呢個二人餐嘅前菜好豐富，有三文魚刺身、枝豆、和風蟹籽沙律同醃製雞泡魚乾😋你四片三文魚真係好厚切😂沙律新鮮大量蟹籽，雞泡魚乾滋味，最正係個枝豆，Lisba最愛！🍽️ 野菜牛肉鍋牛肉鍋上碟嘅時間仲熱辣辣，啲牛肉半生熟，睇住佢滾熟好滿足，仲有隻生雞蛋上面，呢個鍋夠晒入味，係壽喜燒湯汁仲有好多冬粉添，最鍾意食日式冬粉😋🍽️ 雜錦天婦羅呢個雜錦天婦羅嘅主角係兩隻大虎蝦，年頭上炸到脆卜卜又鮮味！Lisboy就自己食咗一大條鮮蝦🦐而番薯天婦羅都係小妹至愛！🍽️ 鹽燒鯖魚呢個情花語濺到香脆入味，加埋檸檬汁酸酸甜甜將啲魚味帶出嚟，好味到Lisboy食左大半條😋🍽️ 日式炒飯呢個日式炒飯，有啲柴魚係面郁動，胃口大開，食落去見到有豬腩片添，日本炒飯煙煙韌韌，都唔錯！由於呢個二人餐太多嘢食😂今次太飽真係要打包先得！🍽️ 大蜆味噌湯呢個蜆肉湯好足料，淡淡蜆肉，夠晒鮮味😋🍽️ 燒魷魚鬚串燒 & 甜品我叫咗一條即燒嘅魷魚鬚試一試😋真係夠晒滋味，而跟餐甜品就

難忘西京燒銀鱈魚呢間居酒屋 已經幫襯咗好多年😎 保持水準👍餐廳格調木糸裝修 餐廳內外掛滿日式燈 好有氣氛🥰有吧枱 有卡位 仲有房設計 座位好舒服😉 蟹籽沙律$58上面好多蟹籽 青瓜絲蟹柳絲 新鮮爽口 開胃好味😋 北寄貝刺身（8片）$66細緻鮮美🥰 加州卷$52外面裹滿蟹籽 好大塊 好抵食 有蟹柳 青瓜玉子 牛油果 口感豐富 正😍 銀鱈魚西京燒$128鱈魚煎到焦香 魚油味極香 加埋西京燒汁 真係絕配 仲跟埋綿滑嘅薯蓉同新鮮嘅青瓜片 賣相味道雙贏😋😋 風味海鮮鍋$98有三文魚 帆立貝 魷魚鬚 大蝦 蜆 竹輪卷 金菇 冬茹 豆腐 紹菜 薯粉 非常豐富 熱辣辣上枱 連湯都飲埋😉 整體嚟講 食材新鮮 地點方便 好似置身日本嘅居酒屋🏮 可以encore🥰 🎈德美壽司 (德民街) (紅磡)紅磡黃埔新村德民街31號地下1B號舖

德美壽司德美壽司曾經是小編經常進食的飯堂，林立黃埔多年。今天特意拜訪，懷緬一番！🔥蟹籽沙律 $58⭐️10/10⭐️蟹籽和蟹肉份量十足，青瓜絲幼細爽脆，蛋黃醬比例亦剛剛好，完美！🔥三色魚生丼 $132⭐️10/10⭐️三款刺身包括三文魚、油甘魚和帆立貝，每樣刺身各三件，非常新鮮，還有蟹籽和溫泉蛋拌飯，以這個價錢來衡量質素，絕對高質！🔥牛油果軟殼蟹卷 $82⭐️8/10⭐️原隻軟殼蟹分成四件卷物，卷物包得實淨不鬆散，牛油果中和了軟殼蟹的油膩感，是一個不錯的配搭！由於小編非常喜歡吃香脆炸物，軟殼蟹酥脆點會更佳！🔥銀鱈魚西京燒 $128⭐️8.5/10⭐️西京燒入味，銀鱈魚肉質嫩滑，帶點油脂香味，不錯！🔥一口炸雞 $48⭐️8/10⭐️炸雞好juicy，外皮少脆！🔥蟹肉忌廉薯餅 $34⭐️8/10⭐️薯餅炸得香脆，正常發揮！✨總結：餐廳環境舒適，座位之間相當寬闊，食物種類亦很多，整體質素不錯！魚生丼飯和蟹籽沙律非常高質，而炸物則相對沒有那麼驚艷，但味道也不錯！

第二次返嚟食呢間居酒屋🤣🤍7點未夠都仲有幾張枱…唔夠7:30就座無虛席仲要排隊等位…好彩黎得早~~ 佢嘅壽司刺身之前都食過，款式種類好多，而且都好新鮮亦價錢合理(餐牌上面有瀨尿蝦壽司 但係我今日去嘅時候叫唔到🥲好想試吓)。今次最有驚喜嘅係燒鯖魚定食，鯖魚好大條好肥美，油香十足，好香口 送飯一流。👍🏻👍🏻👍🏻💸💸壽司拼盤B $298燒鯖魚定食 $86📍德美壽司地址: 紅磡黃埔新村德民街31號地下1B號舖

性價比超高既日本餐廳，主打刺身、壽司、卷物、一品料理、串燒、炸物等日本料理，食材新鮮，價錢親民。餐廳以木系設計，滿載日本風。蟹籽沙律蟹籽、青瓜絲、蟹柳絲味道清新爽甜，開胃前菜清新之選清酒煮蜆清酒煮蜆蜆肉肥美，鮮甜多汁，湯底帶有淡淡酒香，十分滋味鐵板鵝肝燒過既鵝肝更惹味，澎湃的油脂入口即溶，與多士一起食用，減卻油膩感牛油果軟殼蟹卷軟殼蟹炸至香脆，飯卷包得實淨不鬆散，每件都有蟹籽+牛油果+軟殼蟹，口感豐富非常滋味銀鱈魚西京燒定食銀鱈魚燒至香口惹味，肉質嫩滑，油脂豐富，魚香肉滑，讚德美壽司 (德民街)📍紅磡黃埔新村德民街31號地下1B號舖

午餐時候12點半已經滿座，可見依間餐廳係紅磡人氣之高。燒喜之次 喜之次係日本北部有名既頂級魚獲。因為難以捕獲，離水即死，所以非常矜貴。秋天至初春都係食喜之次既最佳時候哦。用#鹽燒 依個處理方法簡單又可以食到佢原味 。外皮燒得好靚，魚皮仲充滿膠質，肉質香嫩又唔腥，連平時唔鍾意食魚既我都食唔停。

喂，嚟啦，等我同你地講吓今次喺呢個餐廳嘅食物體驗！首先呢，玉子燒好鬼滑，食落真係過癮，啲玉子燒每一層都好細膩，每一啖都嚟得正！再嚟呀，三文魚沙律好生津潤，那啲蕃茄度添嘅爽口，令整件事晌起上嚟大滿足。牛油果配軟殼蟹，哇！簡直係口感嘅絕配，中西合璧啫，牛油果嘅creamy同埋蟹嘅超爽脆，攞嚟鬥一鬥，呢個味我喺度都瞓唔着你知啦！燒雪魚，魚肉燒得外香內嫩，不過就算係咁，雪魚嘅平滑質感都保持得宜宜添，同啲沙律醬hold住對方嘅手，合拍得黎唔得喇！燒豆腐嘅話，表皮香脆，吸滿咗醬汁，入口即溶，真喺可以話係soft嘅incarnation了！講到烏冬，呢條炒得爽滑，每條烏冬都包圍住啲海鮮嘅高昂，食落真係有種「呢啲係我要嘅烏冬！咬落心思思」嘅感覺，而家諗起都仲想再食過一次㗎嘞！哎，仲講啩，下次再嚟嘅話，我一定又要叫過呢啲菜！🍣🍱🥢

#christine開飯日記去完日本即刻就開始思鄉病發作😭就同男朋友去左係黃埔嘅德美要食下日本野解解思鄉嘅感覺🤭佢地嘅裝修真係好靚，好似去左日本嘅居酒屋咁，出面掛滿晒日式燈籠，和式嘅設計我就好buy la🤭🌟單點壽司我地就叫左幾款單點嘅壽司：吞拿魚腩蓉、海膽、蟹子、芥末八爪、三文魚腩同甜蝦，款款都好有水準架，用料好新鮮，仲要每件都好足料❤️🌟燒鯖魚佢地嘅鯖魚燒到外皮好脆身，但魚身一啲都唔乾😍好好味🌟茶碗蒸有冇同我一齊中意食茶碗蒸架？佢入邊有好多海鮮材料，而且蛋蒸得好水嫩👍🌟燒多春魚男朋友就特別鍾情多春魚，同鯖魚一樣都係燒得啱啱好，保留到少材魚汁但同時又脆口同我一樣會思鄉嘅你，快啲去試下啦🍴德美壽司 (德民街) (紅磡)📍紅磡黃埔新村德民街31號地下1B號舖

嘩！真係話嚟就嚟喇，我剛過咗一個非一般嘅午餐時光。第一口嘅滑蛋雞扒飯，真係嘆為觀止😲，雞柳嫩滑、滑蛋濃郁，洋蔥同菇菌帶嚟嘅口感層次分明，搞到我碗底見光。食住沙律、茶碗蒸，再嚟一啖清爽麵豉湯，豐富我嘅味蕾體驗。個套餐最後仲有糯米雪糕滋，簡直完美收場！仲有架，今次嘅天婦羅蝦做得夠晒香脆，每一口都係蝦味十足兼爽口得嚟唔油膩。湯底嘅蜆肉新鮮彈牙，帶點微妙嘅酒香，啱曬我嘅胃口。係咋，個炒飯雖然普普通通，但係玉子加進去之後，整體滋味就提升好多，滿足晒！最後嗰個milk pudding，滑溜溜嘅口感加上溫和嘅味道，實在係飯後最佳嘅甜品👍。如果你鍾意日本料理，想食得抵又想食得好，咁你絕對唔可以錯過呢間！食物質素穩定，服務態度又友善，難怪平時人龍總係咁長。總之，呢一餐給我嘅感受就係：質素高，價錢親民，絕對係想再嚟多幾次嘅好去處⭐️⭐️⭐️。

之前去開黃埔睇戲，順便食埋晚飯我好想食sushi , 朋友又想食熱食😀咁我地首選係居酒屋啦🫶今次揀咗黃埔站附近嘅德美壽司🔆7 點鐘倒開始多食客喇😝今次叫咗好多野食🔆2個人食到好飽啊每樣食物🥘份量都足夠佐口豆腐外皮炸到金黃色，超級脆口，醬油味濃茶碗蒸原粒冬菇在金黃色蒸蛋上面，入口嫰滑鍋燒烏冬估唔到好多配料，有天婦羅，煎蛋，師子狗，雞肉，魚蛋，湯底濃郁非常，烏冬超入味豆腐清湯鍋望落去好簡單，但係湯底非常清甜，我當然加$ 配烏冬特上壽司拼盤好精緻及新鮮嘅10 件壽司🍣毎款配料好鮮味，三文魚🍣，帶子，海膽，吞拿魚，拖羅🥰🥰等廣島蠔卷物每件卷物大大件，精選日本米加紫菜🤓包住大大隻燒蠔，大滿足厚燒玉子超鮮甜嘅蛋味，令人食完一件又一件

唔係朋友介紹都冇留意到黃埔啲橫街道有間居酒屋。 入到去地方闊落佢仲有兩個舖位。我哋去食嘅時候，佢都幾好生意，一路都坐滿。打開餐牌食物好多種類。前菜，刺身，汁漬，串燒，壽司，麵食，丼，鍋物，應有盡有。三文魚腩有6片，刺身非常厚切&新鮮肥美。玉子燒德美壽司嘅特點就係佢嘅玉子燒全部都會吸咗佢個名，好靚。我本人好鍾意食玉子燒但係一定要係夠熱同個蛋要夠厚&鬆軟,帶有少少甜味又唔可以太甜,佢完全做到曬！煎鵝肝帶子卷呢個卷有好多唔同嘅口感，佢上面放咗一啲脆脆加埋帶子嘅軟同埋煎鵝肝喺甘香，三樣嘢加埋一齊好好食！呢個值得推介雜錦天婦羅有南瓜，茄子，兩隻大蝦，秋葵等等都係做到好脆同乾身。鍋燒烏冬我一向都鐘意食鍋燒鳥冬，不過面家唔係咁易見到有。鍋燒上先會一直食都keep到熱度。料方面有隻天婦羅大蝦再有一啲日式魚蛋，菜，大蔥等，好有風味。三色魚生丼有多料，舖滿飯面，帶子，三文魚同埋油甘魚。最特別係佢擺咗一隻日式溫泉蛋喺上面，所以係用蛋汁撈飯,咁樣食都幾好食。套餐仲跟沙律&麵豉湯。我哋仲叫咗個串燒牛舌，係我最鐘意既厚切牛舌，厚身夠咬口又燒到好香，一串仲有四塊！我地兩個人食到好飽都係每人$300,性價比好高！