德美壽司

營業中

休息中

之前住沙田食開呢間，搬左屋都有一段時間無食。上星期四晚同老公行開尖沙咀，open rice search到有就即刻去試吓。上到去7pm已經坐滿人，要等半個鐘先有位。用二維碼落單，老公叫左個德美海膽魚生飯，材料豐富。海膽肥美，味道鮮甜，唔腥。三文魚腩厚切、肥美。三文魚子就大大粒脆爆。蝦又大大隻，好新鮮。特別之處係d醋飯同出邊唔同，老公大讚👍🏼。另外還有2條蟹柳😂。我就叫辛味櫻花🌸天婦羅卷，賣相吸引，有春天氣息，酥脆的天婦羅，炸得好脆配上微辣三文魚粒，好開胃。還有我最愛的燒牛舌和牛油果軟殼蟹手卷，就最後還附送豆腐芒果奶凍，好味又滿足。

通常去到尖沙咀想食日本嘢又唔想諗嘅話就會揀德美 好彩先地上到去唔算好多人 等左10分鐘左右就有位啦 魚子蔥拖羅茸飯$142每次黎親都會揀呢個食😂 10次黎10次都會嗌 暫時喺出邊冇食過一間係好食過佢嘅 介紹咗比啲朋友之後大家都認同😌出邊嗰啲會好腥或者冇咩味 但呢度唔會 唔好睇相以為佢好少 其實兩個人都分到一碗飯 有魚子喺上邊令到成個口感都好豐富 跟餐包埋一個細沙律同埋一碗麵豉湯 推薦👍🏻風味海鮮鍋$98呢個第一次試 媽咪想食啲熱野所以簡左呢個比佢 黎到見到比好多海鮮 感覺上咁多鍋物裏面呢個最抵最多餸仲要有蝦有帶子有三文魚 仲有個湯好鮮味所有海鮮既精華都係曬個湯到 仲有啲菜同埋少少粉絲 幾好味😋洋風鰻魚班㦸$62呢個pancake都幾好食甜甜地 又有鰻魚既口感同埋有芒果、牛油果幾甜味 個口感唔錯 可以一試 不過如果多多一兩件會仲開心😆

想食日本野，好多時都會諗起德美尖沙咀店，都光顧左好多年，水準都一樣保持到。今日幾好彩，有得坐係房，可以靜靜地享受下美食，而加可以用QR code落單，好方便！西京燒銀鱈魚，燒汁惹味，魚肉香滑，連伴碟的薯蓉都整得好好食，薯蓉滑口再配煙肉！牛油果軟殼蟹卷，軟殼蟹炸到好脆，再配埋蟹籽沙律，味道好夾又香口！主食試左牛肉炒飯，有驚喜，係用石頭鍋的，所以好夠熱，炒飯做到粒粒分明，好有飯香，牛肉份量都唔少，都好夠2個人食，性價比好高！

📍 德美壽司 Sushi Tokumi🌍尖沙咀厚福街8號H8 5樓5/F, H8, 8 Hau Fook Street, Tsim Sha Tsui📝整體評分：8／10🥢燒牛舌🥢 $43每次黎都必點燒牛舌，厚切爽彈，邊位焦脆，仲帶出黑椒粒味道。🥢煙肉蠔卷🥢 $53燒到煙肉香脆，蠔肉飽滿多汁，帶出煙肉香味同蠔肉鹹鮮味，mix埋完全唔腥。🥢三色魚生飯🥢 $132三色魚生有帶子、油甘魚、三文魚，肥美新鮮~ 仲溫泉蛋同魚子伴飯吃，可惜壽司飯較為濕軟。丼飯會配味噌湯同沙律~最後送上甜品—芒果奶凍質感QQ，新鮮芒果蓉，感覺好fresh~

之前喺觀塘凱匯已經見到呢一間日本嘢！咁但係又唔多經過嗰邊，港島區又冇，今日難得去到尖沙咀，就去試吓德美！呢到都坐得幾舒服，而且服務都好好！因為啲嘢都來得好快，我又掛住影相，跟住個服務員就叫我快啲食咗個手卷，如果唔係紫菜會淋晒😝🧡火炙左口魚邊(2件) $50油脂比例非常好！而且因為佢唔會係好大舊飯，所以一啖食落去啱啱好！好推薦啊！🧡鹽燒油甘魚鮫 $91整得好香脆，而且魚肉嘅軟硬度啱啱好，比我想像中更加大份！佢有一舊切得好好嘅青檸，一定要加落去，因為可以解咗啲油膩嘅感覺～🧡牛油果軟殼蟹手卷 $44最欣賞佢有好足料嘅軟殼蟹，食到最底嘅時候都仲食到軟殼蟹，唔係淨係啲飯🧡芒果奶凍呢個係送㗎 ！但我覺得佢好好味！因為日本甜品最驚好甜，但佢個奶凍甜到啱啱好，個芒果醬都好有芒果味！有埋甜品成件事就好圓滿！開心！聽講佢中午都好抵，搵機會我都好想再試吓！😋😋😋

收工揾屋企人行下行到9點先開始餓要揾野食🤣勁想食壽司，即刻上網check下尖沙咀邊間收夜啲最後揀左呢間「徳美壽司」🍣🍣有幾款唔記得影相😟1️⃣手卷叫左三文魚手卷+蔥拖羅茸手卷兩款都好有鮮味，價錢亦合理，份量都好足，唔會食到尾得番飯😋個人鍾意蔥拖羅茸多啲！！推薦🌟🌟🌟2️⃣各式各樣壽司叫左帶子壽司、三文魚壽司、火炙左口魚壽司等等全部都係超級好食，尤其係火炙左口魚，入口即溶最後叫多左但無影到相😟推薦🌟🌟🌟🌟3️⃣海膽刺身呢個好食又抵食👍🏻👍🏻👍🏻超級推薦！！$100可以食到海膽真係好抵，份量仲要唔小🤤包紫菜呢個食法真係無得頂‼️‼️‼️推薦🌟🌟🌟🌟🌟4️⃣牛肉炒飯(唔記得影相)牛肉炒飯上枱前已經聞到勁香，同埋份量好大每人食左2碗❤️推薦🌟🌟🌟🌟

夜晚同朋友去咗尖沙咀食日本🇯🇵嘢，叫咗鰻魚朴葉飯🥢、野菜牛肉鍋、温泉蛋天婦羅🍤同加洲手卷。鰻魚朴葉飯鰻魚鮮甜、醬汁香濃、米飯🍚黏度適中，食落有口感。野菜🥬牛肉🐂鍋用料豐富，啖啖牛肉配上野菜、冬菇鮮味令牛肉鍋味道昇華。熱騰騰🔥嘅鍋亦好適合天氣涷嘅時候食。至於最難忘莫過於温泉蛋天婦羅。呢碟亦係我初嚐嘅菜式。温泉蛋嘅流心配上香脆嘅外層味道異常匹配。香濃嘅味道停留係口中。此外，加洲手卷食材用料新鮮, 青瓜🥒爽口，蟹柳、玉子燒等唔同食材令手卷入口層次分明。🤤最後奉送個甜品三色糕亦有意外驚喜，甜度適中，賣相吸引。🍧

德美lunch 就嚟得多， 晚餐諗諗下又好似未嚟過。就算晚餐menu 📜都好經濟實惠。抵食之選。加州卷（$49）作為晚餐嘅前菜，加州卷絕不失禮☺️。加上大量新鮮紅卜卜蟹子，美觀得嚟又增加口感。最like 入面有牛油果🥑，食多啲super food 🥑，人都健康啲🤣。野菜牛肉鍋🥬🐮🍲（$78）一見到壽喜燒鍋物，絕對係小妹嘅必食之一。有牛肉🐮、有菜🥬、有菇🍄、有粉絲、有金菇、有雞蛋🥚、有京蔥，大滿足🤤🤤。又有個hot pot 暖笠笠熱住食，提升喎物食材嘅質素。鰻魚朴葉飯🐟（$100）朴葉上放上白飯🍚+厚厚嘅鰻魚🐟，朴葉的香味就慢慢飄出，朴葉香味與鰻魚結合，白飯有鰻魚同埋朴葉嘅香味，非常好食👍👍👍。另跟埋麵豉湯最後原來有個甜品送埋芒果汁連牛乳，清清甜甜。好彩早食早享受， 我地就食飽飽，見到門口超多人排緊隊入去食。----------德美壽司地址：尖沙咀厚福街8號H8 5樓

朋友經常推介好味高質既日本餐廳，第一次試確係唔錯!!❤️野菜牛肉鍋 湯底濃郁又香甜，有好多片牛肉，慢慢熟多陣就食得，好軟滑～配料有金菇+滑滑豆腐+浸住湯汁好甜既野菜，本身已經好豐富，再另外加配左烏冬，又飽又滿足🧡牛肉炒飯 日式牛肉炒麵，好多牛肉之外，仲有溫泉蛋+瓜菜+木魚等等唔同配料增加口感，炒得粒粒分明，唔會太油膩，天氣凍返食住熱辣辣炒飯特別滋味～💛三文魚腩壽司 味道鮮甜，口感嫩滑，甘香濃郁～長長一大片，完美遮晒成舊壽司飯，好肥美!!

呢間餐廳位於H8，成棟大廈都有好多餐廳，今日決定去食呢間lunch，lunch set都抵食🤩🔸 吉列豬扒烏冬🐷（$66)Lunch set附送沙律🥗、茶碗蒸蛋🥚、甜品、兩件卷物❤️吉列豬扒炸得好香脆😍炸粉厚度適中👍🏻豬扒都算肉嫩😋烏冬麵質都會彈牙🍜仲有隻溫泉蛋係入面😋沙律同甜品每次有機會都會唔同🙈 我今日就係食三文魚沙律🥗+泡芙💕🟤 總結係一間lunch set性價比高餐廳❤️ 嘢食好味😋 價錢好合理😍 不過環境有少少逼🙈

前年食過今次又來食，估唔到美食依然好味，價錢不變，真係大飽口福呀，去到小店近乎坐滿，好在有book定位。蟹子沙律 $53青瓜絲幼長口感爽脆，撈埋軟綿的蟹柳絲蟹子和沙律醬，健康又美味，份量剛剛好，作為前餐最好不過。田樂麵豉烤茄子 $53麵豉醬汁甜美，烤茄子茄肉軟棉棉，入口即溶，好味。燒腐皮餃子（自家製）$ 50外皮咬落好脆口，餃子餡肉豐滿，塗上了醬汁份外甜美，好好食。牛油果軟殼蟹卷 $83面層牛油果入口即溶，包住炸軟殻好足料，口感香脆美味，大大件食完好滿足。鰻魚朴葉飯 $100鰻魚焦香魚肉軟腍，無碎骨，鰻魚汁唔算多，飯粒粒分明，都唔錯的。

之前都有食過呢間日本餐廳嘅其他分店 呢日喺尖沙咀附近想食晚餐嘅時候又諗起佢 呢日七點幾嚟到 餐廳已經坐滿晒 非常旺場😮三色魚生飯三色魚生分別有三文魚 油甘魚同埋帆立貝 每件魚生都好厚切 又好新鮮🐟 魚油味好突出 丼飯都有少少壽司醋嘅酸味 仲有香菇片配飯 係比較少見嘅配搭 丼飯仲配埋味噌湯同沙律🥗 味噌湯入面有豆腐 昆布 紅蘿蔔片同埋白蘿蔔片 都幾特別加州卷呢個係一個傳統風味 入面有玉子 青瓜絲 蟹柳 仲有牛油果🥑 外層就有好多蟹籽包裹住 口感豐富 仲有沙律醬調味炸雞軟骨比較特別嘅係底下仲有啲炸米粉😚 炸都脆卜卜都幾好食🤤 當然唔少得要講下主角炸雞軟骨啦 炸粉好薄 好想一粒接住一粒咁食 但如果份量多啲就好喇 側邊有青檸同蛋黃醬點甜品三色糕有綠茶 牛乳 紅豆三個layer 就咁食嘅味道唔會好甜 配埋芒果醬味道更出🥭呢間日式餐廳都真係做得幾唔錯 難怪佢成日都咁旺場啦🤨

很久之前在朋友介紹下吃過另一分店的午餐，這次來到尖沙咀就嚐嚐他們的晚餐單點。走進餐廳，左邊就是一列高枱，可以看到師傅們在忙碌的做壽司。另一邊是玻璃門，室外種了些綠色植物和有發光的日式燈籠，而室內牆上掛有和服女人的精緻畫像，充滿日式的味道。♡鰻魚朴葉飯$100 🥢必點🥢附有麵豉湯，味道也不錯！鰻魚飯用一個木盒子裝着，很有風味呢～打開盒子後有一陣朴葉的味道。然後看到鰻魚和醃蘿蔔，鰻魚十分入味，醃蘿蔔香脆味濃，底下還有條狀的玉子，三樣都是配飯吃一流啊！♡韓式泡菜豬肉鍋$73熱騰騰的連鍋上，一直煮着所以可以保持温度吃呢～湯底帶點泡菜的酸辣味道，除了有韓式泡菜和豬肉外，有冬菇、雜菜、底下還有透明的薯粉，不用擔心吃不飽。♡田樂麵豉烤茄子$53🥢必點🥢很出色的烤茄子啊～除了蒜蓉茄子外，原來田樂麵豉配茄子也是絕配呢！味道帶點焦香味，還釀了點肉碎在內，更有口感。風味極佳😋好吃～最後還有贈送的甜品啊！是🥭芒果奶凍，奶凍口感嫩滑Q彈，表面倒上芒果醬汁，味道不錯，而且感覺有新鮮感，不是一般日本餐廳送的糯米糍。✔️餐廳設加一服務費

早排同幾個朋友一齊去德美食lunch ，呢度嘅lunch都出咗咩性價比高，我特別鍾意食佢哋嘅壽司同玉子😝😝😝❤️🍣$100左右（平均）有個lunch，尖沙咀區真係走唔甩，所以我揀食得飽同好食既🥰🥰🥰其實價錢真係唔貴德美既玉子真係整得好靚❤️❤️❤️加上脆卜卜嘅三文魚子，真係my favorite ar😍😍😍不得不讚嘅就係吞拿魚蓉丼飯，感覺上有接近一半飯碗份量嘅吞拿魚蓉，而且用料新鮮，一啲都唔腥❤️❤️❤️用餐開頭話有限時，但可能我哋晏入去用膳嘅關係，所以最終都冇喺限時嘅時間叫我哋走，我哋都好乖提早咗埋單，服務員都俾我哋坐耐啲先走🥰🥰可惜甜品冇影到相，甜品都係一個好好食嘅😝😝

📍<< 德美壽司 >>✏️三色魚生飯呢間係正宗日本餐廳，期望極高要求高，佢哋個壽司飯底醋味好夠，加埋會加溫泉蛋，有冇朋友同我一樣喜歡溫泉蛋蛋黃醬流出撈上飯同蟹籽一齊食，感覺昇華咗一層💯‼️‼️晚市套餐會跟埋麵豉湯同沙律🥗的。✏️ 蔥拖羅茸軍艦（2件）海膽魷魚軍艦（2件）活赤貝壽司 ( 2 件 )身為一個專業嘅美食專員，不得不讚呢度嘅壽司係的確好食嘅，由我真實相片呈現出都知道係幾新鮮，論師傅嘅手勢同鮮味，握得有板有眼👍🏻💯‼️✏️ 三文魚手卷&牛油果軟殼蟹手卷三文魚嘅油脂好香，食落去啖啖肉又有口感非常滋味，一啖兩啖過後配上綠茶簡直一流💯‼️朋友就嗌牛油果軟殼蟹手卷，本身用咋向左嘅軟殼蟹，內裏肉質已經係軟綿香濃，再加上牛油果嘅口感加埋一齊非常夾‼️💯個人認為係最好的配搭。✏️ 鹽燒三文魚頭我真係好喜歡食三文魚頭呀‼️‼️‼️魚鮫的物流香濃加上黐住腮骨嘅側邊係舌尖上最大嘅獎勵！鹽燒完全加強左鮮味之餘滋味大增，魚皮裸露在外繼續燒，嘩，我係連骨都食盡💯‼️‼️呢間有好多朋友介紹我去食，果然係冇令人失望，專門吃壽司的鮨店，吃一頓晚餐動輒過千，呢到都屬正常價位。呢間分店喺尖沙咀地點超級方便大家工