德發粥品專家

營業中

休息中

這天晚上跟妹妹來荃灣覆診, 難得好日都不來一次荃灣, 完事後又想看看附近有什麼好吃.不過晚飯才吃完不久, 太飽肚的又吃不下, 正好看到這家粥店, 宵夜來碗粥跟炸兩又不錯.店舖就是舊式那種, 店子不太多位子, 如果沒位坐, 可以行去他們轉角位另一家分鋪坐.也可以坐鋪外享受另一種風味.看看餐牌粥品款式起碼有廿多款, 花多眼亂. 另外除了油器, 腸粉外, 還有不少糕點小吃. 先上個齋腸粉 (HKD$6)豉油不太夠, 不過可以自己再加. 吃下去, 嘩, 鞋過我塊面. 而且腸皮好硬, 似是隔夜番蒸的質感. 價錢平但不好吃.炸兩 (HKD$8)這個的腸粉皮跟那碟齋腸實在差得遠. 皮有點厚但可接受, 不過滑口很多, 而且中間的油炸鬼仲幾脆口. 這碟我們ENCORE了2次.炒面 (HKD$8)吃炒面我喜歡不加任何醬料, 吃原味. 面不夠熱, 芽菜九菜都幾少, 不過面夠入味, 算OK.皮蛋瘦肉粥 (HKD$14)粥夠棉夠軟, 有米香, 不夠熱, 但對於怕燙如我這種人就可以接受. 皮蛋十分多, 也很大塊, 瘦肉也是有很多, 呈塊狀的, 有點硬但可接受. HKD$14來說算是幾足料.這家粥店收費相宜, 食物

呢日 lunch, 同事仔話要帶我去食粥粥 buffet !!?哈哈, 聽到咁得意就一於跟埋去~一夠鐘就閃人去搭 van 仔落荃灣...好心急喲!!落左車, 過條馬路之後, 我地就走小路 (後行位) 轉返出去小店~哦!! 原來係一間舊式既粥店, 貌似唔錯喎...不過我仲未明黎呢度食點解係 buffet @@?一落單.....我就明左 = =+因為佢地不停你講一樣我講一樣, 好似任叫唔使錢咁 = ="而今日我地張枱....差 D 唔夠放...... = =!- 艇仔豬紅粥- 瘦肉粥- 菜干豬骨粥- 豬紅瘦肉粥- 炸腸- 炒麵- 牛脷酥- 油炸鬼- 豬潤腸4 條友......叫左 9 樣野!!!!!!!!!!!!!!! 真係好變態.................. = ="好快, 真係 1 分鐘都唔使就有得食!!!!粥 - 用料足又新鮮, 讚!!!炸腸 - 腸粉皮屬厚身, 不過都 ok 滑, 炸鬼仲有微脆, 讚!!炒麵 - 加甜醬辣醬一齊食, 真係好味, 可惜唔熱~牛脷酥 - 脆脆的, 新鮮, 讚!!!油炸鬼 - 熱熱的, 脆脆的, 超新鮮上枱, 讚!!!!豬潤腸 - 用料係黃沙潤, 又

今日放假,一家三口去食lunch,阿女話想食粥,就去左e間,去到見無位,上左去上面,第一樣要讚當然系冷氣夠大之後叫左鮮牛肉粥,皮蛋瘦肉粥,炸兩,腸粉. 最好味系d炸兩,夠脆,仲夠曬經濟($8一份),叫左2份,一下清曬.腸粉麻麻,明顯唔系即蒸碗"鮮"牛肉粥一d都唔新鮮,應該擺左好耐最無奈系碗皮蛋瘦肉粥鹹到離譜,不過老婆叫個阿姐過黎,同佢講d瘦肉好鹹之後,佢話會比碗白粥我地,我都見佢有叫下面羅上黎,但等左10幾分鐘先黎/_\. 老婆見碗皮蛋瘦實在太鹹,索性食碗白粥算除左碗皮蛋瘦之外,其他都唔錯,起碼佢都肯補番碗白粥,都算有誠意

今日想食清d,落去同媽子食個早餐先~白粥 $4.5真係幾平,好耐都無食過白粥,更加少o既係夜晚去粥店食粥,幸好白粥100%熱,非常白滑+美味!唔駛加鹽及其他調味料,仍是很好味呢 而我自行加上芝麻粒,好吃+有口感呢!蘿蔔糕 $5呢間粥店只有蒸蘿蔔糕賣,但可能朝早已經整好,放到夜晚,所以上菜時已看見賣相很差勁 唉….好失望呢~如果想食新鮮美味的蘿蔔糕,還是朝早黎食早餐好了..而蘿蔔糕的口感很差勁…好像食緊爛的蒸蘿蔔糕..嗚嗚………唉,我同媽子仲要每人叫左1份….晒左tim 腸粉質素一般,我諗都係水尾o既貨色吧..唉…唔夠平時食o既腸粉咁爽口…醬料放在桌上,.客人可任加任撈,good!最愛加芝麻,增加口感!!今晚兩個人埋單都唔駛40蚊~

新年的第2日凌晨想做啲特別事。就係通宵睇𠮟咤。咁夜當然肚子會餓啦。順理成章外出宵夜。我已經好耐無通宵同宵夜！原來咁夜都幾難搵食因為家附近無24營業的餐店。所以又要多謝openrice嘞 搵到呢間24的粥店。到了發現好多的士泊在附近。原來此處係司機大哥的食堂。那時已經係3點幾，但粥店內外几乎做無虛席。馬上找位置坐。但其中一名店員就話油條已賣完。失望了一半。因為很多人都贊度的油條。於是叫咗2個粥1個腸粉。1。皮瘦粥先到 $14 - 粥非常綿 而且熱辣辣。皮蛋就有一點怪怪地。2。北菇滑雞粥 $25 - 好大碗。粥充滿雞的鮮味！北菇夠淋。雞肉都幾新鮮只是少了一點3。蔥花腸 $13 - 以為是即拉（因為等咗10分鐘先到）。點知食落係微䁔 腸粉只屬一般貨色而且蔥唔夠香。我諗會下次嚟試炸兩

平時經過這家店, 都不怎麼多人,今日難得的朝早路過，哇，估不到，這裡朝早那麼多人，擠也擠的拈了一個位置，點了個炸兩同炒麵炸兩好好吃！油炸鬼很脆不像其他粥店那些，專用放久了的油炸鬼來包炸兩，這家的炸兩又便又好吃～！只是鼓油皇炒麵，就不像其他粥店一樣那麼多材料。上等的都有芽菜，菜絲，蘿蔔絲來炒，但這個真的基本上可說是鼓油和炒麵，但基本這個都好吃，而且很飽肚！才十四元呢！

今天一大早起來,想吃個粥,平昤早上見這粥店也很多人,於是一試叫了個生滾滑牛粥,一條油炸鬼滑牛粥很多牛,粥也夠綿,不錯油炸鬼略為多了點油整體算不錯,給味道一個好評

今朝起身突然想食粥,去到荃灣,再去呢間粥品店,之前食過,覺得都ok,今日再幫襯!一個人叫咗碗皮蛋瘦肉粥,炸两皮蛋瘦肉粥>>粥未煲至最錦,但味道ok,算足料炸两>>即叫即整,油炸鬼仲係脆卜卜,正!隨個人喜歡可潻加甜醬或芝麻,我個人比較喜歡咸食,只落豉油都覺得好味

八月中旬‧晴在區內這裡算是幾有規模的粥店，舖面雖不大，但無論早午晚都擠滿了客人的，而供應的食物也多，除了粥品、腸粉、炒粉麵、糖水、糕點，想吃什麼就點什麼。很多食物也只是數元，算是經濟的。在「特別推介」的粥品中要了粟米瑤柱粥，很快就來到了。看看粥，粟米及瑤柱的份量都不算多，但也清甜而有點瑤柱的香味。最好的還是粥底沒有很多的味精的感覺（留心！我不是說沒有！），都算是幾清的了。盛惠20元，不便宜，但也真的是健康之選。

嗰午餐唔係好夠，經過呢間粥店，見有砵仔糕，好耐冇食過好食嘅，咪試吓。要咗黃色有紅豆 ~ 重有餘溫，應該係自家製。紅豆有咬口，但係的榚身有小小"削"，唔夠嚼勁，不過都幾滑。人地賣到$4-5蚊一個，都差過佢，呢間啲砵仔糕可以一試。不過，邊度可以搵到我心目中最"正"嘅砵仔糕呢。

黎襯呢間粥鋪 ,都比較中意坐樓上 , 因為樓下實在太迫同太嘈啦 今次同家人食粥當晚飯 , 的確係好抵既選擇 艇仔粥 粥好棉 , 可惜料唔多 , 有豬皮, 碎牛同魷魚 , 普普通通 及第粥粥棉加好多料 , 有肉丸 , 粉腸 , 豬潤 等等 ,正 !! 炸兩 & 炒麵好正 , 裹面油炸鬼熱辣辣同脆卜卜 , 所以要左2 碟 另外 , 炒麵炒得好香同埋好足份量

今(15-5-2011 Sun)朝同男友起身後出發食o野,男友一言不發決定o黎呢間,我o地坐低後諗食咩o野,我o地已經諗到,就叫o野食.男友先講要炸兩同白糖糕,亞姐就即問幾多碟百糖糕,我就話一碟.男友重未及反應,亞姐就話係問我要幾多件?我答一件啦.之後佢就走o左去.喂喂,我重未叫o野食o架,你唔係諗住我o地食呢兩樣o野咋?等好耐佢都冇再行入o黎,我就叫過另一個之前serve另一張客人都聽錯要咩o野o既亞姐.我本來想要田雞粥,但一來男友話驚唔夠熟,二來見第一個亞姐咁樣,就打消念頭,要返牛肉粥加一個砵仔糕算.亞姐問我砵仔糕要有豆定冇豆,我答有豆.之後o野食陸續到齊,牛肉粥碎牛都幾多,其他o野食都正常不過.呢餐價錢$25.00.其實我o地去到時都唔多人,真係唔明第一個亞姐點解咁冇耐性,之後佢同樣serve另一pair客人,男o既落完單,佢就識仍企o係o度問女o既食咩o野.

今日(19-3-2011 Sat)同男友起身後陪佢去睇趺打後食早餐,食咩好呢?今日落毛毛雨又涼涼地,食粥吧,我想食油炸鬼. o黎到,由於時間都唔係早喇,唔係好多人,我要$12.00o既牛肉粥同$4.50o既油炸鬼,男友要$22.00o既北菇滑雞粥.好快,我o既o野到齊,粥好熱,油炸鬼分開o左成三段,呢個油器真係好油,食得唔多都有漏o既感覺.牛肉粥碎牛有好多,唔差.男友o既北菇滑雞粥好耐至o黎,雞件唔算少,我冇試過,唔知好唔好食.

今(4-3-2011 Fri)朝同男友起身後食早餐,今日天氣好涼,而且時間足夠,去食粥吧.o黎到呢間(o係巷裡面o個間)都幾多人,但o岩o岩有位.男殺要$5.00o既白粥同$7.00o既炒麵,我要$12.00o既牛肉粥同$6.00o既蘿蔔糕.好快所有o野到o黎,炒麵有成座山咁高,我o既牛肉粥,竟然有牛肉,個粥都會淡茂茂.蘿蔔糕size適中,內裡有蘿蔔絲但冇乜味,被蝦米搶晒,質地就鬆鬆地,唔係實但又唔會太散.而炒麵都同之前食o既差唔多呢,我同男友又食唔晒啲麵.其實有個老人家問可唔可以要半條油炸鬼,因為口痕但又食唔晒.亞姐答可以,不過錢就唔可以收一半喎.個老人家同意,亞姐就話佢幫佢食埋o個半條,重多謝個老人家.男友話可唔可以以後叫佢炒麵畀少啲,我o地畀少啲錢?其實我都覺得應該,咁就唔會浪費食物吖嘛.而o衣o家至發覺,原來都加o左價.

價錢ok.白粥,小食(淨腸粉,羅白糕,牛/叉腸,油器)$5-1x.食物種類ok.根據餐牌除左一般的粥,油器,炒麵/米,仲有一般糖水(紅/綠豆沙,豆腐花),蒸腸粉,糯米飯等.(實際上,晚上7點幾去到,無羅白糕,無糯米飯,唔知係生意好定心野原因.)食物質素.粥唔錯,夠熱,感覺無乜味精.炒米/麵唔係好得(唔夠熱同味道一般),試左碟蒸牛腸亦唔見得好食.另外,唔知點解柴魚花生粥,有好多碎豬骨.環環:尚算整潔.服務.差得離奇.兩個人去食,前後腳到,分別叫左一碗粥另加一隻粽,跟住食食下覺得唔夠飽,分別再叫左淨腸粉、炒米粉、豆漿.(每次叫一樣食物,因為食晒至覺唔夠飽).係最後一次叫野食時(豆漿),亞姐竟然講:叫幾樣野分成十次叫,唔係逐樣叫呀,洗少少錢做死人咩?............即時O咀,呢D乜野態度,食唔飽再叫野食好正常啫,無錯掛.為免加重亞姐工作量,一定唔會再去幫襯.