德昌魚蛋粉

營業中

休息中

今日下午喺九龍城等阿女上樂器班，自己一個人去咗食德昌魚蛋粉，嘆個下午茶。掙扎咗好耐，真係好想試下佢嘅茶餐廳麵餐，都好想試下佢嘅沙爹牛肉包，平時見人食賣相都唔錯，有好多牛肉㗎！結果敵不住呢度嘅魚蛋誘惑，都係叫咗碗魚蛋河粉，清甜嘅湯底，幾粒魚蛋，幾塊魚片，魚蛋堅爽、堅滑、堅彈牙，第二度搵唔到，魚片一樣好食。當然一定要加埋佢嘅秘製辣椒醬，呢度有自家製嘅辣椒醬，有一種特別嘅香味，好吸引，食客喜歡嘅話可以買番樽返屋企。忍唔住叫咗杯凍奶茶，少冰走甜，可以試到佢真正嘅茶味，夠濃夠滑。

每次經過九龍城福佬村道的德昌魚旦粉都見人龍排隊等入內吃東西，今天在九龍城辦年貨途經此店，竟然看不見人龍，於是我們二人便決定停下來休息一下，順帶吃一碗美食。這裡的食品選擇很多，有中式的如粉麵，亦有西式的如三文治和扒飽等；冷熱飲品亦一應俱全。我們看過餐牌後，仍然選了這𥚃遠近馳名的魚旦河和墨魚丸米粉，並打算交換魚旦和墨魚丸，這樣便可吃到不同的種類，又不會要吃太多！魚旦河（$37）碗內有一粒粒的魚旦，亦有一片片的，兩者同樣爽滑彈牙，一點兒腥味也沒有。河粉切得幼幼的，也是滑滑的，配以一個看似清淡的湯，但吃起來味道適中，加埋惹味的蔥粒，非常好吃。喜歡濃味些的話，更可加點魚露，令味道更突出。墨魚丸米粉 （$37）墨魚丸同樣爽脆彈牙，墨魚肉也不硬，一條條的米粉浸在味道適中的湯內不會發漲。湯裏的蔥粒增添了清新的味道。

有次經過九龍城，見到一個奇境，點解係一個魚蛋粉既舖頭門外，會有人排隊既？好奇心驅使之下，我就跟左佢地排隊諗住試下係咩咁吸引。我就點左呢個魚片魚蛋河粉，上面加上少少葱花，真係好香！ 就咁睇外表好似平平無奇，點知一口咬落去，個魚蛋係超級彈牙嫁！又香魚味，可以話係食過咁多魚蛋最彈牙既一個，真係冇後悔排隊食。

難得出到嚟九龍城，梗係要去食碗德昌魚蛋粉，店內環境一般茶餐廳格局，一張枱可坐4至6人。未吃早餐，早點吃個午餐吧，雖然未到中午，但店內已經坐滿食客，有些還在吃早餐，蛋牛通、餐蛋麵、多士等，店員都忙著寫單、傳菜、收拾……。一碗魚蛋粉份量唔細，有唔少魚蛋同魚片，湯底清甜。當然要食埋佢嘅招牌辣椒醬，少少已經好夠辣。牛腩河都非常可口，牛腩好入味，牛筋好林。熱奶茶一般茶餐廳水準，也不錯，可惜食湯粉麵冇餐冇加配價錢，只可以單叫飲品。不少食客都喜歡臨走時買魚蛋、魚片條，甚至乎招牌秘製辣椒醬。吃完埋單出到去，發現店外已經開始排長龍，大人小朋友都喜歡吃魚蛋粉。

來九龍城不一定要吃泰國菜的，這裡還有很多有名的餐廳和美食今天下午來到德昌魚蛋粉，聽說是老字號，魚蛋粉很出名果然，店內座無虛席，店外還排了一條長長的人龍，幸好我是一個人，等了15分鐘左右就有位置了餐廳的規格像普通的茶餐廳一樣，而吃的是一些潮式粉麵，聽說魚蛋是現場製作的，不太鐘情於魚蛋的我，來到這裡當然也要試一試我點的是牛筋魚蛋河粉份量不算很多，不過味道不錯牛筋有口感，魚蛋夠彈牙，河粉幼滑，湯底不過不失價格是偏高的，不過能接受經過的朋友，一試無妨

呢度經常座無虚設，人山人海，尤其午市繁忙畤段。座位不舒適，但勝在質素有保證，魚蛋粉更為出名。湯底清香美味，魚蛋魚片用料十足，魚蛋爽滑彈牙，炸魚片、皮脆好味，河粉亦香滑，名不虚傳。

蜜桃小丸子繼續在九龍城覓食，是日午餐嚟到出哂名嘅德昌魚蛋粉，一時多已經排哂隊，好彩得自己一個，所以好快就有位了。呢間粉麵店係天后北角均有分店，聽講發哥發嫂仲成日拍拖嚟食魚蛋粉。入到去，已經人聲鼎沸，座無虛席，格局似茶餐廳，除咗馳名嘅潮式粉麵之外，仲有茶啡小食常餐健康餐，當然，最多人叫嘅始終係魚蛋粉。聽講德昌嘅魚蛋魚片魚皮等食物都係自設工場炮製，魚蛋用門鱔九棍魚䱛魚等新鮮海魚打成，出名又滑又彈牙，配老雞豬骨大鱔魚骨熬製的湯底，食落都幾鮮甜。啲魚片即打即炸，大鑊滾油炸得香噴噴，炸好即送到鋪，所以食得出好新鮮。食落口啲魚蛋好彈牙兼富魚鮮甜味，配河粉與清甜湯底，加上蔥蔥，好食！不過，對於一向大食嘅蜜桃小丸子嚟講，份量就略嫌細，食完都唔係好飽咁，要再去附近買串燒嚟食

早餐食魚旦粉 …… 都得嘅"德昌"門口有停車位 通常都 fill 好彩有位 又唔使排隊等食就食碗出名嘅魚旦粉魚旦湯粉 加腩汁~$36 order多蔥多冬菜魚旦4粒 細粒咗微腥 煮耐咗面嚡 魚片3片爽滑香河粉多 幼切半吋濶 但厚身唔滑牛筋丸 ~ $36 食過返尋味點知……點解牛筋丸會有魚味淨食牛筋丸有7粒 中細size 有幾塊生菜冇牛筋嘅咬口 冇牛肉香味 反而有魚味咬口似豬肉丸 淋淋地以後幫襯出名嘅魚旦店 就食魚旦魚片個人覺得"魚片" 係最好味……但魚旦 牛筋丸 每次幫襯都唔同質素…

今日一個人去九龍城行街，到咗晚飯時間都諗唔到食乜嘢，突然諗起呢頭有一間食魚蛋粉好出名嘅，咁就去試吓啦，可能當時已經過咗晚上八點半，所以冇咩人，環境尚算OK，我就叫咗個牛腩魚蛋麵，一食落口就心諗中伏啦🤦🏻‍♀️，魚蛋完全冇魚蛋味，粒魚蛋完全唔彈口，🤦🏻‍♀️🤦🏻‍♀️，牛腩好靱😡，作為一間所謂嘅老字號，咁嘅出品完全唔掂，我唔明白點解會有咁多人話佢好食🤔🤔，除咗一路食一路同自己講，絕對冇下一次之外😏😏都唔知點形容啊

由細食到大既魚蛋粉，德昌係九龍城長期都係人氣鋪，週不時都要排隊，今日可能太曬就無乜人食，如常叫左個魚蛋粉。上到來就看到份量小左好多。味道都差唔多，但呢家味精多左好多，食完好口喝

假日下午 九龍城 竟然搵到車位 下午茶就食“德昌魚旦粉“ 再過對面“公和“食煎豆腐 次次嚟都唔同質素 大致上都好味德昌出名嘅魚旦 就叫碗“淨魚旦“ ……湯底白白 魚旦湯底 清清地 冬菜青蔥添香有6粒白魚旦 3片炸魚片 少少生菜底 $36 分量都唔算少 但魚旦微腥魚片就滑香九龍城區嘅價錢 但呢個價錢下午 喺 方榮記 $30可以食碟 炒粉麵飯豬肉丸湯河~$36 豬肉丸有5粒 肉丸很普通 似越式扎肉味 河粉滑 分量適中(之前食過肉丸大粒啲 有肉香爽口) 都係食番魚旦好啲 ……牛腩撈粗麵 $44 “唔推介“粗麵未煮透 硬口 得1碗湯麵嘅份量還好係冇乜鹼水味 撈麵牛腩份量多少少 汁料香比較希 “牛腩“ 又乾 又柴 又嚡 冇牛腩皮&肥“牛根“ 夠淋 夠滑 size適中 油菜 $22 灼得翠綠 份量唔多 同區價算高

自從德昌在土瓜環遷走後一直都找不到九龍的分店，除了去過天后那邊的一間，今天下午發現在九龍城有分店，就入去吃了，之前在門口等了五分鐘。以前對他们的魚蛋印象很好，有魚味、新鮮和彈牙。今天叫了四宝河粉，希望多試幾樣魚肉製品，並懷着興𡚒和渴望的心情，像是約會舊爱一樣。和舊情人相会相同，我發現當年美好的东西已经變質，所有的鱼旦、魚札、魚餃和肉丸都不好吃、鱼肉不新鮮、不爽口、無鱼味、如同吃麵粉、魚湯也冇味道、好像白開水。真的不知道在過去的日子這店是怎樣做生意？何以食品的質素會差咁多？是否換了老闆或厨司？㸃解啲顧客吃不出问题？冇人投诉嗎？好失望！😞

晚上9點幾，同女友黎到九龍城，仲未食飯，好肚餓，見到呢間「德昌魚蛋粉」仲燈光通明，行去再睇下咩好食，坐低後，首先叫咗個紫菜墨丸河，一個魚蛋河，當年開張嘅時候都嚟過食，都是人頭湧湧，估唔到今日仍然夜晚都有返唔想下人次，水準仍然keep得到。墨丸魚蛋都非常之彈牙，紫菜湯一如既往都中規中矩，飲左少少湯，都唔會好口渴。

行開九龍城成日見到呢間好出名嘅魚蛋鋪頭好多雜誌都採訪過但係我未食過所以試吓點知一食就好失望可能我特別唔鍾意魚腥味我叫左佢嘅魚片來食大失所望個魚片魚腥味好重而且一啲都唔彈牙個口感好散仲要係呢個價錢令我好失望唯獨個湯底都仲可以接受⋯但係呢個價錢可以食其他更好嘅魚蛋河

因為屋企人去晒旅行所以今晚就自己食自己食求其食碗粉都OK於是就諗起九龍城嘅德昌魚蛋粉每次經過都係好多人排隊尤其是係食lunch時間真係咁好味？我都好多年冇幫襯啦。坐低左就叫咗碗墨魚丸魚蛋湯河嘩乜而家雙拼加到＄40啦映真唔平魚蛋食落彈牙墨魚丸都超正河粉份量正常都可以理解點解成日都咁多人排隊始終水準穩定